حديث المدينة

مفيد فوزى:طول عمرك يا اسنا منسية لا حد انتبة لك ولا حد التفت لك ولا حد فكر فيكى ولا حتى حد اهتم يفتح ملفك طول عمرك منسية معرفش اذا كان ده يهم الناس اللى بتشوفنى دلوقتى والا لآهل يهمهم قطعة من قلب الصعيد اسمها اسنا تتعذب تتالم فى صمت والا لآ مش عارف لكن اعتقد انه من الطبيعى جدا انه الصعيد ده مش خارج البلد ده جزء من مصر طول عمر اسنا منسية لكن جت اللحظة اللى اسنا وجدت من يفكر فيها وتبقى القياده السياسية اعلى مستوى فى الدولة يفكر فى بلد بلدين اسنا وارمنت منذ ان سارت اسنا وارمنت فى رقبة المحافظ الجديد سمير فرج والناس تتلهف علشان تعرف ايه الجديد ايه الامل هل يتغير الواقع الحزين المؤلم هل اسنا تولد من جديد فعلا تعبير مهم اللى بقولة دلوقتى هل اسنا تولد من جديد تعالوا نصغى الى اسنوية والى المحافظ وهو يتحدث عن الامل معكم من اسنا مفيد فوزى فى حديث المدينة
فاصل
مفيد فوزى: تعرفنى تعرفنى منين ؟
مواطن : اه امال ايه
مفيد فوزى: منين ؟
مواطن : من الاقصر اصل انت من عندينا من هنا
مفيد فوزى: اه ه ه ه ه ه
مواطن : وبشوفك فى البرنامج بتاعك على طول
مفيد فوزى: جريبينى ؟
مواطن : اه كيف الحال
مفيد فوزى:اللى فى اسناغلبان
مواطن : يصلح حالة ربنا والله
مفيد فوزى:يصلح حالة ربنا ياساتر
مواطن :هو بس والله سماد واجارات ارض غاليه
مفيد فوزى:التربة دى والارض دى يقولوا لى ان الارض دى حلوة
مواطن :امال ايوا صح حلوة بس لما مصاريف
مفيد فوزى: بتعلموا ايه امال؟
مواطن : مية رفع وكله رفع
مفيد فوزى:بتكلف ؟
مواطن : اه
مفيد فوزى: بتعملوا ايه طب قولوا لى قول لى بتعملوا ايه ؟
مواطن :اه الساتر ربنا بنجيب ده من هنا حاجة من هنا يعنى الفلاح
مفيد فوزى:يعنى الفلاح زمان كان يزرع ويحصد والغلة ويروح يبيع فى البندر
مواطن :ايوا
مفيد فوزى: دلوقتى انتوا بتعملوا ايه ؟
مواطن :مفيش الغلة بسيطة خالص القصب قليل يعنى كان الاول
مفيد فوزى:والعدس اخبارة ايه ؟
مواطن : مفيش عدس خالص بطل
مفيد فوزى:خالص
مواطن :خالص
مفيد فوزى:ليه ؟
مواطن :بيتزرع فى ايام النيل
مفيد فوزى: اه دلوقتى مفيش والموز
مواطن :لأ الموز بس مابقاش زى الناس
مفيد فوزى: امال هنا بتزرع ايه ؟
مواطن : قصب وبرسيم بس
مفيد فوزى:والقصب بتودية فين ؟
مواطن :بودية ارمنت على حسابنا برضه بنودية
مفيد فوزى:ازيك
مواطن : ازيك يا باشا
مفيد فوزى:عايزك تقول لى
مواطن : احنا تعبنا
مفيد فوزى: تعبتوا تعبتوا ليه ؟
مواطن : معايا دبلوم ليا بتاع 12 سنة دخلت على 15 سنة كنت تلميذ 43 سنة مفيش طبعا بالنسبة للشارع لسة دافع 300 جنية محاضر
مفيد فوزى: ليه؟
مواطن :ومفيش مأوى لينا الناس طبعا ايه يعنى طبعا تتحرك من هنا على المكان اللى سعت ايه
مفيد فوزى:هو انت بتبيت فين وتعيش فين ؟
مواطن :والله ساكن فى نجع الشيخ حميده هنا اهو
مفيد فوزى:اه
مواطن :معايا طبعا اثنين عاجزين سعتك
مفيد فوزى: وانت بتشتغل بيدفعوك غرامة ؟
مواطن :اه بندفع طبعا
مفيد فوزى:لمين ؟
مواطن :لمجلس المدينة
مفيد فوزى:يعنى بيجوا يقبضوا عليك ولا ايه فهمنى؟
مواطن :لأ بتيجى محاضر هنا اهو سعتك
مفيد فوزى:محاضر ازاى؟
مواطن :بيملوا اسامى بالنسبة للشارع
مفيد فوزى:يعنى يقولوا ايه ؟
مواطن :يعنى اى حد اسم واحد ثلاثى او رباعى بياخدوا الاسم طبعا بيعملوا بيه اشغال طريق
باى طبعا وبدون علمى
مفيد فوزى:يعنى المجلس معتبر ان ده اشغال طريق ؟
مواطن :هو بالنسبة لينا احنا طبعا كل اللى بنكسبة وبنعملة بنحط عليه علشان نكفى بالنسبة للاشغالات والحاجات الثانية طبعا
مفيد فوزى: وهو ده مش السوق ؟
مواطن : ده سوق
مفيد فوزى: طيب امال تروحوا فين طيب ؟
مواطن :ما احنا مش لاقيين بديل احنا بنتكلم عن البديل سعتك واحنا تعبنا بصراحة يعنى 43 سنه لمؤاخذة بالنسبة لدبلوم صنايع قسم كهربة مفيش اى مأوى قدمنا فى كل ناحية حكومية مفيش
مفيد فوزى:ففتح الحكاية دى
مواطن : فتحين طبعا بس بتجى طبعا ما بتخليش لمؤاخذة تبس عربيتن ثلاثة اربعة انا جاى لسة السبت اللى فات انا لسة طالع من القسم سعتك يعنى مفيش يومين كده يعنى طالع علشان ادفع 850 جنية غرامة افاجأ بيها بالرغم من ان بتاع الاحكام بيعدى من جنبى ما بلغنيش بيها
مفيد فوزى: الراجل المهذب ده بيشتغل ايه بتشتغل ايه ؟
مواطن : فى مجلس الحى سعتك تمام هه بالنسبة لحال السياحة مفيش والدنيا بطلت
مفيد فوزى: انت شغال فى السياحة؟
مواطن : اه
مفيد فوزى: بتعمل ايه فى السياحة ؟
مواطن :صاحب دكان مع ابويا مفيش اى حاجة سعتك مفيش اى مشروع يا اشوف مكان اعمل فية اى حكايه اناسنى 25 سنة انا متغرب ضبا رحت شرم رحت الاقصر رحت مرسى علم رحت الغردقة سعتك
مفيد فوزى: انت من اسنا ؟
مواطن : اه
مفيد فوزى: ما لقيتش فى البلد دى حاجة ؟
مواطن :اه تمام سياحة فهمنى سعتك كل شئ هنا كله مجاملة هنا كله اللى معاك بيجاملوك هنا مش عارف ايه ده ايه كلام كدب سعتك ان اول حاجة كان معايا خالى فى رمضان لغايه العيد رحت على اساس انى اعمل كان تعبان معاه قال عايز كلينة بتاعت جلوكوز
مفيد فوزى:نعم
مواطن :نعوشت على الصيدلايات كلها مفيش تعبيت معاه يا افندم وانا كل ده منافق يا افندم
مفيد فوزى:يعنى ايه منافق معايا فى الكلام ما بيقوليش الحقيقة؟
مواطن :ما بيقولش لك الحقيقة سيب الناس دى كلها وخش الشوارع جوا البلد خش شوارع البلد الرسمية عن هنا
مفيد فوزى:الراجل ده بيعمل بالزيت كام مرة الطعمية ؟
مواطن : الله اعلم بس انا بتكلم معاك فى البلد لا فى مصنع ولا فى اى حكايه
مفيد فوزى: ولا فى اى شئ ؟
مواطن : ولا فى اى شئ عندك اعضاء مش مهتمين بالبلد العضو سعت هنا اهم حاجة ياخذ الكرسى خلاص اخذ الكرسى ما يهتمش باى حاجة
مفيد فوزى: ولا يجى تانى ؟
مواطن : ولا يجى تانى
مفيد فوزى: ولا فى عزاء ؟
مواطن : لأ يجى لك فى عزاء يجى لك فى فرح ليه عشان ياخذ الموصل بتاعة ويمشى
مفيد فوزى: علشان الانتخابات قربت؟
مواطن : اه علشان الانتخابات قربت ورينى بقى اى حد
الانتخابات تخلص يقعدوا لاخر الانتخابات دى اى عضو سعتك مش هتلاقية هنا قاعد فى مصر فى وسط البلد قاعد سعتك طبعا القهاوى مع الاعضاء بتوعة وان كان فى مصالح بتعتهم بيخلصوها والله يحب المحسنين بلدنا ليه هنا مفيش مصانع ليه فى هنا شباب ليه طب ضيعين احنا عندنا هنا مصادر هنا كثيرة عندنا مهارات كثير عندك اكثر من 50 فدان عندك الجبل فوق ليه سعتك ده كله
فاصل
مفيد فوزى:الاستاذ سمير فرج محافظ الاقصر اتخيل ان دورك بالنسبة للاقصر كان ترميم وتضميد جروح كانت غائرة فى جسد الاقصر اتصور ان دورك بالنسبة لاسنا انضمت مؤخرا الى الاقصر اتصور انها اعاده بناء من جديد ؟
محافظ الاقصر سمير فرج: اه طبعا كلام حضرتك مضبوط 100%100
مفيد فوزى:طيب تفتكر هذه الاسنا المنسية من يومها السبب فى نسيانها ايه اهل هو طناش الدولة والا اهمال المسئول ايه هويعنى الناس نفسها تعرف اللى بتشوف حضرتك دلوقتى من اهل اسنا يحبوا يعرفوا تقييم حقيقى لهذا النسيان
سمير فرج :بس انا ما اقدرش اقيم الفترة السابقة طبعا كل حاجة لها ظروفها لكن انا عايز اقول حاجة لما يجى انا حلفت اليمين محافظ الاقصر وانضمت اسنا وارمنت وانا باسيب ايدى من سياده الريس سياده الريس قال لى خذ بالك من اسنا وارمنت محتاجين عناية اذن معنى كده ان سياده الريس عارف ان فى هناك بعض الظروف جهود كبيرة جدا لازم تتبذل فى اسنا من سنتين لما الاهالى طلبت ان الاقصرتبقى محافظة 00 قال لى بس انا مش عايز ادخلك انا عايزاخلص الاقصرانا عايز الاقصرتبقى مدينة عظيمة عندى مدينتين فى مصرمفيش زيهم مش عايز ادخل بقى فى مشاكل ثانية اذن الحكومة كانت عارفة وانا يوم ما خلصنا مع سياده الريس حلف اليمين كنا برا سياده رئيس الوزرا قالى يالا نعمل بقى خطة ماستر بلان خطة تطوير اسنا وارمنت زى ما عملنا خطة مطروح فطبعا لما جيت شفت اسنا وارمنت زى ما انت شفت سياده رئيس الوزرا كلمنى فقلت له لأ مش هعمل حاجة الا لما حضرتك تيجى تشوف وجه سياده رئيس الوزرا ومشى تسعة كيلو على رجليه فى اسنا وارمنت وشاف الوضع لانة طبعا علشان يبقى عارف هجمل له حتة
مفيد فوزى:بيقولوا لى من ساعة النحاس باشا مدخلش حد اسنا من ايام النحاس باشا ما كان رئيس وزارة علشان الانتخابات مدخلهاش انما بالعكس سياده رئيس الوزراء جه علشان يطور ويطور وفعلا شاف واقتنع وكان معاه ستة وزرا يعنى اسنا وارمنت وشاف بنفسة على الطبيعة لان الواحد لما يشوف المجهود خلاص الامور تهدى وبالتالى الاحمد لله قدرنا نحط تخطيط وبدينا انشاء الله قريب هتلاقوا الامور فى اسنا زى ما قلت تعود الى الحياه تانى لانها كانت مأساه التركيبة السكانية هنا ايه يا افندم؟
سمير فرج :التركيبة السكانية تعدادها طبعا نص مليون بتعتمد اساسا على التجارة وعلى الزراعة وفيها من المحاصيل ده طبعا امكانية كبيرة جدا فى الانفتاح من المعبد فيها معبد اسنا من اجمل المعابد لما جينا وشفناه 24 عامود فى 24 تاج كل تاج اكبر من الثانى طبعا الاسواق اللى فيها انت طبعا شفت الاسواق المنظرالسايد على الاسواق المنظر بتاع الفنادق العيمة البلد عايزة تتعمل صرف صحى مفيش مية مفيش
مفيد فوزى:عايزة اعاده بناء؟
سمير فرج :تماما لكن الحمد لله نقول احنا خطينا خطوات كبيرة الكام شهر اللى فاتوا
مفيد فوزى:من اين تبدأ؟
سمير فرج :بس اسنا اختلفت عن الاقصر الماستر بلان بتاع التطوير اختلفت عن الاقصر يعنى الماستر بلان بتاعت تطوير الاقصر ركزت فى البدايه اثار وسياحة ومدينة اسنا دخلت فى المواطن وده ركزت عليه اولا فلسفة اى مدير عمل بيركز على ايه والا ما ممكن اعامل اسنا زى الاقصر واركز على المعبد لأ ركزت على المواطن عشان تركز على المواطن او زى ما بتسموها هى التنمية البشرية بتاعت الانسان حاجتين رئيسيتين تعليم والصحة التعليم ربنا كرم جدا السيده الفاضلة سوذان مبارك خلصت مدارس الاقصر كلمتها وقلت لها يا افندم حالة اسنا وحشة مرهق يا افندم وعملنا تطوير لمدارس اسنا انا لما ورتها الصور الاسبوع اللى فات واحنا بنمضى على البرتوكول مكنتش مصدقة يا استاذ مفيد اسنا الثانوية بنات انى بنت قاعد ة فى حوش تحت شجرة درجة حرارة 45 تتعلم شافو طبعا المناظرولكن الحمد لله عملنا ثلث البرتوكول خدنا ثلت الفلوس الهانم من جمعية مصر الجديده ودى بتجيب فلوس من خارج الميزانية وانهارده القوات المسلحة استلمت المدارس وانشاء الله بدايه العام التدريسى اللى جاى المدارس شغالة
مفيد فوزى: هل تتصور ان للتطوير ثمن غالى ؟
سمير فرج : اه طبعا طبعا
مفيد فوزى:انت تهدم عشوائيات تعوض المتضررين ؟
سمير فرج : اه طبعا وانا اول يوم دخلت اسنا حاجة غريبة جدا جم قالوا لى شيل زى ما انت عايز اهدم بس صلح البلد وده طبعا كان كونست مختلف على الاقصر طبعا الاقصر شلت متضايقين وزعلانين لكن الناس شافت ايه شافت الاقصر لما اتشال هنا حاجات عملت ايه الصحة نفس الكلام الاسبوع اللى فات كنا عند السيد رئيس الوزرا ء وزير الصحة عرض خطة تطوير الصحة المركزى فى اسنا وارمنت 120 مليون جنية
مفيد فوزى:سمعت ان المستشفى 15 سنة بتتبى ولم تنتهى ؟
سمير فرج :اه طبعا مستشفى الاقصر العام عشر سنين من 2000 بتخلص الايام دى
مفيد فوزى:انت سبت الاستثمار ادام الاسنوية سخروا وقالوا استثمار ايه هل هما على حق
سمير فرج :اه طبعا ما هما ما شافوش حاجة استمثار واعمل بس زى ما قلت ورى استثمار واعمل لك الكتلة بتبتعد بدخول اسنا وارمنت
مفيد فوزى:منهجك يعنى ؟
سمير فرج : منهجى مختلف عن اسلوب اسنا و ارمنت
مفيد فوزى: منهجك يعنى ؟
سمير فرج :منهجى مختلف عن كده لازم الاول اصلح البنية الاساسية و مافيش مدارس اعمل استثمار و مفيش حد بيتعلم اعمل استثمار و مافيش مستشفيات انت شفت المستشفى عاملة ازاى ؟
مفيد فوزى:اه انا خت السيد رئيس الوزراء دخل وزير الصحة دخل ناصر رسمى دخل بتاع لا شافه على الطبيعة عاملين خطة كويسة جدا خلا 18 شهر اخلص اسنا المستشفيتين و انا بمشى مع وزير الصحة باخد الفلوس فى ايدى امضى مع القوات المسلحة18 شهر و اخد المفتاح
مفيد فوزى:ليه القوات المسلحة سؤال ربما خارج النص ؟
سمير فرج :لا مش خارج النص ربما انت سألته لى من 4 سنين لما جيت الاقصر و كنت لسة بنبدأ انتظام التزام انضباط ابسط حاجة اقولك ايه العمود اللى فيه 10 اسياخ حديد مش هيبقوا 6 فاهمنى فا يبقى فا بالتالى مهم و بعدين بضمن انى فى اليوم ال 18 شهر هستلم المستشفى السنة اللى فاتت ديه خلصت فى 4 اشهر فى رمضان مدارس اسنا استلموها كنا لسة مدخلناش فى 1-6 فى 1-10 احنا اسلمنا المدارس
مفيد فوزى:فى اسنا؟
سمير فرج :فى اسنا ايوة يبدأ العام الجديد قلت وقعنا الدكتور زكريا عزم اللى هو امين عام مديرية مصر الجديده وقعنا الشيك مضيت مع القوات المسلحة فلوسنا استلم فى 1-10 المدارس
مفيد فوزى:هل اسنا تعتبر محظوظة بالاثار يمكن انا معنديش المعلومة ديه ؟
سمير فرج :اسنا علشان المعبد اللى فيها يا مفيد من اجمل معابد مصروهايل و بعدين للأسف فى حفرة تحت 12 مترانا مرة لما جم بتوع اليونيسكو اخدتهم معايا و اخدتهم تانى يوم و رحنا قابلنا رئيس الوزراء انت فاهم طبعا ذهلوا و قالوا هيبعتوا لنا احنا عاملين خطة كويسة اوى لتطوير المعبد ان شاء الله هتبقى زى تطوير ساحة ارمنت بس فيها شغل كتير اوى اوى اوى لأن المعبد مفقود و لازم نرجعه تانى على النيل زى ما كان من 5000 سنة و ينزل السائح من النيل يخش على المعبد يخش النازلة اللى زى اللى شفتها امبارح طولها 17 متر السياحة الكبارمينزلوش و بعدين هنعمل مدرجات اسنا فيها شوية بيوت بمشربيات مش موجوده والله فى مصر كلها وكالة الديداوى اللى كانت رمز لمصر كلها او فى صعيد مصر زمان فا ديه كانت مركز ديه فى اسنا زمان كانت بتحكم كل الصعيد تمام
مفيد فوزى:ايه النكسة اللى حصلت لها ديه ؟
سمير فرج : و الله انا معرفش
مفيد فوزى:هل هى نكسة ادارية لما انضمت لقنا ؟
سمير فرج :لا ماهو متعرفش بقى ما هو موضوع تراكمى من عشرات السنين انا رشحته لكن انا يوم ما دخلت انا مقدرش احكم لما دخلت الصبح و تم تطيرها ورايح لماستر بلان لتطويرها قلت لا مفيش يجى السيد رئيس الوزراء يبص يشوف المأساه اللى انت حضرتها طبعا محتاجة اقوى من سمير فرج
مفيد فوزى:هل ارمنت محظوظة بوجود مصنع سكر فيها ؟
سمير فرج : لا شك طبعا محظوظة و احنا قعدنا مع
مفيد فوزى:هل هو باعث للحياه ؟
سمير فرج :اه طبعا باعث للحياه لكن بقيتها طبعا تعبانة بص حاجة اسمها الحاجر الحاجر ديه لما تبعد عن النيل بتخش جوه على الجبل تلاقى بيوت موجوده فى الجبال ديه اسمها حاجر كل حتة اسمها حاجر كذا و حاجر كذا و حاجر كذا ناس منسية برده من الخريطة
فاصل
مفيد فوزى: اعدت اريح دقيقتين على المسطبة ديه الدكة ديه عندى رغبة انى انا اصور مع ستات فى هذا المجتمع يعنى مجتمع مافيهوش المراه بتلعب دور من المؤكد انه مجتمع يبقى اعرج و لا انا غلطان طبعا مجتمع اعرج لكن واضح انه التقاليد هنا تقاليد صعبة يعنى المجلس المحلى طيب ازاى مينفعش يا ليت تكون حقيقة سألت مين الست اللى ممكن نتكلم معاها مين طبيعة الستات اللى بتشتغل قالوا يا مدرسة يا ربة بيت قلت طيب عايز مدرسة اتكلم معاها قالوا مش من اسنا من بلد تانية مهم جدا ان ميبقاش عندها المام حقيقى بطبيعة المجتمع مجتمع اسنا مجتمع فى نهايه الامر فى صعيد مصر لا تكاد تحكمه التقاليد سألت اقدر اكلم واحده مثقفة فين فى هذه البلد اسنا قالوا لى فيه سيده فاضلة حاصلة على ليسانس الاداب قسم اللغة الانجليزية فرحت قلت طيب و لا هى ممكن تيجى تقابلنا قالوا لا ديه ربة بيت قلت ربة بيت ازاى متخرجة من الجامعة وليسانس ادام نجليزى قاعده فى البيت ازاى ربة بيت ازاى قالوا هى كده ادينى قاعد منتظر ان زوجها يقول لى اتفضل فا اتفضل واشوف عايز اسأل عن طبيعة المراه فى هذا المجتمع الاستاذ جه هو فين اجى
مواطن :تعالى
مفيد فوزى: يعنى معندكش مانع ان هى تتكلم
مواطن :معنديش مانع ان شاء الله
مفيد فوزى: وانت ازاى يا اخى يعنى الست معاها ليسانس ادام انجليزى وما بتشتغلش ليه ؟
مواطن :والله ظروف البلد وظروف الوظائف وربنا يتمم خير انشاء الله يعنى
مفيد فوزى: بيتك فين ؟
مواطن :هو بيتى هنا ك اهو
مفيد فوزى: ده بيتك ؟
مواطن :اه
مفيد فوزى:انا اسف نزلتك
مواطنة : اهلا وسهلا بيك
مفيد فوزى: ربنا يخليكى دلوقتى انا عايز اعرف انتى اتخرجتى من الجامعة ما بتشتغليش ليه فى الحياه العامة
مواطنة :والله اسباب كثيرمفيش فرصة انا مفيش فرصة والتزامات البيت كثير طبعا
مفيد فوزى:عندك ولاد ؟
مواطنة :عندى بنت واحده
مفيد فوزى:عندها كام سنة ؟
مواطنة :عندها 3
مفيد فوزى:انتى اتجوزتى وانتى عندك كام سنة ؟
مواطنة : بعد ما خلصت الجامعة
مفيد فوزى:يعنى كام سنة ؟
مواطنة :22
مفيد فوزى:22 سنة عن قصة حب ؟
مواطنة :يعنى
مفيد فوزى:يعنى لازم تقولى لى انت بنت مثقفة من اسنا انا يهمنى اعرف شخصية البنت المثقفة فى اسنا علشان الناس كلها اللى بتشفنا تستشعر ان بنت مثقفة ماقولتيش يعنى قصة حب ة اكيد
مفيد فوزى: قابلتوا بعض ازاى ؟
مواطنة : ابن خالتى
مفيد فوزى:ابن خالتك عايزك تقولى لى المجتمع ده نقصة ايه ؟
مواطنة :حاجات كثير عايزين حد يبص علينا ناس غلابة هنا خالص يعنى الناس عايشة
اقل وسائل الرفاهية هنا ممكن ماتلاقيهاش يعنى حتى للاطفال الصغيرين
مفيد فوزى:مفيش؟
مواطنة :لأ مفيش
مفيد فوزى: يعنى مفيش شغلة تلائم ست متخرجة من كليه الاداب قسم لغة انجليزية ما طلبتيش انك تبقى مدرسة تدرسى انجليزى ؟
مواطنة :لأ قدمت قدمت فى الادارة وقدمت فى
مفيد فوزى:ايه الحاجات اللى بتضايقك فى المجتمع لنظرتهم للمراه ؟
مواطنة :والله انتوا واخدين فكرة وحشة عن الصعيد بصراحة يعنى مش لدرجة كده عادى المراه عادى بتخرج وبتروح وبتيجى وبتشتغل عادى يعنى مش زى ما بنشوف فى التليفزيون حاجة كده كائن قاعد فى البيت محبوس ومتقيد وكده لا عادى بنطلع وبنروح وبنيجى
مفيد فوزى:انتى تقدرى تخرجى من غير جوزك ؟
مواطنة : لا باخرج من غير جوزى عادى
مفيد فوزى:عادى وترجعى طيب دلوقتى انتوا لما بتخرجوا اهلك لما بيشوفوكى وانتى بتطلعى فى التليفزيون ؟
مواطنة :مش عارفة اول مرة اتحط فى موقف زى ده
مفيد فوزى:اول مرة فى حياتك ؟
مواطنة : ايوا طبعا فا مش ارفة يعنى موقفهم ايه انا نفسى مصدومة مش متخيلة مش متوقعة انك تيجى الصعيد
مفيد فوزى: ليه مش متوقعة ان دى حاجة تهمنى زى اسنا؟
مواطنة : مش متوفعة تيجى هنا لسة شيفاك قريب مش عارفة المدينة القاهرة يعنى مش عارفة فين
مفيد فوزى:اه
مواطنة :و رحت وبتتكلم مع الناس بس مش متوقعة انك تيجى الصعيد يعنى
مفيد فوزى: يعنى اجى الصعيد ده مهم انت متخيلة ان احنا بس علمنا اعلام قاهرة ؟
مواطنة : ده اللى بنشوفوة يعنى مش بشوف الصعيد يعنى
مفيد فوزى:لأ والمفاجاه كمان انى بكلمك
فاصل
مفيد فوزى:عايز اجرب الناس اللى عايشة فى اسنا وبتشتغل وحسة ان معندهاش فلوس وغلابة وعمالين يشيلوا اسمنت هنا عايز اسألهم يعنى ايه الكلام اللى بيحصل فى القاهرة ده الناس اللى بتتكلم عايزاعرف يعنى احساسهم ايه بالدنيا بقولك ايه بقولك ايه تعالى تعالى لالا انا عايز ده تعالى بتشتغل كام ساعة فى اليوم
مواطن : 24 ساعة
مفيد فوزى: بتكسب اد ايه ؟
مواطن : هههه
مفيد فوزى:بتكسب كام فى اليوم؟
مواطن : والله حسب الارزاق مش كل وقت
مفيد فوزى: تسمع عن واحد اسمه البرادعى فى مصر ؟
مواطن :لأ عمرى ما سمعت عنه
مفيد فوزى: تسمع عن واحد بيتكلموا عنه فى مصر اسمه البرادعى ؟
مواطن :لأ يا عم عمرى ما سمعت عن الاسم ده
مفيد فوزى: انت راجل طيب محترم تسمع عن حاجة اسمها 6 ابريل؟
مواطن : لأ عمرى ما سمعت
مفيد فوزى: تسمع عن حاجة اسمها مجموعة 46؟
مواطن : لأ
مفيد فوزى:خالص نهائى 00 تسمع عن مشكله نقابة المحامين
مواطن : لا
مفيد فوزى:طب نكمل يمكن يكون الناس دى عندها فكرة يعنى ايه الصفوة يقولك الصفوة
بيتكلموا؟
مواطن :الصفوة
مفيد فوزى: اه
مواطن :الصفوة اللى هما الجماعة البهوات
مفيد فوزى: البهوات؟
مواطن :اه اللى احنا بجى نقول عليهم بهوات اللى هما المثاليين وصفوة المجتمع وادعوا
الصفوة ومافى صفوة
مفيد فوزى: امال مين الناس الرايقة ؟
مواطن :الناس الرايقة دى الناس برضه اللى هى البهاوات يعتبر او اللى بيخدموا على البهوات يعتبروا مثلا
مفيد فوزى:اللى بيخدمو ا على البهاوات ؟
مواطن : بس احنا كنا بنتكلم فى موضوع اهم من الناس الرايقة والصفوة والكلام ده احنا كنا عايزين نتكلم بخصوص الموقف
مفيد فوزى: موقف ايه ؟
مواطن : فى موقف هيتعمل جديد
مفيد فوزى:ما انا باسمعك اهو ماهو طبعا ده اهم من الكلام اللى انا بقولة انا باعتذر ان كنت انا اتكلمت عن حاجات اذا كنت باتكلم عن حاجات الناس بتتكلم فيها لكن انتوا المشكله مرتبطة بلقمة العيش 00 المشكله عندك الموقف مالة الموقف
مواطن :اولا على طريق سريع ومش هنيفع يتعمل موقف وبعد كده متاخد من ناس يعنى انا متاخد منى قيراط ونص واحد له قيراطين واحد له اربعة يعنى هما نص فدان النص
فدان لما يكون واخدهم 5 انفار يعنى لو اخد نص فدان من واحد عنده 10 فدادين مش هتاثر عليه انا انا ليا قيراط ونص فى النص فدان ده وفى واحد ثانى له قيراطين زارعهم برسيم زارعهم جرجير محل زى كده بياكل منه عيش بعدين بعدين هيعوضة
بعد ما يعوضة اروح فين انا
مفيد فوزى: يعنى انت خلينى اقرب منك اكثر يعنى انت دى المشكله اللى مسيطرة على دماغك
فى حياتك انت وغيرمن السكان اللى موجودين ؟
مواطن :بالضبط يعنى انا اعتبرنى انا دلوقتى خلصت كليتى من سنة 2002
مفيد فوزى: كليه الزراعة ؟
مواطن : معايا بكالوريوس زراعة من 2002
مفيد فوزى:طب مين البرادعى اللى بيتكلموا عنه فى مصر ؟
مواطن : ده اللى هو كان رئيس الطاقة فى اللى هو المهم رئيس
مفيد فوزى:ايه رايك فى الحكاية دى ؟
مواطن : ان هو يترشح
مفيد فوزى: اه
مواطن : هو ما اعتقدش ان هو يعنى ينفع بصراحة يعنى
مفيد فوزى:ليه ؟
مواطن : بعيد من البلد فترة كبيرة يعنى يمكن له0 3 سنة بعيد من البلد هيحس باجابر هنا
مفيد فوزى:جابر اللى هو انت ؟
مواطن :اه اللى هو انا مثلا
مفيد فوزى: اه يعنى مهم يبقى عارف مشكله جابر ايه ؟
مواطن : يعنى مشكله الناس يعر ف مشكله البلد كلها بصفة عامة هو يعرف ان فى بلد اسمها اسنا اصلا
مفيد فوزى: لما يقولوا عن محمد البرادعى تعرف مين محمد البرادعى ؟
مواطن : اه رئيس الطاقة الذرية دى
مفيد فوزى: ماله ؟
مواطن :معرفش عنه حاجة غير كده بس
مفيد فوزى: امال مين محمود اباظة ؟
مواطن : معرفوش برضه
مفيد فوزى: امال مين الدكتور رفعت السعيد ؟
مواطن : معرفوش
مفيد فوزى: ما تعرفوش؟
مواطن : اه
مفيد فوزى: امال مين ايمن نور؟
مواطن : برضه معرفوش
مفيد فوزى: اه مين اليسا ؟
مواطن : اليسا برضه معرفهاش
مفيد فوزى:امال مين هيفاء وهبى ؟
مواطن : دى بتغنى دى
مفيد فوزى: دى بتغنى ؟
مواطن : اه
مفيد فوزى:امال مين ابو تريكة ؟
مواطن : لأ ده لاعب الكرة ده
مفيد فوزى: امال مين حسام حسن ؟
مواطن : برضه لاعب كرة
مفيد فوزى:الله الله الله مين اللى نفسك اسألك انا عنه ؟
مواطن : فى ايه يعنى فى الناس
مفيد فوزى: فى اى حاجة ؟
مواطن :اهم حاجة يجيبوا لينا مصنع اثنين
مفيد فوزى:ايوا
مواطن : عشان الناس تاكل عيش برضه يا باشا لان الزرع ما بيجبش اى نتيجة طبعا
مفيد فوزى:اهم حاجة ؟
مواطن :اهم حاجة اه طبعا
مفيد فوزى:الشباب يشتغل؟
مواطن :اه الشباب اللى قاعد البطالة
مفيد فوزى:انما كل اللى قلتة لك فى ده مش مهم
مواطن :لالالا لأ مش مهم انا اهم حاجة لقمة العيش
مفيد فوزى:انا عيزك تفهمنى ايه ده؟
مواطن : زيتون ده
مفيد فوزى:بتزرعوه فى ايه ؟
مواطن :التربة الطينية
مفيد فوزى: بتعملوا بيه ايه ؟
مواطن :اهو زى ما انت شايف حضرتك
مفيد فوزى:للحوش بس ؟
مواطن : للحوش بس
مفيد فوزى:انت عمال تقول لى التذكرة وعشان تجيب التذكرة من القطار بتعمل ايه ؟
مواطن :عشان انا دائما فى القاهرة عشان اجيب تذكرة هنا من 25 سنة لازم كوسة مفيش
تذاكر يعنى صيف شتا مفيش تذاكر
مفيد فوزى:حاليا فى اسنا ؟
مواطن :اه
مفيد فوزى: وانا عاوز اروح انزل مصر مش القطر بيقف على اسنا
مواطن : ايوا مفيش تذاكر
مفيد فوزى:اروح عند شباك التذاكر مساء الخيريا عم مساء النور عايز اروح مصر هيقولى ايه
مواطن : مفيش تذاكر ؟
مفيد فوزى:لأ بقى فهمنى ليه ؟
مواطن : عددها قليل اول حاجة
مفيد فوزى:يعنى مش محسوبة اسنا فى العملية ؟
مواطن :مفيش بالنسبة لعدد الكثافة السكانية بتاعت اسنا التذاكر قليلة
مفيد فوزى:انتوا انتوا نص مليون ؟
مواطن : قليلون النص بس اللى مقيدين فى البطايق
مفيد فوزى: كمان ؟
مواطن :اه
مفيد فوزى:امال بتروح تجيب تذكرة ازاى ؟
مواطن :10 جنية و20 جنية زيادة واحد يقرفك هى نظامه كده وبعدين انا راجل تاجر باتردد كل يوم على القاهرة عشان اجيب تذكرة انا انهارده ليا 7 ايام عايز تذكرة مش عارف لو واحد تعبان وظروفة مثلا عايز يجيب تذكرة ما يعرفش هيسافر هو عايز ثلاثة معاه عايز 4 تذاكر لازم يطلع القمر اسهل له ان هو يجيب تذكرة من القاهرة
مفيد فوزى:المشكله دى عمرها ما وصلت لمحافظ قنا ؟
مواطن : بس بعد ما انضمنت وزمان دلوقتى مازال مفيش ممكن يكون فى تذاكر بتطلع بعد اب غريبة يعنى فى تذكرة بتطلع مش اى حد ياخذ تذكرة لازم بقى الدرجة الثانية الفاخرة لكن درجة ثالثة على ما يوصل مصر خلاص هيموت
مفيد فوزى: عايز اسال يا افندم ايه معوقات التنمية فى موقع زى ده فى اسنا يعنى فى الصعيد؟
سمير فرج :هو الصعيد كان منسى حقيقى يعنى مش عشان احنا على الهوا لولا تدخل الرئيس
مبارك كا ن الصعيد فضل فى غياهب من الزمن حقيقى باكلمك بجد لكن انهارده شوف حجم التنمية اللى تمت فى الصعيد فى الفترة اللى فاتت ربما تستحق الناس غلابة الرقعة الزراعية قليلة جدا الجبل النيل يا دوبك حتة اد كده موجوده مورد رزق بيسموها طارده للسكان وعشان كده الناس صعيد مصر فكانت محتاجة لهذا الدخل انهارده زاد دخل الصعيد باعجازمصنع السكر بتاع ارمنت انهارده اول حاجة هيستفيدها ايه ان احنا نغير من السولار الى يشتغل بالغاز التلوث اللى كان عمال يشوف ارمنت سحابة سودا كل يوم ما هو شغال بالسولار انهارده هيشتغل بالغاز ودى اول حاجة انشاء الله هنعلن السنة الجايه الاقصر مدينة جرين ستى او مدينة صديقة للبيئة ماكنتش هقدر اعمل الكلام ده واحناتخذنا قرارنا السيد رئيس الوزراء و محمود بيه محى الدين هيغير ان شاء الله السنة دى مصنع السكر يشتغل بالغاز الطبيعى
مفيد فوزى:طمن يا افندم مواطن اسنا العادى البسيط الغلبان الدعم المادى للمشروعات دى كلها
هو من جمعية السيده سوزان مبارك فقط والا من الدولة والا من ايه بالضبط يعنى الفلوس اللازمة انها تغير ملامح وكيان اسنا ؟
سمير فرج : هى كذلك السيده سوزان مبارك جت من جمعية مصر الجديده الميزانية اللى بتجبها ده للمدارس ال 120 مليوت جنية بتوع ال 2 مستشفى دول من ميزانية الدولة وزارة الصحة انهارده رئيس الوزرا ادانى 50 مليون جنية علشان اسنا نص مليون بنى ادم
مفيهاش شارع يوحد ربنا فا انهارده بندخل بقى كهربة فى الشوارع بندخل كهربة بنقفل المية بندخل الصرف الصحى فى نهايه هذا العام زى ما اخذنا وعد من وزارة الاسكان
المية هتنتهى الصر ف الصحى هيخلص الكهربة هتخش الشوارع هنسفلت الشوارع النظر هيبان
مفيد فوزى: عفوا هل اسنا تحت خط الفقر ؟
سمير فرج : طبعا طبعا
مفيد فوزى: انا باشوف بنات متعلمين فى الجامعة متخرجين وشفت ايضا فى الريف فى كلية الزراعة معرفش هل كيف يمكن استثمار دول البطالة داخل اسنا هل تستطيع انك ان البطالة دى تتحول الى ايدى عاملة ورا منظومة معينة لان البطالة هتبقى معوق
سمير فرج :هو بس انت لما بتعمل خطة بتعملها على مراحل فى اجراءات تتعمل انهارده لازم السنة دى تخلص موضوع التعليم وموضوع الصحة وبعدين ما يتوفرمن المية والصرف الصحى الحتة الثانية برضه فى الاستثمار احنا انهارده بنعمل اول مصنع صلصة فى اسنا
مفيد فوزى: صلصة
سمير فرج : صلصة بيعملوها بكميات كبيرة جدا فى الصعيد عشان تنقل القاهرة مشكله عشان
الحتة الثانية يعنى انحنا فرصة بنزرع طماطم وبعدين حظنا حلو انك انت عندك طريق صحراوى لسفاجا بيتصدر على الخليج بنجد العمليه صعبة شوية حاولنا نعمل مصنع فاول مصنع صلصة هيتعمل موجود هنا بنعمل مصنع مكرونة عمرو عسل دلوقتى بيخطط منطقة صناعية استثمارية بسيطة هنعمل حاجات اللى هى ممكن تساعد السياحة فادى اللى احنا بنخطط لها دلوقتى ودى هتبقى المرحلة الثانية من خطة تطوير اسنا انشاء الله
فاصل
مفيد فوزى: معصرة الزيوت شافوها اليونيسكو فقرروا ان هما يحافظوا عليها معصرة الزيوت
دى واحده من ملاح بلد زى اسنا عمر هذه المعصرة اكثر من 200 سنة انا هتكلم مع الراجل اللى هو صاحب هذه المعصرة المعصرة لسة بتشتغل ؟
مواطن : شغالة يا باشا
مفيد فوزى:بتعصر بيها ايه ؟
مواطن : خص وزيت سمسم وزيت حبة البركة وزيت زيتون دى عليها تلف وعليها تعجن دى عجينة بتعجن ودى المعصرة الاولى
مفيد فوزى:وده بيلف؟
مواطن :ده بيلف كده
مفيد فوزى:بايه بقى ؟
مواطن :بقرة
مفيد فوزى: بقرة البقرة هنا؟
مواطن : البقرة دى بتعجن
مفيد فوزى: هى اللى بتلف؟
مواطن : اه هى
مفيد فوزى:بتلف المكان كله ؟
مواطن : هى المكان
مفيد فوزى: بتلف اد ايه ؟
مواطن :عشر ساعات حبة البركة ده اربع ساعات
مفيد فوزى: الكيلو يعنى ولا لايه ؟
مواطن : لأ حوالى 50 كيلو
مفيد فوزى:50 كيلو ؟
مواطن :اه كمية كل نوع كمية 50كيلو
مفيد فوزى: زمان كانوا بيشتغلوا بالمعصرة ؟
مواطن :ايام الفراعنة كانوا بالبغال
مفيد فوزى: بالبغال ؟
مواطن :اه بعدها بالجمال وشغالين بالبقر
مفيد فوزى:جددكوا كان الجمل يلف كده ؟
مواطن : ما يهموش
مفيد فوزى: وبعدين دلوقتى بقى البقرة ؟
مواطن : اه
مفيد فوزى: يعنى اخر حاجة انهارده بتلف ايه علشان المعصرة ؟
مواطن : البقرة تفضل تلف تعمل دى تمام التمام تعصر الخص او الجرجير
مفيد فوزى:انت بتستخدم ايه ؟
مواطن : زيت الخص حاليا للضغط وللقولون
مفيد فوزى: انت كمان تفتى فى الطب
مواطن :اه عندنا
مفيد فوزى:انت عندك كام سنة ؟
مواطن : ان عندى انهارده 71 سنة
مفيد فوزى: بتدخن ؟
مواطن : ماليش فى السجاير
مفيد فوزى: امال سنانك وقعت ليه ؟
مواطن : عندى الاولادملهمش شغل
مفيد فوزى: عندك كام ولد؟
مواطن :اربعة اولاد وامهم اتوفت اربعة اولاد وبنتين امهم اتوفت بقاله 20 سنة
مفيد فوزى:ما تجوزتش هه؟
مواطن :ما تجوزتش عشان احافظ عليهم الحمد لله
مفيد فوزى:انا شايف اللحمة هنا زى ماهى امال الناس هنا عندهم ماليه يشتروا ؟
مواطن :والله الناس هنا مافيش ماليه بالعكس تعبان واصل واصل بس هو ربك ساترها يعنى
مفيد فوزى: يعنى انت شايف ان فلوس الناس هنا قليلة ؟
مواطن : قليلة قليلة صح
مفيد فوزى: ياكلوا فراخ؟
مواطن : مين
مفيد فوزى: ياكلوا فراخ ؟
مواطن : والفراخ اغلى من اللحمة لو حسبنا الفراخ اغلى من اللحمة
مفيد فوزى: السمك؟
مواطن : والسمك اغلى برضه مش هيقدر يتعشى سمك واللحمة مش بيشتروا اللحمة
مفيد فوزى:تفتكرليه الناس هنا حالتها كده ؟
مواطن : ضنك يعنى حضرتك
مفيد فوزى: ايوا اه ليه سبحان الله؟
مواطن : ربك عاوز كده
مفيد فوزى:ربك عاوز كده؟
مواطن :هو لو دخل مصنع واثنين تبقى الناس مية مية
مفيد فوزى:كلمة الامل ايه للناس اللى بتشوفنا من اهل اسنا ؟
سمير فرج :الامل اشاء الله انشاء الله اثناء نهايه هذا العام احنا بتخطيطنا لان احنا هنخش فى المدارس فى 1/10 انشاء الله ماء وصرف صحى هينتهى هنكون خلصنا الشوارع بلد نص مليون ما فيهاش شارع متسفلت طب عاوز ايه انت امبارح كنت بتصور فى مكان وانا كنت بالف الناحية الثانية فى الشوارع ومشينا وبعدين بص يا مفيد المواطن لما بيحس ان المسئول عنه معاه دى بتضيع نص التزمر
مفيد فوزى:نعم
سمير فرج :انا بيشدنى واحد فى الشارع تعالى شوف بيتى فية ايه المية لونها ايه بادخل وباشوف وباصلح اذن بيبقى فى امل
مفيد فوزى: تفتكر الزيوت دى ليه اليونسكو اهتم بيها ؟
سمير فرج :انها حدثت من 550 سنة مفيش اختها فى العالم وشغالة بتعصر زيت السمسم يعنى
دخل مستر دانداميل اللى هو مسئول قالى لى هبعث لك طاقم يرممها لانها حاجة فريده من نوعها فى العالم ولسة شغالة فا اعتقد هتبقى مزار هايل انشاء الله فى الاقصر ان شاء الله
مفيد فوزى:طفل اسنا انت حاسس انه وائع من منخول التقييم فى الحياة ؟
سمير فرج : وائع بس المهم ما يكونش واقع على طول السنة الجايه هيكون داخل مدارس نظيفة
يا بيتعلم كويس المدرس بنعلمة بتاع اسنا يا اول مرة الالات موسيقية فى المدرسة هيلاقى غرفة الرسم بتعتة هيلاقى فى كل غرفة كومبيوتر فى كل فصل انترنت زى مدرسة الاقصر ما اتعملت فالسنة الجايه هتحس بنقلة رهيبة انت فاهمنى ده للمواطن بيشرب مية نظيفة فى بيتة يا ماشى فى شارع يا مسفلت انت طول ما انت ماشى رئيس الوزراء مشيتة 8 كيلو على رجليه كله تراب فى مركز ومدينة تعداده نص مليون اما يلاقى كل ده اتغير نفسية الطفل هتبقى كويسة ارتفع عدد زياده عايز يتعلم لعب زى اللى بيشوفها فى التليفزيون بتتعمل فى مصر هو ما بيشوفهاش غير فى مضئ مشرق بعد هذا الظلام والتعتيم والتهميش اتصور هينبع فى الداخل اذا اذنتوا بى ثقة بالقياده من جديد ثقة بالحكومة ربما كانت مفتقده ثقة بالمسئول اللى احيانا لما يجى المحافظة يتفرج على املاكة ثم يهملها ماهى موجوده ثقة بان المسالة ليست مجرد كورنيش يمتد على النيل ويترصف لأ دا المسالة اكثر من كده المسألة المواطن الغلبان المسكين اللى شفتة فى اسنا بيصرخ سيكف عن الصراخ لما يلقى شئ مضئ حصل فى حياتة وارض مرصوفة بيمشى عليها ولا فيش غبار ولا تراب بيعمى عينية ويخش بقة ويفضل ساكت 00 ساكت وقافل على الالامة 00