يحدث في مصر

رشا مجدى : مساء الخير اعزائنا المشاهدين واهلا بيكم فى حلقة جديدة من برنامج يحدث فى مصرالليلة دى هنتكم عن قطاع تنمية الثروة الحيوانية فى وزارة الزراعة
محمد موافى : ارسلت وزارة الزراعة بتقول ان الاستهلاك المحلى من اللحوم الحمراء وصل الى حد 863 الف طن منها 510 الف طن مذبوحة محليا 250 الف مذبوحات حية مستورده اعداد الثروة الحيوانية فى مصر اكثر من 20 مليون راس بين ابقار واغنام وابل وغيرها
رشا مجدى : لا تقتصر تلك الثروة على الحيوانات فقط بل هتشمل ايضا 5200 مزرعة دواجن و700 معمل تكريرباستثمارات سنوية بتقدر بحوالى 22 مليارجنية يعمل بها اكثرمن مليونين مواطن
محمد موافى : ده حجم استثمارات الثروة الداجنة فى مصر اللى بنتكلم عنها الليلة دى معلومات كثيرة عن قطاع الثروة الحيوانية ومشروع البتلو ومشروع صغار المربين برضه قطاع الالبان ..
رشا مجدى : كل ده هنعرفة من ضيفنا فى الاستديوانهارده الدكتورتوفيق شلبى رئيس قطاع تنميةالثروة الحيوانيةبوزارة الزراعة اهلا بيك يا افندم
د/توفيق شلبى : اهلا بيك يا افندم
محمد موافى : اهلا يا دكتور بحضرتك نشوف تقرير عن الثروة الحيوانية فى مصر ونرجع نتكلم
تقرير
قارىء التقرير : تمثل الثروة الحيوانية فى مصرواحده من اهم مصادر الدخل القومى واحدى الطرق الهامة لتحقيق الاكتفاء الذاتى من البروتين الحيوانى للسوق المحليه ومن هذا المنطلق تسعى وزارة الزراعة متمثلة فى قطاع تنمية الثروة الحيوانية فى دعم وحميه هذا القطاع الهام
فاصل
محمد موافى : اهمية الثروة فى مصر بتتمثل فى نقطتين نقطة المستهلك ونقطة المربى المستهلك لازم يحصل على البروتين الحيوانى بصفة اساسية وتتمثل فى اللحوم الحمراء او الالبان ومنتجاتها والبيض لحوم حمراء ولحوم بيضاء بالنسبة للمربى طبعا لازم يكون له عائد ربح يصرف عليه وعلى اسرتة
فاصل
قارىء التقرير: مهام كبرى تلقى على عاتق قطاع تنمية الثروة الحيوانية بوزارة الزراعة لزياده تلك الثروة وبتبنى عدد من المشروعات ياتى على راسها مشروع البتلو ومشروع منع ذبح الاناث الماشية وذلك من اجل توجية اكبر كم من اللحوم والالبان للمواطنين وعلى الرغم من الجهود المبذولة لبرنامج قطاع تربية الثروة الحيوانية الا ان المامول اكثر بكثير للوصول الى الثروة الحيوانية الى مستوى يتوازى مع معدلات الزياده السكانية احنا بنواجة الكثيري من استهلاك اللحمة اومستهلكى اللحوم بشكل ثابت احنا بنعتمد فى جزء كبير جدا من استهلاكنا على اللحوم المجمده وبرضه لازم نعتبران جزء من اللحوم الوارده دى بتخش فى التصنيع عندنا مصانع كبيرة ذات جوده عاليه وحاصلة على الايزووبتعيد تصنيع هذه اللحوم المستورده الى لحوم مصنعة زى هيبى وسرجل
فاصل
قارىء التقرير: الاكتفاء الذاتى من الدواجن بالسوق المحلى قد تكون معادلة صعبة الا ان قطاع تنمية الثروة الحيوانية يسعى للوصول لهذا الهدف من خلال خطط عديده ومنها التوسع فى المزارع الاهليه والحكومية ولا يقتصر دور القطاع على الاكتفاء الذاتى من الدواجن بل يشمل ايضا توفير الاعلاف باسعار مناسبة سواء عن طريق دعمها او بسماعده المزارعين فى التوسع فى زراعاتها ويسعى قطاع تنمية الثروة الحيوانية دواما الى تنمية المناخ وتوفير المستلزمات للوصول بخدمات الى ما يحتاجة السوق
رشا مجدى : دكتورتوفيق يعنى كلنا بنعيش هذه الايام ازمة اللحوم يعنى ازمة ما بيخلاش بيت من المشكله دى عايزين واحنا بنتكلم عن الازمة دى نتكلم على قطاع تنمية الثروة الحيوانية اللى اؤنشا من اجلة القطاع ده فى شكل احصائيات سريعة اللحوم فى الماضى كانت اد يه ودلوقتى بقت اد يه واستهلاك الفرد كان اد ايه واستهلاكة زمان كان اد ايه
د/توفيق شلبى : اولا اشكركم على اتاحة الفرصة ديت ان انا اكون معاكوا لتوضيح بعض الامور اهلا بيكوا وبالساده المشاهدين واشكركم مرة ثانية بالنسبة للثروة الحيوانية فى مصرالحقيقة هى بتشكل حوالى 35 % من الدخل القومى الزراعى اكثر من الثلث للدخل القومى الزراعى الاحصائيات كما ذكرتموة هو تقريبا نفس العمليه احنا عندنا بالتحديد حوالى 5مليون راس من الابقار و4مليون راس من الجاموس الجاموس الحيوانات الكبيرة المقتنيات الصغرى اللى هى الاغنام والماعزبرضه تقريبا نفس النسبة
محمد موافى :بنتكلم فى 20 مليون ؟
د/توفيق شلبى :لآ هوالابل الحقيقة معندناش الكم ده عندنا حوالى 140 - 150 الف فقط تقريبا فعندنا بنتكلم فى حدود ال 18 مليون الصغير برضه ما بحبش اجمع اد كده على اد كده يعنى فا الى حد ما الارقام اللى حضرتك اشرت ليها تقريبا هى اللى صرح بيها المتاحة عندنا فى مصرهذه الثروة بتنتج حوالى 520 الف طن لحوم حمراء سنويا وحوالى 5 مليون طن من الحليب
محمد موافى : ده بيمثل اد ايه من احتياجاتنا ؟
د/توفيق شلبى : من احتياجاتنا لواتكلمنا على اللحوم الحمراء الحقيقة دى موضوع الساعة الكمية دى بتشكل حوالى 60% من الاستهلاك المحلى من اللحوم الحمراء ال40% الاضافية بنعتمد فيها دائما على الاستيراد سواء لحوم حية للذبح اولحوم مجمده لحوم مبرده فدى التركيبة ودى الحقيقة النسبة دى ماشية بقلها كام سنة على كده لو سمحتوا لى بس فى عجالة سريعة انا عايزاقول ليه احنا كمية المنتج من اللحوم الحمراء الى حد ما ما بتكفناش احنا بنقول اكتفاء ذاتى اكتفاء ذاتى انا لسة عايز اذكر لحضراتكم بعض الحقائق اللى بتاخذ فى الاعتبار شوية علشان بس اذا كنا هنتكلم عن التخصيص واللحوم الحمراء علشان اوضح الصورة للساده المشاهدين اللحوم الحمراء اقتصاديات مختلفة فى اى مكان فى العالم بتصدر لحوم حمراء بتعتمد على البراءة الخلقية
محمد موافى : احنا معندناش
د/توفيق شلبى : احنا فى حزام الاراضى الجافة احنا معندناش مراعى طبيعية لان معندناش امطار تكفى مراعى طبيعية معندناش منتجات تكفى المراعى
رشا مجدى : بس بنستورد علف .
د/توفيق شلبى : لأ ما هو انا بتكلم عن الناحية الاقتصادية يعنى 1000 كيلو لحم يتكلفوا 100 جنية مفيش مشكله لكن ممكن 1000 كيلو لحم يكلفنى 200 جنية
محمد موافى :عندنا مراعى قليلة ؟
د/توفيق شلبى : لألأ المراعى موجوده عندنا فى الساحل الشمالى هى مراعى طبيعية بس ضعيفة نتيجة الامطار برضه ولا تسمح الا بتربية اعداد محدوده من قطاع الاغنام والماعز والابل فى بعض من الناطق الجنوبية بتعتمد على النباتات الشوكية وغيرها من النباتات اللى بتنتشر
رشا مجدى : يعنى احنا مبدئيا عندنا ان احنا عندنا ندرة المراعى ؟
د/توفيق شلبى : ندرة المراعى
رشا مجدى : حلو ادى نقطة
د/توفيق شلبى : دى دى بتخلينا معندنا ش نية انتاج اللحم فا انتاج اللحم بيجى عندنا منين احنا احنا عندنا الحيوانا الموجوده عندنا اساسا مملوكة بحيازة اللى قلناها حضرتك الثروة الحيوانية اللى قلناها دى حوالى 85% منها مملوكة لدى المزارع الصغيراللى عنده من راس 2 - 3 موسكولينا او جاموس او حتى 5 رؤوس من الاغنام والماعز
رشا مجدى : يعنى 85% خاص ؟
د/توفيق شلبى : لأهوكله خاص
رشا مجدى : محنا معندناش اى مشروع حكومى ؟
د/توفيق شلبى : كل النشاط الزراعى والانتاج الحيوانى
رشا مجدى : طب ليه ليه يا دكتور معندناش اى انتاج حكومى يعنى اسمح لى يعنى الحكومة داخلة بدعم فى حاجات كثيرة جدا ليه معندناش انتاج حكومى للثروة الحيوانية
د/توفيق شلبى : عايزة رايى الشخصى ولا راى مسئول رايى الشخصى مش هيختلف عن راى المسئول احنا فشلنا فى ادارة مشروعات من الناحية الاقتصادية غير الحكومية
رشا مجدى : فشلنا فشلنا بتعترفوا يعنى ؟
د/توفيق شلبى : مش احنا يا هانم اى مشروع حكومى بيدار بوسيلة حكومية ما بيجبش حاجة ليه بقى بيحمل عديد من العمالة الزائده اكثر من المطلوب ما هو كله موظفين حكومة المواطن اللى بيشتغل فى مزرعة انتاج حيوانى ده عايز يشتغل 24 ساعة هيشتغل موظف 8 - 6 ساعات طبقا لقانون العاملين ما ينفعش هيشغلهولك ليلتين وتتضاعف العملية فتلاقى التكلفة بتاعت المشاريع دى اكثر من العائد اللى جاى منها
محمد موافى : طب سؤالى هنا دورالقطاع يه بقى ؟
د/توفيق شلبى : لسة ليه ادواركثيرة احنا بس نرد على جزئية صغيرة اكمل بس الثروة الحيوانية بس عندنا زى ما قلت انا علشان اوصل لنقطتين مهمة جدا زى ما قلنا الحيازة الموجوده مع المزارع معظمها المزارع الصغير بيحدد عدد الحيوانات اللى بيربيها على اساس مساحة الارض اللى عنده ارض يزرعها وينتج منها الاعلاف نظرا لمحدودية مساحة الارض الزراعية فى مصر ولا نستطيع التوسع فيها الى مشاء الله لمحدودية الموارد المائية كلنا نعلم هذا ودى حقائق ولا يمكن التغاضى عنها هنقول واحد يسألنى سؤال احنا توسعنا فى الاستصلاح فى المناطق الصحراوية
رشا مجدى : فى الظهير الصحراوى اه
د/توفيق شلبى: وهذا حصل فعلا
رشا مجدى : اه
د/توفيق شلبى :لكن فى مقابلة جزء كبيرمن الاراضى القديمة راحت فى المبانى والتوسع السكانى والتوسع العمرانى فدى كانت على حساب دى ومساحة الارض لانها محدوده فالتوسع فى اعداد الحيوانات واعداد الثروة الحيوانية هتبقى محدوده لو بصينا كما بقى بالعشرين سنة
محمد موافى : يعنى يعنى السنة اللى جيه اكثراكثر هيبقى استهلاكنا اكثر؟
د/توفيق شلبى : هيبقى استهلاكنا اكثرلان هو عدد السكان مع التزايد النمو فى ثروة حيوانية وفى الارض الزراعية وفى النشاط الزراعى كان النمو التوسع فية ليس بنفس معدل النمو السكانى
محمد موافى: نرجع لسؤالنا ثانى دورالقطاع ايه بقى فى القصة دى ؟
د/توفيق شلبى : لحد دلوقتى المياه المياه محدوده هقول دور القطاع دور القطاع انه يتعامل مع هذا الموقف احنا عندنا محدودية فى الموارد العلافية لذات محدودية الارض محدودية فى الانتاج الحيوانى ففى حدود المتاح اللى عندك بنحاول او نعمل على انتاج الحد الاقصى من الحيوان الموجود الناحية الحيوانية اللى موجوده واستغلال ويمكن استغلال ما ورجع علشان المخلفات الزراعية وغيرها ومخلفات التصنيع الزراعى واستخدام مصيره الحيوان بعد معالجتها ورفع احنا قلنا فى تناقس فى المحاصيل الزراعية الاساسية ومحاصيل الاعلاف سواء البرسيم فى الشتاء بيتنافس مع القمح وفى الصيف الذرة وبيستخدم جزء منه فى الصيف للعلف بيتنافس مع الارز وغيرة من المحصولات الجزء الاساسى فى تغذية الحيوان عندنا فى شقين فى يا اما حبوب علشان المواد المركزة يا اما اكساف نتيجة عصرالزيوت علشان مركزات بروتينية يا اما مواد خشنة علشان الحيوانات لان المفترض ان فى جزء خشن اللى بيجى منه الالبان بمختلف انواعها احنا برضه عندنا برونينات الحبوب المنتجة اللى هتخش فى صناعة الاعلاف لا تكفى ونتجة للاستيراد استوردنا من الخارج اصبحنا تحت رحمة الاسعار العالمية
رشا مجدى : بنستورد 6 مليون طن ذرة صفراء ؟
د/توفيق شلبى : معظمها رايح لانتاج الدواجن لان الدواجن اساسا غذائها الحبوب والمركزات الزراعية
رشا مجدى : طب هسالك برضه سؤال القطاع الخاص اللى بيستورد الاعلاف؟
د/توفيق شلبى : كل مشروعات الانتاج الحيوانى قطاع خاص مفيش مشروعات فى حكومة انتاج حيوانى كلها قطاع خاص ولكن هى فيها بقى صغير ومتوسط وكبير الحكومة الحقيقة دورهاهنا او الوزارة اوالقطاع دروها يه هى عبارة عن تشريعات
توصيات فنية بتطلع لتطبيق رقابى على مصانع الاعلاف وغيرها فليها دور تشريعى ودور رقابى وجزء بقى بعد كده فى جزء ثانى بنرجع فية للتعامل مع مراكز البحوث تقسم برضه التوصيات الفنية والحديث للبحوث التى تناسب نظم الانتاج الموجوده
رشا مجدى : طيب دكتوراحنا وزارة الزراعة يمكن كلنا بنقرأ فى الجرائد اليومين دول قرار انشاء مشروع انتاج الحيوانات البلدية او مشروع البتلو هنرجع لمشروع البتلو مرة ثانية الاعتمادات بتصل الى 100 مليون جنية لتشجيع المربيين ده هينتهى فى الخروج شوية من الازمة ولا
د/توفيق شلبى :والله انا بس .
رشا مجدى : مشروع البتلو ده ؟
د/توفيق شلبى :لأ ما انا حاتكلم كويس انك قولتى لى مشروع البتلوكل الناس بتقول احياء مشروع البتلو احياء مشروع البتلو ومشروع البتلو اللى احنا بنتكلم عليه اسعارة فى الغلا دى السنة ال 16 شغالين فيها بقالة 15 الموسم السادس عشر مشروع البتلو بصورتة القديمة اللى كان موجود فى الثمانينات كان موجود بصورة مختلفة عن اللى موجوده حاليا الناس كلها بتتكلم عليه تقريبا او كل اللى بيتكلم كان مشروع البتلو فى هذا الوقت كانت الحكومة بتدعم الاعلاف فى دعم للاعلاف فكان بتتعاقد مع المزارع على الاحتفاظ بالعجل بتاعة وتدى له علف وكان فى الشركة المصرية للحوم والالبان وكانت هى تقوم بالتعاقد وبعدين تربية ولما يوصل سنتين تتعاقد مع وزارة التموين لزبحة وبيعة للجمعيات الاستهلاكية
رشا مجدى : كان جميل
محمد موافى : كان جميل قوى
رشا مجدى : اه ايه اللى حصل؟
د/توفيق شلبى :اللى حصل حاجتين حصل ان ما دام فيه دعم بتصريح للاعلاف يبقى حصل فى تجاوزات فى هذا الموضوع
رشا مجدى : تجاوزات من مين بقى ؟
د/توفيق شلبى : واحد يجى يقول لك انا اسمن وباعمل وواحد يجى يقول كذا
محمد موافى : وقصة الدعم ؟
د/توفيق شلبى : وتصريح وتصريح العلف تتباع فى السوق السودا وزمان اى حاجة بتعامل
محمد موافى : دكتور حضرتك نقف بس لفاصل قصر ونرجع نكمل مشاهدينا فاصل قصير ونرجع تانى مع حضراتكوا ويحدث فى مصر
فاصل
محمد موافى :مشاهدينا اهلا بحضراتكم مرة ثانية ويحدث فى مصر ضيفنا وضيف حضراتكوا انهارده هو الدكتورتوفيق شلبى رئيس قطاع الثروة الحيوانية بوزارة الزراعة دكتور كنا بنتكلم على مشروع البتلو الناس فاهمة المسألة مختلفة كان زمان بندعم العلف وكان الدعم بيصل لغير مستحقية دلوقتى ايه المشروع
د/توفيق شلبى :حصل نظام كان موجود فى نظام اقتصادى مطبق فى الدولة مع تطبيق نظام اقتصادى اخر اللى هو تحرر اقتصادى اقتصاد حرالدولة اصبحت لا تدعم هذه الاعلاف انهارده مفيش علف مدعوم عشان كده محدش عايز يربى العجل علشان ياخذ العلف اساسا يعنى بالتالى توقف هذا المشروع وزارة الزراعة تنبهت فى هذا الوقت ان احنا عايزين ندعم الفلاح الصغير ندعمة ازاى طب الفلاح عشان نشجعه يربى هو هيقولك انا هيجيب العلف غالى طب انا هوفر له خط ائتمان لمنحة قروض بفائده ميسرة لا تتجاوز 7 %
رشا مجدى :ده تبع بنك التنمية والائتمان الزراعى هو الفلوس حطنها فى بنك التنمية والائتمان الزراعى مش فلوس البنك اللى بيديرها فلوس المشروع نفسة لكن اللى بيدير المشروع مجلس توصية من جهات معنية منها المربين والوزارة وغيرها والبنك ممثل فيها لكن بيدفع الفلوس فى البنك علشان هو البنك اسهل وسيلة الفلاح يوصل له الموجود على مستوى القرية
رشا مجدى : هل حصل لهم تعثر مثلا والا يه بالضبط ؟
د/توفيق شلبى : لألأ بالعكس ماشى هذا المشروع من حوالى سنة 92 او 93 حتى الان
رشا مجدى : لكن برضه ماحصلش حاجة فى السوق تنزل الاسعار ؟
د/توفيق شلبى :هودى برضه عايزة شئ من الشرح شوية
محمد موافى : ايوا بس ما نخش فى قصة التعثر يعنى المشروع ده المشاهدين اللى بيتفرجوا علينا لو اى مشاهد عايز يستفيد من هذا المشروع ويخش فية يعمل ايه
د/توفيق شلبى : حضرتك يروح يتقدم للبنك بطلب ان هو عايز ياخذ قرض على عدد الرؤوس فى لجنة مشكله من وزارة الزراعة والبنك وغيرة بيروحوا يعينوا بيدوا له قرض حتى التثمين التثمين عندنا فى مرحلتين للتسمين الفلاح الصغير بيحتفظ بالعلف لحد وزن 200 كيلو ما يقدرش يكمل
محمد موافى : هل لازم يبقى فلاح عنده حيازة زراعية ؟
د/توفيق شلبى : يعنى هى انهارده كان فى مشكله موجوده بقت بالضمان الشخصى ده ممكن يبقى عنده زريبة مش لازم ارض زراعية يعنى
محمد موافى : حوش بيت
د/توفيق شلبى : عنده محدش قال لة حاجة بالعكس اى زريبة صغيرة ممكن يربى فيها احنا عندنا الفلاح الصغير اساسا الفلاح الصغير علشان يوصل لحد 200 كيلو بندى له قرض رفعناه فى الشهر الماضى مجلس الوصايا بيجتمع كل شهر رفعناه فى الشهر الماضى حتى 2000 جنية للراس الواحده والمرحلة الثانية من 200 كيلو الى 400 كيلو و450 كيلو 3000 جنية للراس الواحده بحد اقصى للفرد الواحد كانت 250 الف ممكن توصل الى 300
محمد موافى : ده للعلف
د/توفيق شلبى : ده لتسمين العجل هو عشان يجيب العلف
محمد موافى : يشترى بقى العجل نفسة
د/توفيق شلبى : هو المفروض العجل عنده هو بدل مايبيعة يخليه عنده فا احنا المفروض بنساعده على كده
محمد موافى : يعنى الوزارة ما بتساهمش فى مسالة بيع العجول
د/توفيق شلبى : احنا اتفقنا ان الحكومة لا تتدخل فى التسويق
رشا مجدى : برضه انا ارجع اقول لحضرتك انه ده مشروع جميل جدا وبيساعد على ان يزيد الثروة الحيوانية وووا الى اخره لكن ده برضه ما حلش ما حلش المشكله يعنى من الواضح عمليا ان
د/توفيق شلبى : المشكله اللى حاصلة انهارده هى نتيجة تراكمات وانا هقول جزء من اسبابها لكن زى ما قلت لحضرتك المشروع بقالة 15 سنة مكنش عندنا مشاكل كانت العمليه ماشية المشكلة اللى حاصلة السنة دى دى احنا متوقعها من سنتين فاتوا الحقيقة من سنتين فاتوا كانت اسعار العلف انا قلت لحضرتك ان احنا فى جزء كبير من الاعلاف بيوصلنا سواء فول الصويا كسب فول الصويا او الذرة وكان وصلت باسعار خياليه جدا
رشا مجدى : مع ازمة الحبوب اللى حصلت فى العام الماضى
د/توفيق شلبى : بالضبط كده استغلال الحبوب فى انتاج الكتانول للمجهود الحيوانى فا ارتفعت الاسعار مع ارتفاع اسعار البترول برضه
والكلام ده كله ارتفعت الاسعار الحقيقة جزء كبير من المربيين ما قدروش يتحملوا سعر العلف فى هذا الوقت وخلصوا من جزء من حيواناتهم بتخصلوا منها طبعا بالبيع للجزارين والذبح والكلام ده فى نفس هذا الوقت تواكبت معاها دخول بعض الامراض الحقيقة اللى اثرت برضه على الثروة الحيوانية
رشا مجدى :الحمة القلاعية
د/توفيق شلبى : الحمة القلاعية وحمى التلت تيام - والجدرى فا اثرت جم متزامين مع بعض من سنتين فتوقعنا من بعد السنتين هيبقى فى عندنا
رشا مجدى : يعنى الخريطة واضحة امامكم
د/توفيق شلبى : واقعة جدا لسبب هقول لحضرتك العجل بيتولد انهارده علشان ينزل السوق مش قبل سنة ونص والا سنتين
محمد موافى : ممكن يا دكتور من اللحمة نخش على اللبن بقى ؟
رشا مجدى :اه عندنا اربع مراكز لتجميع الالبان
د /توفيق شلبى : انا اشرف ان انا ده مشروع مصرى فرنسى وانا اشرف ان انا مدير هذا المشروع وانا كنت تقدمت به الحقيقة هو الموضوع ده اساسا انا مش عايز اعمل احنا علشان نشجع الفلاح الصغير انه يدى كميات بسيطة من اللبن ملوش اكسس رسوب معنديش طريقة يسوق بيها اللبن بتاعة فكان بيعتمد على التجار كانوا يروحوا يلموا اللبن من الفلاح الصغير من البيوت الحقيقة كانوا بيتحاكوا به من ناحية السعرالفلاح ما كنش بيحصل على سعر عالى فا بالتالى الفلاح مكنش بيهتم بال coulty بتعتة بجانب اللبن المنتج وما بيخدش سعر عالى مكنش مهم اللبن واى سعر كان بياخذة فكانت الالبان المتدوالة فى السوق الحقيقة جودتها منخفضة ففكرنا علشان حل هذا الموضوع ان احنا نوجد وسيلة للفلاح الصغير وسيلة يسوق اللبن لمصانع تصنيع الالبان وعشان مصانع انتاج اللبن مواصفات معينة يبقى احنا نعامل الفلاح ازاى ينتج لبن
وبالتالى نقدر نساعد الفلاح فى تسويقة بسعر عالى ويقدر ينمى الثروة الحيوانية بتعتة فكرنا نعمل مراكز تجميع اسمها مراكز ارشادية المركز الارشادى ده بيشتمل على الاتى فية مركز لتجميع الالبان مجهز بتنكات التبريد ومعمل للتحليل ومعل صغير لتصنيع الالبان فى حالة عدم الالبان لاى سبب من الاسباب يصنع منتجات اخرى زى الجبن وبتاع علشان ما يخسروش وفى وحده لتصنيع الاعلاف ممكن الفلاح يجيب هيطور نفسة البقرة علشان تجيب اللبن بامكانياتها او بطاقتها الانتاجية لازم تاكل الاكل المناسب وممكن الفلاح يجيب مواد العلف من عنده واحنا نركبها له نساعده اذا كان فى شوية اضافات نساعده فى اضافتها وياخذها ياكل بيها وفى مركزارشادى ودعم فنى خلص انهارده فى مسئول للتغذية ومسئول للرعيه ومسئول بيطرى بحيث اى تساؤل الفلاح يساعده
محمد موافى : طب الثروة الداجنة ؟
د/توفيق شلبى : طب اكمل دى بس حضرتك فى جزء بيطرى للرعيه الصحية ازا قلنا هنعمل على حسب الargant بتاع المشروع النقل ساعدنا فى انشاء اربع او خمس مراكز فى اربع او خمس محافظات وتبقى مدن ويتم التوسع فيها الحقيقة انهارده مصانع الالبان ابتدت تتبنى الفكرة معانا وهنبتدى نتوسع فيها
رشا مجدى : طب برضه اسعاراللبن غلى مش هنقول انه رخص برضه يعنى هو المنتج اللى موجود فى السوق منتج صحى ومنتج جيد الواحد يقول اللى له واللى عليه حتى التعبئة بقت نظيفة وتعبئة انا عارفة اللبن اللى جاى ده لكن لازال برضه سعر الالبان غلى
د/توفيق شلبى :دى مشكله ثانية بقى ليه اصل الموضوع انتى عارفة حضرتك بنتعامل مع كائن حى صعب هقول لحضرتك المصانع اللى انت بتجيبى منه اللبن ده اللى بالعلبة الشيك والغالية والكويس والبتاع ده هى بتحتاج coulty معينة احنا بنسمية البان عاليه الجوده يعنى فى حد معين بيشترى ما يزدش عنه وووا الى اخرة شوية اشتراطات معينة فى الالبنان الالبان كان الحقيقة بتطلع الاول من مزارع الالبان المتخصصة وفى مشروعات موجوده عندنا حوالى 15 % من الثروة الحيوانية للابقار موجوده فى هذه المزارع وموجود فيها سلالات منتجى الالبان عاليه الجوده بتعانى من مشكله مع المصنعين ماهو هيبيع اللبن بتاعة فين مشكله المصانع مشكله السعر البرنامج القديم ال overs بتعتها عاليه والكلفة بتعتها عاليه عندها محل عايز يعمل صيانة وووا وغيرة وغيرة وغيرة وكهربة وعماليه وضرائب وووا
رشا مجدى : هيشترى اللبن بسعر رخيص ؟
د/توفيق شلبى : تكلفة اللبن بتقف عاليه شوية غير الفلاح يعنى تكلفة كيلو اللبن عند الفلاح غيركيلو اللبن فى المزارع فلما يجوا يخدوا اعلى زى ما حصل فى الكارثة الاقتصادية اللى حصلت الازمة الاقتصادية ونزلت الاسعار فجأة كان سعر اللبن البودرة رخص فا ابتدت بعض المصانع تشتغل بلبن البودرة بعض المصانع
محمد موافى : بس مازال اللبان الطريقة القديمة جميلة ولبن زى الفل
د/توفيق شلبى :على فكرة لبن بقرى و3% دهن بس لان سعر الانتاج بتاع اللبن عند المزارع دى انهارده اقل من السعراللى بياخد بية المصنع
رشا مجدى : الثروة الداجنة يعنى برضه الثروة الداجنة دى وقعت فى مشكله ايام انفلونزا الطيور ومازالت لغاية هذه اللحظة بنعانى منها يعنى اعتقد شوية ابتدينا نتعافى
د/توفيق شلبى : امتى نقول انتهينا من هذه المشكله لما مصر تبقى خاليه من مرض انفلونزا الطيورحتى هذه اللحظة لن يعلن ان مصر خاليه منها
محمد موافى: بس معدل الانتشار قل ؟
د/توفيق شلبى : لأ هى الحده بتاعتها قلت
رشا مجدى :الحده قلت اه مش زى اول ما ابتدت وعملنا عمليه ذبح
د/توفيق شلبى : رغم التحصينات الى حد ما يمكن هنحتاج تغير دلوقتى احنا بصدد ان احنا نغير التحصين نفسة الفيرس الفيرس بيتغير باستمرار انما الحده لسة شوية انما صناعة الدواجن هى الصناعة الوحيده انا لولا صناعة الدواجن كنا بقينا فى كارثة دلوقتى بامانة يعنى
رشا مجدى :طب حضرتك عندك مشروع لنقل مزارع الدواجن الى الظهير الصحراوى
د/توفيق شلبى : ده قرار يعنى كانت اتخذتة الحكومة المصرية ومجلس الوزراء ومجلس المحافظين الحقيقة برضه خوفا على صحة الانسان هى مشكله انفلونزا الطيور انها المرض الوحيد اللى بينتقل من الطيور الى الانسان
رشا مجدى :ابتديتوا فعلا فى المشروع يا دكتور
د/توفيق شلبى : الحقيقة فى مخطط بيتعمل
رشا مجدى :انما لم يتم نقل اى جهاز
د/توفيق شلبى :لألألأ اصل الموضوع لازم قرار مخططين له مش اقل على اساس برضه يتعوض بطريقة او باخرى
رشا مجدى : هتعوضوا ارقام الودائع ازاى ؟
د/توفيق شلبى : اولا التعويض هيتم ازاى مش هنعوض بفلوس يعنى هو يتم تغيير نشاطة انت عارفة حضرتك المزارع مقامة وغير مرخصة الترخيص طالع ان هو يقيم مزرعة دواجن مالك ارض زراعية فا هيسمح له بتغير لمن يرغب منهم بتغيير النشاط بتاعة لنشاط اخر غير نشاط داجنى ممكن يوافق
محمد موافى : ايوا بس ده مش دعم حقيقى
د/توفيق شلبى : لألأ بالعكس انت عندك ارض زراعية فيها مبانى استخدمها فى اى حاجة كان الاول ممنوع غير يستخدمها غير فى مزرعة دواجن ممكن يعملها اى مشروع اخر
محمد موافى : ممكن يبنى ممكن يجرف عادى جدا
د/توفيق شلبى : لأ مش يجرف عنده المبنى موجود بيستخدمة فى حاجة ثانية ممكن يستخدمة فى مبنى فى حاجة ثانية انا اقصدر فى الوقت الحالى غير مسموح انه يستخدمة فى اى حاجة ثانية يا يشغلة يا يقفلة لكن ممكن يشغلة فى اى حاجة ثانية مش هيخسرة النقطة الثانية هيبقى له اولوية عند تنفيذ المخطط عند اعداد المخطط هيبقى انا اولوية انه ياخدمنطقة ثانية صحراوية يعمل فيها المزرعة بتعتة
محمد موافى : انما ملوش ضغوط ملوش حاجة من اى جهة
د/توفيق شلبى : ده هو هيكسب فلوس
رشا مجدى : المناطق اللى هيتم نقل فيها مزارع الدواجن ماهو برضه هيفكر ويحسبها بقى دا انا هروح الظهير الصحراوى دا تبقى مناطق بعيده تكلفة النقل فيها هتختلف حاجات كثيرة
د/توفيق شلبى : هنا بقى بنفكر بصوت عالى مع الاتحاد العام لمنتجى الدواجن الحقيقة المخاطرة احنا مش عايزين الاستعجال فية نديرة صح علشان الاليه فى تنفيذة علشان الحقيقة احنا بنفكر فى مزارع حديثة فى مناطق للتجمعات للصغيرين من الجماعة اللى نفسهم يعملوا زى مزرعة كبيرة تبقى سهل السيطرة عليها خط واحد
محمد موافى : ده مشروع طموح
د/توفيق شلبى : امراض الدواجن مش باعتبر انفلونزا بس الامراض كلها بالنسبة للدواجن
محمد موافى : زى الفرة ؟
د/توفيق شلبى : بالضبط ما هى احد امراض الدواجن
رشا مجدى : يعنى هومشروع الثروة الحيوانية هو موضوع كبير ومحتاجين يعنى احنا كل ده اخذنا رؤوس اقلام لكن احنا هنحتاج نتكلم حلقات ثانية فى حاجات كثير
د/توفيق شلبى : انا بالنسبة لى مش عندى لكن ممكن نتكلم فيها انا ارحب طبعا مشاركة حضراتكوا فى مثل هذه الموضوعات
رشا مجدى : احنا بنشكر حضرتك دكتورتوفيق شلبى رئيس قطاع تنمية الثروة الحيوانية بوزارة الزراعة واهلابيك
د/توفيق شلبى : شكرا
محمد موافى : شكرا يا دكتور
رشا مجدى : شكرا لكم مشاهدينا الاعزاء
محمد موافى : شكرا والى اللقاء