باللهجة الفلسطينية.... اشتقت لك فلسطين

في الجنينة كنا نتسامر ونحكي حكاياتنا
وعلى ضو الغولة نآنس سهراتنا
في بيارات البرتقال والليمون نتنسم هوا بلادنا
وبين الجد والجدة نسهر ونحكي وبين الأعمام وعماتنا
يا محلاها من أيام كان البدر يضويلنا ليلاتنا
ونسمع صفير وزنات حشرات تسلي جمعاتنا
وريحة القهوه نتنسم ونشرب جرعاتنا
أجت الغربان وفرقت لمتنا وبعدتنا عن أحبابنا
وصارت ليالينا حزن والألم وجع أيامنا
بعدنا عن الجد والجدة وما عدنا نشوف عمامنا وعماتنا
وينك يا أرضنا الخضرة وينك يا زرعاتنا
اشتقنا للمه الحلوة واشتقنا لجمعاتنا
يا حيف علينا ايمته رح نصلي فيك يا أقصانا
والربع نسيوا إنه الأرض أرضنا والدار دارنا
ايمته رح نكفكف الدمعه عن خدنا وايمته بترجعلنا بلادنا
بستنى والأمل في قلبي ولربي بالعودة دعواتنا
حبيبتي فلسطين اشتقت لترابك في أرضك زرعنا تيناتنا
بنستنى وصار لنا من زمان بنتمنى نعود إلك ونكفكف دمعاتنا
ديار الدنيا ومهما حليت ما بتغني عن أرض جدادنا
يا رب نعود لك ويتربوا على أرضك أولادنا وأحفادنا
الله كريم