الاختيار 3 حلقة 3.. تحذير شديد اللهجة من السيسي لمرشد الإخوان: "الجيش وطني وبس"

شهدت الحلقة الثالثة من مسلسل الاختيار، لقاء جمع بين الرئيس عبدالفتاح السيسي ويجسد شخصيته الفنان ياسر جلال، ومرشد جماعة الإخوان المسلمين محمد بديع- ويلعب دوره الفنان عبدالعزيز مخيون.
وتحدث بديع معاتبا ياسر، مشيرا لوجود تباعد بين الجيش والجماعة، وبين مؤسسات الدولة كلها والإخوان، وشدد ياسر على أن الدولة يحكمها رئيس لكل المصريين، وأن الجيش يجب أن يكون بعيدا عن أي توجهات.
وجاء جزء من الحوار بينهما في العمل على النحو التالي..
مخيون: طولت عليك يا سيادة الفريق وحضرتك عايز تعرف سبب الزيارة بس الحقيقة أنا ليا عتاب عليكم فيه تباعد بينا وبينكم.
ياسر: اسمحلي أبدأ كلامي زي ما تفضلت وبدأت بحديث سيدنا النبي عليه الصلاة السلام "يطبع المؤمن على الخلال كلها إلا الخيانة والكذب". وأنا راجل لا بكدب ولا بلف وادور ولا ليا مصلحة غير بلدي بلدي بس، علشان كده عايز ابقى صريح وواضح.
مخيون: مفيش خلاف الصراحة مطلوبة يا سيادة الفريق.
ياسر: الاخوان بيتدخلوا في أمور لا تخصهم ولا تعنيهم.
مخيون: زي إيه يا سيادة الفريق .
ياسر: الدولة ليها رئيس والرئيس ده لكل المصريين سواء إخوان أو غير إخوان.
مخيون: ده معلوم مفيش خلاف.
ياسر: يبقى ليه الإخوان بيتدخلوا في مؤسسات الدولة، خيرت الشاطر والبلتاجي بيروحوا الأجهزة الأمنية وليهم مطالب وبيدوا أوامر، جميع أجهزة الدولة شغالة مع رئيس الدولة وكل شيء بيبقى تحت تصرفه اول بأول .
مخيون: ما هو برضه خيرت والبلتاجي يهمهم مصلحة الدولة مش كفاية يا سيادة الوزير مش عارفين ندخل الجيش.
ياسر: فضيلة المرشد القوات المسلحة منذ اغتيال الرئيس السادات وهي حريصة جدا تكون بعيدة عن أي توجهات، في الجيش أخطر شيء على الأمن القومي إن الجيش ينقسم لفرق وجماعات ده فيه ضياع لمصر وضياع للوطن، الجيش ولائه لله ثم للوطن فقط، لو انتم حريصين على الدولة لازم تكونوا حريصين على ده وجميع الأحوال الإجابة لأ فضيلتك احنا لن نسمح بذلك.
مخيون: بس احنا اللي بنحكم.
ياسر: اللي بيحكم رئيس لكل المصريين وبدون توجهات يا فضيلة المرشد مش عايزين البلد تنهار او تضيع، الكلام اللي بقوله لفضيلتك من أدبيات القوات المسلحة من زمان الجيش لازم يكون جيش وطني وبس.
"الاختيار 3" سيناريو وحوار هاني سرحان، بطولة أحمد السقا، ياسر جلال، أحمد عز، كريم عبدالعزيز، خالد الصاوي، عبدالعزيز مخيون.