مساء غد الجمعة.. قطع المياه لمدة 6 ساعات عن بعض مناطق الجيزة    انخفاض كبير في سعر الذهب اليوم الخميس 21-8-2025 عالميًا    أسعار اللحوم اليوم الخميس 21 أغسطس 2025 في شمال سيناء    جوتيريش يدعو إسرائيل إلى وقف مشروع بناء وحدات استيطانية بالضفة الغربية    الزمالك يسعى لعودة الانتصارات أمام مودرن سبورت في الدوري    وزير السياحة والآثار يطلق فعاليات وأنشطة التراث الثقافي المغمور بالمياه في الإسكندرية    اليوم.. وزير خارجية أمريكا يُجري محادثات مع مستشاري الأمن القومي بأوكرانيا وأوروبا    "بالعين المجردة".. أول تعليق من شوبير على هدف الإسماعيلي الملغى أمام الاتحاد    "كانت مظاهرة حب".. شوبير يعلق على مشهد جنازة والد محمد الشناوي    شوبير يكشف تفاصيل من طريقة تدريب ريبيرو في الأهلي    اليوم.. أولى جلسات محاكمة تشكيل عصابي متهم بسرقة المساكن في الأميرية    أغسطس "خارج التوقعات"، انخفاض بدرجات الحرارة، أمطار ورياح مثيرة للرمال بهذه المناطق، وارتفاع الأمواج يعكر صفو المصطافين    بدء دخول 20 شاحنة مساعدات إلى معبر كرم أبو سالم لدخولها لقطاع غزة    اشتباه إصابة محمود نبيل بتمزق في العضلة الخلفية.. وبسام وليد يواصل التأهيل لعلاج التهاب أوتار الساق اليمنى    فصل رأس عن جسده.. تنفيذ حكم الإعدام بحق "سفاح الإسماعيلية" في قضية قتل صديقه    عاجل.. مايكروسوفت تراجع استخدام الجيش الإسرائيلي لتقنياتها بسبب حرب غزة    حقيقة ظهور سيدة تعقر الأطفال في كفر الشيخ    محافظ المنيا يشهد احتفالية ختام الأنشطة الصيفية ويفتتح ملعبين    دعاء الفجر| اللهم اجعل هذا الفجر فرجًا لكل صابر وشفاءً لكل مريض    رئيس شعبة السيارات: خفض الأسعار 20% ليس قرار الحكومة.. والأوفر برايس مستمر    مروة يسري: جهة أمنية احتجزتني في 2023 أما قلت إني بنت مبارك.. وأفرجوا عني بعد التأكد من سلامة موقفي    رجل الدولة ورجل السياسة    حين يصل المثقف إلى السلطة    فلكيًا.. موعد المولد النبوي الشريف 2025 رسميًا في مصر وعدد أيام الإجازة    أذكار الصباح اليوم الخميس.. حصن يومك بالذكر والدعاء    للرجال فقط.. اكتشف شخصيتك من شكل أصابعك    تعاون علمي بين جامعة العريش والجامعة المصرية اليابانية للعلوم والتكنولوجيا    الآن.. شروط القبول في أقسام كلية الآداب جامعة القاهرة 2025-2026 (انتظام)    توقعات الأبراج حظك اليوم الخميس 21-8-2025.. «الثور» أمام أرباح تتجاوز التوقعات    سامح الصريطي عن انضمامه للجبهة الوطنية: المرحلة الجديدة تفتح ذراعيها لكل الأفكار والآراء    سعر الدولار الآن أمام الجنيه والعملات الأخرى قبل بداية تعاملات الخميس 21 أغسطس 2025    «هاتوا الفلوس اللي عليكو».. تفاعل جمهور الأهلي مع صفحة كولومبوس كرو بعد ضم وسام أبو علي    إصابة مواطن ب«خرطوش» في «السلام»    «لجنة الأمومة الآمنة بالمنوفية» تناقش أسباب وفيات الأمهات| صور    لماذا لا يستطيع برج العقرب النوم ليلاً؟    استشاري تغذية يُحذر: «الأغذية الخارقة» خدعة تجارية.. والسكر الدايت «كارثة»    ضربها ب ملة السرير.. مصرع ربة منزل على يد زوجها بسبب خلافات أسرية بسوهاج    شراكة جديدة بين "المتحدة" و"تيك توك" لتعزيز الحضور الإعلامي وتوسيع نطاق الانتشار    علاء عز: معارض «أهلا مدارس» الأقوى هذا العام بمشاركة 2500 عارض وخصومات حتى %50    لبنان: ارتفاع عدد ضحايا الغارة الإسرائيلية على بلدة "الحوش" إلى 7 جرحى    نيويورك تايمز: هجوم غزة يستهدف منع حماس من إعادة تنظيم صفوفها    اتحاد الكرة يفاوض اتحادات أوروبية لاختيار طاقم تحكيم أجنبي لمباراة الأهلي وبيراميدز    بعد التحقيق معها.. "المهن التمثيلية" تحيل بدرية طلبة لمجلس تأديب    بعد معاناة مع السرطان.. وفاة القاضي الأمريكي "الرحيم" فرانك كابريو    ليلة فنية رائعة فى مهرجان القلعة للموسيقى والغناء.. النجم إيهاب توفيق يستحضر ذكريات قصص الحب وحكايات الشباب.. فرقة رسائل كنعان الفلسطينية تحمل عطور أشجار الزيتون.. وعلم فلسطين يرفرف فى سماء المهرجان.. صور    ناصر أطلقها والسيسي يقود ثورتها الرقمية| إذاعة القرآن الكريم.. صوت مصر الروحي    90 دقيقة تحسم 7 بطاقات أخيرة.. من يتأهل إلى دوري أبطال أوروبا؟    الجنائية الدولية: العقوبات الأمريكية هجوم صارخ على استقلالنا    السفير الفلسطيني بالقاهرة: مصر وقفت سدًا منيعًا أمام مخطط التهجير    استخدم أسد في ترويع عامل مصري.. النيابة العامة الليبية تٌقرر حبس ليبي على ذمة التحقيقات    الجبهة الوطنية يعين عددًا من الأمناء المساعدين بسوهاج    رئيس اتحاد الجاليات المصرية بألمانيا يزور مجمع عمال مصر    جمال شعبان: سرعة تناول الأدوية التي توضع تحت اللسان لخفض الضغط خطر    كلب ضال جديد يعقر 12 شخصا جديدا في بيانكي وارتفاع العدد إلى 21 حالة خلال 24 ساعة    عودة المياه تدريجيا إلى كفر طهرمس بالجيزة بعد إصلاح خط الطرد الرئيسي    ما الفرق بين التبديل والتزوير في القرآن الكريم؟.. خالد الجندي يوضح    أمين الفتوى يوضح الفرق بين الاكتئاب والفتور في العبادة (فيديو)    طلقها وبعد 4 أشهر تريد العودة لزوجها فكيف تكون الرجعة؟.. أمين الفتوى يوضح    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



افتح قلبك مع د. هبة يس :"أنا ومراتى زى الإخوات!!"
نشر في اليوم السابع يوم 06 - 06 - 2011

منذ أن نشرت رسالة الخميس الماضى (أنا ايه الى خلانى اتجوز؟)، وبدأ نوع جديد من الرسائل يصلنى، وكأنهم كانوا ينتظرون من يفتح لهم الطريق، أو لأنهم اكتشفوا أن ( الكل فى الهوا سوا) وأن (الحال من بعضه) عند الكثير من الأزواج، كما قلت الرسائل متعددة لكن الشكوى واحدة، وهى بمنتهى الصراحة والوضوح إحدى اثنتين (التباعد الجسدى بين الأزواج)، أو (عدم الرضا عن العلاقه الحميمة) كيفا أو كما وأحيانا الاثنان معا.
والحقيقة الموضوع ده كبير وفيه كلام كتير يتقال، وكل حالة تختلف عن التانية، لكن هاحاول ألم كل الأطراف بقدر المستطاع ، لعل الرد يكون مفيدا للجميع إن شاء الله.
أولا هاوجه كلامى للرجاله ( الأزواج)، اغلب الشكوى بتكون عن عدم إقبال الزوجة على الموضوع ده، أو أنها بتقبل عليه لكن مش بنفس المعدل الى يرضى الزوج، أو انها لا تشارك الزوج و لاتكون ايجابيه معاه، أو أنها بتتعب و تزهق بسرعة وتريد إنهاء الموضوع بأسرع شكل، وهنا ممكن اقولك عزيزى الزوج مراتك ممكن تكون كده لأحد الأسباب الآتية:
1) اللقاء الحميم ده بالنسبه للست هو الوقت الى المفروض ترتوى فيه عاطفيا، يعنى تسمع كلمتين حلوين، تشوف نظرة حب حقيقية، تستمتع بلمسه حنينه، ثم يأتى الاشباع الجسدى بعد كل هذا فى المقام الثانى، وللإيضاح أيضا فان هذه المشاعر و العواطف هى التى تثير المرأه أساسا و تدفعها الى الدخول فى مثل هذا اللقاء بانسجام، فترضى هى و يرضى هو و يصبح الأمر محببا للاتنين، لكن للأسف الى بيحصل أنه فى أغلب الحالات ومع أغلب الستات _ الا من رحم ربي_ لا تستمتع الست بأى من هذا إطلاقا، مشاعر ايه ؟و كلام حلو ايه؟، احنا فاضيين؟ مفيش وقت للكلام ده، و الدخول السريع فى الموضوع بيكون من اهم أسباب النفور عند كتير من الزوجات، وده اول سبب.
2
) لو جينا اتكلمنا عن الشق التانى من الموضوع الى هو الاشباع الجسدى و الشعور بالنشوه_ والذى هو الأهم و الشق الأساسى عند الرجال_ هاتلاقى برضه أغلب الستات مايعرفوش عنه حاجه، منهم الى جربته كام مره، ومنهم الى عمرها ماجربته لكن تسمع عنه، ومنهم الى عمرها لا جربته ولا مصدقه حتى بوجوده من كتر ماهى متخيله أنه محض كدب,طب تعرفوا ان فى أمراض معينه معروفه عند أطباء النساء، الأمراض دى بتصيب خصيصا الستات الغير مشبعات جنسيا؟، وليها أعراض معروفه وظواهر محفوظه مكتوب عنها فى الكتب و المراجع الطبيه.
3) احنا عندنا مشكله كبيره فى مجتمعنا ومش قادرين نتخلص من آثارها ولا حتى نغيرها لغاية دلوقتي، وهى ( التربيه المنغلقه المعتمه) للبنات، هاتقولوا لى امال أنتى عايزانا نعلم بناتنا المسخره و قلة الأدب ولا ايه؟، هاقولكم مين قال كده؟ دأنا حتى مارضاهاش لبناتى ، لكن لو ماكنش متيسر لى أنى أعلمهم الحد الأدنى من الثقافه المحترمه حول هذه الأشياء_ بالشكل الصحيح و فى الوقت المناسب_ فعلى الأقل بلاش أسمم أفكارهم و أربى لهم عقد من الموضوع ده، كام بنت بتتربى عمرها كه على ان الحاجات دى حرام وعيب وقلة أدب؟، كام بنت بتتعلم ان دى نجاسه وقذاره و رجس من عمل الشيطان؟، فالبنت بتلاقى نفسها فجاه مطلوب منها انها تعمل عكس كل الى اتربت عليه قبل كده عشان جوزها ينبسط، فبتحصل (قفله) احيانا بتفك بعد فتره و احيانا لأ، على حسب قوة اعتقاد البنت فى الكلام الى سمعته قبل كده.
و الحل فى الحالات الى فاتوا دول هو الحوار ثم الحوار ثم الحوار، يعنى لازم حضرتك تكون قريب من زوجتك و تفتح معاها الكلام و تشجعها انها تقول رأيها عشان تقدر هى كمان تحب الموضوع ده زيك و تكون انت راضى معاها.
4) موضوع زى ده لازم يكون له وقته و جوه و حالته الصحيه و المزاجيه الكويسه لكل من الراجل و الست...صح؟، قد يكون الراجل هلكان طول النهار فى شغله لكن بدافع الرغبه ممكن يكون فيه نفس يكمل بقية الليل، أما بالنسبه للست فهدة الحيل الصبح فى شغلها أو مع عيالها، وبعد الضهر فى طلبات البيت و الطبيخ و الغسيل ومذاكرة الأولاد، كل ده لا بيخلى عندها صحه ولا نفس للكلام ده، وحتى مفيش فرصه لأنه يكون عندها رغبه زى الراجل، البنزين بيكون خلاص شطب ويادوب آخر نقطتين يوصلوها لغاية السرير عشان تلحق تنام لها كام ساعه لحد صباح اليوم التالي...يوم آخر من الشقا و المسئوليات.
5) نقطه برضه خطيره و حيويه جدا لكن ماحدش حاسس بيها، وهى ان الستات خصوصا بعد سنوات من الجواز و الخلفه و غيره ممكن شكل جسمها يتغير، وهى ماتبقاش راضيه عنه، ومش بس مش راضيه لأ دى كمان مكسوفه منه، وبالذات بقى لو كان جوزها من النوع القوى الملاحظه_ وهم كثر_ فممكن هو يقول لها كام كلمه كده على سبيل الهزار و خفة الدم، يخليها تفقد الثقه بنفسها، وتتحجج بألف حجه و حجه عشان مايحصلش الموضوع ده و جوزها يديها كلمتين اقسى من الى قبلهم، فنظرات الراجل أو كلامه ممكن تخلى الست تنكسف أكتر و أكتر من جسمها و من شكلها وتحس انها مش عاجباه ومش ماليه عينه كأنثى.
6) أهم شكوى للستات بقى من الرجاله فى الموضوع ده، ان الراجل ممكن مايقربش منها أو يسمعها كلام حلو غير تمهيدا لهذا الموضوع، و الى بيحصل أحيانا فى الحاله دى للأسف هو العكس، فالزوجه ممكن ترفض وقتها احتجاجا على سابق اهمال الزوج ليها.
7) فى بعض اوقات بتكون الزوجه رافضه للموضوع ده بسبب عدم اتزان الهرمونات، الى ممكن يحصل مثلا بسبب حمل او رضاعه او فى اوقات معينه فى الشهر، أو احيانا بسبب بعض أنواع حبوب منع الحمل، فالمفروض ان حضرتك تتأكد ان الأسباب دى مش موجوده.
8) وأخيرا ايها الزوج ، كما هو مطلوب من مراتك انها تتجمل لك و تتزين لك، فهو امر مطلوب من حضرتك ايضا، وده شئ متفق عليه شرعا، وابسط التجمل النظافه، يعنى ممكن جدا تكون الزوجه غير مقبله عليك بسبب بعض الروائح ( عرق، سجائر، بواقى اكل بالفم)، او بسبب عدم النظافه الشخصيه التى اوصانا بها نبينا الكريم و سماها سنن الفطره و الى هاتاخد عليها ثواب حتى لو عملتها، وهى أمور معروفه للجميع لسنا بحاجه الى سردها.
نيجى بقى للزوجات، فأكيد فى كلام مهم لازم يعرفوه فى الموضوع ده:
1) لو حضرتك عندك مشكله عضويه (يعنى العلاقه مؤلمه بالنسبه لك) بشكل أو بآخر، فالحل بسيط جدا، لو سمحتى اكشفى عند طبيبة نساء ثقه، وهى هاتقولك تعملى ايه، لأن الحاجات دى شائعه جدا و معروفه جدا، وحلها ابسط من حجم المشكله الى انتى عايشاها.
2) لو مشكلتك نفسيه، يعنى بتحسى برفض أو خوف أو أى شعور سلبى ناحية العلاقه، يبقى الحل انك تصارحى زوجك و تحاولوا تتكلموا مع بعض، لأن الأمور دى مش اقل اهميه من مصروف البيت و مدارس الولاد، وغيرهم من المواضيع الى بنتكلم فيها على طول، وحاولى ترفعى حاجز الحرج و الخجل بالتدريج، فأنت تتكلمين مع زوجك و ليس مع أى شخص.
3) لو مفيش حاجه من الى فاتوا دول، لكن فى سبب آخر شايفه انه بزواله علاقتك بزوجك هاتتحسن، صارحيه بيه، لأنه مهما كان الكلام صعب و محرج، مش ممكن هايكون اصعب من ان زوجك يبعد عنك او يكرهك فى يوم من الأيام.
4) عايزاكى تفهمى انه بالفعل حاجات كتير من معتقداتك القديمه قد تكون غير صحيحه، واذا كنتى حاسه انك فاهمه حاجات غلط، أو تجهلى ببعض الأمور، فالثقافه ( الجاده و المحترمه) اصبحت متوفره دلوقتى فى كتب و تسجيلات صوتيه و مرئيه لأطباء متخصصين، يعنى لو شايفه ان الحال هايتصلح بمزيد من المعلومات، ياريت تعملى كده و تحاولى تزودى معلوماتك.
5) اذا كنتى زوجه موظفه او عامله، و الارهاق مسيطر على وقتك و يومك، ياريت تخصصى لنفسك و قت و لو بسيط جدا ترتاحى فيه قبل اللقاءات الحميمه، ده ممكن يخليكى ايجابيه أكتر، كمان اتفقى مع زوجك على المعدل الى يرضيه و الى يناسبك، عشان تكونى مستعده قبل هو ما يطلبك.
6) واخيرا عايزه اقولك حاجه مهمه، تعرفى انك يوم ما اتجوزتى جوزك بقيتى ملزمه امام ربنا انك تشبعيه و تعفيه؟، أنا لا هاخوفك ولا هاقولك حرام ولا ان الملائكه هاتلعنك و لا أى من هذا، لكن المشكله انه ساعات دلع الزوجات الى بدون سبب بيؤدى الى زوج غير مشبع، والى بيؤدى الى علاقات آخرى و خيانه و احيانا الى جوازه تانيه، و بعدها نرجع نقول ياريت الى جرى ما كان,ولازم تفهمى انك ممكن ماتكونيش مقبله على الموضوع لكن هو مقبل، يعنى مش لازم دايما الأمور تمشى بمزاجك أنت لوحدك، حاولى على اد ماتقدرى ترضيه لأنك أنت الكسبانه فى الآخر، لأنك لو معملتيش كده هاتكونى عامله زى (الدبور الى زن على خراب عشه).
للتواصل مع د. هبه وافتح قلبك:
[email protected]


انقر هنا لقراءة الخبر من مصدره.