تعرف على سبب غيرة فريد الأطرش من عبدالحليم حافظ على شيريهان!

تحدثت النجمة شريهان، عن حفل عيد ميلاد شقيقها الراحل عمر خورشيد في بيروت، حينها كان عمرها 8 سنوات وترافقها والدتها، وكان ضمن الحضور عبدالحليم حافظ وفريد الأطرش، ووردة وبليغ حمدي.
وروت شريهان، من خلال حوارها لأحد القنوات الفضائية عن الحفل: "كان عيد ميلاد عمر في بيروت يومها فعلًا عمر عزف، وفريد غنى كان هو وعبدالحليم، كانوا قاعدين مربعين، تخيلي بقى لما عبدالحليم وفريد يغنوا.. وأنا رقصت".
وبعد أن رقصت شريهان، على صوتي العندليب وملك العود أهداها عبدالحليم، هدية: "عبدالحليم السلسلة بتاعته كان فيها عين زرقا، وحطها في رقبتي"، حينها غار الأطرش وقال له: "أنا مش لابس حاجة، طب أنا عايز أدي كمان يعني إنت بس اللي حبيت البنوتة؟"، وذكرت أنه في اليوم التالي أهدى لها سلسلة على نفس الشكل، وعلقت: "عندي عنتين.. عين من فريد الأطرش وعين من عبدالحليم".
وقالت شريهان، عن هذا الموقف: "ده كله إداني ثقة في نفسي إني صح، إن عندي ودن وأنا عندي 8 سنين وبرقص على مزيكا مش سهلة، ده فريد وعبدالحليم".
لمشاهدة الفيديو اضغط هنا