رمضان ومسلسلاته

من زمان من ايام ما كنت طفل والكلمه المعتاده قبل رمضان وهي مسلسلات رمضان وطول ماانت ماشى فى الشارح تسمع الناس بتقول لما حد يشتم او يغلط فى حد يقله ياعم اهدي ده احنا فى رمضان وبيعلمونا فى المدارس ايام ما كان في تعليم ان رمضان ده شهر كريم ويابخته الى حضر رمضان ورمضان شهر صوم وعباده وبصفتي طفل مش فاهم هو شهر مسلسلات ولا شهر صوم وعباده ماهو لو شهر صوم وعباده ليه سايبين اعلانات المسلسلات الكتير ديه ولو شهر مسلسلات ليه عامليم ليه هيبه وقايلين انه صوم وعباده فعلا هي بلد عكس بعضها انا شاب عادي لا انا متدين ولا انا فاسد انا عادي جدا بس حاولت افهم معني رمضان وفى نفس الوقت اشوف كمية اعلانات المسلسلات فى الايام دي لازم نقف لما بيتصرف الملايين على المسلسلات دي وهي كلها رقص واغاني والفاظ ربنا ما يوريك وكل ده فى شهر معروف فضله وخيره مش هقلك بقى ده شهر الطريق الى الجنه ولا الكلام ده لا بص ياسيدي لو انت فى وظيفه ورئيسك فى الشغل طلب منك تستمر فتره تيجي تشتغل وتمشي من غير ماتكلم حد من زمايلك مقابل ده هيضاعفلك مرتبك عشر اضعاف هتوافق بدون تفكير شوف بقى لما ربنا الى هيطلب منك ده فكر انت هقلك حاجه بعيد عن الدين نهائي الواحد لما بيجيلو ضيف بيشيلو فوق دماغه وبيحاول يعمل الى يرضي الضيف ده احتراما للضيف ماهو رمضان ده ضيف برده هتحترمه ازاي؟ طبعا دلوقتي عامل تقول ايه الرغاي ده خلص بقي هات من الاخر وجعت دماغنا بص ياسيدي انا بقالى كذا رمضان ليا جمله لاما تسمعها مني وتاخد بيها لاما تسمعها وتاخد بيها(الي هيجي مره فى رمضان هيجي بعد رمضان الف مره)لو كلامي غلط قول اخر كلامي متشغلش وقتك فى رمضان بمسلسل مش هيفيدك هيضرك ويخسرك اجر رمضان الى بتستناه