دولابنا واحد.. بداية سلسلة خير تبنتها البلوجر ندى الشافعي: فرحة الناس بتشجعني

كثيراً ما يثير مشاهير السوشيال ميديا «البلوجرز واليوتيوبرز» أمور جدلية لا تخدمهم إلى حد كبير إلا في حصد المشاهدات واللايكات، وفي إطار الإيجابية تحرص البلوجر الشابة، ندي الشافعي، على نشر مبادرات خيرية تعمل على تقوية أواصال التكاتف بينها وبين الناس مما يتابعونها أو غيرهم.
رغم محاولات الصلح.. انفصال البلوجر أحلام عادل عن زوجها.. فيديو جراف
البلوجر أسماء جودة توثق لحظة حريق هائل داخل شقتها.. وتعلق: فرق دقايق بين الفيديوهات "فيديوجراف"
وعن تفاصيل مبادرة «ندي» الأساسية «دولابنا واحد»، والتي لاقت رواجاً عبر صفحات اجتماعية على المنصات الإلكترونية تقول لموقع «صدى البلد»: «المبادرة بتشمل إني ببدل لبس الخروجات مع البنات، فيقدورا يتواصوا معايه ويستعروه لو عندهم أي مناسبة ما، ومن خلال بنات تانية كمان أعرفهم، بنكبر المبادرة مع الوقت ومستمرين عليها».
وتضيف البلوجر ندي الشافعي خريجة - قسم إذاعة وتليفزيون- آداب إعلام من جامعة عين شمس أنها تستمر على تطبيق مبادرتها مع الفتيات، إضافة إلى تطويرها بتوفير مكياج وفستان حفل الزفاف لهن، والمساعدة في جهازهن بالتعاون مع عدد من المحال والمؤسسات لكل المحافظات، لكن التركيز على القاهرة والجيزة والقليوبية.
وعن ردة فعل عائلتها عمن مبادرتها التي انطلقت وما زالت مستمرة منذ 3 سنوات، تشير ندي الشافعي: «فرحوا بالفكرة ومشجعيني جداً خاصة إني والدتي عندها مؤسسة خيرية ومربياني علي عمل الخير، وكفاية عندي فرحة الناس اللي بتشجعني أكمل».
أما عن تأثيرات ما تفعله البلوجر «ندي» فتلفت: «مرة بنت قالتلي: انتي كنتي السبب إن حماتي تحبني وتقرب ليا، قالتلي في مرة انتي بتلبسي حلو اوي تعالي اختارلي طقم لمناسبة ومن وقتها واحنا اصحاب، ومرة تانية بنت قالتلي إنها كانت بتتكسف تروح الجامعة بلبسها، وده كان بيخلي نفسيتها وحشه جداااا، وحتي مكنتش بتعرف تجيب تقدير كويس وعدت السنه التانيه ليها فالجامعه، وهي ما بتحضرش محاضرات عشان صحابها بيتريقوا عليا ويقولولها معندكيش غير طقم، وغيرها من الإهانات، فقالها بالظبط: من ساعة ما عرفتك وبتديني الهدوم وانا بروح وببقي مبسوطة وبتصور كمان والكل بقي يحاول يقرب مني، والسنادي جبت جيد جداااا، معقبةً: طبعا انا عيطت من كلامها وفرحت بيه اوي، ودي كانت آخر رسالة جاتلي حسستني إن اللي بعمله ليه قيمه كبيرة بجد الحمد لله، وحبيت أشاركه علشان ينتشر بين الناس».
ولم تسلم ندي الشافعي من الانتقادات على ما تفعل، منوهةً: «اتقالي لي كلام يوقفني بس أنا مكملة، زي: خافي علي نفسك ممكن حد ياخد هدومك ويهملها، وانتي ازاي تلبسي لبس حد تاني لبسه ضامنه عندها أمراض ولا لا، بس أنا مصرة أكمل أعمل كدا بنية خير وبأخد احتيطاطي واهتم بنظافة الهدوم عادي».
وتختتم البلوجر ندي الشافعي، موجهةً: «عايزه أقول لكل إنسان بنت أو ولد، إن ربنا لما بيكرم حد فينا في مكانة معينة، بيكرمه عشان ينفع اللي حواليهو يسعدهم ويعلمهم ويقف جمبهم يحل ليهم مشاكلهم معنوية كانت أو مادية، فما تتردتش تعمل الخير على قد مقدرتك وربنا هيزيدك في دا وكل حياتك، وما فيش أجمل من التجارة مع الله، ونفسي الفكرة تستمر حتي بعد وفاتي، ودولابي ولبسي وفساتيني يفضلوا لكل البنات، ووصيت أهلي بكدا فعلاً، مش بيبقا مننا غير السيرة الحلوة، وشكراً لربنا علي نعمه، وشكراً لأسرتي، وشكراً لكل حد دعمني ووقف جمبي وقالي كلمة حلوه من قلبه».