الفجر | تنشر رسالة من "ضابط أمن مركزى" مصاب بشلل تام أثناء تأدية عمله

تنشر "الفجر" رسالة من الملازم أول مصطفي القاضي ، والذى أصيب بشلل كامل أثناء عمله كضابط أمن مركزى .

وبدورها تناشد "الفجر" ، الدكتور محمد مرسى رئيس الجمهورية ، و الدكتور هشام قنديل رئيس الوزراء ، و اللواء محمد إبراهيم وزير الداخلية ، بسرعة النظر إلى رسالة الضابط المصاب بشلل كامل إثناء تأدية عمله فى الحفاظ على أمن الوطن الداخلى .

‎وجائت نص رسالة الضابط :"اللى بيموت بيرتاح .. بس لو جربت تعيش جوه جسم ميت .. جربت لما تبكى ماتعرفش تمسح دموعك .جربت لما تحب تعمل ابسط الاشياء " تعدل رأسك - تسرح شعرك - تغسل وشك ، جربت لما تيجى تأكل حد لازم يأكلك جربت لما تيجى تتقلب على السرير ماتعرفش جربت لما تكون مخنوق متبقاش عارف توقم تمشى وتغير جو جربت يكون حياتك كلها عبارة عن اودة فى مستشفى بين 4 جدران جربت اصحابك يبعدوا عنك ، جربت اهلك ينسوك ، وغيره وغيره من القهر والذل .

وأكد الملازم أول مصطفي القاضي قائلاً : " اهو ده كان نصيبى علشان مردتش أقصر في شغلى وتجاه بلدى فى وقت هى محتاجانى فيه ، بس للأسف هى اتخلت عنى فى شدتى".

وأوضح الضابط المصاب بشلل كمل ، قائلاً : "أنا اللى جرالى ده ماكنتش بلعب ولا بتظاهر ، أنا كنت بأدى وظيفتى ، حطوا نفسكم مكانى لو نزلتوا دلوقتى هما مكانين هاتروح فيهم اما المستشفى أو القبر ، محدش هايفتكرك ولايسأل عنك ، وكل بيوعد وبس".

وطالب الملازم أول مصطفي القاضي من المتظاهرين ، قائلاً : " فكر قبل ما تنزل فى أهلك ولادك أمك وأبوك حالهم هايبقى ازاى لو حصل لك حاجة ، واللى بيقع مالوش ديه".

كما طالب الضابط المصاب المساعدة من أجل تحسن حالته الصحية ، قائلاً : " أنا بس دلوقتى عاوز مساعدتكم ياريت اللى يقدر يساعدنى ويوصل صوتى لأى حد مادام الكبار رموا الحمل وكبروا دماغهم ، أنا عاوز الرسالة دى توصل لكل لناس علشان يعرفوا إن اللى مالوش ظهر بيروح فى الرجلين .

وأختتم الضابط رسالته قائلاً : " أنا مش عاوز حاجة من البلد دى .. خلاص ..خلاص أنا ضعت حتى أخر أمل ليا فى السفر للعلاج علشان أعرف ارجع أعيش تانى مش عارف أوصل له ، لو حد يقدر يساعدنى ياريت مايتردتتش".