حديث المدينة

مفيد فوزى :علميا ثبت ان نفس الشيشة الواحد يساوى 40 سيجارة الكلام ده ثابت علميا من بحوث كثيرة اجريت على المشيشين لا هو تخدير ولا هو تحذير ولا هو كلام من جيل , الشيشة النفس الواحد 40 سيجارة مرة ثانية 40 سيجارة وسل وانفلونزا الخنازيربناقش الكلام ده بهدوء شديد جدا لعل وعسى فى حديث المدينة
فاصل
مفيد فوزى : ياحاج انا عاوزك تكلمنى على حب الناس للشيشة يعنى وانت راجل عشت اكثر من 25 سنة صاحب قهوة وشفت الناس اللى بتشيش ايه الشيشة بالنسبة للناس ؟
عبد الفتاح محمود طه : الشيشة دى من زمن ما اتبدعت القهاوى والشيشة موجودة الشيشة دى من حكمة فتحت القهوة مش فية شيشة
مفيد فوزى : طيب خلينى اكون معاك اكثر صراحة هل تفتكر الشيشة لو اتمنعت من قهوة او ما بقتش فى قهوة هل انت تخسر كثير ؟
عبد الفتاح محمود طه :والله يا باشا احنا سعتك الشيشة يا بيه معرضة يعنى هما بيقولو لك ممنوعة سعتك تيجى لنا مخالفات من البيئة
مفيد فوزى : البيئة بتعمل لك مخالفات؟
عبد الفتاح محمود طه : اه بتعمل مخالفات اه بالف جنية بالف جنية
مفيد فوزى : بالف جنية؟
عبد الفتاح محمود طه : اه بالف جنية
مفيد فوزى : اه
عبد الفتاح محمود طه : طيب انا ذنبى ايه يعنى ذنبى ايه راجل صاحب محل يعنى دلوقتى الشيشة يمنعوها يشيلوها من كل حاجة مثلا
مفيد فوزى :الشيشة عندك بكام ؟
عبد الفتاح محمود طه : الشيشة الحجر بنصف جنية يعنى الشيشة بتنزل حجر بجنية حجرين بنصف جنية
مفيد فوزى : طيب هل انت بتبقى ضامن المبسم شكلة ايه ؟
عبد الفتاح محمود طه : بس يا سعادة البية المبسم نازل من الشيشة دى كل ما بتنزل للزبون تخش تتسيح وتتغسل وتتحط على البوفية
مفيد فوزى : صحيح فى عندى حد بيجى معاة المبسم بتاعة فى حد بيجى معاة المبسم بتاعة شيلة
عبد الفتاح محمود طه : في مبسم
مفيد فوزى : فيه مبسم كدة معاه؟
عبد الفتاح محمود طه :اه فيه ناس بتجيب مبسم سعتك فيه مباسم اهى وينزل الزبون يحط المبسم
مفيد فوزى : ثانى
عبد الفتاح محمود طه : اه فيه مبسم يحطةعلى طول اهو
مفيد فوزى : طب انت بتشيش؟
عبد الفتاح محمود طه : انا ما بشيش باشرب سجاير
مفيد فوزى : ليه ؟
عبد الفتاح محمود طه :اهو كيف ما اقتنعتش الناس اللى بتشرب
مفيد فوزى : اه ما اصلك انت صاحب قهوة؟
عبد الفتاح محمود طه :ايوه يا باشا ايوه
مفيد فوزى :يعنى انا انا شخصيا لا بدخن ولا بشيش؟
عبد الفتاح محمود طه :ما جدرش والله بطلتها كثير
مفيد فوزى :هل انا معنديش مذاج
عبد الفتاح محمود طه : انا بطلتها بقالى 7 - 8 سنين وبعدين رجعت لها ثانى
مفيد فوزى :اللى هى ايه ؟
عبد الفتاح محمود طه :السجائر
مفيد فوزى : طب والشيشة ؟
عبد الفتاح محمود طه :الشيشة ما بشربهاش
مفيد فوزى : ولا فى شبابك؟
عبد الفتاح محمود طه : شربتها فى شبابى اه
مفيد فوزى : عملت لك ايه ؟
عبد الفتاح محمود طه : شباب يعنى مفيش حاجة كييف بقى من ضمن الناس اللى بتشرب ما شربتش انت شيشة فى شبابك هههه
مفيد فوزى :لكن انت بتقول انا عمرى ما شربت شيشة فى شبابى .
عبد الفتاح محمود طه : هههه لأ اغلبية الشباب بتشرب شيشة
مفيد فوزى : وهو جدعنه شرب الشيشة ؟
عبد الفتاح محمود طه : كييف يا باشا كيف يعنى الناس اللى بيشربوا بيشربوا لية مظهرة
مفيد فوزى :ما انت برضه هتقولى الحشيش كيف .
عبد الفتاح محمود طه : هههه لأ ما اقدرش اقول دى
مفيد فوزى : ليه ؟
عبد الفتاح محمود طه : دى ممنوع
مفيد فوزى : ممنوع ازاى؟
عبد الفتاح محمود طه :الحشيش ممنوع
مفيد فوزى : ماهو كييف .
عبد الفتاح محمود طه :كييف بس ممنوع
مفيد فوزى : شوف برضه وهى الشيشة مش ممنوعة .
عبد الفتاح محمود طه : لأ مش ممنوعة
مفيد فوزى :انت دفعت استنى دفعت مخالفة البيئة ؟
عبد الفتاح محمود طه :اه
مفيد فوزى : دفعت كل مرة ؟
عبد الفتاح محمود طه :اه تدفع امال المخالفة تيجى لك بالف جنية وعلى المحل هتروح فين منها
مفيد فوزى : طب وبعدين ؟
عبد الفتاح محمود طه : ولا جبلين
مفيد فوزى : ما انت عندك ال كل الشيش .
عبد الفتاح محمود طه : ما هى كلها عندنا لو منعوها منعوها كلها ما يشيلوها حوشوا الدخان ما يبعوش هه ما بدال ما يغرموا الناس ويجيبوا بيئة للناس يحوش الدخان ويمنعوه خالص
مفيد فوزى :الدخان ده؟
عبد الفتاح محمود طه :اللى هو بتاع الشيشة والمعسل اه ما ده من الصناعات الغذائية عارف كده ولا لأ ما اعرفش انا
مفيد فوزى :اه من الصناعا ت الغذائية وتبع الدولة كمان
عبد الفتاح محمود طه :اه تبع الدولة
مفيد فوزى : ما دى مصيبة .
عبد الفتاح محمود طه : ما طيب
مفيد فوزى :ما هو ده تناقد
عبد الفتاح محمود طه : محدش
مفيد فوزى : ما ده تناقض يعنى الحاجات دى تبع صناعات غذائية تبع الدولة ومع ذلك يتقال الغوها
عبد الفتاح محمود طه :يلغوها طب ما يلغوها هما من فوق حد يشاركهم
مفيد فوزى : كل سنة وانت طيب
مصطفى عثمان :وانت طيب
مفيد فوزى : الشيشة بالنسبة لك ايه ؟
مصطفى عثمان :الشيشة بالنسبة لى لما باكون فاضى انا باشربها اكون وقت انا شغال ما بشربهاش
مفيد فوزى :الله وهو انت هتاخذ شيشة معاك فى الشغل
مصطفى عثمان :لأ
مفيد فوزى : بتشتغل ايه ؟
مصطفى عثمان :انا باشتغل كهربائى سيارات
مفيد فوزى :ما هو مش معقول هتأخذ شيشة معاك فى الشغل ؟
مصطفى عثمان : احسن من السجائر
مفيد فوزى : انت رايك كدة مين مين اللى قال لك المعلومه دى ؟
مصطفى عثمان : كذا واحد لما السجائر تكون معاك هتفضل تشربها على طول فى الشغل وفى العربية وفى اى حته هتشربها انما دى عاوزة وقت فاضى اما تبقى فاضى هتشربها مش فاضى هتبعد بعيد عنها يعنى ما بتلزقش فى الدماغ ولا حاجة
مفيد فوزى : لو سمعت ان المفتى قال ان الشيشة حرام تعمل ايه ؟
مصطفى عثمان : هتبطلها
مفيد فوزى : الله يعنى وتر الدين هو اهم وتر؟
مصطفى عثمان :اه
مفيد فوزى :مهما يقول الاعلام ما بتسمعش بصرف النظر عن اى حاجة انما المفتى لو قال ان الشيشة حرام حتبطلها لو طلع شيخ الازهر وقال ان الشيشة حرام ؟
مصطفى عثمان :هبطلها حالا
مفيد فوزى : واضح انك مصلى ومؤمن بالله وبالرسل يعنى راجل مسكون بالايمان .
مصطفى عثمان : الحمد لله
مفيد فوزى : اذن انت دلوقتى افدتنى ان لازم لما نيجى نتكلم عن الشيشة ونبطلها ونلغيها من الحياة ونحافظ على البيئة لازم يبقى ده من خلال عنصر الناس اللى بتعرف ر بنا زى المفتى وزى شيخ الازهر لما يعرف حاجة حرام مش هيشربها مش هيشربها خالص لان دى ما بتعملش حاجة ما بتعملش حاجة يعنى ايه ؟
مصطفى عثمان : ما بتعملش حاجة فى الصدر طالما انت بتنظفها وبتشربها نظيفة خلاص الكلام ده لوواحد بيشرب معاك تنقل العدوى ان هو يكون عندة برد والا حاجة لان اللى ده بينقل العدوى
مفيد فوزى : طب امال لية الدولة او الاعلام بيقول بلاش شيشة ؟
مصطفى عثمان : هو علشان فيه ناس بتشرب المعسلده بتشفط جامد وتخلى ده يطلع نار وهوبيشفط نار بيحرق صدره
مفيد فوزى :الاستاذ الدكتور مدحت نجم انا عاوز اعرف منك ايه مضار هذه الشيشة علشان خاطر الناس تبقى على وعى او على علم وانا مش هنط فى بقك كعادة بعض المذيعين ولا هقاطعك هسمع لك بالكامل
د/ مدحت نجم : الامور اللى تفضلت حضرتك بذكرها دلوقتى موضوع الشيشة والتدخين عموما هى الشيشة اولا نوع من انواع التدخين ومضارهم كلهم واحدة اثارهم كله على الصحة واحدة دا اللى قالتة اخيرا منظمة الصحة العالمية مفرقتش ده بيشرب سجائر ده بيشرب شيشة دة بيشرب غليوم ده بيشرب نرجيلا كلهم فى الاخر بيصبوا ان هما بيأثروا على الرئة جميع الجسم بلا استثناء من اول الراس لغاية اصبع القدم
مفيد فوزى : خش فى التفصيل اكثر فى الرئة .
د/ مدحت نجم : الرئة بالنسبة لنا هنا اكثر حاجة بتعملها مرض السدة الرئوية المزمن ده مرض خطير جدا يمكن خطورتة على صحة البنى ا دمين اكثر كمان من سرطان الرئةا للى مشهور عند الناس التدخين بيسبب سرطان الرئة اللى الناس بتجهلة كثيرا ان من ضمن الحاجات المؤثرة جدا فى الرئة كا مرض السدة الرئوية المزمنة واحد مسببات هذا المرض الرئيسية هى التدخين بكافة انواعة الناس بتفكر ان السجائر هى اللى بتسببة لأ دا الشيشة كمان بتسبب مرض السدة الرئوية بدرجة اكبر من السجائر
مفيد فوزى : ليه ؟
د/ مدحت نجم : لان هى حضرتك بيسحب نفس اكثر هو فاكر ان المية دى اللى بتخفف درجة حرارة السجائر بتعملة تنقية لأ دا هو حضرتك لما بتأخذ السجاير انت بتأخذها من شفايفك هنا فا المسافة اللى بتستخدمها علشان تأخذ النفس هى من الشفتين لغاية الرئة لما تدخل جوة انما حضرتك لما تأخذ اى شيشة بتأخذ من الميه من تحت بتشد شده النفس اكثر فعشان كدة مرض السدة الرئوية من كثرة التدخين ومرور الاعوام عليها بيسبب مرض السدة الرئوية والمرض ده الناس اللى هى مش فهماة بيطلخبطوا فيه ويقول لك دى كحة السجائر مفيش حاجة فى الطب عندنا اسمها كحة السجائرالحكة دى لازم يكون ليها سبب لازم يكون ليها مسبب المسبب هو التدخين .
مفيد فوزى : انت متخيل الكلام اللى انت بتقولة دة وهو مصيبة هل هو ايضا يسبب السل؟
د/ مدحت نجم : الشيشة ثبت ان منها وبالذات الجزء اللى هو الجوزا والغابة والحاجات دى بعض اساتذتنا الافاضل عملوا ابحاث وقدروا يحصلوا على ميكروب الدرن او السل من هذه الغابة ومن هذه الشيشة فممكن تبقى وسيلة لنقل هذا المرض
مفيد فوزى : المبسم اللى بيتنقل من فم لفم وناس تقولك انه جايب المبسم معاه فى جيبة ايه الحقيقة فى ده؟
د/ مدحت نجم :هو بيحاول يوهم نفسة انه بيجب المبسم بتاعة معاه ويقولك انا باجيب وبتاع القهوة يقولة دا انا لافف له مبسم ويقلك انا معقمة ويحطة له فى ورق فويل وكل هذه الامور مهياش وسائل التنظيف بتعتها غير قابلة لقتل مثل هذه الجرائيم
مفيد فوزى : قولى بتعمل الشيشة ازاى ؟
قهوجى : باديها فرضة بتجيب الشيشة من برة بتتفور باروح انا غسلها بالربسو والصابون عندى الكلور اه
مفيد فوزى :الشيشة؟
قهوجى :اه بالكلور تطلع نظيفة للزبون
مفيد فوزى : ورينى كدة بتعمل ازاى ؟
قهوجى :الشيشة فاضية اهى اهى
مفيد فوزى :وبعدين بتعمل ايه تعالى قولى بقى كمل خلاص بتملاها مية.
قهوجى : بتتملى مية والصنيعيى بيشلها ينزلها للزبون
مفيد فوزى :ازاى بقى ورينى ؟
قهوجى :عنيا حاضر
مفيد فوزى : بتحط عليها الحجر ازاى يالا يا سيدى ورينى ورينى هات بقى اتفضل هتحطها فين هنا هو اه ؟
قهوجى : بركبها وده المبسم
مفيد فوزى : ده النظيف الجديد؟
قهوجى : الجديد ماشى
مفيد فوزى :اه وبعدين هات بقى النار النار تجيبها امتى دلوقتى اه اتفضل ده حجر النار ده هه انت بتشيش هه هه قهوجى : بشيش
مفيد فوزى : اخر الليل هه؟
قهوجى : اه اخر الليل
مفيد فوزى : مش امام الزبائن ؟
قهوجى : اه اخر الليل اه ههههه
مفيد فوزى :اخر الليل تشيش ؟
قهوجى : اه طبعا
مفيد فوزى : وتشد النفس؟
قهوجى : واشد النفس
مفيد فوزى :اه وتطلع للزبون بقى ؟
قهوجى : وتطلع للزبون مثلا تشرب كده
مفيد فوزى :اه خليك كده علشان خاطر هيركز على بقك والمبسم ؟
مفيد فوزى : بصراحة بتجرب الشيشة قبل ما تطلع للزبون
قهوجى : اه طبعا اكيد
مفيد فوزى : ايوه
قهوجى: علشان اريح الزبون
مفيد فوزى :عشان تريحة يعنى بقك ؟
قهوجى : لأ
مفيد فوزى :امال ايه؟
قهوجى : لا انا باجرب الشيشة يعنى لازم الشيشة تشتغل
مفيد فوزى : اه وبعدين بتطلع للزبون؟
قهوجى : وبعدين بتطلع للزبون
مفيد فوزى :الزبون هو اللى بيفك المبسم من الورقة
قهوجى : المبسم مغلف؟
مفيد فوزى : اه
قهوجى : بيشيل هو الغلاف بتاعة
مفيد فوزى : اه كام سنة انت مع الشيشة دى ؟
قهوجى : 30 سنة او اكثر من 30 سنة
مفيد فوزى : تفتكر ممكن يلغوا الشيشة ؟
قهوجى : والله دى حاجة عامه
مفيد فوزى : انا بسألك انا بسألك صاحب القهوة قال لى يلغوها يلغوها كلهامن كل القهاوى ؟
قهوجى : من فوق بقى يا استاذ مفيد مش يلغوا الشيشة يلغوا المعسل من فوق
مفيد فوزى :المعسل من فوق اه
قهوجى : الشركات بتاعت المعسل طبعا
مفيد فوزى : ده الاساس
قهوجى : ده الاساس امال يعنى
مفيد فوزى : اللى هو التبغ ده؟
قهوجى : طبعا
مفيد فوزى : كمل وشد نفس
قهوجى: ماشى يا استاذ مفيد
مفيد فوزى : كمل وهنروح فى داهية
قهوجى: كل سنة وانت طيب يا سيدى
مفيد فوزى : هنروح فى داهية بالشيشة دى
قهوجى: كل سنة وانت طيب يا استاذ مفيد
فاصل
مفيد فوزى : الشيشة بالنسبة لك ايه ؟
قهوجى : كييف زى السيجارة
مفيد فوزى : زى ايه ؟
محمد فوزى : زى السيجارة
مفيد فوزى : طب فيه ناس بتفضل السيجارة عن الشيشة والا الشيشة عن السيجارة والا انت كنت مدخن وبقيت بتشرب شيشة ؟
محمد فوزى : كنت مدخن وبقيت اشرب شيشة ايه اللى خلاك لجأت للشيشة السجارة مش عادى كدة السيجارة معاك فى ايدك على طول باستمرار
مفيد فوزى :اه يعنى فى جيبك ؟
محمد فوزى : اه
مفيد فوزى : مطلع ومسجر؟
محمد فوزى :على طول فى اى وقت
مفيد فوزى :انما الشيشة لازم تنزل لها قهوة ؟
محمد فوزى :اه وقت يكون فراغ
مفيد فوزى : وقت فراغ؟
محمد فوزى :وقت فراغ
مفيد فوزى : تفتكر لو لموا الشيشة من القهوة القهوجى صاحب القهوة يخسر؟
محمد فوزى : لازم يخسر
مفيد فوزى :لازم يخسرطب دا بيدفع للبيئةغرامة الف جنية فى المرة ؟
محمد فوزى : وبيدفع ضرائب
مفيد فوزى : وبيدفع ضرايب
محمد فوزى :اه
مفيد فوزى : يعنى هو يدفع ضرائب افضلة ومايهمش يدفع مخالفات ؟
محمد فوزى : بيدفع مخالفات وبيدفع ضرائب
مفيد فوزى :طب ايه يعنى مش قادر افهمك ؟
محمد فوزى : بندفع ده وبندفع ده
مفيد فوزى :يعنى مخلص نفسه من الحكومة كونه يدفع المخالفة خلاص يعنى زى مخالفات المرور؟
محمد فوزى : لأ مش زى مخالفات المرور زى ما انت ماشى زى ما بتدفع
مفيد فوزى :امال ايه ؟
محمد فوزى :زى ما بتدفع المخالفة اه
مفيد فوزى :انا مش شايف حاطت المبسم هنا ؟
محمدفوزى : المبسم بتاعى
مفيد فوزى : مبسم ايه ؟
محمد فوزى : المبسم بتاعى
مفيد فوزى : منين ده الله يعنى انت جايب ده من بيتك ؟
محمد فوزى : اعمل ايه بشترية جاهز وبستعملة
مفيد فوزى : الله يعنى ده اللى بتقدمه لك القهوة وبعدين انت جايب ده فى جيبك واروح حاطت المبسم ده كده من غير المبسم اللى عندهم ده احتياطى ده ولا ايه؟
محمد فوزى : يعنى ذى احتياطى
مفيد فوزى : ليه بقى ؟
محمد فوزى : علشان فية ناس عندها انفلويزا بس
مفيد فوزى : انت خايف من الانفلونزا ؟
محمد فوزى :انا لازم اخاف من الانفلونزا
مفيد فوزى :اه ما تقدرش تقلع فاهم تقلع يعنى ايه ما تقدرش انت تسيب العادة دى هه؟
محمد فوزى :لأ ساعات باسبهايعنى مثلا ممكن اقعد يوم يومين
مفيد فوزى : بس ده قدرتك ده قدرتك بس انما اكثر من كده
محمد فوزى : لأ
مفيد فوزى :بتشتاق لها ؟
محمد فوزى : ساعات لما اشم رائحتها وانا شغال
مفيد فوزى : لما تكون فى قهوة 3 -4 - 5 شياش والغبار فى الهواء وثانى اكسيد الكربون بتعكر الهواء والاكسجين؟
محمد فوزى : اكيد اكيد وبتختال حق المواطن البرئ الذى لا يدخن فى انه تستنشق هواء نفى
مفيد فوزى : وبتشوفه وبيرشق فى اذنها ومع ذلك لاتزال مدخنة للشيشة ؟
محمد فوزى : شو ف حضرتك ممكن تعتبرها نوع من انواع الادمان نوع من انواع العادات اللى هو صعب ان هو يتخلى عنها
مفيد فوزى : ايه البعد الاجتماعى فيها؟
محمد فوزى: لأ ليها ابعاد اجتماعية خطيرة
مفيد فوزى : اتفضل
محمد فوزى : يعنى مثلا اللى بيدخن فى البيت يدخن شيشة او سجائر اواى نوع ده خطر مش عليه لوحدة بس كمدخن للشيشة دى خطر على جميع افراد الاسرة بمعنى ان مثلا لو واحد دخن سيجارة واحدة فى اليوم والبيت ده كان مقفول بيبان اثرها على البيت وعلى الستاير وعلى فرش البيت
مفيد فوزى :هل الشيشة نفس الشئ ؟
محمد فوزى : الشيشة نفس الشئ حضرتك
مفيد فوزى :طيب الغبار؟
محمد فوزى :اى مدخن سواء سجائر او شيشة حضرتك هتعرف ان ده مدخن لو دخلت بيت عادى تلاقية عادى جدا لو دخلت بيت مدخن للشيشة او للسجائر تعرف ان ده بيت مدخن
مفيد فوزى :هل الشيشة نوع من الفشخرة الاجتماعية ؟
محمد فوزى : ممكن دا هو يقولك تعالى نقعد على القهوة نشرب حجرين يعنى زى ماتقول حضرتك البعد الاجتماعى بقى ما تيجى نتكلم وندردش واحنا بنشرب حجرين مثل فيه صدقات الشيشة رهيبة وبقول لحضرتك ليه لان دى اول طريق الادمان لانها بتدخلنى حاجة ثانية لان مدخن الشيشة سهل يبقى مدمن مره يجيب لك حته حشيشة مرة يحط حاجات انا هتكلم بصراحة دى الشيشة والحاجات دى اول طريق الادمان تبص انا هديك حتة كدة تخلى المزاج عالى يبقى اصبح مش الشيشة وبس فيه حاجات
مفيد فوزى :وضح لى ؟
محمد فوزى :بالعكس دا ثبت ان الناس المدخنين اقل قدرة جنسية من الغير مدخنين
مفيد فوزى : علميا لية؟
محمد فوزى :لانه برضه بيحصل bazk resecation
مفيد فوزى : المعنى العربى ؟
محمد فوزى :ارتباط فى الشرايين والاوردة كمية الدم بتتأثر بهذه الامراض ولذلك الناس اللى بيصابوا بداء العانه او عدم القدرة علىالجماع نسبة اكثر من 70% منهم مدخنين شيشة او سجائر
مفيد فوزى : فهمنى ؟
محمد فوزى :اذن فيه علاقة بين عدم القدرة والدخان سر الناس فهماة
مفيد فوزى :وضح لى البنات والشيشة اليس غريبا.......؟
محمد فوزى : غريبا على مجتمعنا المصرى يعنى فى اخر 15 -20 سنة ازدادت ظاهر بطريقة اصبحت كل الناس عرفاها ودى برضه نتيجة الانفتاح الزيادة والاسرة المصرية ما عدتش مترابطة زى الاول ماعدتش بتراقب الناس زى الاول ابص الاقى بنات فى سن المراهقة قاعدين على القهاوى وبيشربوا سجاير فى البلاجات ولا فى المدن حتى
مفيد فوزى : انا بتكلم عن الشيشة
محمد فوزى : ايوه ما حضرتك الشيشة كل الناس فى كل مكان حتى فى وسط البلد تبص تلاقى البنات زى الصبيان قاعدين على القهوة وبيدخنوا الشيشة عادى جدا
مفيد فوزى : حاولت اقنع بعض البنات فى بعض المقاهى علشان يسجلوا معايا هربوا واعتذروا.
محمد فوزى :طب انا بأخذ من حضرتك الاجابة لو هى عارفة انها بتعمل حاجة صح ما بتخفش منها ما كنتش هربت من ...
فاصل
مفيد فوزى : اللى يعرفوه الناس ان الشيشة اوالنرجلية او الجوزة تدخين شرقى صرف ولكن اللى ما بيعرفهوش ناس كثير ان هو اى الشيشة يعنى جت عن طريق الغرب اولا وانه لم يدخل الى الشرق او فى مصرتحديدا الا من 400 سنة وكان ظهورة الاول فى الغرب عن طريق التجارة عن طريق البحارة والعائدون من العالم الجديد اللى كانوا بيدخنوا التبغ على هيئة غليون ومع التواجد ا لعثمانى فى العديد من البلاد الاوروبية انتقلت هذه العادة منهم الى العثمانيين ومن ثم اخترعت اشكال جديدة للتدخين وكان من هذه الاختراعات الشيشة ان اكبر مدخن عرفة الناس تاريخيا هو محمد على اكبير الذى كان يسمى سرا الدخاخنى وقد انتقلت الشيشة من محمد على الكبيرالى ابناءة واحفادة
فاصل
مفيد فوزى : اتعرف بيك
مواطن : عبد العزيز ابو خشبة
مفيد فوزى :عبد العزيز بتشتغل ايه ؟
عبد العزيز ابو خشبة : انا صاحب مقهى
مفيد فوزى : صاحب قهوة عندك قهوة؟
عبد العزيز ابو خشبة :اه
مفيد فوزى : فين حته القهوة دى؟
عبد العزيز ابو خشبة : فى وسط البلد
مفيد فوزى :انا شايفك قاعد لا بتشرب شاى ولا قهوة ولا بتشيش ؟
عبد العزيز ابو خشبة : لأ انا الحمد لله ما بشيش مش مدخن
مفيد فوزى :عندك شيشة فى القهوة؟
عبد العزيز ابو خشبة : عندى شيشة فى القهوة
مفيد فوزى :كام شيشة؟
عبد العزيز ابو خشبة : حوالى 30 شيشة
مفيد فوزى :والقهوة فل فى الشيش ؟
عبد العزيز ابو خشبة : يعنى
مفيد فوزى : انا مش بتاع ضرائب
عبد العزيز ابو خشبة : ايوه
مفيد فوزى :انا ما انا بسألك يعنى تفتكر لو الشيشة اتلغت خالص تفتكر تفضل فاتح؟
عبد العزيز ابو خشبة :ان شاء الله افضل فاتح
مفيد فوزى : يعنى فى ايه فى القهوة يغرى غير الشيشة ؟
عبد العزيز ابو خشبة : احنا في كل المشروبات الكويسة اللى تجذب اى زبون او اى سائح ان هو يقعد على الكافية ويروح عن نفسة وهو قاعد لكن بشيشته ممكن يخنق غيرة او يتعب غيرة واللى قاعد جنبة حتى لوهو لية مذاج فى الحاجة دى
مفيد فوزى : قرب منى شوية هى الشيشة ممكن زى ما واحد قالى ممكن توصل الى الحشيش؟
قهوجى : ممكن
مفيد فوزى : ممكن ؟
قهوجى :اه
مفيد فوزى : يعنى الشيشة احيانا مدخل للحشيش؟
قهوجى: ماهو بيبقى فيه اضرار سلبية انا يعنى مثلا مش مدخن فا باقعد جنب واحد بيدخن باخذ منه الدخان عن طريق الشم فا بيعمل عندى حاجة عكسية او سلبية فا انا كدة كدة بقيت مدخن سلبى
مفيد فوزى : تمام تمام بالتالى انت صاحب مقهى عندك 30 شيشة لكنك لا تدخن الشيشة بتدخن سجائر ؟
قهوجى :لأ الحمد لله ما بدخنش
مفيد فوزى :دا انت مش مثالى كصاحب قهوة.
قهوجى :يعنى انا فيه فترة قبل كدة بطلنا الشيشة حوالى شهرين كده وعملنا اعلان كافيتريا بدون شيشة بصراحة يعنى احنا حبينا نجرب هل من الناحية المادية هتنجح ولا هتفشل يعنى هنلاقيها تاثر على دخل القهوة ولا لأ
مفيد فوزى : مجرد انك حطيت كافيتريا بدون شيشة
قهوجى : لان جارى كان عنده شيشة فانا الزبون مثلا اب مثلا ومعاه اسرتة فالاسرة كلها بتشرب عصير وبيبسى وكوكتيل
مفيد فوزى :وده ما يكسبش ؟
قهوجى :وبعدين هو القائد الوحيد ينقل علشان حجر واحد شيشة يعنى المجموعه كلها ا لترابيزة ممكن تعمل 30 او 40 جنية وهو علشان حجر بجنية بيأخذ المجموعه كلها وينقل الناحية الثانية علشان هيشرب حجر شيشة
مفيد فوزى : سلام عليكم
مهندس /محسن فهمى : عليكم السلام
مفيد فوزى : انت حاطت نظارة على عينيك ونظارة فى صدرك دول ايه بقى قصر نظر ولا اية ؟
مهندس /محسن فهمى : دى شمس علشان الضوء العالى بيتعب العين
مفيد فوزى :اه انت عندك قصر نظر ولا حاجة؟
مهندس /محسن فهمى : دى بعد نظر
مفيد فوزى : عندك بعد نظر؟
مهندس /محسن فهمى : اه
مفيد فوزى : ولما عندك بعد نظر
مهندس /محسن فهمى :اه
مفيد فوزى : مدرك ان الشيش ايه مصيبة ولاشيفها.. ؟
مهندس /محسن فهمى: مصيبة كبيرة طبعا بس الواحد متعود فى البداية كنت باشرب سجائر كثير بطلت السجائر وقلت ابتدى بالشيشة حجر اثني ثلاثة
مفيد فوزى : حضرتك بتشتغل ايه يا افندم؟
مهندس /محسن فهمى : انا مهندس
مفيد فوزى : مهندس مهندس ايه ؟
مهندس /محسن فهمى : مهندس ميكانيكا
مفيد فوزى :يعنى انت راجل اعتبرك من المتعلمين جيدا ؟
مهندس /محسن فهمى : 30 سنة مهندس يا بية
مفيد فوزى : 30 سنة مهندس
مهندس /محسن فهمى : اه
مفيد فوزى :وبقالك فى الشيشة كام سنة؟
مهندس /محسن فهمى : نقدر نقول 20 سنة
مفيد فوزى : ما اصابتكش بحاجة؟
مهندس /محسن فهمى : لأ الحمد لله الحمد لله بس انا بالحق نفسى بالليل باكل عسل كثير قهوة بليمون بتنظف الصدر يعنى
مفيد فوزى : هى فيها سموم بتعمل سموم ؟
مهندس /محسن فهمى : طبعا
مفيد فوزى :اكيد؟
مهندس /محسن فهمى : واكيد بتتعب الصدروبتتعب الرئة وبتتعب الشرايين وبتمشى فى الدم بس الواحد مكنش يعرف ان لها تأثير سئ للدرجة دى مكنش يدمنها بطلت السجاير كنت باشرب كمية كبيرة قوى من السجائر كانوا مسمينى مصطفى امين الثانى
مفيد فوزى : مين؟
مهندس /محسن فهمى : مصطفى امين الكاتب الله يرحمه
مفيد فوزى : ماله
مهندس /محسن فهمى : بشرب سجاير كثيرانا كنت زيه كدة
مفيد فوزى : كانت السيجارة ما تفارقش بقك
مهندس /محسن فهمى : خمس ست علب فى اليوم على الاقل بطلتها من 20 سنة 25 سنة
مفيد فوزى : واتجهت للشيشة ؟
مهندس /محسن فهمى : دى لازم تنزل لها مخصوص علشان تشربها بدأت بحجر اثنين ثلاثة وصلت الى 20
مفيد فوزى : عشرين حجرفى الليلة ؟
مهندس /محسن فهمى : فى اليوم
مفيد فوزى : فى اليوم
مهندس /محسن فهمى : اه
مفيد فوزى : وانت عندك شيشة فى البيت ؟
مهندس /محسن فهمى : عندى
مفيد فوزى : جيبها منين ؟
مهندس /محسن فهمى : من الحسين
مفيد فوزى : اه يعنى شاريها ؟
مهندس /محسن فهمى : اه
مفيد فوزى :ما بتولعهاش ليه ؟
مهندس /محسن فهمى : علشان البيت بقى
مفيد فوزى :تخاف؟
مهندس /محسن فهمى : لا مش اخاف
مفيد فوزى : امال جايبها لية ديكور؟
مهندس /محسن فهمى : كنت جايبها يخلوها فى القهوة
مفيد فوزى : يعنى تخدها معاك من البيت للقهوة؟
مهندس /محسن فهمى : شلتها فى العربية بقى علشان ما اضمنش كل واحد يشرب عليها
مفيد فوزى :اه تبقى شيشتك انت ومبسمك انت وسمومك انت ومصايبك انت ؟
مهندس /محسن فهمى : ربنا يستر
مفيد فوزى : ربنا يستر
مهندس /محسن فهمى : اه انا يعنى
مفيد فوزى : انت ملاحظ علياان انا انخرست مش كدة
مهندس /محسن فهمى : اه
مفيد فوزى : ما با اتكلمش
مهندس /محسن فهمى : اه
مفيد فوزى :عارف ليه ؟
مهندس /محسن فهمى : ايوه
مفيد فوزى :علشان انا بكلم مهندس بكلم مهندس متعلم .
مهندس /محسن فهمى : اقولك بصراحة
مفيد فوزى : بكلم مهندس مثقف.
مهندس /محسن فهمى : هقولك حاجة
مفيد فوزى :قول حاجتين ؟
مهندس /محسن فهمى : هى بقالها معايا بتاع 20 سنة قبل 20 سنة كنت فى شغل على طول شغل فى الشركة وشغل برة الشركه مفيش وقت فاضى خالص يعنى القهوة دى قعدت عليها على كبر قعدت عليها وانا عندى 38 سنة على كبر يعنى مش وانا صغير
مفيد فوزى :انت عندك انهاردة كام سنة ؟
مهندس /محسن فهمى : عندى 57
مفيد فوزى : 57 ليك كام سنة مع الشيشة ؟
مهندس /محسن فهمى : 20 سنة
مفيد فوزى :20 سنة مع الشيشة مش ناوى ..؟
مهندس /محسن فهمى : والله بحاول اخفها وبخفها يعنى باحاول
مفيد فوزى : يتخفها ايه فى التردد على القهوة ولاعدد الحجر ؟
مهندس /محسن فهمى : فى التردد وفى عدد الحجارة نفسهاانت جيت حضرتك لقتنى باجيب شيشة لسة جايبها دلوقتى
مفيد فوزى : هل اللى بشرب شيشة ده ما بيدخنش؟
مهندس /محسن فهمى : لأ بيدخن
مفيد فوزى : بيدخن سجاير ؟
مهندس /محسن فهمى : فى كدة عادة سيئة بقى لا دى لا دى والاثنين اسوأ من بعضهم الاثنين مع بعض هنا الخطورة
مفيد فوزى : انت مش خايف لحسن تضرالشرايين؟
مهندس /محسن فهمى : والله خايف بس باحتاط يعنى
مفيد فوزى :بتحطاط بالعسل بالليل؟
مهندس /محسن فهمى : اه العسل بالليل
مفيد فوزى : بيغسل ؟
مهندس /محسن فهمى :اه
مفيد فوزى : طب لو انا قلت لك انصح الشباب اللى قدمنا اللى بيشفونا دلوقتى فى التليفزيون وشيفينك انك انت مثقف ومهندس حضرتك خريج كلية ايه؟
مهندس /محسن فهمى : انا خريج هندس وتكنولوجيا بورسعيد جامعة السويس
مفيد فوزى : يا نهاراسود هندسة تكنولوجيا كمان ؟
مهندس /محسن فهمى : اه الواحد مش هقول بيندم لكن خلاص الواح 57 سنة الحمد لله
مفيد فوزى : دا انا مش بس اتخرصت دا انا اتكتمت
مهندس /محسن فهمى : والله انا ارجوا من الشباب تعمله استرس اكثر على
مفيد فوزى : استرس اه نعمل استرس.
مهندس /محسن فهمى : ا ه وحجموا حجم الخطورة اللى جية منها وحجم السرطانات علشان يبطلوا
مفيد فوزى : طب كمل الشيشة مساء الاسترس
مهندس /محسن فهمى : مساء الفل
فاصل
د/ مدحت نجم : الكم اللى بيطلع من الرجل المدخن بيصبنى بحاجة خطيرة ايه هى وبنقول عليها اللهم احفظنامن السرطانات ولكن انا وقفت امام هذا كلة بقول لك واحد موجود فى كل مكان لازم ما تدخنش وباروح فى اى مطعم قلت له ماتدخنش لحاجة واحدة بس الغير مدخن يقول للمدخن روح دخن فىمكان بعيد بص لزوجتك بص لاختك بص لاقاربك انت بتقتلهم انا شفت بعنيا طفلة موجود ام بتلعب فى وشها بالدخان فى نادى المعادى علشان تهزر معاها بالدخان شفت اب وام وهما قاعدين بيحطوا فى الشيشة ابنهم احمد عشر سنين بيحط لهم الولعة مها عثمان 11 سنة وانا باركب التاكسى لقيتها بدخن قلت لها قالت لى اصل ماما واختى الكبيرة بيدخنوا فى البيت فقالوا لى انت بتكحى ليه عشان ما بدخنش قالوا لها لأ دخنى علشان صدرك ما يتعبش فين الام فين الاب فين التربية فين العيلة فين احنا المدخنين لازم نقف للمدخن لو سمحت اقف بعيد عنى علشان انت اصبحت مجرم بترتكب جريمه فى حقى وجريمة فى حق نفسك وجريمه فى حق المجتمع والوطن اللى عمال يصرف على السرطان بسبب الدخان
مفيد فوزى :اضايقك لو قعدت معاك شوية الشيشة مزاج؟
عبد العزيز ابو خشبه:هى عادة اكثر من انها مزاج
مفيد فوزى : كام سنة معاها؟
مدخن : 50 سنة
مفيد فوزى : حضرتك متزوج؟
عبد العزيز ابو خشبه:اه
مفيد فوزى : وعندك اولاد؟
عبد العزيز ابو خشبه: وعندى اولاد
مفيد فوزى :عندك احفاد؟
عبد العزيز ابو خشبه:عندى احفاد
مفيد فوزى :عندك شيشة فى البيت ؟
عبد العزيز ابو خشبه:عندى ومقدرش استغنى عنها
مفيد فوزى : فهمنى ايه علشان خاطر انا باسمعك اهو فهمنى ليه انت ما تقدرش تستغنى عن الشيشة ؟
عبد العزيز ابو خشبه:ما اقدرش استغنى عن الشيشة بالنسبة لظروف الحياة فا احنا بنحط غلبنا فيها
مفيد فوزى :اه بس انا ملاحظ ان دى ملهاش مبسم ؟
مدخن :لأ فى بعض قهاوى بتحط مبسم وبعض قهاوى لأ
مفيد فوزى : طيب ماهودى بتتنقل من بق الى بق بلاوى .
مدخن : ممكن
مفيد فوزى :ولا انا غلطان ؟
مدخن : لأسعتك ممكن
مفيد فوزى : وطبعا عارف ان دى بتبقى فيها مزرعة من مزارع الفيروسات ولاانا غلطان.
عبد العزيز ابو خشبه: لألأ فعلا
مفيد فوزى : ما يهمكش قولى لأ انت غلطان قولى انت مش فاهم قولى انت غشيم قولى اى حاجة بس مهم تفهمنى
مدخن : فعلا
مفيد فوزى : فعلا ايه ؟
عبد العزيز ابو خشبه: فعلا فيها ميكروبات بس احنا علشان نتفادى كده بنقول للقهوجى حط المبسم فى شوية ميه سخنة بس دا اللى نقدر نعملة
مفيد فوزى : حط المبسم فى شوية مية سخنة وهوالمبسم فى شوية مية سخنة يحل الاشكال؟
مدخن :على قد مفهوميتنا ههههه
مفيد فوزى : وانت لما بتعمل هو دلوقتى بيعمل لك ايه ؟
عبد العزيز ابو خشبه:دا بيغيرالحجر
مفيد فوزى : بيغير الحجرانت امتى بيعرف هو هو عينه عليك باستمرار؟
عبد العزيز ابو خشبه: لأ لما بيخلص الحجر
مفيد فوزى :انت بتنده؟
عبد العزيز ابو خشبه: فى قهوجى بيبقى حافظ
مفيد فوزى : بيبقى مصحصح؟
عبد العزيز ابو خشبه: بيفهم الزبون عايز كام حجر بينزلهم له لوحدهم
مفيد فوزى :كام حجر يعنى ايه هما دول كام حجر؟
عبد العزيز ابو خشبه:دولت اثنين
مفيد فوزى :عرفت ازاى انهم اثنين ؟
عبد العزيز ابو خشبه:ادى واحد
مفيد فوزى :يعنى الكاميرا لو جبتهم كدة
عبد العزيز ابو خشبه:اهم ادى واحد وادى الثانى
مفيد فوزى : الحجرده بيبقى ايه بيبقى عبارة عن ايه باسمع يقولك مثلا شيشا تفاح شيشة معرفش ايه ولا ده معسل عادى؟
عبد العزيز ابو خشبه: معسل عادى
مفيد فوزى :لكن ده كله سموم المعسل ده ولا انا غلطان؟
عبد العزيز ابو خشبه:لأ صح بس احنا مش قادرين نبطلة بعد السن ده مش قادرين نبطلة انا عملت عملية بطلته
مفيد فوزى :عملية ايه ؟
عبد العزيز ابو خشبه:عملية المرارة وبطلته شهر 30 يوم وبعد كده رجعت له بشراهه اكثر من الاول
مفيد فوزى : رجعت له بشراهه اكثر من الاول على فكرة باسمع فى التليفزيون يقولك لما تقعد تتكلم مع حد ما تقربش منه قوى فا انا يعنى هبعد شوية عنك
مدخن اخر: لألأ عادى
مفيد فوزى : ما تتضايقش ان انا بعدت عنك شوية.
عبد العزيز ابو خشبه:لألأ
مفيد فوزى : ما انت اصلك بتدخن شيشة.
عبد العزيز ابو خشبه:ايوه ايوه هههههه
مفيد فوزى : يعنى بلوة مش كويس علي طبعا عايز ارجع لاهلى
عبد العزيز ابو خشبه:صح
مفيد فوزى : وعايز حفيدى يشوفنى
عبد العزيز ابو خشبه:لأ ان شاء الله
مفيد فوزى : طيب انت يعنى لو فيه شبان بيتفرجوا علينا
عبد العزيز ابو خشبه:ايوه
مفيد فوزى : تنصحهم بأية؟
عبد العزيز ابو خشبه: بعدم التدخين خالص ولا سيجارة ولا شيشة
مفيد فوزى : من البداية ؟
مدخن : من البداية لان احنا عرفنا ضررها بعد الكبر
مفيد فوزى : عندك كام سنة عفوا؟
عبد العزيز ابو خشبه:75
مفيد فوزى :كام ؟
عبد العزيز ابو خشبه: 75
مفيد فوزى : بدأ ت امتى تدخن اول مرة فى حياتك؟
عبد العزيز ابو خشبه:اول مره فى حياتى بدأت ادخن وانا عندى 18 سنة
مفيد فوزى : 18 كنت بتدخن من ورا والدك ؟
عبد العزيز ابو خشبه:اه
مفيد فوزى : كنت تلميذ؟
عبد العزيز ابو خشبه:لأ كنت صنايعى
مفيد فوزى : كنت صنايعى؟
عبد العزيز ابو خشبه:اه
مفيد فوزى :امتى عرفت الشيشة ؟
عبد العزيز ابو خشبه:ماهو الشيشة عرفها من اول ما شبيت ست سبع سنين
مفيد فوزى : هو انت اول ما دخلت على الشيشة على طول؟
مدخن : اه ما ما شربتش سجاير
مفيد فوزى : دا انت قوى قوى .
عبد العزيز ابو خشبه:هههه
مفيد فوزى : دخلت على الشيشة على طول ؟
عبد العزيز ابو خشبه:ما سبتش حاجة
مفيد فوزى : ما استنتش؟
عبد العزيز ابو خشبه:لأ
مفيد فوزى : ما استنتش ؟
عبد العزيز ابو خشبه:لأ ما شربتش السجاير
مفيد فوزى : معاك 53 سنة
عبد العزيز ابو خشبه:معايا 53 سنة
مفيد فوزى : صدرك انصاب ؟
عبد العزيز ابو خشبه:طبعا جاب لى التهاب رئوى فى الرئة اليمين
مفيد فوزى : التهاب رئوى فى الرئة اليمين ؟
عبد العزيز ابو خشبه:ايوه عندى الرئة اليمين تعبانة
مفيد فوزى : طب قول لى سؤال على بقى اقولة لك خلينى اقول سؤال لك بعد ما قلت جالك التهاب رئوى وعملت المرارة و53 سنة ومن 18 سنة وانت بتدخنها؟
مدخن : ا يوه
مفيد فوزى : وبتنصح الشباب ان هما ما يدخنوهاش انت انهاردة ماتقدرش ما تجيش القهوة وتدخن شيشا
عبد العزيز ابو خشبه:لأ ما اقدرش
مفيد فوزى : ما تقدرش؟
عبد العزيز ابو خشبه:اعصابى تتعب
مفيد فوزى : اعصابك تتعب؟
عبد العزيز ابو خشبه:اتنرفز اه اقل شئ يعصبنى
مفيد فوزى :لأ وانا مش عاوز اعصبك .
عبد العزيز ابو خشبه:ما انا باقول لحضرتك
مفيد فوزى :اناعاوز راحتك وعاوز مزاجك بس ما دام عندك احفاد يعنى وست فى البيت
عبد العزيز ابو خشبه:انا عندى فى بعض اولاد لا بيشرب لا شيشا ولا سجائر
مفيد فوزى :ولادك ما حدش منهم بيشرب لا شيشه ولا سجائر
عبد العزيز ابو خشبه:لا شيشه ولا سجائر
مفيد فوزى :انت بتدخن فى البيت
عبد العزيز ابو خشبه:انا بدخن فى البيت
مفيد فوزى : مش دى مصيبة وانت بتدخن فى البيت ؟
عبد العزيز ابو خشبه:مصيبة بس
مفيد فوزى : ما تدخن برة يا اخى .
عبد العزيز ابو خشبه:اد الله وادى حكمتة
مفيد فوزى : اللى انت فيه دى عيشة برة بدل ما يبقى فى البيت ؟
عبد العزيز ابو خشبه:برة وجوا يا بيه
مفيد فوزى :لأ برة وجوا ازاى اذا كان الدخان الاسود ده يبقى جوا البيت مع اولاد واحفادك
عبد العزيز ابو خشبه:بس هما ما بيشربوش
مفيد فوزى :ما هو بيوصل لهم ما ده بيخش الرئة ؟
عبد العزيز ابو خشبه:ما انا عارف
مفيد فوزى : انت عارف كل حاجة
عبد العزيز ابو خشبه:لا لما الاول مكناش نعرف الكلام ده بعد الاعلام ما ظهر وابتدى الاعلام ينبهنا خدنا بس كان فات الاوان بعد الاعلام ما ظهر الاول ما كنش فيه اعلام لاقنية بيقول ان الشيشة لا بتجيب ولا بتودى ولا بتموت ولا ولا ولا
مفيد فوزى : شفت يعنى الاعلام هيعمل ايه الاعلام بيعمل كل اللى عليه يعنى انا انهاردة مش جاى لك اكلمك عن سمية الخشاب ولا اكلمك على ابوتريكه .
عبد العزيز ابو خشبه: ماشى
مفيد فوزى :انا بكلمك عن الشيشة عن المصيبة اللى انت فيها
عبد العزيز ابو خشبه: ما بقول لحضرتك ما اتنبهناش الا لما الاعلام ..
مفيد فوزى :ايه الحل هل فيه فى البلد شكل من اشكال القرارات الحاسمة توقف الشيشة؟
عبد العزيز ابو خشبه :انت جئت لى على الوتر الحساس قوى
مفيد فوزى : ارجوك تعذف على هذا الوتر بصراحة
عبد العزيز ابو خشبه : هى اذا كنت بترجونى فا انا بارجوك انك انت توصل كلامى ده للمسئولين
مفيد فوزى : انت مش هتوصل وحاليا
د/ مدحت نجم :عايزين مسئولين قادرين على اتخاذ قرارات حاسمة لحماية صحة هذا الشعب يعنى انا من سنتين كنت فى بورسعيد عجبنى جدا قرار محافظ بورسعيد فى هذا الوقت
مفيد فوزى : عمل ايه ؟
د/ مدحت نجم : لغى الشيشة من على جميع القهاوى اللى على شاطئ بور سعيد والله انا حيته انا لا اعرفه شخصيا ولا عمرى قابلته وفى وسط المؤتمر العلمى بتعنا اللى كان فى بورسعيدرة اشوف مسئول جرئ يأخذ قرار ويتحمل تبعيته وينفذة بحزم وبحزافيرة احنا محتاجين لمثل هذه القرارات الحاسمة لان القرارات الحاسمة هى اللى بتردع الناس لان هما
مفيد فوزى :يعنى يوم من الايام لما كان الحزام مطلوب فى الحماية فى العربية الناس التزمت وفى غرامه
د/ مدحت نجم : لما فين غرامة الناس كلها لما تركب العربية دلوقتى قبل ما يحط المفتاح ويفتح بيلبس الحزام
مفيد فوزى : هل الشيشة شكل من اشكال تنفيس الهموم وضح لى المعنى ده مهم قوى ؟
د/ مدحت نجم : شو ف حضرتك ده تخصص بتاع علم النفس وبتوع علم الاجتماع انما ياريته فى هذه الامور بعض الناس بيحاولوا ان هما يقولوا ان دى شكل من اشكال تنفيس الهموم طيب انا هرد عليهم ببساطة شديده جدا انت بتنفس الهموم تقوم تجيب لنفسك امراض ثانية يعنى انت بتحاول انك تنفس همومك هتجيب لنفسك امراض ثانية واشياء اخرى تساعد فى تحطيم نفسيتك اكثر واكثر
مفيد فوزى :ولا تزال الشيشة تتنقل بين الافواه فى المقاهى وفوق اسطح البيوت ولا يتزحزح مدمن للشيشة عن العادة رغم مخاطرها الصحية ولاتزال قرارات الدولة قرارات فى حالة صمت ولاتزال امال البيئه ايضا فى حالة تراخى القضية ان الشيشة كما روى الجبرتى فى يوم ما لها حدوته غريبة ربما فى تراث المصريين ولكن كيف يمكن ان نعاقب اللذين يشيشون ازاى هل حسبما روى الجبرتى يوما ان الوالى محتسب الدولة امر بانه من يثبت انه مع شيشة اى يدخن شيشة ان يكتوى ويلسع بنار الحجر الذى يدخنه هل يمكن ان نلجأ الى هذه الصيغة ولو انها صيغة ربما رومانسية من التاريخ لكنه الواقع الشيشة تسكن الافئده فهل من الممكن ان توقف الدولة هذه العادة ام انى اهزى وقول كلاما وادينى بملىء شريط