مش قادرة عليه جنسيا

مساء الخير .. مشكلتي في جوزي , بالرغم من اننا كويسين جدا مع بعض وهوة راجل كريم ومهذب ومش مخليني محتاجة لحاجة والحمد لله متفاهمين في معظم أمور حياتنا لكن بنيجي عند علاقتنا الخاصة بنختلف او بمعنى اصح هوة متأزم منها وانا مش قادرة ارضيه ..
هوة بيحب يكون لقاءنا بشكل متكرر في اليوم الواحد وكل يوم وانا مش قادرة اكون في استقباله طول الوقت لأسباب كتيرة مش مهم أتكلم فيها لكن هية دي النتيجة , الصراحة انا خايفة الموضوع ده يأثر على علاقتنا او ينتهي على انه يتجوز واحدة غيري وفي نفس الوقت لما فكرت في الموضوع بحيادية او بعقل راجل لقيت انه لو اتجوز هيبقى معذور لكن ارجع بسرعة واقول لنفسي لا مش ممكن جوزي لايمكن يعمل كدة .
انا في حيرة طول الوقت والموضوع ده منغص علية عيشتي واكيد عامل فيه هوة كمان كدة بس هوة مش بيتكلم وكل اللي بيعمله انه بيحايلني طول الوقت بس بيلاقي صد بشكل او بآخر وضميري تاعبني عشان انا بحبه لكن مش قادرة أرضيه في الموضوع ده .. قولولي أعمل ايه او ايه الحل السليم وشكرا لكل فضفضة .
م . ك
فضفضة
صديقتي العزيزة مشكلتك بها الرد الشرعي وتبريره المنطقي وهو الحكمة من إتاحة الزواج بأكثر من إمرأة , من الناحية النفسية والإمكانات الجسمانية الرجل يختلف عن المرأة لذلك حلل الله عز وجل الزواج بأربع , حاولي بشكل مبدئي ان تستمتعي مع زوجك كما يشعر هو بك ولا بد ان تعلمي ان العلاقة الجنسية بين الزوجين عبارة عن كاريزما تحدث بين الإثنان بكل تفاصيل اللقاء و هي الكاريزما التي فسرها البعض على انها الثقافة الجنسية والذكاء في توظيفها في إسعاد الزوج والعكس , في النهاية ان فشلت بعد آخر محاولة مع نفسك لإرضاء زوجك لابد أن تقبلي زواجه بأخرى , هذا شرع الله وانا شخصيا لا ارى به ظلما لك بل على العكس .. اعرف ان ردي مخالفا لرغبتك لكنك تؤكدين على ان زوجك رجلا صالح فهل حرمانه من حقه الشرعي تأكيدا على أنانية إمرأة ؟
نيفين حجازي