نشطاء "تويتر" يسألون مرسي: لو بقيت رئيس مصر إيه الإصلاحات اللي هاتعملها للشعب

مشادات بين شباب "تويتر" على صفحة الرئيس.. المؤيدون: هل الألفاظ النابية دليل على الحرية.. والمعارضون: وعدت فأخلفت فكذبت يامرسي

نشبت مشادات بين رواد موقع التواصل الاجتماعي "تويتر" على هاش تاج "اسأل الرئيس مرسي"، ما بين مؤيد ومعارض لسياسات الرئيس، وتلقى مرسي ما يقرب من 50 سؤالا في نصف ساعة ما بين التاسعة وحتى التاسعة والنصف مساء، في انتظار رد الرئيس.
وشن بعض الشباب هجوما حادا على مرسي تطور إلى التلفظ بألفاظ نابية، ردت عليه إحدى الفتيات بقولها "لو كان مرسي سيئ لهذه الدرجة ما كان شفنا هذا الكم من الحرية في الهجوم وفي ناس تكلمه بألفاظ نابية .. عيب عليكم".
بينما قال المعارضون "حضرتك وعدت فخلفت فكذبت فماذا أنت فاعل لشعب كل آماله لقمة العيش ؟، وقال آخر "ممكن اسأل حضرتك سؤال، لو حضرتك رئيس جمهورية مصر العربية ممكن تعمل إيه من إصلاحات للشعب؟".
وقالت إحدى الفتيات "عايزة اشتغل زي ابنك، وعايزة أعرف مين طلعكم من السجن؟ ياريت تصارح الشعب مع إنه عارف".
وسأل أحد الشباب "هو فعلا الأزهر صرح بعدم التعامل مع الكنيسة"، وتابع آخر "أومال لو مكنتوش اتحبستوا واتعذبتوا كنتوا عملتوا ايه؟".
وجاءت باقي الأسئلة والتعليقات كالتالي "مش هتبطل قتل وسحل وتعذيب وانتهاك انت زيك زي اللي قبلك متعلمتش من اللي راحوا؟ فين فلوس مصر اللي قلته أنها بتتسرق وأنها لو ماتسرقتش هنعيش ملوك؟ كرمت المشير وعنان ليه مع أنك قولت إنك هتحاسب المجلس العسكري وأنت عارف انهم قتله؟ من فتح السجون ومن قتل شهدائنا الجنود في رمضان أما حان الوقت لكي يعاقب الجاني؟ فين لجان تقصي حقائق لكل حدث وفين حق الشهداء اللي في رقبتك ودمهم اللي هيطاردك؟ هتتنحي إمتة عن الحكم وأنت عارف أن بحور الدم بسبب النظام، أسألك الرحيلا، ماهو شعورك الآن بكرة الشعب المصري واللي تزايد بعد مسكك الحكم، وهل تنازلك عن الكرسي الآن في الظروف دي مش هيعتبر بطولة لك؟".
وجاءت مثل "الرئيس المنتخب الدكتور محمد مرسي، من قتل شهداء رفح؟ ما سبب تمسك سيادتكم بحكومة الدكتور قنديل؟ ما شعورك الآن بكره الشعب المصري واللي تزايد بعد مسكك الحكم .. وهل تنازلك عن الكرسي الآن في الظروف دي مش هيعتبر بطولة لك؟. ما السبب الحقيقي لترقية قادة القوات المسلحة وما سبب التمسك بحكومة قنديل ياريس؟ ياريس عندنا مشكلة كبيرة في جامعة المنصورة بلطجية دخلوا الجامعة و معاهم خرطوش نرجو الحل عشان المشكلة كبيرة".