محمد العدل: 3 أشخاص كنت أتمنى تواجدهم في قائمة الخطيب

علق المنتج محمد العدل على اختيارات الكابتن محمود الخطيب في قائمته بانتخابات النادي الأهلي، مؤكدا أنه كان يتمنى تواجد 3 أسماء.
محمد العدل: 3 أشخاص كنت أتمنى تواجدهم في قائمة الخطيب
وقال محمد العدل الذي حل ضيفا على الإعلامى عمر ربيع ياسين في برنامجه "مان تو مان": "كنت أتمنى تواجد محمد سراج الدين، وكمان الكفراوي والدكتور محمد شوقي اللي كانوا موجودين أدوا دورتين هايلين ومشيوا ولو كانوا موجودين كان هيبقى شيء يسعدني".
وأضاف محمد العدل: "دائما وأنت بتختار وبتاخد قرار تعتقد أنك شايف كل الزوايا لكن أنا مش شايف كل الزوايا، اللي شايف كل الزوايا اللي جوه المطبخ، فبالتالي إيه اللي حصل معرفش، يعني سراج انسحب معرفش على حق ولا على باطل، فبسأله قالي خليني الدورة دي، في الآخر خد قرار، واللي انضموا جداد أنا معرفهمش بس واثق في اختيارات محمود الخطيب".
وتابع محمد العدل: "كان نفسي أيضا محمد مرجان يكون موجود لأنه حافظ النادي بكل أخرامه وابن النادي، وكمان كنت أتمني سراج والكفراوي لكن اختيارات الكابتن معنديش مشاكل فيها خالص".