إيمان عزالدين تهاجم البرلمانية والضابط المعتدي عليها

انتقدت الاعلامية إيمان عزالدين، تصريحات النائبة زينب سالم في واقعة الاعتداء عليها بقسم شرطة مدينة نصر بسبب تصريحاتها "هقدعكم في بيتكم"، قائلة: "مش من حقك تقولي الكلام ده لحد لانك مش سلطة تنفيذية وهو فين القانون؟!".
وتابعت "عزالدين"، خلال تقديمها برنامج "90 دقيقة"، المذاع على فضائية "المحور"، السبت: "يعني ايه الضابط يقول في التحقيقات انا مكنتش اعرف انها نائبة وكنت مفكرها مواطنة عادية.. يعني ايه نعلم على المواطنين علشان تميزوا بين المواطن اللي عنده حماية واللي مش عنده حماية.. وبعدين هو المواطنين دول كبري خشب علشان الناس تطلع لمكان معين ويدوسوا على باقي الناس.. هو احنا في ايه؟؟ ياريت كل واحد يخلي باله من تصرفاته وإلا كلنا هندفع الثمن والا هنرجع لمربع صفر وندفع التمن".