تداول عدد من نشطاء الفيس بوك الحديث عن الشتاء والبرودة القارصة التى تشهدها مصر في سابقة لم تشهدها منذ 122عام . حيث عبرأحد النشطاء عبر صفحتة الشخصية قائلا : الناس اللي ناوية تولع في البلد يا ريت تبدءوا دلوقتي عشان أحنا هنموت من البرد ، تعلن مصر عن استعدادها لاستقبال طيور البطريق ، كما تابع قائلا : في هذه الظروف العصيبة التي تمر بها البلاد في هذا الشتاء القارص قرر"النسر" تخليه عن منصبه وكلف طائر "البطريق" بإداراة شئون العلم.. والله الموفق . واستطرد ناشط اخر يدعي ثائر قائلا : - عيش .. حرية .. دفايّة كهربائية ، في ظل الظروف الباردة أصبح الاستحمام لمن يجرؤ فقط ، أحلى حاجة فى الجو ده .. إن نص المتظاهرين هيكونوا مزكومين .. وسلملى ع الغاز. - واستعجب اخر معبرا هوالجو بيستهبل..فاكر نفسه في أوروبا ، حد يقوله يعيش عيشه أهله ، - درجة الحرارة في القاهرة 9 وفي نيويورك 6 .. قربنا نوصل للعالمية ، - الطقس طقس أوروبا ، والعيشة عيشة صومال. واخر ربط برودة الجو بأقوال الشخصيات العامة وبعض القوة السياسية فى البلد وعبر قائلا : الإخوان: مفيش داعي للجو الساقعة ده وممكن نخليه جو معتدل عشان الانتخابات تعدى. - السلفيون:الجو الساقع حراااام شرعا. - الليبراليون : من حق المصريين إنهم يحسوا بجو ساقع زي أوروبا وده اللى بنحاول نعمله. - العلمانيون: يجب فصل الجو عن الساقعه - البرادعى :النظام غير القادر على حماية مواطنيه من البرد دا..نظام فاقد للشرعيه..الصيف قادم قادم لا محالة..الثوره ستنتصر. - طنطاوي: أنا حزين على الناس اللى سقعانة. - العيسوي : إحنا معندناش ساقعه اصلا. - مبارك من محبسه : أنا أو الساقعه. - توفيق عكاشة: أول يوم صيف هيكون يوم 13/13/2013 انا بقول أهو... - البلطجية : إحنا كده مش عارفين نشتغل ومضطرين للمولوتوف عشان نتدفى. - ريم ماجد : هم فين الجماعه بتوع (مصر بتتحرئ) علشان ييجوا يشوفوا مصر. - مبارك وهو حاطط صباعه فى مناخيره : أنا أنفي كل التهم الموجهة ليا بخصوص الجو الساقع. وآخرون : ربطوا حالة البرد بألشات الافلام حيث عبر أحد النشطاء قائلا : - دفايتك شغالة، شرابك في رجلك، آيس كابك علي دماغك، لحافك اللذيذ، كاكاوك في إيدك.. واللي يقولك يلا ننزل غوزه . - حاجه الوحيده اللي ناقصه عشان احس اننا في القطب الشمالي.. إني أنزل الشارع وألاقي بطريق . أنا مش قادر يا جماعة .... انا بموت يا فخرى ..!! - عايز أشوف الأهبل اللي قال إن جو مصر حار جاف ضيفا دافئ ممطر شتاء . لو الجو فضل كده ليوم 25 يناير ساعتها مش هننزل التحرير.. التحرير هو اللى هيجيلنا فى تاكسي .