القرموطي للشرطة: «قوتكم ضد الإرهاب بس ولا إيه؟ إنتوا بتعملوا إيه؟»

قال المواطن إسماعيل عبد الله، شقيق الصيدلي المختطتف بقرية العزازي، بمحافظة الشرقية، إن أخيه اُختُطِف من قبل ملثمين، منذ ثمانية أيام، لافتًا إلى أن أحدهم قام بمهاتفته طالبًا فدية 5 مليون جنيه حتى يتم إطلاق سراحه.
وبكى المواطن على الهواء، خلال مداخلة هاتفية مع برنامج "مانشيت"، المُذاع عبر فضائية ONTV، مساء الثلاثاء، مناشدًا الرئيس عبد الفتاح السيسي بإيجاد حل حتى يتم إطلاق سراح شقيقه، مضيفًا: "حسبي الله ونعم الوكيل، هنعمل إيه بس؟ وهنقول لأولاده إيه؟ شوفولنا حل، دي خامس حالة إختطاف من القرية، ولم يُطلق سراح أحد قبل أن يدفع فدية، وإحنا لن نملك".
ومن جانبه، هاجم الإعلامي جابر القرموطي، مقدم البرنامج، وزارة الداخلية، قائلًا: "هل أنا أعجز كدولة إني أحل مشكلة القرية دي اللي كل يوم يتخطف منها حد؟ أنا مقدر حال البلد، والظروف اللي بنمر بها، بس إستقرار الأمن وإستتباه وقوة الدولة لا ينبغي أن تكون ضد الإرهاب فقط، هؤلاء الخاطفين لازم (يتفعسوا)، إصدرلهم تشريعات جديدة، لازم تتصرفوا، إنتوا كده (هتمخولونا) بقى".
وأضاف: "5 يتخطفوا في قرية واحدة! طيب فين الأمن، دولة بلا أمن مش دولة، لو عايزين إستقرار لازم يكون في أمن قوي، لازم الأمن يتحرك، إحنا هنفضل في الموضوع ده لحد إمتى، شوفوا مين اللي خطفوا الراجل هو وأربعة غيره، إمال إنتوا بتعملوا إيه؟ إتحركوا بقى، ليه نسيب الدنيا كده؟".