تغريدات رعدية على "تويتر" وسيول تغرق "فيسبوك" بسبب "الطقس"

أثرت حالة الجو السيئة على مواقع التواصل الاجتماعي "تويتر" و"فيسبوك"، حيث امتلأ "تويتر" بتغريدات رعدية، وأُغرقت الصفحات على "فيسبوك" بسيول من النكات والتعليقات والكوميكسات الساخرة.
وعلى "تويتر"، قالت رنا أشرف:" درجة حرارة الجو 6 ودرجة التلاجة 8 ، يعني أروح أعد في التلاجة عشان اتدفى ؟"، وقالت حنان علي:" الجو أخد الجنسية الأوروبية وهيلعب في منتخب روسيا".، وقالت نادين "الجو فاكر نفسه في أوروبا حد يقوله يعيش عيشه أهله" ، وقال أحمد مدحت "الجو ده حقيقي ولا بجد؟".
وقال تيتو نبيل:"عندي استفسار هو أنا لو دخلت اخدتلي دش في الجو ده ومت ابقى كدا مت موتة ربنا ولا انتحرت ؟!!"، وقالت زينة نصار: "نداء إنساني لكل بنت قصيرة .. بلاش تنزلى فى الجو دة حاجة من الاتنين : ياهتطيرى يا هتغرقى"، وقال محمود: "الجو جو أروبا والعيشة عيشة الصومال"، وقال ماهر: " انا سعيد بالبرد ده "ابو اسماعيل استايل" ، برد ايه يا روح أمك "عبد الله برد استايل".
أما أحمد فقال: " لأ النهضة مش كدب....أومال الجو الأوروبى الى إحنا فيه ده إيه؟!!!"، وقال سامو: "من كتر ما هو الجو أوروبي.. دفعت لصاحب الدكانة يورو بالغلط".
وعلى "فيسبوك" لم يختلف الوضع كثيرا، فتكررت تلك التعليقات ، وانتشرت الصور الساخرة التي تتضمن عبارات عن سوء حالة الجو مثل "الواحد خايف في الجو ده انه يفتح باب الشقة يلاقي بطريق"، "عزيزتي أم كلثوم بالنسبة لأغنية.. ونقول للشمس تعالي تعالي .. إحنا بنضم صوتنا لصوتك".
وتضمنت صور أخرى عبارات "بيقولك اسكندرية دلوقت بقت من عجائب الدنيا السقعة"، "بفكر اخد البطانية بتاعتي وأقول للخياط يفصلها لي بيجامة"، "أنباء عن أن الجو في مصر خد الجنسية الروسية وبيجربها"، "الايس كريم في الوقت ده يعتبر جهاد في سبيل الله"، "ذات مومنت لما يبقى مكتوب في كتاب الجغرافيا جو مصر معتل صيفا دافئ ممطر شتاء ... you feel like ... بس بقى كفاية كذب "، "الستات بيتابعوا النشرة الجوية عشان الغسيل" ، الدش واحشني بس البرد حايشني".