أهالي المطرية: "بدل ماتضحكوا على الشعب ب"الترعة".. هاتولنا الميه"

تعاني مدينة المطرية بمحافظة الدقهلية، من نقص المياه في معظم أحيائها؛ كالعقبيين والغصنة وقرى العصافرة، من انقطاع المياه يوميًا لمدة تزيد على 5 ساعات، مما أثار استياء وغضب العديد من المواطنين، خاصة بعد عدم تنفيذ وعود المسؤولين بحل الأزمة.
يقول الحاج عمر بدير، من منطقة العقبيين: "الميه بتقطع عندي بقالها أسبوعين خمس ساعات متتالية من 9 الصبح ل 2 الضهر، وساعات مبتجيش، يعني لما أبسط حاجة المياه ملقيهاش في البيت نعمل إيه؟ ومش عارفين الأسباب، ولما آجي اتكلم محدش يعبرني".
وأضاف السيد حمدي، من منطقة الغصنة "ذهبت لشركة المياه والمجلس لكي أعرف المشكلة قالولي منعرفش لسه، يعني المسؤولين مش قادرين يوصلوا للأسباب الحقيقة، أومال قاعدين على كراسيهم ازاى وبيقبضوا من فلوسنا".
ويقول أحمد البنداري من قرية العصافرة: "أيام الدكتور مرسي لما كانت حاجة بتحصل كان الإعلام المصري بيهيج ويقولوا مرسي فاشل، دلوقتي كل يوم مفيش ميه عندي ومفيش حد بيفتح بقه حسبي الله ونعم الوكيل".
وتعلق شيماء منسي: "بدل ما تضحك على الشعب بالترعة اللي بتسميها قناة السويس الجديدة، شوف حقوق المواطن المصري البسيط.. أبسط شيء مش لاقيينه ربنا ينتقم منك ومن عاونك".