رئيس الوزراء للتليفزيون المصري:هذه أكثر حكومة انحازت للبسطاء ومحدودي الدخل

زدنا المستفيدين من بطاقات التموين إلي 06 مليونا وضاعفنا الضمان الاجتماعي إلي 051 جنيها

في حوار شامل استغرق قرابة ساعتين.. تحدث الدكتور أحمد نظيف رئيس مجلس الوزراء إلي برنامج »لقاء خاص« الذي يقدمه الإعلامي عبداللطيف المناوي للتليفزيون المصري. تناول د.نظيف ابعاد حادث الاعتداء علي كنيسة الإسكندرية وتداعياته وانعكاساته. تطرق إلي البرنامج الانتخابي للرئيس مبارك. قال ان الحكومة نفذته بتقدير امتياز، وانها تسعي للوصول بمعدلات التنفيذ إلي نسبة 001٪.
أكد رئيس الوزراء ان هذه الحكومة هي أكثر الحكومات انحيازا للبسطاء ومحدودي الدخل وانها لا تنحاز لرجال الأعمال والأغنياء كما يقال. وشدد علي ان الاقتصاد المصري قادر علي الوصول بمعدلات النمو إلي 8٪ شريطة توفير التمويل للاستثمارات. وقال ان المواطن البسيط لن يتحمل أي أعباء في مشروعات الشراكة بين الحكومة والقطاع الخاص في مجال البنية الأساسية.
... وإلي تفاصيل الحوار..
اسمح لي ابدأ معك في البداية بالموضوع الاكثر حضورا هذه الأيام و هو ماحدث بالاسكندرية ذلك الحادث المؤلم تلك الجريمة المؤلمة .تحدثنا كثيرا بل ان المادة الاولي في الدستور تنص علي ان المواطنة هي اساس الدولة السؤال هنا لماذا لم يتم ترجمة هذا المفهوم حتي الان بشكل اسس و قواعد للتعامل في المجتمع.
د. نظيف: الحادث كان مؤسفا وآلمنا جميعا لكن في النهايه هناك عبر كثير جداً نستطيع ان نأخذها من هذا الحادث اهمها زي ما انا قولت قبل كده ان ده حادث ارهابي و يدل علي ان مصر مستهدفه و ان الوحده الوطنية في مصر مستهدفة و لذلك اهم شئ نقدر نعمله في هذا اننا نفهم هذا انا قولت ان الحادث ليس نتيجة فتنه ولكنه يستهدف الفتنه و بالتالي مهم جدا اننا كمصريين كل المصريين نفهم هذا و نصحاله كويس و نتعامل معه علي هذا الاساس لانه جانب رئيسي في هذا الحادث ده موضوع و موضوع بيؤكد فكرة المواطنه لكن عايز اقول ان مفيش ارتباط مباشر بين الحادث و بين ما تم لترسيخ فكرة المواطنه.
فكرة المواطنة فكره وثقافة مجتمع ثقافة المجتمع يجب ان تبني هذه الفكره مفيش قانون لوحده يقدر يعمل المواطنه كلنا بنحب مصر و ده بان تماما في تداعيات الحادث .
انا الحقيقة اتفاجأت.. هذا رد فعل المجتمع.. المسلمين قبل الاقباط لهذا الحادث اما نشوف مسلمين مستعدين يعملوا نفسهم دروع بشرية لحماية كنائس مصر هي دي مصر هي دي المواطنه .
مفيش قانون يقدر يعمل ده لوحده لكن في النهاية علينا أن نأخذ من هذه الحادثه فرصة لننطلق بهذه المواطنة نترجمها من الدستور الي ما نراه لننظم في تشريعاتنا كلها و ده بيحدث الان عشان نرسخ فكرة المواطنه عدم تمييز ليس فقط علي اساس الدين او علي اساس الجنس لا يجب ان يكون هناك تمييز في مصر هي دي حضارةمصر و ده اللي لازم يمشي في مصر .
- مفهوم المواطنه اكيد بيرتبط بمفهوم عدم التمييز ان يكون وطن لكل المواطنين بلا تمييز و هذا الحادث يستهدف الفتنه و لم يخلقها حالة من حالات الاحتقان التي كانت موجودة نتيجة عدم ترجمة مفهوم المواطنه الي شكل قوانين .
التطرف قلة
ذكرت حضرتك ان حالة الاحتقان التي كانت موجوده نتيجة عدم ترجمتها الي قوانين ، ان هذا سوف يترجمه سؤالي ماهي خطتكم في التعامل مع هذاالموضوع و ماهي اهم المشروعات المطروحه حيال هذا التمييز.. يمكن ان يكون هناك مفهوم لقانون التمييز في مصر ؟
مفيش شك انه ممكن جدا ان يكون هذا بل بالعكس و انا في تصوري ان هناك مظاهر في الشارع المصري تدل علي نوع من التطرف و لكن ده بيبقي قلة عادة و الحادث اثبت انه قلة في المجتمع .
اثبت ان الغالبية العظمي اللي عادة بتكون الغالبية الصامته اتكلمت و لما اتكلمت هي في الجوانب دي بتطلع المتطرفين من كل ناحية و بتوقعهم ولكن في النهاية ممكن يخرج في الكادر كله .
وده اللي احنا عايزين نعمله و ده اللي يجب ان يحدث و لازم نعمله و احنا بنراجع قوانين و احنا فعلا شكلنا في مجلس الوزراء مجموعة عمل عشان تنظر في القوانيين المختلفه لكي نتأكد ان هناك تفعيل للمواطنه بالشكل اللي نراه .
و يرتبط ده علي فكره بمحاور المواطنة بيطور المفاهيم داخل المجتمع عامة ، ثقافة العمل ، ثقافة تحسن مستوي المعيشة للناس ، العداله الاجتماعية والاحساس بالعدالة تؤثر عليها تأثيرا مباشرا وكل مانقدر نرسخ مفاهيم العداله لذلك نحن لسنا بعيدين .
- كل مانقوم بتنفيذه في الحكومه و في برامجنا و تكليفات السيد الرئيس كلها تؤدي الي ترسيخ فكرة المواطنة الجزء الاخير الخاص بالمشاركة المجتمعية امتي الواحد يحس بالمواطنة .
- لما يحس انه يمتلك الوطن كما ان الوطن يمتلكه .
الملكية المشتركة المتساوية و فقا للمواطن كمواطن دون تمييز فالذي تعنيه اللا مركزية ليس فقط ان القرار يبقي في يد محافظ ليس في يد وزير هي تعني ان المجتمع كله بيساهم لما اتكلم عن التعليم داخل محافظه معينه بتكلم ان هناك مجالس اباء مجالس امناء مجالس من المجتمع بتساهم بتراقب بتنفذ احيانا بتشارك ماديا بفكر مع الدولة ككل هذه هي المشاركة الحقيقية
وهنا جايز اشير يعني بتناول في الحوار بعد قليل فكرة مفهوم ان الحكومه لم تعد ملتزمه بمحاور عمل و لكن الزمت نفسها برسالة حتي نغلق الملف الخاص بموضوع الاسكندرية و ماحدث فيها .
التدخل الخارجي
هناك العديد من الجهات الاوربيه و الامريكية و الغربيه و جهت انتقادات لمصر في التعامل مع الاقباط او طالبت الدولة بمجموعة من المطالب في التعامل مع الاقباط .
السؤال الاول كيف تنظر انت الي تلك الملاحظات ؟
وكيف تري انت رد الفعل الذي ينبغي ان يكون في هذا الاطار ؟
بنوجه الرسالة و بنقول اذا كان هناك ما يقلق في هذا الحادث فهو يقلقنا اولا قبل ان يقلق أي احد كمصريين و مصر قادره تماما علي حماية جميع مواطنيها و ان مصر قادره علي ان تحمي اقلياتها و اغلبيتها بنفس القدر و محدش يقدر يفهم العقلية المصريه زي المصريين و مصر كلها مصريين اقباطا و مسلمين و يرفضون أي تدخل خارجي في هذا المجال فاذا كانت تلك الملاحظات جايه من قلق علي مصر فبنقولهم ميقلقوش علي مصر، مصر بخير و قادرة تماما علي تجاوز أي ازمه في الماضي او لا قدر الله في المستقبل .
أي حدود للقلق و حدود التدخل من وجهة نظرك ؟
لا يعني مفيش مانع ان اصدقاءنا يبدون اسفهم ونتقبل نصائحهم ويجب ان نتقبله جميعا في المجتمع نحن مجتمع مفتوح وقادر علي ان يتلقي مثل هذه النصائح من الاخرين و لكن يجب ان نتوقف عند هذاالحد .
اكثر من ده يبقي دورنا في التدخل اقوله تعمل ده بالطريقة دي او بالعكس محدش يعرف بلدي زي ما انا اعرفها و زي ما أي مواطن يعرفها بالتالي احنا اللي في ايدينا كل هذا .
و اعتقد ان الرئيس كان واضحا تماما لا نقبل أي تدخل اجنبي في شئوننا اقتصاديه اجتماعية في أي مجال لاننا قادرون تماما ان نضع لانفسنا برنامجا و بنطور نفسنا وعندنا من الجهات الرقابيه و المؤسسات داخل الدولة من يستطيع هذا سواء داخل الحكومه او المجتمع المدني ملتزمة في هذه المرحله
اذن قبل ان نخرج من ضمن التزامات الحكومه بعد هذا الحادث ان نتعامل مع مفهوم المواطنه و نترجمه بشكل قانوني و تعديلات بشكل مشاريع وقوانين جديده و الا يكون ذلك الحادث كغيره من الحوادث و تكون ثورة الانتباه لها ينتهي بعد الحادث .
هذا هو التزام الحكومة تجاه هذه المسألة اعتقد اننا يجب ان نستغل هذه الروح الجميله اللي شفناها في المجتمع المصري لكي نطور مفهوم المواطنه في المرحله القادمه .
برنامج الرئيس
انا هنا جاي ممثل للناس احمل تساؤلات حول التكليفات حول التزامات حول مايحدث و ما سوف يحدث و لكن قبل ذلك دعني افرق بين امرين هناك برنامج السيد الرئيس الانتخابي الذي و ضعه منذ اكثر من 5 سنوات بقليل وباقي علي هذا البرنامج اقل من عام و هناك برنامج الحزب الذي تحمله الحكومة الان للخمس سنوات القادمه قبل ان نفرق بين برنامج الحكومة اين نحن من برنامج السيد الرئيس و الالتزامات التي التزم بها ببرنامجه الانتخابي و الفترة المتبقية هل هي كافية لتحقيق هذا البرنامج ام لا ؟
انا عايز اقول في البداية عشان ذكرت برنامج الحزب و برنامج السيد الرئيس في النهاية مفيش تعارض بمعني اننا بدأنا بتكليف من الرئيس عام 2005 ببرنامج تنموي و اضح المعالم سمي بالبرنامج الانتخابي لرئيس الجمهورية اللي الشعب انتخبه علي اساسه واللي تعهد به الرئيس بوعود محدده للشعب و ارقام محدده و ده عمره ماحصل كون النهارده دخلنا انتخابات برلمانية و كان لازم يبقي عندنا برنامج يجتاز مرحلة لانه سينتهي السنه اللي جايه يستمر 5 سنوات طبيعي جدا ان البرنامج اللي وضعه الحزب بالاشترك الكامل مع الحكومه تكون كل برامجنا تتم بالتعاون بين الحزب و الحكومه و اضح جدا ان هنك تعاون سنراه في البرنامج الجديد فلا يوجد لانه اثير تساؤلات احنا فين من البرنامج .
انا بقول بوضوح ان هذه الحكومه تحملت المسئولية بالكامل لتنفيذ البرنامج بمنتهي الدقه .
هل نستطيع ان نجزم انه بعد عدة 5 سنوات من البرنامج و باقي سنه واحده اننا علي الطريق السليم و مؤشراتها تؤكد ان كل مكون في البرنامج تم العمل فيه هل انجزناه بالكامل؟
بنقول ان بعض مكونات البرنامج تعدينا النهارده اللي كان مطلوب في 6 سنوات امثلة كثيره في مجال الصناعة برنامج المصانع و عرفنا المصنع الكبير أي مصنع تم الاستهلاك ب15 مليون جنيه او توسع واحنا كل اللي كنا عايزينه 1000 مصنع و احنا وصلنا الي 1300 مصنع و لسه قدامنا سنه في السياحه كان الهدف نصل الي 14 مليون سائح و صلنا الي 15 مليون سائح قبل سنه من انتهاء البرنامج . و ده بيشجعنا ان في البرنامج الجديد للحزب في ال5 سنوات القادمة نصل الي 20 مليون سائح .
لازم اقول ايضا ان هناك مجالات اخري وصلنا فيها الي 70 او 80٪ فاضل سنه هنوصل فيها الي 100 ٪ اتمني ان نصل الي 100 ٪ في كل المجالات و لكن في تصوري اننا بمعدل امتياز الامتياز في الجامعة من 85 ٪ و ان شاء الله سنحقق ما كلفنا به الرئيس و بنطمن الناس و زي ما بقول احنا مش بنقول كلام مرسل بنقول كلام بالارقام بيطلع في تقرير سنوي و ان شاء الله بنهاية الفترة الانتخابية .
فرص العمل
الامتياز 85 ٪ ده صحيح و لكن امتياز بمرتبة الشرف الاولي 100 ٪ السؤال هنا هل تعتقد اننا سنصل الي اكثر من امتياز في تنفيذ برنامج السيد الرئيس هل هناك مناطق لن تتمكن الحكومة من تنفيذها و اذا كان هذا فأي مناطق و لماذا ؟
اعتقد اننا سنصل ان شاء الله فوق الامتياز بكثير في كل المناطق اقدر قولك معندناش حاجه متعثرة اقدر اقولك ان اهم عنصر كان عنصر توفير فرص العمل لانه فلسفة الحزب الوطني سميناه فكر جديد في هذا الوقت كنا محتاجين نعمل نمو اقتصادي عالي علشان يؤدي الي فرص عمل للناس دي النقطة اللي دايما بتسأل عليها بيتكلموا في النمو 7 ٪ قبل الازمه اعلي حاجة وصلنا لها طب الناس محستش انا بقول اكثر حاجة بتحسس الناس هي فرص العمل لان حضرتك تخيل اسرة فقيره محدودة الدخل و مقدرش صاحب الاسرة انه يشتغل اكثر حاجة تفرق معاه انه يلاقي شغل بعد ما كان دخله صفر فجأة يبقي عنده دخل اذن مش مسألة اني ارفع مرتب حد .
- و ده حققته الحكومة فيه نسبه اوضح .
اللي اقدر اكدهولك النهاردة تخطينا 4 مليون فرصة عمل من 4.5 مليون مستهدف.. لذلك لو حسبناها نسبة وتناسب لمدة 6 سنوات سنجد اننا هنعدي 4.5 مليون .
تكليفات السيد الرئيس اولها فكرة الوصول الي نسبة نمو تصل الي 8 ٪ علي مدار الخمس سنوات المقبله السؤال هو هل تعتقد ان المجتمع المصري الاقتصاد المصري مكونات الاقتصاد المصري قادرة بالفعل للوصول الي تلك النسبه و متي و في ظل أي ظروف ؟
هي قادرة و قابلة بشروط ليه بشروط لان مفيش حاجه بتم من فراغ احنا قدامنا تحديات احنا الحمد لله اثبتنا اننا بلد قادره تماما لديها قوه داخلية كامنه غير عاديه اذا اطلقناها ثبتت لما طلعنا 4.7٪ نسبة نمو اعترف بها العالم لما حصلت في الازمه المالية و الناس و اجهت علي المستوي العالمي شفنا اقتصاديات كبيرة جدا شفنا مشاكل كتير شفنا اقتصاد بينكمش مش بينمو احنا اقتصادنا فضل ينمو حوالي 4٪ اثناء الازمه مش بس كده العالم كله كان بيسرح موظفين اعداد بالاف بل بالملايين في بعض الدول احنا كنا لسه بنعيش و نخلق فرص عمل العالم كله كان بيخفض مرتبات الناس اللي بيشتغلوا فيها و شفنا مظاهرات في دول اوربيه احنا رفعنا المرتبات في اثناء الازمه و ده بيقول ايه عندنا اقتصاد الخامه موجوده القابلية موجوده ليه لاسباب كثيرة.
لما نيجي نتكلم عن 8٪ هنتكلم عنها
انت عندك قدرة علي النمو الداخلي مش فقط الاعتماد علي الخارج في مسألة النمو من الاستهلاك الداخلي نفسه و ده كان واضح تماما شوف اللي حصل في العقارات في السيارات في كل المنتجات الصناعية شوف حصل ايه في الصناعات المصريه في مجملها احنا بنصدر اجهزة منزلية للخارج اجهزة تكييف بنصدر منتجات صناعية كتير للخارج الزراعة في مصر انتاجنا الزراعي زاد رغم كل ما يحدث من كلام عن المياه و الارض انتاجنا زاد مش في الكمية بس وكمان في القيمه وبالتالي كل ده بيساهم في الاقتصاد المصري
تنوع الاقتصاد
اذن نقدر نقول ان مصر مؤهلة؟
لكن يجب ان يكون هناك شروط.. اولا اخدنا الخطوات اللي الحكومة تقدر تنفذها خطوات الاصلاح التي اخذناها لتحسين مناخ الاستثمار من داخل المجتمع و ما زلنا نقوم بعدد من الاجراءات و منها اصدار قوانين جديدة للتجارة الداخلية احد الحاجات الرئيسية التي تتناول تفعيل السوق المصري واحنا عندنا قوانين للتجارة الداخلية في مصر قديمة جدا مننساش اننا بلد عريقة و العراقة دي احيانا بتسبب مشاكل .
هناك قوانين قديمة ممكن تلاقي قانون في التجارة عقوبة علي تاجر 50 جنيها علي حاجة ممكن يكون بيكسب منها ملايين بنراجع ده النهارده دي حاجة هندخلها لكن الرسالة واضحة.
الشرط الثاني تطوير الجانب التشريعي
- الجانب الثالث التمويل زي ماقلت لازم نسمح بتمويل و بعناصر جديدة مثل المشاركه بين القطاع الخاص و العام و المشروع القانوني تم اقراره بالفعل في نهاية الدورة البرلمانية
المشاركة دي مهمة جدا ليه ؟
لان كثير من هذه المشروعات عامة يعني ممكن يبقي مشروع انشاء طريق محطة تنقية مياه او صرف صحي او مستشفي كل دي مشروعات عامة الطبيعي ان الدولية هي اللي بتبنيها لو انا اللي هابنيها محتاج اجيب فلوس الموازنة بتاعتنا تتحمل احط 30 : 35 مليار جنيه في الاستثمار ده غير اللي بحطه في الاجور و الحاجات التانيه يعني 40 مليار لا تكفي النهارده عشان اصل الي 8٪ يجب ان يكون لدينا 300 مليار شوف 40 مليار الي 300 مليار احنا محتاجين 260 مليار اضافية بيجيلنا منهم النهارده مبلغ لا بأس به اعتقد ان الاستثمارات تعدت 100 : 120 مليار اذن فاحنا محتاجين نضاعفها هنضاعفها ازاي في قطاع خاص بيقوم بعمل مصنع، مدينة سكنية، فندق ده ماشي طب ندخله كمان في حاجات تانيه يعني عايز اعمل طريقين اعمل الطريق الاول من موازنة الدولة و الطريق التاني اجيب مستثمر يعمله بس هو هيكسب ايه هاقوله الطريق مثلا هيتكلف مليار عايز عليهم عائد اد ايه 200 مليون مثلا و هو مش هيكسب من الطريق اقوم افرض رسوم الاعلانات علي الطريق يبقي حوالي 150 مليون و ضمنت للمستثمر حقه يبقي انا باخد 150 مليون و انا بدفع 50 مليون بدل مادفع مليار طب المليار اللي اتحطوا في الطريق هيبقي ايه 200 مليون سنويا يعوض هيبقي عائد سنوي يساوي 200 مليون في الحالة دي هديله عائد 20 سنة.لما تحسب الحسبة هيطلع كام علي 20 سنة هيطلع علي المليار بتاعه بفوايده بكل حاجه هيبقي مبسوط علي الاخر انا طبعا بدي ارقام تقريبية ده مفهوم المشاركة انا بعت طريق قاعد في مصر تملكه الدوله و لايملكه هو و لا يملك جانبيه و لا يملك ان يحاسب احد عليه اللي بيحاسب هو الدولة خللي بالك من النقطة دي هامة جدا بقولك لا ده هيستغلني و يحطلي علي اول الطريق تعريفة مرور فالدولة هي اللي بتحدد و الدولة اللي بتاخد الايراد و اللي بينه و بيني عقد زي حكاية الميه يمكن اخليه يعمل محطة ميه طب ابيع ب 50 قرش للمتر عشان يكسب مينعش 50 قرش انا هتعاقد معاه علي جنيه للمتر و اتعاقد معاه و للمواطن ب50قرش في حاجة اسمها سعر اجتماعي و سعر اقتصادي. وهنا الدعم يبقي واضح للناس و واضح للحكومة حطيت دعم الميه
للتأكيد علي لسان حضرتك دلوقتي ان هذه الشراكة بين الخاص و العام لن يتحمل جزء من تكلفته المواطن البسيط
ثمار النمو
اسمح لي د. نظيف اسأل احد الاسئلة التي اظن انك مررت بها عديدا هناك نمو 2.7٪.. هناك تغيير السؤال هو لماذا لم يشعر المواطن بعد بهذا النمو و ماذا تقول لمن لم يشعر بذلك النمو الذي تتحدثون عنه؟
انا عاجبني صيغة السؤال في الجزء الثاني منه.. لم يشعر المواطن ليس كلهم لازم تعترف اثناء عملية التحول الاقتصادي بهذا الشكل هناك ناس يتأثرون ايجابيا و هناك ناس مبيحسوش اوي و ناس ممكن تتأثر سلبيا يعني حاطين في الاعتبار لكن الفكرة هنا ان المتوسط يرتفع اذا المتوسط ارتفع بعض الناس فوق المتوسط يطلعوا اسرع و عادة بيقولوا الناس القادرين الاغنياء المثقفين صاحب الحرف و صاحب المهنة ايجابيا اللي معاه قرشين يستثمرهم يجيب فلوس اكثر اللي عنده مهنة او حرفة بيدور عليه المستثمر عشان يستفيدوا منه وياخدوا مرتبات اعلي. يتصارعوا عليه احيانا. في ناحية ثانيه يعني مثلا شخص مكملش تعليمه او اكمل مش في مجال مطلوب النهاردة و مش لاقي شغل لازم يطور نفسه احنا بقي بنساعد هنا بيبقي عينا علي الموضوع و هنا يأتي دور العدالة الاجتماعية انك انت كحكومة بتشجع النمو الاقتصادي و ده معناه ان الفلوس بتتحرك في السوق في ناس بتنزل تشتري بضائع و ان المنتج بينتج بضائع اكثر.
اسعار الخضار طلعت بشكل كبير خاصة الطماطم شكلت ازمة في وقتها
بالضبط
النهاردة اسعار الخضار نازلة الفراخ البيض انا متابع الاسعار يوميا. انا احسن و احد اقدر اشتري حاجات البيت . اذن في النهاية هناك بالفعل رواج اقتصادي الاسعار تتزايد و لكن هناك دخول بتزيد معاها و هنا المعادلة الصعبة و السياسة اللي احنا مؤمنين بها ان النمو الاقتصادي هيؤدي الي ارتفاع مستوي المعيشه و هو ان الدخل يزيد اكثر من الاسعار و هو ما يحدث الان للمستوي المتوسط تقدر تقول 20 ٪ تحت خط الفقر و دورنا ان احنا نتدخل معاهم و ده اللي احنا عملناه عشان كده سياستنا لها فرعين و دايما بقول الحكومة رغم الاتهام انها تنحاز للاغنياء و رجال الاعمال هي اكثر حكومه انحازت لهذه الطبقه .
استخدام المياه
خليني ارجع تاني لموضوع المياه هنا مش مسألة الاستخدام الامثل لمياه النيل والترع ولكن ايضا مسألة المياه الجوفية من الواضح ان هناك من الفوضي العارمة في استخدام المياه الجوفية في مصر.. صحيح هناك منتجعات علي طريق الاسكندرية الصحراوي الذي كان من المخطط ان يكون زراعات تحول الي منتجعات سكنية فاخرة شهدنا صوا لمراكب صغيرة بتمشي داخل هذه البحيرات وهنا حالة من حالات الانتهاك لحقوق الاجيال القادمة وحقوق المواطنين البسطاؤ السؤال هو ماذا سوف تفعلون فيما يتعلق بالمياه الجوفية في المستقبل وماذا انتم فاعلون مع ماتم بالفعل حتي الآن
علشان نضع الصورة في وضعها الحقيقي هناك منتجعات بالفعل علي الطريق الصحراوي مصر اسكندرية واسماعيلية لكن لازم نقول حقائق اخري موازية لهذا أن 80٪ من صادراتك الزراعية بتطلع من الاراضي المستصلحة اللي علي الطريق الصحراوي اللي حضرتك بتتكلم عنها انا زرت المزارع بنفسي وشفت كمية الشباب الصغير والبنات اللي بييجوا من وسط الدلتا كل يوم ويعدوا النيل لغاية الصحراء علشان يشتغلوا في مراكز التعبئة ومراكز الزراعة بتاعة الشركات كثير من هذه الشركات عملاقة النهاردة الحقيقة هناك جزء منه منتجعات وده الجزء القريب من القاهرة.
لكن معظم الاراضي الجديدة دي اراضي منتجة ومتميزة هي للتصدير وبالتالي بتضيف اضافة كبيرة لاقتصاد الوطن بس بعد كده ارجع اوافقك ان هناك نوعا من السحب الكبير للمياه الجوفية بيحدث في بعض المناطق لكن علشان كده الحكومة النهاردة أعدت قانونا جديدا للمياه الجوفية عندنا قانون ري طبعا ده قانون رئيسي وبرضه بنفكر ازاي نعدله حالياً لكن اليوم اخذنا قانونا خاصا بالموضوع ده لازم يحافظ علي الاستخدام الموجود في الرخصة له معدل سحب سوف اعطي لحضرتك امثلة في بعض الاماكن اللي فتحنا فيها اماكن للزراعة بعض الناس اصبحت تزرع مزروعات اللي هي بتستهلك مياها اكتر من معدل البئر البرسيم مثلا 00 مش مسموح له ان هو يزرع الا تلت المحصول برسيم لو هو جار علي كده لان المحصول بيكسبه اكتر وهو كده بيخالف القانون النهاردة بنضع كل هذا في قانون جديد هيدخل مجلس الشعب هذه الدورة ان شاء الله
ده طيب مرتبط بنفس الموضوع اراضي الدولة بشكل عام أثير في الفترة الماضية مشاكل مرتبطة بأراضي الدولة هل تم بيع اراضي الدولة ، مين يملك اراضي الدولة ، مين يحدد بيع اراضي الدولة ، ايه القواعد المنظمة السؤال هو ألا تعتقد ان فكرة بيع الاراضي اصبح أمرا غير مستحب وغير متوائم مع طبيعة العالم كله اللي بيعمل حق الانتفاع لسنوات طويلة ايه الموقف ، هتعملوا ايه في اللي جاي وهتعملوا ايه في اللي فات؟
سؤال في غاية الاهمية الموضوع ده أخد اهتمام كبير يمكن تلاحظ ان السيد الرئيس في خطبته في افتتاح الدورة البرلمانية ركز علي الاراضي وقال ان احنا هنتقدم بمشروع قانون جديد لموضوع اراضي الدولة في الدورة البرلمانية الحالية احنا بنعمل في هذا القانون وعملت اجتماعين بالفعل في هذا الاتجاه مازلنا في مرحلة اعداد القانون نفسه لكن اقدر اعطيك الملامح الرئيسية احنا بنفكر ازاي في هذا الموضوع أول حاجة احنا لازم نعرف عنصر مهم جداً ان الاراضي قيمتها في استغلالها الاراضي ليست جرداء ، ليست في عدم استغلالها خصوصا ان احنا عايشين في بلد عايشة في 6٪ عندنا مليون كم مربع مش بنستغل منهم غير 60 الف اذا مش عندنا مشكلة ارض اتاحة أرض لكن المشكلة كيف تستغل الارض لو عندي ارض وقلت الارض ده هعملها مدرسة قيمة الارض تختلف عن لو قلت لك الارض ده اعمل فيها مثلا فندق او منتجع سياحي او اعمل مدينة سكنية كل حاجة من دول لها استخدام مدينة سكنية معمولة لمحدودي الدخل غيرمدينة سكنية معموله لمستثمرين ومنتجعات وفيلات وكل حاجة من دول لها قيمتها ولها ثمن في الاراضي نفسها ده غير ترفيق الاراضي بيحط سعر للارض بمعني ان لما عايز اعمل منطقة صناعية لازم اوصل لها مرافق ، مرافق المنطقة الصناعية تختلف عن مرافق المنطقة السكنية ده عايز كهرباء اكثر صرف صناعي جنب الصرف الصحي ، بتختلف يعني قيمة الارض ده اللي عايز اوصله لان دائما الناس بتقول قيمة الارض اخذت الارض بكام وبعتها بكام ، بقولك مثلا اعطوها للمستثمر 230 جنيه وارض اخري اتباعت ب 2000 وده صحيح لكن المستثمر اللي أخد ب230 ذي مشروع مدينتي عمل ضجة كبيرة .
أراضي الدولة
هل عندنا خريطة واضحة لمصر كيف تستخدم اراضيها؟
هنلك خريطة واضحة تماما بمصر ده اللي عايز اقوله لحضرتك ويتم تحديثها لان الاستخدامات ده ممكن تبقي زراعة صناعة سياحة سكن ممكن علشان استكشافات البترول المعادن والحاجات اللي زي ده ممكن الاستخدامات الخاصة بالقوات المسلحة بتستخدم جزء من الاراضي علشان حماية الدولة ممكن مرافق كثيرة جداً بتحتاج اراضي كل واحد من دول لها جهة مسئولة عنا اذا الجهات دي احيانا بيحصل تداخل بينهم أخصص احيانا حاجة للسياحة الاقي البترول عاوز ها شايف ممكن يطلع منها بترول بيحص هذا التداخل عملنا ايه عملنا كمان المخطط ده بيخطط الاول بيقول استخدامات لكن ساعة التنفيذ عندنا جهاز آخر اللي هو جهاز ادارة اراضي الدولة جهاز آخر هو موجود اليوم بشكل جهاز تم انشاؤه بقرار جمهوري هنأصله بالقانون ده.
حق الانتفاع
بس هناك الكثير من الدول بتعمل حق الانتفاع ليس عندها مشاكل مع الاستثمار زي الدول الاوروبية والاسيوية
معظمها دول مش محتاجة للاستثمار بالعكس الدول المحتاجة للاستثمار زي في آسيا ماليزيا والهند بتعطي الاراضي ببلاش واحنا هعملنا كده في الصعيد ادينا الاراضي تقريبا الصناعية مجانا للمستثمرين ودي اللي شجعهم انهم يروحوا هناك لان زي ماقلت الارض قيمتها في استخدامها ، طيب انا لما اعطي حق استخدام هعطيه كام سنة مش هيكون اقل من 50 سنة او 100 سنة
ده المتعارف عليه عالميا
هيكون المشروع اجدي لان الجدوي بتيجي في القيمة اللي بحطها فوق الارض لو القيمة دي اتحطت في واحد بيملكها طيب ده يزعلني في ايه طيب الارض الزراعية طول عمرها مملوكة للقطاع الخاص احنا الدولة عمرها ما كان لها تملك ارض زراعية لكن القيمة بتيجه في اللي بحطه علي الارض
هنا جزء من الموضوع اللي اثرته سيناء ، مع الاسف احنا عندنا مواسم بنتكلم فيها عن سيناء بنتكلم عنها في ابريل واكتوبر ونتحدث عن مشروع تنمية سيناء والارتقاء بها وفيها يري ليست علي الاجندة الوطنية المصرية للتنمية السؤال هذا المشروع وهذا الحديث عن تنمية سيناء وتطويرها متي يكون واقع علي الارض
الكلام ده بسمعة كثير وبحس ان هناك ظلم كبير لعصر سيناء الرئيس مبارك كله لما اشوف احنا استلمنا سيناء عام 1982 مع بداية ولاية الرئيس كان شكلها ايه كانت مدمرة ماكنش فيها حاجة خالص لا مرافق حتي اليهود كانوا عاملين مستعمرات هدوها وهما ماشيين ماكنش فيها سياحة ولاحاجة اليوم شرم الشيخ دي معجزة شوف اللي اتعمل في مدينة زي شرم الشيخ اللي اتخلقت من لاشيء الناس لما بتيجي بتشوف معجزة حقيقية الناس ليه مش بتتكلم عن شرم الشيخ المنطقة بتاعة خليج العقبة اللي فيها اكثر من 50 ، 60 الف غرفه فندقية و1/3 سياحة مصر هناك اليوم دي سيناء المياه التي عبرت قناة السويس بتزرع 200 الف فدان في سيناء وبينتج منها 50،60 الف فدان في سيناء وتم في السنين اللي احنا فيها دي خط غاز اللي عبر سيناء وموجود ووصل لغاية جنوب سيناء خط المياه ووصلناه للعريش ورفح علشان اهل سيناء ، سيناء فيها علي الاقل 2/1 مليون
المستشارون والوزراء
د/ أحمد نظيف الموضوعات كثيرة ولكن الوقت اقتربنا من نهايته ولكن امامي مجموعة من التساؤلات السريعة د/ نظيف رئيس مجلس الوزراء من هم المستشارين الخاصين بك في اقران مختلفة هل لدية هيئة مستشارين بتتعامل مع الوزراء بشكل مباشر وكيف نتعامل مع موضوع من الموضوعات
اسلوبي في العمل ان انا بعتمد علي الوزراء لان انا اكتشفت ان انا لو وضعت مستشارين في نفس المجال اللي بيعمل فيها الوزراء هيحصل صدام فلماذا احنا شغلتنا كوزراء ان احنا نعمل كفريق عمل واحد لما احتاج حاجة في الزراعة في الزراعة بكلم وزير الزراعة اجلس معاه في اي موضوع لو احتجنا خبراء يكونوا موجودين معانا في نفس المجال لكن اصنع خبير عندي في مجلس الوزراء انا بعيد تماما عن موضوع المستشارين الموجودين عندي هيئة مستشارين بينطلق عليها الاسم ده اللي هما القانونيين اللي بيعدوا القرارات الخاصة بمجلس الوزراء ورئيس الوزراء علشان يمضيها لان دي طبعا محتاج ناس قانونيين علشان يتأكدوا القرارات دي ماشية مع القانون والدستور
عندما تواجه مصر ازمة واخيرا موضوع الاسكندرية هل لديكم مايسمي بمجموعة ادارة الازمة في مجلس الوزراء فكيف تتم ادارة الازمات لو تعطي لي مثالا لادارة ازمة من الازمات كيف يتعامل مجلس الوزراء ورئيس مجلس الوزراء مع هذه الازمة
انا اتجهت لفكرة مجموعة العمل اثناء الازمة هي احسن طريقة تحل بها الازمة لان مهما جهزت نفسك لادارة الازمات ممكن جهاز ادارة الازمات وده موجود عندنا في مجلس الوزراء هنا النهارده بيبقي مركز معاون عنده البيانات والحاجات اللي تحتاج لها اثناء الازمة لكن مقدرش اتوقع الازمة هتيجي فين مرة ازمة ان عبارة غرقت مرة عن رغيف العيش يعني حاجات بعيدة عن بعض مرة انفلونزا طيور مرة صحة مرة تعليم كل حاجة تختلف عن الاخري.
نتمني
أحد ماتعلمناه في العلوم السياسية وما تعلمناه علي النظان السياسي المصري ومجلس الوزراء المصري مفهوم ان المسئولية التضامنية لمجلس الوزراء الي اي مدي هناك شكل من اشكال المسئولية الضامنية بين مجلس الوزراء والوزراء المعنيين المختلفين هل هذا الحال موجود بشكل دائم؟
اعتقد ان انا راضي عن عمل الحكومة كفريق عمل متحد وكمسئولية تضامنية لان احنا بنعمل باسلوب اعتقد انه كان جيد جدا ، مجلس الوزراء اجتماعاته لاتقتصر علي الموضوعات او القرارات اللي بتتعرض دائما بيكون في كل مجلس علي الاجندة بتاعته موضوع رئيسي الموضوع الرئيسي مابيبقاش موضوع بيتخد فيه قرار لكن موضوع بيعرضه احد الوزراء او اكثر عن قضية ننميه من القضايا اللي عندنا لان لازم دائما نناقش كل قضايانا علي الطرابيزه كده بتخلق روح فريق وبتبقي جميلة جدا.
سؤال بيتردد كثيرا جدا متي يستقيل وزير في مصر
حصلت قبل كده ليه مش عندنا حصلت مع حادثة القطار وزير النقل استقال وارد ان هذا يحدث طبعا.. انا تصوري ان اهم حاجة ان الناس لما بتعمل بتعمل باخلاص وبقدر استطاعتها اذا ده تم الاخطاء واردة ومش بالضرورة انه لما يحصل خطأ انه يستقيل لكن اتصور ان لوحصل ان وزير وجد نفسه مش مقتنع بالسياسات بتاعة الحكومة مش عايز يمشي معاها فمن حقه في هذه الحالة يقول انا مش متفق معاكم ياجماعة يادار مادخلك شر ده وارد أو يحس انه فقد القدرة علي يساهم المساهمة الفعالة اللي هو يراها ودي بترجع للوزير نفسه لكن طبعا احنا عندنا اعتبارات اخري وبنشوف عمل الوزارات .
هل صحيح انكم لم تجدوا الي الآن من يقبل بان يكون وزيرا للاستثمار يحل محل د/ محمود محيي الدين ده غير صحيح السبب ان احنا تروينا في موضوع وضع وزير مكان وزير هو اننا بننظر اليوم ان هناك اعادة هيكلة هذا المكان لان الوزارة الحقيقية أنشئت في وقت كان مهم جدا انها تنشأ بهذا الشكل لان كانت وارثه هي مجموعة حاجات لان كانت هناك وزارة اسمها وزارة قطاع الاعمال العام وكان في هيئة للاستثمار فهي جمعت مجموعة حاجات تحت مظلة واحدة النهاردة بنظر ان التجميع ده ادي دوره خلاص هل محتاجينها بالشكل ده او بشكل آخر انا بشتغل مع السيد وزير التجارة والصناعة