مفهمتكيش !!

ساعات أشوفك
أرق البشر
وسعات أشوفك
قلبك حجر
وساعات أشوفك
زي القمر .......
زي القمر
بالعين أشوفه
أجي المسه
يداريه كسوفه
وأمد الأيد ألقاه بعيد
ابعد من إني
احلم بالسفر
أنتي بدايتي
ولا نهايتي
ولا أنتي لعبه دنيتي
ويا القدر .
............ مفهمتكيش .............
ساعات أشوفك
زي الندي
وقت الصباح
حلم ومدي
دنيا براح
نسمة عبير
أخدك وأطير
من غير جناج
وساعات أشوفك
زى الرياح
مبتعرفيش أبدا سماح
بتقلعيني من جذوري
وتزرعيني في الجراح
هوه انتي شوكة
ولا وردة
ولا فراشة حب شاردة
ولا عذابي وغربتي
وياااااااااا الزمن ده
........... مفهمتكيش ...............
ساعات أشوفك
زهرة
ملكي أنا
فيكي الشوق والمحبة
فيكي الهنى
نبع الحنان
بر الآمان
حضن الدفي
وسعات أشوف
الحلم في عنيكي
اختفي
وسعات أشوفك
ملك كل الناس
رمز الوفي
معني الإحساس
وأنا اللي حبي
ما لوش أساس
جواكي والشوق انتحر
هو انتي دمعة
في العين بتسبق
ولا أنتي شمعة
في القلب تحرق
ولا سفينة
من غير شراع
وخداني لبحور الضياع
سيباني أغرق .............
مفهمتكيش
ولا هفهمك
لكن في عيني
برسمك
دنيا جميلة
زهرة ف خميلة
وبيكي برضه
ومن النهارضة
ح ابتدي
أتعلمك
واقري رموز
الحب في عينيكي
يجوز
........... ........ إني أفهمك
----------------
البريد الالكترونى
mabouzeid87@yahoo.com