صور.. سارة نخلة تخضع لعملية جراحية بسبب "قرصة نملة"

أصيبت الفنانة السورية سارة نخلة بالتهاب شديد وارتفاع في درجة الحرارة جراء تعرضها للدغة نملة، حيث جرى نقلها إلى أحد المستشفيات القريبة من منزلها بالقاهرة.
ونشرت "سارة" صورة لها على سرير المرض، عبر صفحتها الشخصية بموقع "فيس بوك"، وعلقت عليها، قائلة: "أنا أول مرة بعمل الحركة دي ولا عمري حبيت حد يشوفني تعبانة أو ضعيفة بس الحوار غريب شوية أو شويتين الحقيقة، دي كانت ليلتي في المستشفى بعد ما روحت البيت بعدين حسيت بوجع رهيب روحت المستشفى، وعملت نقدر نقول نصف عملية عشان التخدير كان موضعي عشان مش عارفة استحمل الألم بس".
وأضافت: "غير إن كان عندي برد أصلاً، وبقالي أربع ايام مش بأكل كويس ومش بنام كويس، وكل شوية بدوخ بس السبب اللي دخلني المستشفى بالليل وبكل بساطة هي نملة، صدقوني نملة".
وتابعت: "تخيلوا لما تبقوا طول الوقت بتحاولوا تبقوا أقوى وكويسين وتيجوا على نفسكوا، و في الأخر نملة تدخلكو العمليات ببساطة، نملة قرصتني عملت التهاب بعدين خراج، وكل دا أنا فاكرة إنها ناموسة عادية عشان أنا جسمي حساس جدا، بس وصلت لدرجة بالليل إني مش عارفة أقعد دقيقة من الوجع والسخونية والدوخة".
وأكملت حديثها قائلة: "دخلت الطوارئ على طول، والدكتور فتح الخراج طبعا كنت بموت من الوجع بس الحمدلله عدت على خير الحمدلله على كل حال، وأنا في بيتي دلوقتي، بس يارب أبقى أحسن والجرح يلم".