"هاشتاج" يصف أحداث هندسة بالحرب العالمية الثانية

""#مجزرة_هندسة" هاشتاج، والذى بمجرد أن تقوم بالضغط عليه يظهر لك من الصور والفيديوهات ووصف الأحداث ما لم تتخيله، ربما تعتقد لوهلة أن الحرب قد قامت دون أن تدري". كانت تلك كلمات أحد الطلاب واصفًا مشاعره لما حدث اليوم.
"مجزرة _هندسة" هاشتاج تفاعل معه نشطاء مواقع التواصل الاجتماعي على موقعي فيس بوك وتويتر، بعد ما قامت قوات الأمن ظهر اليوم باقتحام كلية الهندسة بجامعة الإسكندرية، والاعتداء على الطلاب بقنابل الغاز والرصاص الحي والخرطوش، ما أدى إلى اصابة عشرات الطلاب بينهم حالات خطيرة، واعتقال آخرين.
دوَّن الطلاب خلال تلك الصفحة ما شاهدوه خلال تلك الأحداث، حيث قالت مريم شريف: "عارف يعني إيه سفالة وقذارة وقلة أدب.. يعني تحاصر بنات وشباب جوا مدرج وتقفل عليهم وتضرب عليهم خراطيش وغاز جوا المدرج.. يارب انتقم.. يارب انتقم".
وقالت فاطمة محمد: "انهارده المدرعات دخلت جوه الكلية والقنص كان للطلبة اللي في المدرجات. متسالش عميد كلية إيه ولا رئيس جامعة إيه؟ دول اللي يسمحوا بكده بس أصل عادي احنا في مصر..
عادي يعني دم وجثث الطلبة تبقى في الحرم الجامعي.. عادي إن الغاز يبقى مالي شوارع الكلية كلها بكل مبانيها".
ودون أحمد علاء ما حدث اليوم قائلاً: "النهاردة الداخلية مش مجرد اقتحمت كلية هندسة و قامت ب ‫#‏مجزرة_هندسة، لا، النهاردة المدرعات دخلت بكل بساطة الكلية واتمشت قدام مبني إدارة، وفي شارع إنتاج وكهربا، وعند غزل - الجراج، وعند ميكانيكا يعني الكلية كلها".
وتابع :"مش بس كدا حضرتك، تم حصار الطلاب في مباني الكلية، ومكانش فيه طالب يجرؤ علي تقديم رجله برا باب المبني..مش بس كدا حضرتك، ده كمان تم دخول البلطجية للمدرجات ويُقال إنهم فتشوا موبايلات الطلبة علشان محدش يكون مصور حاجة أو كدا..
وأكمل: "وأقولك الكبيرة بقا..عارف في الأفلام الأجنبي بتاعت الحروب (وخاصة الحرب العالمية التانية)، لما دولة تعلن خضوعها للدولة الأخري المسيطرة ع معظم الأراضي .. وتشوفوا المشهد بقا بتاع تسليم الجنود لسلاحهم.. وخروجهم من المعسكر مطأطئ الرءوس، رافعي الأيدي، ويتم شحنهم في عربية كالخراف..أهو المشهد بقا دا بالضبط أسقطه علي طلاب كلية كاملة بيخرجوا من بوابة (اللي تم كسرها والاقتحام الأول من خلالها) وعلي البوابة عربية جيش ومدرعة وواقف ع أول الشارع باقي القوات .. (دا طبعًا بغض النظر عن اللي اتمسكوا".
فيما روى أسامة كمال: "لو ليكم حد في هندسة احمدوا ربنا إنه لسه عايش واللي ميعرفش حد هناك ياريت تدخلوا علي ‫#‏مجزرة_هندسة ، حتعرفوا أد إيه البلد دي مينفعش تحلم بأي حاجة".
قفّلوا الأسر وكل الأنشطة، وحاليًا داخلين علي الكليات بالمدرعات، وكمان بيقبضوا على الطلبة من جوا المدرجات، والقبض العشوائي بقى شيء اعتيادي، ما يعترفوا بفشلهم ويوقفوا التعليم أحسنلهم من المهازل اللي بتحصل يوميًا دي.. وحسبنا الله ونعم الوكيل ".