سخرية على «تويتر» من موجة البرد: اتفقنا مع روسيا على صفقة سلاح مش ثلج

تعليق: هو لسة في بنات مصدقة إن ممكن ولد يقلعلها الجاكت بتاعه ف الجو ده !! .. ده مش بعيد ياخد الطرحة بتاعتك ويعملها سكارف
الإخوان لغوا مظاهرات عودة مرسي النهاردة تحت شعار "انشالله ما رجع.. وموجة دي ولا إنقلاب
بيقولك النهاردة الشتاء لم تشهده مصر منذ 123 سنة.. عايزين نتصل بالفنانة صباح نسألها هو كان عامل ازاي وقتها؟
قابل مستخدمو مواقع التواصل الاجتماعي، موجة البرد القارصة التي تتعرض لها البلاد على اليوم الثالث على التوالي، بموجة من السخرية، حيث تساءلوا بعد هذا الطقس السيئ الذي تعيشه البلاد ما حدث في 30 يونيو ثورة أم انقلاب.
وقال ناشط عبر تويتر: "بيقولك النهارده الشتاء لم تشهده مصر منذ 123 سنه !.. عايزين نتصل ب الفنآنه صباح نسألها هو كان عامل ازاي وقتها ?، وأضاف آخر: "هو لسة في بنات مصدقة ان ممكن ولد يقلعلها الجاكت بتاعه ف الجو ده !! .. ده مش بعيد ياخد الطرحة بتاعتك ويعملها سكارف".
ولم تخلو موجة السخرية التي شنها مستخدمو مواقع التواصل من التطرق ل"الإخوان" والرئيس المعزول، حيث قال أحد النشطاء: "الإخوان لغوا المظاهرات النهاردة تحت شعار "انشالله ما رجع" ، وأضاف آخر:"يا ترى أنت عامل ايه يا مرسي سقعان ولا بردان جعان ولا شبعان طيب لابس ايه في الجو ده"، و"موجة دي ولا انقلاب".
وبالتطرق للعلاقات المصرية الروسية بعد 30 يونيو، قال ناشط: " أحنا اتفقنا مع روسيا على صفقة سلاح مش صفقة ثلج !" وأضاف آخر: "اعتقد بعد الجو اللى شوفناه فى مصر دا مبقاش لينا حجه ان الشعب يتكلم روسي كويس"، فيما قال آخر:" الجو ده آخرة العلاقات مع روسيا"
ومن أبرز التعليقات الأخرى على مواقع التواصل بسبب الطقس البارد الذي تشهده البلاد التعليقات التالية:
- طلعت أزازه المياه من التلاجه عشان تسقع :D
- انا عايز واحد يرد عليا في ام البلد دي الساقعه الي احنا فيها دلوقتي دي ثورة ولا انقلاب؟
- العدس الراعي الرسمي للمنزل المصري ......,والامهات ما صدقوا :D
- مدينتي .. والرحاب في ثوابهم الابيض .. قاعدين بيعملوا رجل الثلج ناس رايقة . ملناش دعوة بيهم xDD