فاكر زمان

ياااه … بعد السنين دي كلها
معقول نتقابل هنااا !!
الشارع ده شاف كتير من عمرنا
شاف فرحناااا وحزننااا
شاف صحابنااا وحبناااا
نفس المكان ع النصية دي
كنا بنتقابل هناااا
نفس الشوارع، والحيطان
نفس البيبان… نفس الجيران
لكن.. نفوسنا اتغيرت
هو صحيح الزمن اختلف
حتي الوجوه اتغيرت
حتي القلوب اتحجرت
أصبحنا وحوش
لبساها وشوش
من غير مكياج
ولا حتى رتوش
عايشين في غابة
مليانه دبابة
وناس كدابة
دي دنيا غريبة
نهايتها عجيبة
ياااه… بعد السنين دي كلها
معقول نتقابل هنااا!!
فاكرين صحيح عم خلف
بياع التحف والنجف
كان تملي يقول لنا
اقفوا بعيد هنااك هناااا
كنا بنضحك عليه
ونرد ونقول له يابيه
خلاص هانمشي من هنااا
فاكرين كمان استاذ نجف
إنسان جميل… مختلف
عنده ثلاثة م الولاد
بيحبكم … وكان تملي يقول لهم
عاوزكم دايماً محبوبين
ف عملكم دايماً مخلصين
بضمركم دايما مشغولين
الله عليك استاذ نجف
ياااه… بعد السنين دي كلها
معقول نتقابل هنااا!!
نفس الشوارع والحيطان
نفس البيبان … نفس الجيران
لكن.. ضميرهم أختلف
ومات كمان عم خلف
وراح وراه استاذ نجف
قبل النفوس ما تنجرف
بعيد هناك عن حلمها
عن حبها .. عن فرحها
فرق ما بينهم…. إرهاب جبان
بين الحبايب والجيران
مسلم.. مسيحي من زمان
قفل قلوبهم الشيطان
مليء عقولهم بالوساوس
فتح عيونهم ع الفساد
ياريت نرجع عمرنااا
ونحب تاني بعضنا
ونفوق بقى من حزننا
عشان نرجع حلمنا
ونلم تاني شملنا
ياااه… بعد السنين دي كلها
معقول نتقابل هنااا!!