تنفيذا لقرار مجلس الوزراء.. حملة مسائية للتأكيد على غلق المحال التجارية والمقاهى بالقصير    موسيماني: قدمنا مباراة جيدة أمام الاتحاد وحققنا مكاسب عديدة    طبيب الأهلي يوضح تفاصيل إصابة صلاح محسن    حملة على المقاهي والمحال وتحرير 23 محضراً لعدم ارتداء الكمامة بالأقصر    الكويت: 11 حالة وفاة و1236 إصابة جديدة بكورونا    ماجوير : الوصول إلى نهائي الدوري الأوروبي إنجاز هائل    حرارة الجو تتسبب في حريق داخل قطعة أرض بالبحيرة    محمد ثروت يعتذر لمحمد هنيدي لهذا السبب| فيديو    بعد تراجعها.. ننشر أسعار الأسمنت المحلية الجمعة 7 مايو    «الصحة»: 74.8% نسبة شفاء مرضى كورونا في مستشفيات العزل    مشروع مركز الملك سلمان للإغاثة "مسام" ينتزع أكثر من 4184 لغماً في اليمن    «التعليم» تنفي تسليم طلاب المرحلة الإعدادية جهاز تابلت العام المقبل    تغريم 5 أشخاص لعدم الالتزام بارتداء الكمامات في الطود جنوب الأقصر    أحمد العوضي يكشف ل «الوطن» تفاصيل إصابته وياسمين عبدالعزيز ب كورونا    شاهد.. مسلسل "نسل الاغراب" | ملخص الحلقة ل 24    شاهد.. مسلسل "كوفيد 25" | ملخص الحلقة التاسعة    حظك اليوم الجمعة 7/5/2021 برج العذراء على الصعيد المهنى والصحى والعاطفى    صلاة التسابيح .. كيفيتها وفضلها وعدد ركعاتها وتوقيت أدائها    7 معلومات عن الصاروخ الصيني الخارج عن السيطرة.. أبرزها حجم الكتلة التي تصطدم بالأرض    مسؤول: واشنطن تستعد لاحتمال انهيار «محادثات فيينا» بشأن نووي إيران    مسلسل هجمة مرتدة الحلقة 24.. شجاعة سيف العربى تمنحه إمكانية زرعه وسط جهة معادية.. دينا تنتقل للعمل بمركز الجبرتى.. والدة أحمد عز تستمر فى تلقى العلاج سرا من شقيقه.. ومينا ينجح فى اختراق جهاز سهيلة    الأرصاد الجوية تكشف بالدرجات حالة الطقس اليوم    هل يجوز دفع زكاة الفطر عن الزوجة الحامل؟.. أمين الفتوى يجيب    الاختيار 2.. رأي المفتي بتطبيق حد الحرابة على الإرهابي المسماري    مصرع شخص أسفل عجلات القطار في بني سويف    حسام حسن : الاتحاد يعاني من أخطاء فردية وأهنئ الأهلي على الفوز    محافظ البحيرة يقود حملة لمتابعة قرار الغلق بمدينة دمنهور    برلمانية تقترح توفير خدمات الشهر العقاري للمصريين في الخارج إلكترونيًا    محافظ الجيزة يتفقد أعمال التطوير بشارع النيل السياحي للوقوف علي نسب التنفيذ    مواعيد الصلاة اليوم الجمعة 25 رمضان في جميع محافظات مصر والعواصم العربية    برلماني يكشف تفاصيل حلقة نقاشية لبعثة مصر بالأمم المتحدة حول قانون الجمعيات الأهلية    إصابة شخصين باختناق نتيجة حريق داخل شقة سكنية في قنا    بالصورة .. مباحث الأموال العامة تواصل مكافحة جرائم التزييف والتزوير    ضبط 34 ألف عبوة أدوية ومنشطات مجهولة المصدر داخل مخزن بالإسكندرية    تويتر يعلق حسابا يتحايل لنشر بيانات دونالد ترامب    ريال مدريد يتفاوض مع لاوتارو مارتينيز لتعزيز الهجوم بالموسم المقبل    محمد العرابي: المناقشات المصرية التركية تهدف لاكتشاف رؤى الدولتين (فيديو)    انفجار عبوة ناسفة في سوق قضاء بمحافظة الأنبار العراقية    محافظ الجيزة في فيصل وبولاق الدكرور لمتابعة إغلاق المقاهي والمطاعم (صور)    لتنفيذ أعمال بمحطة المترو.. غلق كلي لطريق القاهرة الإسكندرية الصحراوي أمام المتحف الكبير 5 أيام    أحداث مسلسل النمر الحلقة 24.. النمر يضع الألماظ المهرب في سيارة خالد    ياسر جلال يقرر أخذ حق ابنته بيده في الحلقة ال25 من مسلسل ضل راجل    خالد فودة: نعمل على تكوين هوية بصرية لشرم الشيخ لإشهارها عالميًا (فيديو)    سامي قمصان: مباراة الاتحاد كانت عصيبة بسبب لقاء المحلة    نشرة الفتاوى| في ليلة القدر: 4 ظواهر طبيعية أرشدنا إليها النبي.. وأروع المناجاة والأدعية المستجابة    سيد عبدالحفيظ : الأهلي سيدخل معسكراً مغلقاً استعداداً لمواجهة الزمالك    استياء في إنبي بعد الهزيمة أمام المحلة بهدف    بالصور.. نائب محافظ الجيزة يتابع غلق المحال التجارية بالحوامدية    أستاذ أوبئة يحذر من ذروة الموجة الثالثة لكورونا: بدايتها أول أيام العيد    تطورات خطيرة فى الحالة الصحية للفنان سمير غانم بعد إصابته بكورونا    موعد أذان مغرب الجمعة 25 من رمضان 2021.. ودعاء النبي عند الإفطار    موسيماني يشيد بمستوى نجم الأهلي    "انتهاكات خطيرة" في إثيوبيا بينها اعتقال الرضّع    وزير العدل ينعي الدكتور صبرى السنوسي عميد حقوق القاهرة    جامعة عين شمس تتواصل تليفونيًا مع أعضاء البعثات والمنح بالخارج    «السياحة»: فحص 207 منشآت فندقية للاطمئنان على تطعيم العاملين بلقاح كورونا    رئيس مدينة سفاجا تقود حملة لمتابعة تطبيق قرارات رئاسة الوزراء بغلق المحلات والمطاعم    مواقيت الصلاة اليوم الجمعة 25 رمضان    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.





كلام مسئول
نشر في أخبار مصر يوم 19 - 12 - 2009

محمد صلاح: يا مساء الخير الاقصر بلدنا بلد سواح هي بقت بلد سواح زي ما العزبي غنى عشان البشر والحجر اللي اتزامنوا الاف السنين فعملوا معجزة الاقصر مقصد وحلم كل السواح في الدنيا ، الاقصر او طيبة كانت العاصمة في ازهى عصور مصر قالوا عنها مدينة الشمس ، مدينة النور ، مدينة ال100 باب ، مدينة الصولجان.. مافضلتش عاصمة عشان مركز الثقل الحضاري والعسكري والجغرافي اللي بيعمل العواصم يعني اتحرك شمالا وبقت العاصمة منف فاسكندرية وبعدين القاهرة ولكن الاقصر ودا الاسم اللي سماه بيها العرب عشان كثرة قصورها عاشت في كل العصور بتميزها بآثارها وبنسها ، خدت طابع فريد مش بس بيميزها عن بقية مدن مصر انما بيميزها عن باقي مدن العالم اثار الاقصر ضخمة كما وكيفا .. اسماء معابدها شهيرة جدا الكرنك ، حتشبسوت، الرامسيوم كمان مقابرها في وادي الملوك ووادي الملكات ومن حفايرها خد معظم علماء الاثار في العالم شهرتهم ، تقريبا الاقصر اللي احنا عارفينها دلوقت عايشة فوق اقصر تانية كلها اثار ومقابر اثرية لكن زي كل حاجة بقى الغفلة ما بتنفعش مع اي غمضة عين ممكن العشوائية تسود الاهمال يضرب والفساد ينتشر يتوغل يتسرب عشان كده احلامنا مشروعة في تطوير دائم للاقصر واننا نشوفها مدينة حضارية بعظمة تاريخها لكن تطوير الاقصر مش زي تطوير أي مدينة في أي حتة دي عايزة تطوير بالسنتي بالمللي لأنك ماشي فوق تاريخ اتحفظ الاف السنين مش هنيجي نضيعه في سنة ولا اتنين بتشتغل في تراث بتاعنا صحيح لكن كمان دا ملك البشرية الاقصر بلدنا بلد السواح هيكون لينا عنها النهاردة كلام مسئول
فاصل
محمد صلاح: الاقصر جوهرة كانت ماضي مصر ممكن تبقى المستقبل خطة التنمية للاقصر بدات من 4 سنين شفنا فيهم تطوير واضح البعض بيقول عليه طفرة كبيرة جدا لكن البعض شايف انه استعجل وضر ناس كتير كمان فيه اللي خايف على الاثر من تطويرات البشر اللي بيجرى في الاقصر لينا عنه النهاردة مع رئيس المجلس الاعلى لمدينة الاقصر الدكتور سمير فرج كلام ..... مسئول
ومن كلام الدكتور سمير فرج
لدينا مخطط شامل لتطوير الاقصر هيستمر حتى عام2030 وتم الانتهاء من المرحلة الاولى التي بدات عام 2005 وهذا المخطط لا يعتمد فقط على السياحة بل ايضا اقامة مشروعات زراعية وصناعية وتحويل الاقصر الى متحف مفتوح
لديا طلبات متزايدة من جانب مستثمرين مصريين وعرب لاقامة مشروعات زراعية وصناعية في الاقصر وحصلنا على 16 الف فدان بقرار جمهوري في الظهير الصحراوي وسيتم انشاء ترعة بتكلفة 128 مليون جنيه لري تلك الاراضي
يجري حاليا تفريغ المدينة القديمة ما بين معبدي الاقصر والكرنك ويتم نقل المصالح الحكومية وتجميعها وصرف التعويضات العادلة للمواطنين حيث تم صرف 250 مليون جنيه للمتضررين
نفتتح العام القادم في الاقصر مشروع مارينا سيوفر 10 الاف فرصة عمل من خلال 180 فندقا عائما بين الاقصر واسوان وهو مرسى سياحي بنظم عالمية يقضي على مشكلة تكدس المراكب في المراسي الحالية والتي دائما ما تكون عرضة لاشتعال الحرائق وحدوث الكوارث
اهل الاقصر بيشبهوا اثارها وكل اللي عاوزينه في الاقصر انها تكون وصل ما انقطع عشان الفراعنة ما يبقوش في غربة في بلد اختاروها للحياة واختارتهم للخلود قضايا الاقصر القديمة باثارها الاقصر الحديثة بمشروعاتها هيكون لينا عنها مع رئيس المجلس الاعلى لمدينة الاقصر الدكتور سمير فرج كلام .... مسئول
فاصل
محمد صلاح: ارحب بالدكتور سمير فرج .. دكتور سمير انت استملت الاقصر كان فيه خطة لتطويرها انت اشتغلت عليها ولا بدات انت
د.سمير فرج - محافظ الاقصر: لا هو للاسف في مصر أي مسئول بيطلع مكانه سواء وزير ولا محافظ من النادر تلاقي خطة موجودة تشتغل بيها ولذلك اول ما استلمت وحلفت اليمين سيادة الريس قاللي قدامك 3 سنين وتعيد الاقصر الى ما كانت عليه فانا رحت طبعا اسأل فيه حاجة موجودة فيه حاجة خط مفيش .. يمكن نفعني حاجة كويسة ان المركز الانمائي للامم المتحدة عامل 22 دراسة في محافظات مصر لتطويرها هو شغلته كده فلقيت دراسة موجودة بس دراسة بتبص من الناحية الأثرية والسياحية فقط المهم بدينا نشتغل وعملت خطة ويمكن اول زيارة قام بها الدكتور احمد نظيف وهو رئيس وزارة لمحافظة خارج مصر كان الاقصر في ديسمبر 2005 بدات الخطة
محمد صلاح: الخطة اللي انت بتعتمدها لتطوير الاقصر هتحول الاقصر الى مدينة عصرية حديثة قوي ولا هتحافظ عليها كمدينة اثرية كمدينة تراثية ، متحف مفتوح
د.سمير فرج: في البداية نقول ليس سمير فرج مسئول عن الاقصر فقط احنا من يوم ما بدأنا وفيه لجنة وزارية مسئولة برئاسة رئيس الوزرا ووزير الثقافة ووزير السياحة ووزير الاستثمار ووزير الاسكان الري ، الزراعة، التنمية المحلية وانا ، اجتمعنا لحد دلوقت 20 مرة في ال4 سنين اللي فاتوا مفيش مشروع بيتم الا واللجنة دي كلها بتوافق عليه من الناحية الاثرية والسياحية
محمد صلاح: اه بس انت اللي موجود في المكان
د.سمير فرج: اه أنا اللي موجود بس مفيش طوبة بتتحط ولا بتتزال الا لما اللجنة بتوافق ، حطينا مبادئ من اول ما رحنا ، الاقصر منقدرش نغير الهوية بتاعتها لازم تفضل مدينة اثرية جميلة عندنا تلت آثار العالم مش موجودة في أي حتة دا واحد ..الحاجة التانية انك لازم توفر حاجات مريحة للسايح زي لوكاندات كويسة سواء طرق ، المكار عندنا اجمل مطارات مصر النهاردة اجمل محطة سكة حديد اتعملت في الاقصر الفترة اللي فاتت فكل الكلام دا تسهيلات
محمد صلاح: يعني برضه هتبقى مدينة عصرية ولا هتبقى مدينة اثرية ومتحف مفتوح
د.سمير فرج: لا ..اثرية ومتحف مفتوح
محمد صلاح: امال ليه فيه كلام على انه بعض اللي جرى في التطوير زي اللي حوالين الساحة اللي حوالين معبد الاقصر عامود الانارة الكبير رخام غير الشكل
د.سمير فرج: الكلام دا كله اتعمل وفاروق حسني قاعد وزاهي وكلا الناس موجودين و اليونسكو ، احنا اول ماجينا نطور ، اليونسكو بعت قالنا الاقصر لو عملتوا حاجة من غير احنا ما نوافق عليها هيبقى الكلام دا مش مظبوط وهنشيل الاقصر ..لا طبعا مفيش كلام من دا خالص احنا طبعا بنحط الجرانيت مع الرخام بنطعم لكن تعال شوف الميدان شكله ايه النهاردة حاجة محترمة طبعا
محمد صلاح: طب الكلام عن بيوت الغلابة اللي اتهدمت في البر الشرقي والغربي
د.سمير فرج: البر الغربي طبعا عندنا حاجة اسمها "القرنة" البر الغربي عشان السادة المشاهدين كان قدماء المصريين بيعتبروا ان الغروب نهاية اليوم نهاية الحياة فبالتالي حطوا كل مقابرهم في البر الغربي وادي الملوك وبين وادي الملكات وفي النص 950 مقبرة فرعونية لعامة الشعب والاشراف عليهم 3200 بيت لا مية ولا كهربا ولا صرف صحي ولا أي خدمات السائح علشان يخش يشوف مقبرة يمشي مش عايز اقولك الريحة شكلها ايه ماهو مفيش دورات مية ساكن فوق المقبرة دورة المية بتاعته هي المقبرة اول محاولة تمت لنقل سكان "القرنة" كانت سنة 48 حسن فتحي بنى قرية وكان عاملها 80 عيلة وطبعا ما تمتش ومنذ ذلك التوقيت تم كذا محاولة ، طب انا لما استلمت سيادة الريس قاللي لازم القرنة تتنقل وبالتالي عملنا لهم قريبة جديدة اتكلفت 200 مليون جنيه كل واحد كان عايش في بيت عشة حطب خشب طوب ني ..نقلناه الى بيت تاني كان عنده بيت قديم خد بيت اللي متجوز ومعاه ابنه خد بيتين اللي معاه اتنين ولاد متجوزين خد 3 لحد 4 بيوت وسيادة الريس جه افتتح القرية الجديدة واليونسكو شافها والنهاردة 950 مقبرة اديناهم لزاهي حواس و18 بعثة اثرية بتنقب فيهم دا بالنسبة للبر الغربي مفيش أي حد اتظلم كل واحد خد حقه بل بالعكس انت عارف الصعيد فيها عادة المطلقات والارامل من النادر ان هما يتجوزوا فبتبقى عايشة مع الاب او مع الابن او الاخ ، النهاردة عملنالهم بيوت في نفس القرية احمد المعغربي اداني حوالي 100 بيت للمطلقات اوضة وصالة ودورة مية وحمام للمطلقات فمفيش واحد مخدش حقه ، البر الشرقي طريق الكباش اللي بيربط ما بين معبد الاقصر ومعبد الكرنك حوالي 3 كيلو دا اللي كان الفرعون زمان بيعمل فيه الاحتفالات بتاعته طيب معبد الاقصر اللي هو قصر الفرعون زي قصر الرياسة يعني يتحرك ماشي في طريق الكباش عشان يوصل لبيت الاله امون في الكرنك بيقدم له العطايا ، لما بيرجع من الغزوات معاه الأسرى ومعاه الهدايا اللي جابها عشان يقدمها للإله آمون اللي فينا شاف اوبرا عايدة فيردي لما كتب اوبرا عايدة كتب احلى مارش في الموسيقى اتعمل في العالم على طريق الكباش حضرتك عارف ان طريق الكباش دا مساكن واراضي مزروعة فلازم نشيلها بقالنا دلوقت 4 سنين بنشيل كان ممكن نشيله في شهرين لكن احنا الاول بنبني مساكن وبعدين صاحب البيت وصاحب الارض بياخد تعويض من الدولة مناسب جدا يعني اللي عنده بيت بياخد تلت مليون نص مليون ربع كان بيجيبله كام في الشهر 100 جنيه انما مين اللي ممكن يبقى مضار الساكن المستأجر النهاردة المستاجر يابياخد 75 الف جنيه كاش او شقة تمليك بنخيّره
محمد صلاح: يعني محدش معترض خالص
د.سمير فرج: ماهو انا لو عندي بيت النهاردة وجه سمير فرج شالني هبقى متضايق لان هناك الجانب النفسي اللي متقدرش تعوضه انا عايش في البيت دا 20 ، 30 سنة وعايز اقعد حياتي تيجي انت تشيلني ليه وهتشيل عشان طريق الكباش وانا مالي ومال طريق الكباش طبعا هذا الكلام احنا حطينه في الاعتبار 100% بنقعد نكلم معاهم يعني مثلا واحد خد فلوس وعايز يبني في ارض زراعية خدنا موافقة من وزير الزراعة لان الأقصر مش لازم تبقى ارض زراعية خاصة احنا عندنا القصب مبهدل الدنيا المياه الجوفية بتاعة القصب كان ممكن توقع المعابد لولا المشروعات اللي عملناها عشان تخفيض المياه الجوفية فبالتالي بنسمح له انه يبني بنديله مثلا لو عايز ياخد قرض بنسمح له بقروض بندي تسهيلات عشان نسهل الامور
محمد صلاح: وبالتالي محدش زعلان
د.سمير فرج: لا فيه طبعا ما انا بقولك اهه انا لو قاعد في بيت وجه سمير فرج شالني حتى مهما عوضني هكون زعلان العامل النفسي مهم لكن مفيش ولا واحد بقى في الشارع مفيش واحد مخدش تعويض مفيش واحد مخدش حقه دا المهم
محمد صلاح: سواء في البر الغربي او الشرقي يعني كل الناس ضد فكرة العشوائيات ودايما الحلول اما نقلها اذا كانت زي ماحصل في بعض المناطق بالنسبة للاقصر او تطويرها زي اللي حاصل في بعض المناطق في القاهرة مثلا والجيزة وربما في الوجه البحري مكانش فيه حلول اخرى للعشوائيات عندك انها داخلة في التراث
د.سمير فرج: احنا عملنا الجزئين يعني الحتة على مدخل معبد الكرنك دي مدخل المعبد النهاردة بنحولها الى منطقة تراثية البيوت بنجملها هنتعامل مع الاهالي اللي عايز يعمل مثلا مصانع سجاد او نول يبقى السايح بيتفرج ويمشي لكن اللي قاعد في طريق الكباش اطوره في ايه لازم يمشي بإذن الله اعتقد في ظرف شهرين هنكون انتهينا من اعادة فتح طريق الكباش وكده بقى تتحول الاقصر الى حلم وتتحول الى متحف مفتوح
محمد صلاح: قد ايه البنية الاساسية تعبتك في الاقصر يعني صرف صحي ومية
د.سمير فرج: احنا غيرنا البنية الاساسية بالكامل انا كنت يعني هديك مثال شارع المحطة كنت عامله 20 مليون جنيه لما جيت انفذ دخلنا في 25 انا مكنتش متخيل ان البنية الأساسية متهالكة دا كان اول مشروع نشتغل فيه انا فاكر في يوم جالي المهندس وقالي تعالى انا نزلت معاه 4 متر تحت الأرض دخلنا في مواسير الصرف الصحي مسك القلم الجاف وضربه في الماسورة الماسورة متاكلة يعني هي عايشة على الطين اللي حواليها فغيرنا كله فالنهاردة الاقصر نقدر نقول ال50 سنة الجايين بنية اساسية جديدة انا اول مارحت كانت التلاجات بتضرب التليفونات بتتحرق الكهربا كل دا اتغير النهاردة المية عندي بزيادة لان احنا بنبني 20 الف غرفة فندقية جديدة فمش معقول النهاردة بيجيني طلبات على الفنادق اقوله لا استنى دا انا هدخل كهربا ، الوزير حسن يونس النهاردة دخلنا محولات جديدة واخدين فيها 49% من الطاقة ..هي الاقصر اتنست
محمد صلاح: فيه محافظات كتير اتنست
د.سمير فرج: مش زي الاقصر.. اعلى إشغال سياحي كانت الاقصر لانك انت دفعت فلوس جبت فلوس جبت دخل احنا لما الوزيرة فايزة ابو النجا جابت لنا 240 مليون جنيه عشان اعادة فتح طريق الكباش من الاتحاد الاوروبي حتى سيادة الريس قال كل دول هيروحوا هناك قالوا اه لان احنا هنحط فلوس هتجيلنا فلوس تاني امبارح قبل ما انزل اعلى نسبة إشغال السنادي موجودة عندنا في الاقصر
محمد صلاح: الجو برد بقى
د.سمير فرج: اه الحمد لله الجو ..المطار بقى هايل دلوقت احنا دخلنا في 90 رحلة كل يوم سواء شارتر من كل بلاد العالم جايين كل دا دخل لمصر ودخل لابناء الاقصر
محمد صلاح: مناسب لمدينة اثرية زي الاقصر يبقى فيها كورنيش بتجري فيه العربيات بالشكل دا ولا كان الافضل انه يكون هادئ نوعا ما وتمشي بشكل اقل سرعة عشان تستمتع بالمنظر والمتحف المفتوح دا
د.سمير فرج: انا قلتلك الاقصر ما بيشتغلش كل واحد لوحده احنا بنشتغل من خلال لجنة من سنة .. رئيس الوزرا كان عندنا من اسبوعين وطبعا بقية اللجنة كلها الوزير فاروق حسني وزير السياحة وزير الاسكان وهكذا وافقنا اخيرا على تطوير الكورنيش بعد ما قعدنا سنة ندرس مش هيبقى فيه عربيات زي ماقلت بنينا بقى واحد بس للحنطور وهننزل كله على المية وان شاء الله القوات المسلحة داخلة تشتغل في تطوير الكورنيش 18 شهر هتلاقي أجمل كورنيش في مصر ان شاء الله
محمد صلاح: دكتور سمير خليك معايا لسه الكلام مخلصش
فاصل
محمد صلاح: كان جميل ان الدكتور سمير فرج يقول ان فيه حالة نفسية عند البعض اللي ممكن يتضايق انه يسيب بيته حتى لو كان متاح له تعويض مثلا .. مشاكل الناس برضه ما بتنتهيش عندنا اراء لبعض اهالي الاقصر تيجي نسمعها
د.سمير فرج: نسمع
محمد صلاح: نشوف اهل الاقصر قالوا معانا ايه
فاصل
مواطن1: تركيب المواسير هنا الاول قالولنا ببلاش ودلوقت بيقولوا ب1500 جنيه فاحنا مترددين انت قايليلنا ببلاش ودلوقت بتقولولنا ب1500 فاحنا مراضيناش بالكلام دا ان كان بفلوس يوصلوا مواسيرهم من تاني محدش هيدفع تعريفة في البتاع دا لان هي الحكومة جايبانا مخصوص القرية دي جايلالنا ببلاش
مواطنة2: من يوم ماجيت هنا المدن الجديدة كنا في بلدنا مرتاحين كنا لاقيين لقمة العيش الصراحة من يوم ماجيت هنا وانا تعبانة في المعيشة
مواطن3: المية جاتلنا امبارح عكرة شربت منها ومفيهاش شبة ولا حاجة من البحر على طول بالسمك عندي خزان فيه سمك ادي اول حاجة والمواصلات ولما الواحد يعيا بيروح ياخد له عربية ب10 جنيه عقبال ما يكون جه يكون ابوه مات عشان يجيب الدكتور مفيش عربيات ومفيش فلوس
مواطن4: وعد رئيس المدينة ببناء وبدون ترخيص بتصاريح سواء من المسئولين شفوية او كتابية اطالب رئيس المدينة ببناء دور تاني للمدينة الحاجة التانية بنعاني من نقص المدرسين في المدارس حاليا في مدينة "القرنة" الجديدة احنا بنطالب يكون فيه وجود للمدرسين في مراحل التعليم عندينا من ابتدائي للاعدادي والثانوي يعني احنا عندينا الدراسة ابتدت 3/10 حتى الان فيه عجز مدرسين عجز تام في اللغة العربية وفي الانجليزي وفي الرياضة احنا اتهّجرنا من مدينة القرنة القديمة لينا محلات هناك فيه 24 محل في القرنة الجديدة حاليا مقفولين احنا اتهّجرنا بداية 12 /2006 يعني هنكمل 3 سنين المحلات مقفولة 24 محل مقفولين ليه ما فيه بطالة عندينا احنا السياحة مريحة نايمة وبعدين الخريجين نايمين ما هو يفتحلنا المحلات يدينا بديل
فاصل
محمد صلاح: دكتور سمير فرج كان بيقول عنده مية كتير بس الراجل بيقول ان المية بتنزل عنده بالسمك والست بتقولك انها كانت في البر الغربي كان فيه اكل عيش والراجل بيقولك قافل المحلات رد بقى يادكتور
د.سمير فرج: الراجل اللي بيقول المية فيها سمك طبعا مبالغة ما اعتقدش يعني وهطلع بكرة الصبح اشوفها ، موضوع طبعا المحلات المقفولة كانت في المنطقة الاثرية وكل واحد في المنطقة الاثرية خلاص عزلناها بالكامل لا يمكن تكون وسط المقابر ويبقى فيه محل قفلنا الكلام دا كله كل دول خدوا تعويضات او خد محلات في وادي الملوك يعني انا واثق ان هما 24 محل بنينا محلات في وادي الملوك كل واحد خد محل، هو عايز يفضل في المكان القديم لا لا يمكن المنطقة الاثرية خلاص اتقفلت واتسلمت للاثار اما موضوع المدرسين دا انا اول مرة اعرف الكلام دا فهروح اشوف انما احنا بنينا لهم مدرستين جداد طبعا القرنة دي مكانش فيها لا تعليم ولا مدراس ولا افران ولا مكتب بريد ولا حاجة القرنة الجديدة بقى فيها مدرستين منهم واحدة انجليزي بقى فيه فرن بقى فيه مكتب بريد بقى فيه مركز شباب مدينة بالكامل اتبنت
محمد صلاح: دكتور سمير انت بتستمع لآراء اللي بينتقدوك ولا بتعديها شايف ان هما من اعداء النجاح
د.سمير فرج: لا لا .. بص انا كل يوم اتنين نعمل لقاء مفتوح نقعد القاعة موجودة فيها 200 ، 300، 400 من اهل المدينة نسمع عندي 4 مدن في الاقصر احنا مش مدينة واحدة اما اشوف واقعد معاهم اعمل ايه طبعا بنشوف مشاكلهم لان المسئولين اللي عندك وكيل وزارة التعليم يقولك كل حاجة تمام انما لازم تنزل وتشوف يعني وانا جاي دلوقت لسه بيكلموني الوحدة الصحية في كذا كذا الدكتور بتاعها مش موجود بعد الضهر اتحققوا واتفتش وابعتوا بكرة الصبح تحقيق انا تليفوني مع أي مواطن في الاقصر ومكتبي مفتوح في أي وقت كل يوم اتنين للاهالي
محمد صلاح: عايزين نتكلم على موضوع اليونسكو يعني فيه كلام ان اليونسكو هدد بان الاقصر ....احكي لنا القصة ايه السبب وايه اللي حصل
د.سمير فرج: اول ماجينا نشتغل هما قلقوا لان احنا بنعمل خطة وماستر بلان وشافوا في وسائل الاعلام فجم بعتوا هذا الكلام دلوقت جم وتقريبا كل 6 اشهر لجنة بتقعد معانا انت عارف اليونسكو عبارة عن جناحين تعليم وتراث .. انا عندي مشكلة كبيرة قرية حسن فتحي اللي هي التاريخية انت عارف لو أي كتاب في العالم اتفتح على العمارة في العصر الحديث اول صفحة عمارة الفقراء حسن فتحي جبنا زوار للاقصر يزوروا قرية حسن فتحي مش عشان اثار لانها فن عمارة في العالم الحديث فالقرية دي كان لازم تترمم فوافقت اليونسكو اخيرا انها هترمم قرية حسن فتحي وهتبني اكبر مركز للتدريب على الحرف التراثية في الشرق الاوسط في قرية حسن فتحي فالعلاقة مع اليونسكو دلوقت تمام ومفيش مشاكل خالص
محمد صلاح: يعني الاقصر مش هتدخل في ...
د.سمير فرج: لا الكلام دا كان من 4 سنين وانت عارف القصة كلها وكمان كان لسه المياه الجوفية مخلصتش مشاكلها الحمد لله عملنا مشروعين للمياه الجوفية
محمد صلاح: احكيلي عن المياه الجوفية لانه احنا من ايام الجامعة كنا بنتردد في رحلات الجامعة على الاقصر وكان تقريبا مستوى المية هيطلع خلاص على الاثار
د.سمير فرج: بالظبط..احنا انا قبل ما آجي الاقصر قمت الصبح لقيت المياه الجوفية عليت بالذات البر الشرقي بالذات الاقصر والكرنك لدرجة السايح كان بيعدي على طوب ، سيادة الرئيس اياميها بعت رئيس الوزرا كان اياميها عاطف عبيد وبدات الصحوة اليونسكو تدخل وجاب شركة سويدية متخصصة على المياه الجوفية المشروع قعد 18 شهر دفعته 50 مليون جنيه المعونة الامريكية و20 مليون جنيه وزارة الاسكان وانتهى الحمد لله مشكلة المياه الجوفية في البر الشرقي والبر الغربي احنا بدانا من شهر يناير اللي فات مشروع تاني ب70 مليون جنيه تانيين دفعتهم برضه المعونة ووزارة الاسكان باشراف اليونسكو والحمد لله اعتقد انه شهر 8 اللي جاي هنكون قضينا على المياه الجوفية بالكامل في الاقصر خد بالك احنا بنخفض المياه الجوفية .. المشكلة التانية ان احنا بنزرع في الاقصر حوالين المعابد 22 الف فدان قصب فدي مشكلة كبيرة احنا دلوقت بنعيد التركيب المحصولي لهذه الافدنة اللي حوالين معبد الاقصر وزير الزراعة متفق معانا وبنقنع الفلاحين ان احنا نزرع مزروعات حقلية للتصدير
محمد صلاح: مش هتعمل مشكلة برضه للي بيزرعوا قصب
د.سمير فرج: لا لا هيكسب اكتر بس هو مكانش لاقي الاول انه هيصدر ازاي المطار القديم بتاع الاقصر تحول الى مطار شحن كل شحن الزراعة بتاع جنوب الصعيد بعد ما كان بيطلع لحد القاهرة بقى بيتشحن من الاقصر عملنا لاول مرة تلاجة لشحن الحاصلات الزراعية في الاقصر الطريق الجديد اللي اتفتح بينا وبين سفاجا 180 كيلو فالنهاردة انت بتصدر للخليج من الاقصر كل الكلام دا ساعد .. ما هو من 3 سنين مكانش الكلام دا موجود لما عملنا الطريق دا ولما المطار القديم اتحول الى مطار cargo اتعمل تلاجة ساعدت النهاردة انك تقدر تحول التركيب المحصول من قصب السكر الى محصول انت عارف انه الاقصر هتبقى من اكبر منتجي العنب في العالم ..احنا من 3 سنين زرعنا عنب ففوجئنا ان اول قطفة عنب بتطلع في العالم بتطلع في الاقصر من الجو بعدها ب15 يوم المكسيك بعد المكسيك ب15 يوم تخش اسبانيا والبرتغال وبعدين حوض البحر المتوسط للاسف لما بدينا نزرع كان زراعة هواة مش محترفين فزرعوا عنب ال Quality بتاعته مش تمام جالنا وزير الزراعة السنة اللي فاتت وبدينا نجيب شتلات جديدة من المكسيك النهاردة الاف الافدنة الجديدة لاستصلاح العنب تحت اشراف وزارة الزراعة شتلات جديدة لانه انواع بقى لانه فيه دول بتاخد العنب فيه اللي عايز السكريات بتاعته زيادة ، السكريات اقل، السكريات متوسطة فالكلام دا الدكتور امين اباظة عملنا مشروع كويس دلوقت جابلنا شتلات من المكسيك اعتقد انه 3 سنين والاقصر داخلة في زراعة العنب في العالم كله ان شاء الله
محمد صلاح: ايه قصة قصر اندراوس هو فيه قصر متهدم ولسه واحد ما اتهدمش فيه مشكلة عليه وكتب الاعلام عنها نسمع بقى شهادتك في الموضوع
د.سمير فرج: انت عارف ان معبد الاقصر فيه مسلتين واحدة منهم في باريس اداها محمد علي هدية لفرنسا قصاد ساعة موجودة في ميدان الكونكورد في باريس اكبر ميدان في فرنسا كله احنا بقى في معبد الاقصر المسلة دي اللي باقية على مسافة 300 متر منها جوه حرم المعبد بيتين بتوع قصر اندراوس باشا اللي هما اكبر ناس في هذا التوقيت طبعا جوه حرم المعبد لا يمكن يعني اخلي بيتين جوه حرم المعبد
محمد صلاح: يتحولوا الى جزء من المعبد نفسه لان هما بيتين تراثيين
د.سمير فرج: لا لا لا بص احنا اتعمل لجان وجت لجنة من وزير الثقافة وطلعت وشافت ان البيت دا اصلا من الطوب الني وكان بيت منهم قاعد فيه الحزب الوطني والنيابة الادارية ، رئيس الوزراء الفرنسي السنة اللي فاتت لما جه كان مذهول تيجي تحط بيت جوه حرم المعبد احنا قدام معبد الكرنك كان فيه بيت لوجران الفرنساوي لما جيت اشيله برضه الفرنساويين قلبوا الدنيا وجبنا اليونسكو قال لا .. يتشال لا يمكن في حرم معبد وفيه حرم اثري احط بيت جوه الحرم وزي ما قلتلك برضه فيه لجنة ماهو مش قرار سمير فرج بس لا دا قرار رئيس الوزرا ووزير الثقافة وكوننا لجنة من وزارة الثقافة طبعا اصحاب البيت كان نفسهم البيت دا يتعمل مطعم والناس تيجي تتغدى وتاكل ما ينفعش فيه عندك اثر انت مش عارف قيمته في الدنيا دي كلها احط جواه بيت لا طبعا
محمد صلاح: وبالتالي القرار ايه
د.سمير فرج: هيتشال طبعا
محمد صلاح: هل فيه مشاكل مشابهة يعني هل فيه بيوت بتاعة ناس....
د.سمير فرج: لا لا هما دول كانوا البيتين الوحيدين جوه حرم المعبد وبعدين كان فيه بيت تاني بتاع لوجران اللي كان على مدخل الكرنك وبرضه الفرنساويين اشتكوا اليونسكو واليونسكو جابت لجنة طبعا اتشال
محمد صلاح: خليك معايا دكتور سمير لسه الكلام مخلصش
فاصل
محمد صلاح: لسه فيه ناس مصممة تقعد وسط الاثار بعض علماء الاثار بيقولوا من الممكن اعادة هيكلة البيوت التراثية اللي في وسط الاثار الفرعونية بحيث انها تبقى جزء من طبيعة المكان وشاهد على التطورات اللي حاصلة فيه ايه رايك
د.سمير فرج: دا مش قرار سمير فرج لما تقعد في لجنة فيها وزير الثقافة فاروق حسني...
محمد صلاح: انا عايز رايك
د.سمير فرج: رايي طبعا يتشالوا بس انا مش عايز حد ياخد انطباع ان انا قاعد اشيل بمزاجي لما وزير الثقافة يطلع لجنة فيها 8 علماء اثار لازم يتشالوا ويتشالوا انما مش كل واحد يطلع يقول اسيب البيت دا...!!! اسيب بيت جوه حرم معبد تاني اكبر اثر في العالم واسيب بيت جواه مفيش الكلام دا وانا برضه مش عايز ادي المشاهد او المستمع يقول دا قراري لكن فيه قرار رئيس وزارة قعد واتعرض عليه الكلام دا فاروق حتي موجود اللجنة طلعها فاروق حسني وبعتت له تقرير وجالي لازم يتشال مفيش حد بيشتغل لوحده في البلد
محمد صلاح: طب هنشوف مداخلة ..نشوف الدكتور طارق
فاصل
د.طارق والي - استشاري عمراني: اخيرا سنة 2009 واقل من اسابيع قامت لجنة التراث العالمي فعلا بتسجيلها يمكن لم تعلن في الاذاعة او في الاعلام المصري انه قرية حسن فتحي ضمن التراث العالمي وبالتالي هي اخدت اهمية عالمية بالاضافة لاهميتها المحلية المصرية المعمارية فاللي بيؤسفني ان القرية في حالة سيئة جدا من ناحية الاهمال من ناحية عدم الاهتمام بيها بالرغم من ان فيه مشروعات بتتكلم عن تطوير الجرنة وتطوير الاقصر وتطوير البر الغربي لكن للاسف اللي موجود على ارض الواقع مختلف الى حد كبير ممكن نتكلم عن مستويين مهمين في القرية او في التجمع اتعمراني اللي بناه حسن فتحي المباني العامة دا مسئولية المؤسسات الحكومية ومؤسسات الدولة والمباني الخاصة دي مسئولية مجتمع لما نشوف المباني العامة فيه مدرسة اللي اتبنت كانت مدرسة للبنين طبعا احنا عارفين قرية حسن فتحي مبنية كلها بنمط العمارة النوبية اللي هي فكرة القباب مبنية بالطوب الني مبنية على الطابع المحلي فلما نلاقي ان مدرسة بنين اتهدمت في بداية التمانينات واتبنى مكانها مدرسة بالخراسانة والمباني الهيكلية 3 طوابق او 3 ادوار دا شئ طبعا لابد ان احنا نقف عنده
فاصل
محمد صلاح: يمكن الناس فاكرة ان خطة التطوير ممكن تخلص في سنة ولا في سنتين وبالتالي لازم كله يترمم مع بعض دا حق الناس طبعا الجيل الي عايش عايز يشوف الاقصر وهي بتتطور عايز يعيش فيها وهي متطورة فين قرية حسن فتحي بقى
د.سمير فرج: انا قلتلك في البداية حسن فتحي دا قيمة معمارية على مستوى العالم كله القرية دي بيجيها كل سنة زوار جايين مخصوص لقرية حسن فتحي اجانب لما جالنا مستر بندرين اللي ماسك لجنة التراث في اليونسكو انا عرضت عليه الكلام دا لان لازم تتطور فوافق انها تتطور بقيت اليونسكو اللي هيدفع تمنها وهيعمل كمان جنبيها مركز للتدريب على التراث والحرف التراثية العالمية للشرق الاوسط بالكامل اعتقد هتاخد سنة ونص المهم التمويل جاي من اليونسكو ان شاء الله ودا اعتقد من احسن الاخبار اللي تهم أي واحد بيهوى التراث المصري خاصة ان حسن فتحي اللي عمل قرية كاملة في المكسيك باسمه وعمل في سيوة فلازم كنا نحافظ على الكلام دا ولما جه مستر بندرين انا عرضت عليه الكلام دا ووافق وان شاء الله اتمنى انه في سنة ونص نخلص هذه القرية
محمد صلاح: دكتور سمير اكيد تطوير مدينة بحجم الاقصر واهميتها تسبب في معاناة الناس يعني هنا احنا بنعمل كوبري الناس بتتعب وكوبري الانفاق تعب الناس رغم انه بيريحهم في مراحل اخرى .. قد ايه رصدت معاناة الناس غير بقى اللي اتنقلوا واللي ما اتننقلوش اللي خد بيت واللي مخدش بيت المعاناة ازاي
د.سمير فرج: انا قعدت سنتين في الاقصر انا كنت بتشتم وانا ماشي في الشارع -لا دي حقيقة - ماهو انت فاتح كل الشوارع انت دخلت مفيش بنية اساسية طب انا هشرحلك حاجة تانية عادل لبيب وهو صديقي كان في قنا وراح اسكندرية بعد ما وصل باسبوع طلبني قالي يا سمير اعمل زيك في الاقصر وافتح الدنيا كلها ولا امشي على مراحل قلت له بص يا عادل خش وافتح بس خد بالك هتقعد سنة تتشتم لكن في النهاية هتلاقي الحاجة مظبوطة شوف النهاردة العجمي عادل لبيب خد شتيمة محصلتش في مصر لكن النهاردة العجمي بعد 50 سنة مكانش فيها صرف صحي بقى فيها صرف صحي احنا نفس الكلام عملناه في الاقصر كان لازم نقعد 20 سنة عشان نستنى ، انا فتحت الشارع كله مرة واحدة احنا عندنا سوق السلاح اللي هو لا يمكن كنت تتخيل اسفلت مكسر فتحته سنة بالكامل بنية اساسية مية كهربا صرف صحي تليفونات غيرنا واجهة المحلات عملنا سقف خشب عملنا حاجة محترمة طبعا الكلام دا بعد سنة طبعا النهاردة كلهم مبسوطين واصبح حاجة حضارية فهناك التطوير له بعض الماسي لكن لازم نتحملها عشان في النهاية نتلاقي حاجة كويسة ودا اللي حصل في الاقصر
محمد صلاح: امتى معاناة الناس بقى من الشوارع اللي بتتقفل او بتتفحت او المواسير اللي بتنزل او بتطلع تنتهي ويبقى انت شغال على مناطق خارج السكنية
د.سمير فرج: اعتقد واحد يناير اللي جاي دا هنكون خلصنا طريق الكباش وطريق الكورنيش دا اللي مفيهوش رجل كتيرة واحنا موضبين للكلام دا عاملين طرق كتيرة بديلة فاعتقد انه من 1/1 هتنتهي المعاناة داخل مدينة الاقصر لكن انت مدينة جديدة كانت من العدم بنيتها تاني
محمد صلاح: كلمنا عن مارينا
د.سمير فرج: المارينا بره الاقصر ب10 كيلو اجمل رحلة في العالم هي الرحلة النيلية ما بين الاقصر واسوان رئيس البنك الدولي كان عندنا السنة اللي فاتت كان في مؤتمر بيقولي مراتي راحت الرحلة دي اتمنى بعد التقاعد اجي احضرها المهم احنا عندنا 288 فندق عائم في النيل الصرف الصحي بتاعهم في النيل بياخد المية في النيل الديزل بتاعه شغال 24 ساعة يعني اللي قاعد جوه الاوتيل العايم دا ميقدرش يفتح الشباك هيتخنق عشان تقف المراكب تقف ال7 مراكب جنب بعض لو واحدة ولعت تلاقي ولعوا اللي جنبيهم بقالنا 15 سنة مصر بتنادي لازم نعمل مينا جديد او مارينا جديد للفنادق العايمة فاحنا اخيرا قعدنا سنة ندرس في اللجنة دي كان البر الشرقي بره الاقصر وبعدين البر الشرقي كنز فقلنا معظم المواني العالمية انت عارف خليج نعمة هنعمل زيه كده والمراكب جواه وحواليه ممشى ومطاعم ومحلات وبازارات وكافيهات ففيه حياة هننقل بقى برة المدينة الاثرية كل الكلام دا يبقى التلوث برة المركب تخش تاخد مية كهربا تطلع صرف صحي برة على يروح بقى على الشبكة العادية ما احنا عاملين شبكة احنا عندنا اكبر غابة شجرية موجودة في مصر وعندنا لما جه رئيس الوزرا الشهر اللي فات وافق لنا على 5 تلاف فدان كان خارج الحيز هنعمل اول مصنع في صعيد مصر انت عارف صعيد مصر مفيهاش غير مصنع واحد بتروفا اللي هو النبات اللي بيتروي من المية المعالجة من الصرف الصحي ويتعصر يتعمل زيت طيارات مصنعة واحد في السويس نص المصنع دا بناخده منين انا هزرع 6 الاف بالتعاون مع وزارة البيئة مع الشركة الالمانية وهنعمل مصنع هيلم كل انتاج الصرف فبطمنك من الصرف الصحي عندنا احسن غابة شجرية في مصر معمولة من قبل انا ماجي مش انا اللي عملتها عشان ما انسبش الكام دا لنفسي بتستغل للمية احنا بقى المينا الجديدة دي هتخلي المراكب تطلع الصرف الصحي عالشبكة بتاعته
محمد صلاح: انت مش خايف ان ال10 كيلو دول مع الزمن يبتدي زحف المنطقة دي بعد كده فندق وبعدين مطعم وكام بيت وبعدين هيقربوا من المنطقة دي
د.سمير فرج: احد القيود اللي حاططها لنا اليونسكو معانا ، اليونسكو قال الكلمة اللي انت قلتها اللي هو عشان خايف من الزحف اللي بعد كده الميزة انهى فيه ال buffer zone اللي هو الكوبري دا اتعمل عشان مندخلش العشوائيات جوه البر الغربي فقال ان احنا لازم نحط تحذيرات واضحة لعدم انتشار أي عشوائيات للبر الغربي دا ان شاء الله هنحطه في التخطيط مع الشركة اللي هتنفذه
محمد صلاح: طول عمر مصر فيها قوانين بتمنع العشوائيات ومن زمان كانت القاهرة متخططة لكن دكتور سمير الاجراءات اللي بتتاخد لا تتناسب مع المفروض يحصل القوانين ما بتتنفذش والقرارات ما بتتنفذش واللي عنده سلطة يقدر يتصرف واللي عنده سطوة يقدر يتصرف وفي الانتخابات برضه بتعدي حاجات ازاي انت ضامن انه بعد المجهود دا ومؤسسات دولية تنفق وتشارك تضمن ازاي انه ماترجعش العشوائيات تاني
د.سمير فرج: احنا حاطين في السنوات الجديدة الاقصر حاجة تانية غير مصر كلها لو فيه تسيب هيتم في كل حتة لكن احنا حاطين قواعد وقوانين انه بعد الكوبري دا شمالا مفيش حاجة هتتم فخلاص دا قانون هيتنفذ هنحطلها قواعد وضوابط نرجو طبعا الفترة اللي جاية الي يجي بعدنا يكمل هذه الضوابط النهاردة البر الغربي مانعين فيه أي بنا .. بنزيل انا زلت قوي في البر الغربي على النيل عشان كده انا بقول في كل حتة
محمد صلاح: حتى الفنادق
د.سمير فرج: برضه دا قرار ممنوع ، ممنوع انشاء أي فندق جديد في منطقة البر الغربي
محمد صلاح: عندنا ناس من الاقصر عايزين يتكلموا
د.سمير فرج: آه نسمعهم
فاصل
مواطن1: احنا عندنا مشكلة بين قنا والاقصر من عشرات السنين ايه هي الغرفة التجارية بتاخد تحصيل الاقصر وتضمه على تحصيل محافظة قنا بالرغم من ان اكثر من مرة عرضنا هذا الموضوع ووافق قبل كده في سنة 2005 السيد وزير التموين على انه كل حاجة تبقى في الاقصر فالنهاردة السجل التجاري فيه آلاف التجار بين الاقصر بيدفعوا لغاية النهاردة رسوم تجارية لتجديد الرخص لتجديد السجل في قنا والراجل بتاع الاقصر يروح قنا عشان يخلص هذا الموضوع ساعات نلقى المحصل مش موجود يروح تاني ويرجع تاني
مواطن2: فيه ناس كتير النهاردة من اللي هي سابوا بيوتها او سابوا الاماكن بتاعتها وخدوا العماير بتاعتهم بحيث ان هما يظهروا طريق الكباش دا فيه ناس كتير النهاردة اتظلموا ومخدتش فلوس كافية تؤهلهم انه يلاقوا سكن يؤويهم
مواطن3: الموقف اللي هنا دا اللي داخل السوق دا ممكن يبقى قريب على البلد
مواطن4: مستوى المعيشة مرتفع جدا جدا عشان خاطر طبيعة البلد سياحية وكده بالتعاون مع السياحة في مصر في الاقصر هنا بيؤثر على ارتفاع المعيشة بالنسبة للمواطن في الاقصر
مواطن5: احنا سمعنا ان الدكتور سمير هيعمل عربيات توك توك عشان يلغي عربيات الكارو دي اللي موسخة البلد
مواطن6: ما ينقصنا حقيقة هو وسيلة المواصلات العامة المتمثلة في السكك الحديدية في الحقيقة نتمنى انه يعطي لها جانب من الاهتمام انه في الحقيقة فيها اهتمام ولكن اهتمام يكاد يكون غير ملموس بالنسبة الى ابناء الاقصر لعدم وصول القطارات في مواعيدها وثانيا عدم النظافة داخل القطارات وخصوصا التي تبدا بدايتها من مدينة الاقصر فالمفروض تكون على اتم نظافة وعلى اتم استعداد
مواطن7: عندنا ناحية نادي الشعب ودي منطقة مشهورة جدا عندنا فيه لعيبة لما تيجي تلاقي مطبات وحفر شوية اسفلت هيساووا الشارع وحضرتك لو رحت هناك هتلاقي الشوارع محفورة وحاجات كتيرة يعني
فاصل
محمد صلاح: مشكلة القطارات معتقدش انها مشكلة الدكتور سمير فرج لكن فيه مشاكل حياتية ايه حكاية التوك توك انا اول مرة سمع انه حد بيطالب بتوك توك
د.سمير فرج: لا لا لا ممنوع التوك توك يدخل الاقصر خالص دا قرار نهائي يعني ..الكارو بيخش طبعا عملية صعبة انا قلت ما هو غرب السكة الحديد مفيش كارو لان دي المنطقة السياحية والاثرية لكن شرق السكة الحديد مقدرش امنع الكارو لان الاهالي بتزعل وبعدين دا مواطن لكن التوك توك دا منوع تماما احنا دلوقت جايبين العربيات الكهربا بس دلوقت في المطارات السياحية العربيات الكهربا اللي هي صديقة البيئة عربيات الماني حلوة جدا بتاخد السايح بتمشيه المشوار بتاعه رايح وجاي برضه دي كويسة الكورنيش بقى وهنبني الكورنيش عربيات الكهربا طريق الكباش لما يخلص 6 كيلو وهيبقى الاقصر اكبر متحف مفتوح هيبقى نازل معبد الاقصر يتفسح يركب عربيات الكهربا 3 كيلو عشان يوصل الى معبد الكرنك اعتقد دا هيبقى حاجة جميلة انشاء الله
محمد صلاح: مستوى المعيشة
د.سمير فرج: طبعا هما لهم حق طبعا النهاردة قزازة المية بيشترها زيه زي السايح طبعا الا لو دخل جوه البلد واحنا عرضنا الكلام دا على الدكتور نظيف فوعد انه اللي اتعمل في الاقصر هيتعمل في شرم الشيخ والغردقة انما اعتقد ان دا مطلب عادل لاهالي الاقصر
محمد صلاح: مطلب عادل هنحققه ازاي بقى
د.سمير فرج: بص الدكتور نظيف طرح حاجات كتيرة وقالي شوفها وادرسها واعتقد انه المرة الجاية هنجد لها حل انه ناخد مثلا من التنمية السياحية حاجة لصالح اهل الاقصر بس انا مش عايز اقول الكلام دا مش عايز ارتبط بكلام انا قلته غير لما يتعرض على السيد رئيس الوزرا ويوافق عليه
محمد صلاح: كلمني بقى على النشاط الثقافي في الاقصر
د.سمير فرج: احنا ال3 سنين الاولانيين كان تنمية الحجر عملنا بنية اساسية كاملة المعابد الساحات في ال3 سنين التانيين وهو التنمية البشرية او تنمية البشر بعد ما كنا بننمي الحجر اول مكتبة مبارك موجودة في صعيد مصر موجودة في الاقصر وافتتحتها السيدة سوزان مبارك النهاردة فيها معرضين طليانيين وانا باصر ان كل يوم الصبح مدرسة من المدارس تطلع رحلة تخش المكتبة تشوف المعارض هي دي اللي بتفتح الثقافة طبعا انا ازلت قصر الثقافة اللي كان موجود لانه كان جنب معبد الاقصر وبنبني واحد جديد ب60 مليون جنيه وتقريبا بيتشطب السنادي ،/الشهر دا عندنا 3 مؤتمرات ثقافية عندنا مهرجان طيبة الادبي عندنا مهرجان الربابة عندنا سبمبوزيوم التصوير بيتعمل الشهر دا فدول 3 في شهر واحد انا مهتم بالثقافة لان الثقافة هي الليب بتنمي البشر نيجي بقى للناحية البشرية التنمية البشرية في أي حتة في الدنيا عشان تنمي بشر حاجتين تعليم وصحة التعليم ربنا كرمنا بالسيدة سوزان مبارك شفتها بتطور 100 مدرسة في القاهرة و100 مدرسة في الجيزة قلتلها اين الصعيد عملت لي 107 مدرسة في الاقصر بالكامل هي جت تشوف المدارس جت مدرسة من المدارس تشوفها انا طبعا مش هوريها مدرسة كويسة لازم اوريها المدرسة الوحشة معرفتش تطلع تاني دور السلالم دايبة فلو انا عايز اخد فلوس هوريك الجيد واحنا في العربية قالت لي انت عايز 10% من المدارس دول نشيلهم ونعمل جداد احنا النهاردة السنادي عندنا في الاقصر مدارس ولا مدارس التجمع الخامس ودي اولى مبادئ التنمية البشرية في مصر عشان ده اعتقد انه ولادنا في الاقصر بعد 10 سنين هتلاقي جيل متعلم انا كنت وانا بنمر على الثانوية العامة متضايق تخش تلاقي التختة متسمرة 500 مسمار طب الطالب بيكتب ازاي المدارس في الاقصر مكانش فيها لا شبابيك ولا بيبان ولا تختة ولا دورات مية النهاردة بقى فيه دورات مية النهاردة مدام سوزان اديت لنا فلوس عاملين لاول مرة شركة نضافة بتنضف المدارس بقى فيه صيانة للمدارس بقى فيه امن جميع المدارس انا بقعد في اجتماع المحافظين يقولي كان زمان عندك المدرسة فيها فراش واخد طب دا هيحرس ولا هيكنس ولا هينضف لكن انا بقول النهاردة الاقصر حظها سعيد جدا مدارسها السنة الجاية كلها النهاردة مدارسها فيها 3 معامل معمل كمبيوتر معمل كيميا ومعمل طبيعة تخش النهاردة بيحضروا زي زمان زي ما انا وانت شفنا زمان ، عندنا حصص تدبير دلوقت بتدرس اه كان المكان موجو د لكن مكانش فيه شبابيك النهاردة بقى في المدارس مراوح اقسم بربي انا رحت اول سنة لقيت فصلين في مدرسة الثانوية بنات في الحوش ودرجة الحرارة 45 طبعا زعقت مع وزير التربية والتعليم وبنينا لكن النهاردة انا بقولك في الاقصر فيها احسن مدارس بجمهورية مصر العربية ... بالنسبة بقى للجناح التاني " الصحة" احنا حظنا حلو برضه المعونة المريكية نزلت مصر بمشروع جديد انها بتاخد الوحدات الصحية اللي في الريف وتعيد تاهيلها مرة اخرى فاتطورت كلها بالكامل انا اتحدى انه يكون فيه موجودة في مصر طبعا المعدات كلها هل تتخيل انه في القرية اللي موجودة في الاقصر النهاردة جهاز سونار للحوامل ب2 جنيه يعني الست الفلاحة الغلبانة الحامل بتخش عيادة النسا وتعمل سونار ب2 جنيه ، عندنا 45 وحدة صحية وبنبني ال46 دلوقت كان عندنا مشكلة اللي هي المستشفى العام شوف بقالها كام سنة بتتطور 10 سنين انما الحمد لله وزير الصحة كان عندنا من حوالي شهر ووعدنا انه في شهر يناير ان شاء الله هتخلص وهتتصلح فعندنا الخدمات الصحية ممتازة عندنا 40 عربية اسعاف بنينا مستشفى جديد في البر الغربي تخيل انت في البر الغربي عندك 12 الف سايح بيتحركوا بعربيات عربية اتقلبت تحصل ايه كارثة عملنا مستشفى جديدة في 11 شهر القوات المسلحة النهاردة جزء منها مسمينه استثماري دا مقفول عشان لو حصل لاقدر الله لفرخة اللي بتبيض البيضة الدهب لازم انت تبقى مجهزله حاجة والجزء التاني للاهالي وعلى اعلى مستوى من هذه المستشفيات فاعتقد الخدمة الصحية الناردة في الاقصر من احسن الخدمات الصحية اللي موجودة في مصر
محمد صلاح: دكتور سمير انت كنت رئيس لدار الاوبرا لما كنت رئيس دار الاوبرا وبعدين بعد كده لما بقيت رئيس المجلس الاعلى لمدينة الاقصر كنا بنعمل زمان اوبرا عايدة في الاقصر وانت موجود ما بتتعملش ليه
د.سمير فرج: مكناش نقدر نعمل الكلام دا ومفيش بنية اساسية الفترة اللي فاتت طريق المطار نفسي كنت تخشه من 4 سنين النهاردة شوفه ازاي
محمد صلاح: امال كانت بتتعمل ازاي زمان
د.سمير فرج: انا كنت رئيس القوات المسلحة ومسئول عن التامين ورحنا نشوف العملية كانت ماساة مكانش فيه حمامات في الاقصر كان السايح اللي عايز يروح الحمّام ياخد تاكسي يروح الاوتيل ويبرجع تعالى شوف المنظر النهاردة وحقيقة برضه انا بشكر وزارة الصحة اللي دعمونا بالفلوس وعملنا النهاردة ممكن نشتغل ونعمل الكلام دا بعد ما بقى فيه بنية اساية كاملة تقدر تعمل دا انت عارف ان مطار الاقصر من 4 سنين اول ما رحنا كان ساعات يكلموني الصبح 3 طيارات في المطار قافلين على الناس الطيارة عشان مفيش مكان ينزلوا ويقفوا فيه لانه كان خيمة النهاردة بقى عندنا مطار محترم وكويس فلاشك ان التاثيرات دي كلها بتشجع النهاردة ان احنا نعمل أي انشطة ثقافية الفترة القادمة
محمد صلاح: من تنمية الاثر الى تنمية البشر الاقصر هتبقى متحف مفتوح ستستكمل في خلال اشهر ثم سنوات وحتى 2030 قال الدكتور سمير فرج كلامه معنا النهاردة كان كلام جميل كلام معقول اكيد كان كلام .... مسئول خلص الكلام سلام نلتقي في الحلقة المقبلة.


انقر هنا لقراءة الخبر من مصدره.