جوزي ملاحقني واحنا كبرنا على الكلام ده

مساء الخير .. انا زوجة من حوالي 20 سنة مشكلتي ان جوزي بيلاحقني بطريقة غريبة حتى واحنا في البيت , طول الوقت ينادي علية .. انت فين ؟ سايباني لوحدي ليه ؟ طيب تعالي نقعد نشوف الفيلم ده ..
وهكذا وانا مش فاضية للكلام ده طول الوقت ورايا شغلي وشغل البيت والأولاد .. كاشي عارفة انه ظريف ان الزوج يبقى مهتم انما مش لازق على طول لدرجة تخنق .. انا بعترف انه بيحبني جدا لكنه غيور جدا واحنا كبرنا على الكلام ده خصوصا اني في سني ده اكيد ما بقتش مثيرة لأي غيرة يعني , مش فاهماه بجد هوة لما كبر الفراغ بوظ دماغه ؟ مع انه لسة بيشتغل بس بييجي بدري شوية وطبعا ممنوع طول ما هوة موجود انزل اي مشوار مهم إلا إذا كان عند الدكتور إنما لو فكرت اروح لأصحابي مثلا دي بقى جريمة .. ردود أفعاله مبالغ فيها انا معنديش مانع انه يقلق علية او يحبني بس مش كدة المسافات بين الأزواج حلوة برضه ولا ايه يا رجالة مش دايما موضوع الستات اللازقة تاعبكوا ؟؟؟؟؟ المهم .. مجتش علية , بعدين الحياة في السن ده بين الزوجين لازم تبقى مريحة أكتر ولا انا غلطانة ولا ايه والله ما بقتش فاهمة .. يله وجعت دماغكم لكن قلت يمكن حد يفيدني .. شكرا للجميع
فضفضة
صديقتي العزيزة .. أرى بكلامك شئ من المبالغة .. أعتقد أن العصبية من أوضح صفاتك وأن مشاعر زوجك ليست ضمن قائمة إهتماماتك .. لا أرى في لهفة زوج على زوجته ما يدينه بل على العكس .. لماذا أخذت سلوك زوجك على انه ملاحقة كما ذكرتي .. ليت نساء أخريات يقرأون رسالتك لتمنين ربع ما يقدمه زوجك لك من إهتمام .. هداك الله .. فكري فيما تقولين واعقليه بنفس هادئة وراضية ستجدين الأمان مع زوج كهذا .. احمدي ربك بدلا من الشكوى ألا تقرأين مشاكل الناس إل أي حد وصلت ؟! .. هذبي من خلقك وتذكري المودة والرحمة وان كنت تمرين بأمور تسببت في تراكمات معنوية يمكنك وبسهولة التخلص منها .. ولا أرى لزوجك أي ذنب فيما تشعرين .
نيفين حجازي