اسألوا.. عمرو بن العاص واسألوا البابا بنيامين كيف كانت.. العلاقة بين نصارى ومسلمين واذكروا قوله تعالى ادخلوها آمنين والنصارى أقرب مودة فإن منهم قسيسين ■ ■ ■ اسألوا.. ابن الأيوبى عن عيسى بن العوام يوم م اتحدوا فى ملحمة ظلت خالدة على الدوام ف حطين اللى كانت صخرة تحطم ريتشارد والأوهام رجّعوا لينا بيت المقدس بعد ما كان عودته أحلام ■ ■ ■ اسألوا.. سعد ورفاقه أيام الثورة الأبية كان شيوخ أزهر بتوعظ من أمام المنجلية(*) وقسوس من ع المنابر ألقوا خطباً وطنية وإنجليز برصاص مصوب عبر أفواه بندقية نحو رأس مصرية كانت لابسة عمامة أو طاقية ■ ■ ■ اسألوا سيناء.. كم ارتوت يوم العبور من دماء مينا وجرجس وأحمد وعبدالصبور ماتوا علشان كل مصرى يبقى.. بوطنه فخور ارتضوا لمصر الكرامة ولنفسهم.. القبور ■ ■ ■ هى دى بلدنا اللى كانت قصة حب جيل ورا جيل قبطى مسلم قبطى مسيحى موجة واحدة ف مية نيل صوت قرآن وأذان مخلوط بأجراس وأصوات التراتيل مئذنة شامخة جنب منارة ومصحف بيعانق إنجيل عماد لطيف رياض أسيوط - أبوتيج (*) المنجلية: حامل خشبى يوضع عليه الإنجيل أثناء إلقاء الكاهن لعظته بالكنائس.