راجل بميت كيلو

مساء الخير .. دي رسالة خاصة بالرجالة التخينة بس .. ما ينفعش يا رجالة تفضلوا تشتكو من تخن الستات خصوصا بعد الجواز واحنا مالناش نفس نشوف مناظر كويسة .. يعني انا والحمد لله زوجة من 7 سنين وعندي 3 أولاد ربنا يخليهم وبالرغم من كدة وزني 56 كيلو وطولي 165 يعني نموذجية والله .. آجي اكلم جوزي في وزنه ا
للي عدى الميت كيلو دلوقتي .. يقوللي انا راجل مش مهم شكلي .. مش فاهمة انا يعني ايه كدة .. هوة فيه كدة أصلا ؟ هوة الرجالة عندهم إعفاء من تخفيف الوزن وانا ما اخدتش خبر؟ الله يكرمكم حد عاقل من الرجالة يرد احسن عقلي قرب يطير . يا أستاذة نيفين الله يكرمك تقولي كلمة حق زي ما عودتينا دايما وبلاش حيادية أو انحياز .. طيب لو جوزي عنده اعفاء .. طيب بالمرة يبقى انا كمان عندي اعفاء منه هوة شخصيا هوة الموضوع بلطجة ولا ايه .
م . م
فضفضة
سيدتي الجميلة بالرغم من جدية رسالتك وتقديري لمضمونها إلا إني ضحكت بهيستيريا على أسلوب عرضك للمشكلة وعلى رد زوجك ( المعفي ) .. أعتذر لكن والله لم أتحمل الفكاهة الفريدة من نوعها هذه .. عموما .. بدون تحيز ولا حيادية زوجك مخطئ بالطبع على الأقل إن فكر في تخفيف وزنه سيكون أصلح له صحيا أما بالنسبة لفكرة انك تفضلين الرجل النحيف فهذه أمنية كل النساء .. اتمنى أن نستقبل ردود الرجال في أمر زوجك فالرجال لديهم فكر خاص بعقولهم لربما نجد من بين رسائلهم نصيحة فتاكة لزوجك المعفي .