التظاهر أدب مش لوي دراع

بالبلدي كدة
عاوز تتظاهر براحتك، بس إخطِر قبلها معاليك ولو اعترضت من حقك.. بس التزِم الله يخليك
مش طالبة يعني إنك توقف حال الخلايق عشان تتطالب بحق ليك
ولا هُوُ بمزاجك تمَشي رأيك في كل حاجة، مصيرنا مش لعبة في إيديك
لا مؤاخذة إيه مؤهلاتك؟ ناشط سياسي خبرة ميدان، وخلاص كدة اكتفيت
طب سيادتك، خدمة جليلة تعملها فينا، لو مفيهاش إساءة ليك
سيب مصر تنهض علي يد خبرا وناس فاهمة، ولو عَاللقب، حلال عليك
تيجي تاخده من غير ما تخَرَّب في مِلك بلدك، ولا تِقرِِف في الناس حواليك؟
ما هي مش رجولة انك تشخبط علي الحيطان زي العيال، أو تاخدلي ابن الشوارع قدوة ليك
ولا هِي بطولة تتعدَي علي منشأة عسكرية، ولو اتمسكْت تعمِلِّي مدني، ياخي عيب عليك
دي مصر لجل أمنها ومصلحتها بس تأمر، وأمرها من سكات يسري عليك
مش حِمل هِي ثورجية قاعدين لها طول النهار، ولا حمل هي بهدلة علي إيد غيرك أو إيديك
ناشط سياسي إنت حر، يونيو ويناير شاركت فيهم، زي غيرك.. مش معناها حصانة ليك
مصر بتنهار، وانت ماسكلي في كام شعار مفبرِكُه، علي تار بايت بتخَلَصه، وفتيل أزمة مِلغمُه بإديك
عظيمة هي الحرية لو طالبنها عشان نبني، وكئيبة جداً إن قلبِت فوضي وحكم فذاليك
فلو سمحت لو اتظاهرت، بس الشياكة والنضافة والتحضر والرقي، تراعيهم بالله عليك
لا هوُ عِند أصلُه ولا فتونة، ولا الطبيعي إن احترام القانون يكْسَر عينيك
البادي أظلم، ولو القانون هيقل قيمة الثورجي الشمحطجي، يبقي كدة بصراحة ياريت
أصلها مبقتشي ناقصة عشوائية وبلطجة، ولا إرهاب وطبطبة.. ولا غضب يملاك انتقام يعميك
إبريلاوي، ثوري إشتراكي أوإخواني وحزباوي ورق، فاض بينا معدش فينا مين يتغش تاني فيك
عاوزها حرة إشتغل، واهي أمارة في حبها، مش لقب أو قرشينات، لو استقرت البلد تروح عليك