الرئيس السيسي: حرصنا على إنهاء الصورة المهتزة عن الدولة

قال الرئيس عبدالفتاح السيسي، إن الدولة حرصت على إنهاء الصورة المهتزة عنها.
جاء ذلك خلال جلسة «السياسة الخارجية والأمن القومي»، وذلك في إطار مؤتمر حكاية وطن «بين الرؤية والإنجاز»، والذي يعقد في العاصمة الإدارية الجديدة، بمشاركة وزراء وسياسيين وشباب وإعلاميين وممثلين عن جميع فئات المجتمع.
وأضاف: «كان مهم الصورة اللي اتشكلت عن مصر في أذهان العالم في 2011 و2012 و2013 و2014 تنتهي ويبقى فيه صورة أخرى لدولة قوية وقادرة ومختلفة».
وتابع: «الفكرة اللي عشناها في آخر 9 سنين كانت كده.. إيد هتقاتل وتظبط وتسيطر وتمنع بفضل الله، وبكل ما أوتينا من قدرة على إننا لا نتجاوز ونظلم.. والله شهيد».
وتابع: «(الفكرة) التانية إنك تشتغل بنفس القدرة ونفس القوة، تشتغل وتبني وتعمر علشان نغير الواقع المظلم اللي كنا موجودين فيه.. نغيره وتبقى بلد تليق بكم وبأبنائكم ومحدش هيعرف يعملها غيركم».
واستكمل: «هننجح بالله وتحملكم وصبركم.. والله العظيم أنا أخوكم.. إنتو مش مستغربين إن في كل الدول اللي كان فيها إرهاب المكافحة منجحتش ونجحتوا إنتو.. إنتو مش مصدقين إن إيد المعونة بتاعة ربنا كانت معانا».
وقال الرئيس: «أنا ليا الشرف إنا ربنا ساعدنا وأكرمنا وبنقوله يا رب كمل كرمك علينا».
ويختتم مؤتمر «حكاية وطن» جلساته اليوم الاثنين، لليوم الثالث على التوالي بعد عرض الجلسات الهامة التي استعرضت إنجازات الدولة في مختلف القطاعات.