طالبة ثانوية عامة: يا خسارة السهر والدروس وال500 جنيه اللي دفعتها في التظلمات

نشرت طالبة ثانوية عامة متظلمة من نتيجتها وتدعى أشرقت أشرف ، رسالة مؤثرة عبر موقع التواصل الاجتماعي فيس بوك، وذلك بعد اطلاعها على نتيجة تظلمات الثانوية العامة على موقع وزارة التربية والتعليم.
قالت أشرقت في رسالتها التي يتم تداولها بشكل واسع عبر موقع التواصل الاجتماعي فيس بوك : انا غلطت اني سمعت كلام ماما كنت عملت اي حاجة بال 500 جنيه اللي دفعتهم في التظلمات أحسن.
واستكملت اشرقت رسالتها قائلة: "معنديش حاجة دلوقت اقدر اعملها اكتر من حسبي الله و نعم الوكيل ، الكمياء انا لقيت فيها اقل حاجه 10 اسئلة محلولين نفس النوذج بنفس الترتيب و مديني يا صفر يا نص درجة، وانا المفروض الكيمياء دي اكون جايبة فيها 53 لكن للأسف لاقيتني جايبة 45 .
وأضافت قائلة : "مش عارفة كان لازم اعمل ايه تاني المادة دي من أكتر المواد اللي طحنت بسببها طول السنة و غالبا اكتر مادة حليت امتحانات فيها ، انا كنت بنزل من بيتنا 6 صباحا وأرجع 2 الفجر ومخدتش أي إجازات في رمضان مكنتش لا بفطر ولا بتسحر، وبعد كل السعات دي برا البيت كنت برجع بيتنا ومطالبة اذاكر علي اساس اني كنت هاخد تمن ده كله ، وكنت بطبق بالايام و بقيت اخد براشيم منبهات بسببها غير باقي الضغوط اللي بسيط من اصحابي اللي يعرفها.
وقالت : "انا مستاهلش ابدا كل ده انا مش شايفة اني عملت اي حاجة تكون سبب فكل اللي بيحصل معايا انا عارفه ان مش لوحدي اللي كنت في ثانوية عامة بس على فكرة انا لوحدي اللي عشت حياتي و مريت بكل ظروفي .
وكانت الطالبة المذكورة قد استعلمت عن نتيجتها في رابط تظلمات الثانوية العامة 2019 الذي اتاحته وزارة التربية والتعليم على موقعها اليوم ، ونشرت الطالبة صورة النتيجة التي ظهر فيها ان نتيجة تظلم الكيمياء أكدت انه لا يوجد زيادة مستحقة لها في الدرجات ، اما تظلمها في مواد الأحياء والفيزياء والجيولوجيا واللغة العربية ولكن نتيجة هذه التظلمات كتب بجاورها "قيد الانتظار".