أهالي معتقلى سجن مركز ناصر: منعوا الطعام والزيارة عن أبنائنا

منعت إدارة سجن مركز ناصر في بني سويف الزيارات عن المعتقلين السياسيين، فيما سمحت للأهالي برؤيتهم فقط في عروض النيابة تحت مراقبة مدير المباحث هشام جلال، ومنعت دخول الطعام لهم، وفق روايات الأهالي.
صرحت أخت المعتقل "مصطفى . م" ل"رصد" قائلةً: "أخويا خدوه من البيت أديلهم 3 شهور وكل ما بنروح المركز في الزيارت مش بنشوفه، والأكل بياخدوه مننا وبيقلولنا هنوصله احنا ومش عارفين أساسا الأكل بيوصل ولا لأ، وانهارده فضلوا مقعدنا من الصبح الساعه 9 للعصر عشان ياخدوا الأكل وبعدين قالولنا مش هندخل أكل انهارده للسياسيين".
وأضافت والدة المعتقل "عبدالرحمن . م": "رحنا المركز عشان ندي الأكل للشرطة وهما بياخدوه مننا يدخلهلم النهاردة فضلوا مقعدنا مع الجنائيين للعصر وبعدين دخلوا الجنائين وخدوا الأكل منهم وقالولنا مفيش أكل هيدخل انهارده، حراام عليكم حسبي الله ونعم الوكيل فى رئيس المباحث دا مش بيحصل في أي مكان حتى الأكل هتمنعوه".
وصرح شقيق المعتقل "محمد . خ": "والله مش عارف إيه ده بيخلوا أهل الجنائيين يدخلوا عادي ومش بيتفتشوا زينا وبيشوفوا المعتقلين بتوعهم واحنا ولا بندخل ولا بنشوفهم، وكل حاجة ممنوعة ممنوعة حتى الأكل مرضوش يدخلوه".
وتابع والد المعتقل "محمد . س": "بنروح المركز وندخل وبنتهزأ وبنتشتم وبياخدوا الأكل يفتشوه حته حته وبيبوظه وبيبهدلونا ومش بعرف أشوف ابني أديله شهر مشفتوش خالص والأكل انهارده رحنا ندخله ونقف عدى قعدونا وبعدين قالولنا مش هندخلكم طيب ليه قالولنا رئيس المباحث عايز كده".