اتجاهات

الاربعاء 27/7/2011
رشا مجدي: مشاهدينا الكرام مساء الخير وأهلا بكم في حلقة جديدة من إتجاها ت نشهد خلال ال 24 ساعة الماضية يدعوا للقلق المشهد مؤشر بالغ الخطورة في الإتجاه الذي تسيئ خلينا نستعرض بسرعة كده أحداث عنف في القاهرة في السويس الإسكندرية أسبابها زي ما قيل بتنحصر شائعات ترددت وإتضح إن الشائعات ديه غير صحيحة الهدف من الشائعات ديه الوقيعة بين المجلس العسكري وشباب الثورة خرجت هتافات من مسجد الفتح بتطالب بفتح ميدان التحرير بالقوه الجمعةالقادمة في مليونية الإستقرار أولا طيب تعالوا نشوف كده لو تحركت المليونيات مليونية الإستقرار مليونية العزيمة أي مليونية بقى تحت أي مسمي وإصطدمت ببعضها البعض برضه خليني أسأل سؤال ثاني إيه الهدف من المظاهرة اللي إتحركت في إتجاة المجلس العسكري وتم وقفها عند العباسيه دا نفس التوقيت 23 يوليو المظاهرة ليست فريدة الأمس لكنها نتاج سلسله من النقد والهجوم المتواصل علي مدي الأيام والأسابيع الماضية التي تطول بشكل مباشر المجلس العسكري هل هناك محاولات لدفع القوات المسلحة دفعاً للصدام مع الشعب عبر العديد من المحاولات الاستفزازية واللي إتكررت أكثر من مرة ؟ لي اللي عايز يسقط الجيش بعد محاولات إسقاط الشرطة لو تفتكروا الثورة كانت تريد إسقاط النظام سقطت معه الشرطة وكلنا بنعيش دلوقت عواقب غياب الشرطة في الشارع مش حنفتح ملف الشرطة لإن ملف الدخليه والشرطة ده ملف آخر وإرتباط الشرطة كانت الداخلية مع الرئاسة وا وا الي آخره هل هناك من يخطط لإسقاط الجيش في عيده كما تم إسقاط الشرطة في عيدها يعني إن يقولوا إن المظاهرة 25 يناير وأيضاً تتجه المظاهرة في 23 يوليو تاريخية ما يمروش بشكل عادي تتجه المظاهرة طيب تعالوا نفكر تفكير آخر ماذا لو قرر الجيش وإنسحبت قوات الجيش من المشهد وعادة الس سكنتهم حتعمل إيه ماذا لو تركنا كل الفرقاء اللي موجودين بيحتكروا كل واحد بطريقته وإسلوبه الخاص يحقق هدفه مش حيبقي فيه فوضي فين مصر فين الدولة سقطت خلونا نتحدث بصراحه في أيادي بتلعب خفيه بتحاول تدمير هذا الوطن ؟ الوضع خطير ومصر في أزمه حقيقية مش هنقول بقي أقتصاد وبطاله وا وا إلي آخره لأ دولة مصر في أزمه حقيقية وجود الدولة المصرية الممتده عبر آلاف السنين عمرة في تاريخه ما شاهد مثل هذه الأزمة الخطر قريِّب جدا وديه دعوي صادقة يا جماعة وطن وليس هدم أعزائي المشاهدين نلتقي بعد الفاصل بضيوفنا الأعزاء
فاصل
رشا مجدي: يسعدنا أن يكون معنا في هذا اللقاء الأستاذ منتصر الزيات رئيس منتدي الوسطية للفكر والثقافة أهلا بك يا أستاذ منتصر وأيضا معانا الأستاذ أحمد طلعت من شباب الثورة أهلا بكم معانا أستاذ منتصر خليني نبتدي من المشهد الأول فيه ربكة من ميدان التحرير الي العباسية عنف شائعات أدت الي ذلك ما تعرفش الشائعه طلعت منين اللي يقول لك اللي طلع علي منصه واللي يقول لك حد قال لنا إن حصل عنف مع الثوار في الإسماعيلية والسويس إمبارح يوم أعتقد تاريخ مهم جدا في حياة كل المصريين 23 يوليو الجيش يحتفل بثورة عظيمه كانت سنة 52 الجيش الجيش بيحتفل بمرور 200 عام علي إنشائها دلالات هذا التاريخ ودلالات ما حدث بالأمس
أ / منتصر الزيات : بسم الله الرحمن الرحيم في الحقيقة اللي حصل بالأمس مؤسف أكيد المسأله عامله عند الشعب المصري إرتباك شديد جداً خاصه زي ما حضرتك أشرتي الناس بتحتفل بالثورة – ثورة 23 يوليو محيطين بالجيش المصري – أنا عايز احرر المسائل من بعض شويه عشان ما يبقاش الكلام مبهم ويبقي كله في إطار التأتي أو الحزن – أحنا لازم نحرر المسألة
1- لو لم يكن الجيش المصري المجلس الأعلي للقوات المسلحة اللي إنجاز الي الشعب يوم 25 يناير يعني في الثورة 11 فبراير وإنه إنحاز الي الشعب وحماه حمي الثورة وإتخذ قراره الواضح بالإنعقاد الطارئ المستمر إحنا عارفينه اللي صدر في البيان رقم 1 وإنه رفض رفضاً تاماً اطلاق النارعلي المتظاهرين لو لم يكن له من جيشه ومن المجلس الأعلي إلا ده كفاه لنفرض حسن النوايا ويبقي التقدير الخالص لهذا الجيش المصري وأنا الحقيقة مش من اللي بيفرقوا ما بين المجلس الأعلي والجيش لأ
رشا مجدي: حاجة واحدة
أ / منتصر الزيات : هم حاجة واحدة فده لازم يبقي قداممي هذه القاعده وأنا بأقيم حاجات تانية التقدير العرفان الشكر ديه واحد علي هذه القاعده انقد أو أنتقد لا بأس أنا أنتقد وأنا كمواطن من حقي بإعتبارالمجلس الأعلي للقوات المسلحة يمثل السلطه التي تدير شئون البلاد أن أوجه إليه الإنتقادات عادي جدأً في إطار الحرية والديمقراطية يبقي ديه كمان مسألة ثانية ما يبقاش يدخل جيم في حق المواطن إنه ينتقد مش يستخف – مش يقلل من قيمة ودور هذا المجلس ورئيسه لأ ينتقده شيئ وإنه يؤمن بوقاره وإحترامه دا شيئ آخر
رشا مجدي: دا اللي حصل إمبارح يعني النحي من وقاره وإحترامه ده حصل بالأمس كان واضح
أ / منتصر الزيات : أنا ما كنتش موجود يمكن الخروج بمظاهرة سلمية وواضح إنها مظاهرة سلمية للسؤال والتساؤل عن أسباب عدم تنفيذ أهداف الثورة دا شيئ مباح لهم
رشا مجدي: لأ أنا ما أقصدش دا يا أستاذ منتصرأنا اللي أقصده لو حضرتك متابع الهتافات اللي بتتقال الحاجات اللي بتتقال كلها ألتقاط من إحترام وقدر هذه المؤسسة العسكرية
أ/ أحمد طلعت : أحب أوضح حاجة إزَّاي مظاهرة سلمية وأنا بأوجه وبأقول رايحين عن مجلس شهداء بالملايين دا يخلوا من مظاهرة سلمية فيه حد رايح يعمل مظاهرة سلمية عن وزارة الدفاع دا كلام مش منطقي يعني حضرتك دلوقت أنا رايح وزارة الدفاع دا مكان حرب وزارة الدفاع مش بتاخد القرارات المدنيه ديه بس ديه فيه بتنظم الحدود فيه جواسيس فيه حاجات تانية أنا ما قدرش أعترضها وزارة الدفاع مكان مهم أو أهم مكان في الدولة
رشا مجدي: تقصد إنها مكان سيادي ؟
أ/ أحمد طلعت : إحنا مشينا حسني مبارك من ميدان التحرير ما معني إن أنا أروح لحاد وزارة الدفاع أهم مكان في الدولة في الوقت الحالي وأقول رايحين علي مجلس شهداء بالملايين
رشا مجدي: إنت واضح إنك إنت كنت ضد مسيرة الأمس ؟
أ/ أحمد طلعت : آه طبعاً دا كلام ده الناس ديه كده بتسئ للثورة والإنجازات اللي إحنا حققناها
أ / منتصر الزيات : أنا ملاحظ البطش يعني أنا من اللي بيحافظ علي ضرورة إحترام المجلس الأعلي للقوات المسلحة لازم وأنا فعلا زي ما أحمد إستاء من الهتافات التي توجه هتافات مسيئه بتتاخد من قلب ميدان التحرير وإحنا مع بعض داخل ميدان التحرير بنقول وبنحاول نتفاهم مع إخواننا اللي بيهتفوا لإن مش من المقبول ولا المعقول إحنا بنقول إن إحنا بنحسن الظن بنختلف في بعض الرؤي دا وارد دا طبيعي لكن أن ننال بهتافات طبعا ده مرفوض لكن المشيه ديه لمجلس وزارة الدفاع ماهواش مش عند وزارة الدفاع ديه مشيه مظاهرة سلمية للمطالبه ب 1,2,3 للمجلس الأعلي للقوات المسحله القابح اللي هو قاعد اللي مقر قيادته وزارة الدفاع يبقي الضرب جيه منين
رشا مجدي: ليه يا أستاذ منتصرلأ لأ قبل الضرب
أ/ أحمد طلعت : سيادتك قلت مش حنفرَّق ما بين الجيش والمجلس العسكري ما هو الجيش هو اللي ممثل في وزارة الدفاع وحضرتك قلت إن ما فيش فرق بين الإثنين
أ / منتصر الزيات : أيوه أيوه بس انا عايزأمضي مطالب حأعرضها علي المجلس الأعلي للقوات المسلحة اللي مكانه
أ/ أحمد طلعت : طيب ما تعرضها وإنت في ميدان التحرير
رشا مجدي: أنا عايزة أقول للأستاذ منتصر أنا أتذكر إن في الفترة الماضية كان بيحصل إن لقاءات كثير ما بين المجلس الأعلي وإئتلافات شباب الثورة كان بيروح ممثلي واحد أو إثنين أو ثلاثه بالمطالب لماذا لم يحدث هذا ليه ما حدش راح وقعد إتكلم مع والا هم بقول فيه مجموعات متفرقة
أ / منتصر الزيات : أنا معاكِ فيه غموض – فيه غموض في الأهداف المعلنة أو في بعض الأهداف المعلنة أو في طبيعة التحرك منذ 8-7 يعني أنا كنت من المشاركين يعني إحنا قلنا القرار المتخذ إن يبقي مشاركين مش معتصمين لكن بعض من ماشي ليكن طالما في إطار السلمية لا غرابه في ذلك لكن أنا عايز أفرق بين حاجتين عشان أنا شايف النغمه بتعلي للتقليل أيضاً من قيمة الموجودين في ميدان التحرير وده مش صح أنا أقر وأعترف معاك إن داخل ميدان التحرير بقي فيه ناس غرب
أ/ أحمد طلعت : غلطة مين ؟ أنا حأقول لحضرتك غلطة مين
أ / منتصر الزيات :بس الإسقاط علي إن كل اللي موجودين في ميدان التحرير بلطجيه يعني إيه
رشا مجدي: لا لا لأ
أ/ أحمد طلعت : فيه بعض الأفعال إحنا بنتعامل معاها علي إنها أفعال ثورة لما آجي أقفل مجمع التحرير وأقف عليه وبعد كده أفتحه وأقول فتح المجمع بأمر الثوَّار ديه مش كلمة تتقال ديه كده تبقي المجمع مفتوح بأمر البلطجيه لإن دا واحد قفل مرفق عام أنا من حقي
أ / منتصر الزيات : لغاية دلوقت أنا عايزة أقول إن مصطلح البلطجيه اللي بيستعمل ده فيه فرق بين بلطجي أو إن واحد ثائر وبيتصرف مثلا بعصبية كفاية
أ/ أحمد طلعت : أنا حأقول لحضرتك نقول عليه بلطحي إزاي – لما ييجي واحد يقفل حأعتبرها مرفق عام من حقنا كلنا إننا نستعمله أنا رايح أعمل بطاقة رايح أعمل أياً كان ما يجيش هو يقفل لي
أ / منتصر الزيات : هو إتقفل وفي نفس اليوم إتفتح
رشا مجدي: أنا معايا كليب دلوقت الكليب ده بيعرض بعض الشباب اللي راحوا إتدربوا في سوريا تعالوا نشوف الكليب ده ونشوف التعليق وهم بتدربوا علي " عشان نكون واضحين " علي فض المنازعات بطريق سلمية من جماعة 6 إبريل – الكليب ده يا جماعه إحنا بنعرضه وبيعرض لأول مرة فتعالوا نشوف اللكليب ونعلق إتفضلوا
فاصل
رشا مجدي: معانا علي الهاتف الدكتور أيمن عقيل دكتورأيمن عقيل ناشط حقوقي وأمين جمعية نعد دكتورأيمن مساء الخير
د/ أيمن عقيل : مساء النور يا فندم
رشا مجدي: حضرتك شوفت الصور اللي إحنا عارضناها دلوقت
د/ أيمن عقيل :للأسف أنا في العربية دلوقت ما شوفتش بس سمعت من المداخلة يعني
رشا مجدي: أنا كنت أتمني إنك إنت كنت تشوف الصور وتقول لنا فعلاً إنت تعرف حد من الشباب اللي طلعوا علي الصور ديه أو حاجة أو إنت شوفت الكليب قبل كده مثلاً
د/ أيمن عقيل : لأ مش حأفترض الكليب المعروض ده إيه لإن أنا ما أقدرش أحكم لإن مش شايفه لكن حضرتك وضحيه
رشا مجدي: الكليب عباره عن مجموعة من الشباب – المجموعة دية في الصور وكان هناك إتهام المجموعة ديه مكتوب عليها شباب 6 أبريل ومكتوب وراهم بعض النزاع السلمي اللا عرف
د/ أيمن عقيل : أيوه أيوه البرنامج التدريبي ده
رشا مجدي: حضرتك تعرف حاجة عن البرنامج ده ؟
د/ أيمن عقيل :هو مش أنا بس اللي أعرف فيه ناس كتير تعرف
رشا مجدي: فيهم واحد ماسك فينكوك أو مدفع ما أعرف دا إيه نوع السلاح يعني
د/ أيمن عقيل : لأ أنا ما شوفتش صورة السلاح بس اللي أنا عارفه كويس قوي إن كان فيه برنامج رياضي تدريبي موجود في صربيا وحضره مجموعة من النشطاء المصريين الموجوديه وكان ما بينهم المتحدث الرسمي وقف معايا من شباب 6 إبريل الأستاذ محمد عادل وهو ما أنكرش ده وتقريبا إنذاع في أحد القنوات الفضائيه فقال إنه في صربيا وتلقي برنامج هناك
رشا مجدي: نعم يا فندم الصوت مش واضح تلقي إيه؟
د/ أيمن عقيل :بأقول إن هو ما أنكرش ده وفي أحد اللقاءات
رشا مجدي: دكتورأيمن إحنا مش سامعينك كويس ممكن تعيد حضرتك اللي قلته تاني
د/ أيمن عقيل : بأقول إن الأستاذ محمد عادل المتحدث شباب 6 إبريل وهو موجود في هذا البرنامج التدريبي وهو لم ينكر وأعتقد إن هو أقر ده في الفضائيه فقال إن هو سافر وتلقي هناك رحله دراسيه تدريبي
رشا مجدي: طيب الرحله ديه كانت مضمونها إيه لو عندك مضمون مثلا ً كانوا بيعملوا إيه بالظبط في صربيا من الواضح إن هم قاعدين ماسكين بعض اللافتات بيأخذوا صور تذكارية – بيشربوا حاجة مش فاهمه هو ما فيش غير صورة واحدة وهو شايل سلاح فيها يعني
د/ أيمن عقيل : هو اللي أنا أعرفه البرنامج الدراسي في صربيا كان ضمن أحد البرامج اللي منظمها مؤسسي سجن هاوس كانت نظمت برنامج في جينيف وبرنامج في تشكنا وبرنامج في جنوب أفريقيا فيما يتعلق ببرنامج صربيا كان المفروض إن هم حيقوموا بالتدريب علي الكفاح السلمي وأعتقد إن كان فيه مخبه
رشا مجدي: يعني إيه الكفاح السلمي يعني الكفاح السلمي ديه كلمة غامضه شويه أو عايزة توضح يعني إيه كفاح ويعني إيه سلمي
د/ أيمن عقيل : اللي أنا أفهمه إذا كانت هناك إنتهاكات موجودة في دولة ما وفيه بعض الناس اللي عايزة إن هي تصد هذه الإنتهاكات ففيه طريقه سلمية يعني حتي التظاهر هو حق من الحقوق بس التظاهر inscite="mailto:USER" datetime="2011-07-25T11:37"التظاهر يكون سلمي ليس عنيف ففكرة[U1] يكون سلمي ليس عنيف ففكرة التظاهر سلمي والإحتجاج والإضراب فديه كلها حقوق مكفوله للمواطنين يقدروا إن هم يمارسوها وإذا كانت الدولة فيها نظام بينتهك حقوق الإنسان المفروض يكون عندنا الآليات الوطنية والآليات الدمومية دفاعاً عن هذه الحقوق دا اللي أنا أعرفه آسف ما حضرتش البرنامج في صربيا عشان أعرف أحدد إيه اللي تم هناك
رشا مجدي: طيب إحنا بنشكرك شكراً جزيلاً دكتورأيمن عقيل علي هذه المداخلة إسمحوا لنا قبل ما نعلق مع ضيوفنا الكرام نرفع آذان العشاء ثم نعود مرة أخري نستكمل الحوار
فاصل آذان العشاء
رشا مجدي: مشاهدينا الكرام عدنا إليكم مرة أخري مع حديثنا حول ما يحدث الآن في الشأن المصري أستاذ منتصر يعني بعد ما شوفنا الصور حضرتك ليك تعليق علي اللي إحنا شوفناه ؟
أ / منتصر الزيات : هي واضح إنها في إطار حقوقي – واضح إنها دورة تدريبية في مينا هاوس ومعروف إن مينا هاوس بتمول عديد من مراكز حقوق الإنسان والجمعيات اللي بتدفعنا في مجال حقوق الإنسان
رشا مجدي: عادي عارفين الكلام ده
أ / منتصر الزيات : آه عادي عارفين القصه دية إذا إتناقشت تتناقش في إطار التمويل الإجنبي لمراكز حقوق الإنسان إنما بالنسبه حسابيا وربطها بالثورة أعتقد إن ما لهاش رابط لإن ديه واضح في إطار الندوات التدريبية التي تعقدها
رشا مجدي: والصورة اللي كانت فيها سلاح
أ / منتصر الزيات : ما هي دية اللي غريبة إيه علاقة الدورات التدريبية
أ/ احمد طلعت :وإيه غرضها هل هي إنها تعلم الناس يعني إيه ديمقراطية نيجي للسؤال اللي بعد كده فعلاً فيه جهات أجنبيه تريد إخفاء دعائم الديمقراطية في مصر ؟ وهل فيه دولة في العالم من مصلحتها إن مصر يكون فيها ديمقراطية ونظام حكم جيد
أ / منتصر الزيات : صربيا ناس محترمين
رشا مجدي: في الحقيقة فيه ناس ماتعرفهمش
أ/ احمد طلعت : ناس محترمين في الحقيقة السؤال ده لازم نسأله لنفسنا أنا ما بأقلش أنا ما بأقلش عليهم حاجة والسؤال إحنا عايزين نطرحه برضه
رشا مجدي: إتفضل اللي هو أمريكا طيب أنا عايزة
أ / منتصر الزيات : هو قبل ما نعدي النقطه ديه علي طول بسرعة إتهام وجه للواء حسن الرويني إن فيه تمويل أجنبي من المؤكد ل 6 أبريل ديه معناه الأمل أنا أتمني أن يقدم ما لديه من معلومات
أ/ احمد طلعت : البيان علي من إدعي
رشا مجدي: هل تعتقد يا أستاذ منتصر إن واحد زي اللواء حسن الرويني لما يقول حاجة زي كده ما تبقاش تحت إيديه مستندات
أ / منتصر الزيات : لا لأ أنا طبعا كامل تقديري وإحترامي للقوات المسلحة وللجيش والمجلس الأعلي للقوات المسلحة لكن كان فيه إتهامات جذافاً طول عمرنا الرئيس مبارك آه الجماعة القيادية بتتمول من الخارج – مش عارف إيه التنظيمات ديه بتتمول بتاخد تمويل أجنبي كله كلام كان من غيرأي أدلة ولا براهين أنا راجل إشتغلت في القضايا علي مدي 30 سنه لم يثبت أبداً أي حاجة من اللي كان حسني مبارك بيطلع يقولها علي الهواء ديه فأنا لما تيجي حاجة زي ديه من اللواء حسن الرويني وإحنا بنكن له كل تقدير وإحترام لما تيجي كلمة من الراجل ده لازم نبقي من حقنا نسأل فين الدليل قدمه للجهات المختصه
رشا مجدي: أنا عايزة أقرا كده معاكم سيناريو تتخيلوا السيناريو ده ممكن يحصل فيه إنه – أنا لا أتمني إن أنا أشوف السيناريو ده بس حأقوله إن القوات المسلحة شافت إن نفذ صبرها خلاص وإن الموضوع بقي إتهامات إتهامات إتهامات وقررت إنها تنسحب من المشهد تماماً وإتكلمنا في كل حاجة وكل شيئ وترجع لخدمتها وبس إيه رأي سعادتك
أ / منتصر الزيات : مش حيحصل
رشا مجدي: تخيل لو حصل
أ / منتصر الزيات : ما أقدرش أتخيله لإن ده مستحيل بحكم الدور المنوط بالقوات المسلحة دستوريا وقانونيا وواقعيا يستحيل زائد جيش وطني وبإستثناء القوات المسلحة
أ/ احمد طلعت : أنا ما أظنش القوات المسلحة حاربوا وبتشتغل بال 15 وال 16 سنه حاربوا ما أظنش
رشا مجدي: لما يلاقوا فيه إتهامات وفيه تجريه وفيه وفيه وفيه يعني هو متحمل بقاله كتير لكن فيه إتهامات دلوقت بشكل جارح دا اللي أقصده يعني أنا ما بأتكلمش مثلاً علي البطء لأ زي ما قلنا إن فيه شعارات بتردد وفيه حاجات بتتقال إبتدوا
أ / منتصر الزيات : المجلس الأعلي إسمها أعلي ومن أول يوم إنه لم ولن يمارس العنف مع مواطن مصري خلاص دا إلتزام هذا الإلتزام لم ينقده أي ممارسات وهو من حقه يتخذ الإجراءات القانونية في أي متجاوز ويحيله الي جهات التحقيق من القضاي والا النيابه للتحقيق معاه المتجاوز لازم يُحال للقضاء لكن إنه يبقي الجيش يمارس عنف ضد مواطنين مصريين أنا لا أتصور هذا لإن الجيش أعلن هذا الكلام عن نفسه – نمرة 2 أنا لا أتصور أبداً جيش وطني مثل الجيش المصري ورصيده التاريخي ورصيده الوطني لم ينسحب حتي ينهي ما إلتزم به الثبات حول معبر من اللغم قوي لدولة مدنية ديمقراطيه جديثه
رشا مجدي: طيب إحنا معانا علي الهاتف الأستاذ عصام الإسلامبولي الفقيه الدستوري أستاذ عصام مساء الخير
أ/ عصام الإسلامبولي : مساء النور
رشا مجدي: أستاذ عصام عايزة أسألك في نقطة كده معينة البعض بيري إنه حتي الآن بيُحسب للمجلس العسكري عدم اللجوء الي الإجراءات الإستثنائيه يعني أنا عايزة أقول الإجراءات الإستثنائيه اللي هي فرض الأحكام العرفيه زي ما شوفنا حدث في سوريا حدث في اليمن حدث في ليبيا لكن إذا تصاعدت الأمورهل يمكن أن يضطرالمجلس الي رفع حالة الإستعدادات والإجراءات الإستثنائيه الي الحاله القصوي ؟
أ/ عصام الإسلامبولي : لأ أنا عايزأقول إن المجلس عمل ده فعلاً أحال مدنيين أمام محاكم عسكريه وهذه مسأله لا يمكن قبولها إن ثوَّال أو حتي غير ثوَّار من المدنيين يحالوا الي محاكمات عسكرية ديه إجراءات غير مقبولة وهي إجراءات استثنائيه لا يقبلها
رشا مجدي: دا اللي حدث بالأمس تقصد
أ/ عصام الإسلامبولي : لأ من قبل كده منذ أن بدأت أحداث الثورة ومنذ أن تولي المجلس الأعلي تقاليد البلاد إدارة شئون البلاد وهو لجأ الي هذا وهي مسأله من المسائل تتحل رفض من الكبت الأمر الثاني أنا عايز أقول بس حاجة لإن الأمور زادت عن حدها الطبيعي المجلس الأعلي للقوات المسلحة وهو دورة إدارة شئون البلاد لم يتولي هذه المسأله إلا خضوعاً لإرادة الثوَّار وأقر بأن مطالب الثوَّار مطالب مشروعه منذ البدايه والتباطؤ والتلكؤ في تنفيذ مطالب الثوَّار هو اللي دفع الأمور الي هذه المرحله أنا أطلب من المجلس الأعلي للقوات المسلحة أن يلتزم بمطالي الثوَّار الذي أقرت أنها مشروعه منذ البدايه وأن يعلن برنامجاً زمنياً ويقول فيها إيه اللي بيقبله من مطالب الثوَّار وإيه اللي ما بيقبلوش وإيه سبب عدم قبول هذه المطالب
رشا مجدي: أستاذعصام أنا عايزة أقول لك حاجة
أ/ عصام الإسلامبولي : لحظه حضرتك أكمل لإن إحنا في مرحلة خارقة في تاريخ الثورة اللي يعمل جدول زمني بهذه المطالب ويقول أنا حأقدر أعمل المطالب ديه في فترة كذا وحأعمل ديه في فترة كذا عندئذن الأمور حتهدأ والأوضاع حتستقر وحيبقي مرتبطين بجدول زمني حيحقق فيه المجلس مطالب الثوَّار حتي يسلم مقاليد الحكم للسلطه المنتخبة
رشا مجدي: أستاذ عصام ما هي حدة المطالب بعد كل إستجابه بتتغير وبترتفع بشكل آخر
أ/ عصام الإسلامبولي : لأ يا سيدتي المطالب معروفه منذ اليوم الأول وعدم إعلان جدول زمني لتحقيق هذه المطالب هو اللي عمل هذا القلق التلكؤ والتباطؤ هو اللي عمل هذا القلق وخلق نوع من عدم الثقة وعدم الإحساس بالإطمئنان اللي أنا بأطلبه المجلس عليه أن يقول إيه المطالي اللي علي الأقل اللي هو دلوقت يقدر يحققها ويضعها في جدول زمني وإيه المطالي اللي مش قادر يحققها يقول لنا ليه مش قادر يحققها ونعينه في تحقيقها إنما تشمي الأمور بهذا الشكل
رشا مجدي: طيب إنت شايف مشهد الأمس يا أستاذ عصام وهل مشهد الأمس الذي حدث في ميدان العباسية كان بيوحي إن هناك مطالب وإستجابة وحواروه الي آخره
أ/ عصام الإسلامبولي: أمس كانوا طالعين في مظاهرة سلمية يعبروا فيه عن إستيائهم ببعض الأحداث برضه المشهد يتقري بطريقة مختلفة أن الذين تصدوا للمتظاهرين والمتظاهرين لم يكن يحملون سلاحاً ولا يحملون أشياء تنبئ عن إستخدام عنف في الحقيقة برضه فيه شبهة إن هذه المسأله معدة ومتفق عليها ومدبرة لمواجهة الثوَّارمثل هذه المماراسات شبيهة بمماراسات الأمن في مواجهة المتظاهرين في 25 يناير وفي 28 يناير ويوم موقعة الجمل هذه مسائل في الحقيقة أنا بأقراها بحذر شديد وبتنبئ إن إحنا ممكن ندخل مرحله خطيره أرجوا إن إحنا ما نخشهاش إذا ما المجلس إلتزم باللي أنا بأقوله
رشا مجدي: أستاذ عصام الإسلامبولي الفقيه الدستوري بنشكرك شكراً جزيلاً
أ/ عصام الإسلامبولي : شكراً جزيلاً
رشا مجدي: أستاذ منتصر أنا عايزأقرا معاك سيناريو تاني يعني برضه لا أتخيل إن يحدث في أسوأ الظروف السيناريو مليونية الإستقرار أولا اللي حتتحرك يوم الجمعة ودعت إياها بعض الجماعات الإسلاميه وذلك لفض إعتصام التحرير مش هي ديه الهدف منَّها؟
أ / منتصر الزيات : أنا ما أعرفش ما عنديش فكره
رشا مجدي: حضرتك ما تعرفش ؟ ما سمعتش عنها
أ / منتصر الزيات : أنا مش من المنظم
أ/ احمد طلعت : لأ أنا سمعت إنها حتبقي جمعة تطبيق الشريعه
أ / منتصر الزيات : فيه جمعة قِيل إنها جمعة الحسم
رشا مجدي: لأ جمعة الحسم عديناها
أ / منتصر الزيات : أو الهويه
رشا مجدي: الهويه والإستقرار
أ / منتصر الزيات : وقيل في بعض التصريحات الأخري إنها جمعة الشريعة
رشا مجدي: جمعة الشريعة من الجماعات السلفية مثلا ً
أ/ احمد طلعت : الجماعات السلفيه والإسلاميه قالوا إن إحتمال يكون في المبادئ الدستورية اللي حتطلع ديه يكون فيه حاجة إنتقاص أو لعب في المادة الثانية أو ما شبه
رشا مجدي: آدي جمعة فيه ناس موجودين معتصمين بقالهم شوية وآدي جمعة بيناوا عليها حتطلع من جامع الفتح تروح للتحرير مليونيات بقى ولا مجموعات بتتقابل – مجموعات بتتقابل ممكن تتخيل السيناريوا عامل إزَّاي
أ / منتصرالزيات : قبل السيناريو بقه عايز أقول إيه اللي وصّلنا لهذه المرحله يعني البوصله بتاعة تنفيذ الأهداف مش مظبوطه مش ثابته يعني إحنا إستفتينا في 19 مارس وقولنا فيه خريطة طريق وفيه مسار حنتبعه إنتخابات جمعية تأسيسية وضع دستوري إنتخابات رئاسيه هو ده وبعدين بقه فيه ناس عايزة تغير هذا وتطالب بالدستور أولا مش كده جيه الجيش قال حأعمل مبادئ حاكمة هذه المسائل المتعارضه بينها وبين بعضها البعض هو تمثيل الحصائد
أ/ احمد طلعت : حكاية الدستور أولا أنا من أنصار الناس اللي بتقول الدستور أولا لكذا إتجاه
أ / منتصر الزيات : إنت بتفتح الباب
رشا مجدي: أنا عايزة أقولك لك علي حاجة يا أستاذ منتصر إحنا قلنا الإنتخابات إتقالت حتبقي في نوفمبر أي حزب بالله عليك أي حزب من الأحزاب يستطيع أن يعمل
أ/ احمد طلعت : ممكن أعقب لو حضرتك تسيبيني أتكلم في النقطة ديه عشان هي مهمه
أ / منتصر الزيات : يا أخي دا فرض بالرأي بالقوه – 77 فرد ب 2
أ/ احمد طلعت : حأقول لسيادتك حاجة أنا معترض علي حكاية الإتفاق ده في حاجتين إثنين أول حاجة عدد الناخبين هو 45 مليون اللي إستفتوا هم 18 مليون علي الأقل ما جبناش الأغلبية المطلقة دي أول حاجة ثاني حاجة طيب نتكلم في نقطه ثانيه هل حد يقدر ينكر الضغط اللي عمله الإسلاميين والتيار الإسلامي في الشارع إن نعم مع الله ولا مع الليبراليين الكفره حد يقدر ينكر ده وهل حد يقدر ينكر إن ده تزييف
أ / منتصر الزيات : الشعب
أ/ احمد طلعت : لأ ما حضرتك ما تقوليش الشعب – حد يقدر ينكر ده إكراه معنوي
أ / منتصر الزيات : الشعب المصري ما فيش عليه وسيط الشعب المصري اللي خرج وأيدك
أ/ احمد طلعت : لا لأ ما ينفعش دا إكراه معنوي
رشا مجدي: يعني إنت عايز تقول لي إن أغلب الجماعات اللي موجودة دلوقت عشان كل الموضوع الدستور أولا ؟
أ/ احمد طلعت : لأ طبعا ما إحنا لازم نبص للأمور من بره شوية إحنا لو كنا بنقول إن الدستور أولا كان حيبقي في عندنا
أ / منتصر الزيات : حنرجع نناقش ديه
أ/ احمد طلعت : لأ ديه أهم حاجة في الموضوع لإن ديه اللي حتعمل دولة محترمه
أ / منتصر الزيات : ديه حتشعرفيه إحباط عند بعض الشباب إيه اللي يمكن المجلس الأعلي للقوات المسلحة إن يعلن عفوعام عن كل السجناء اللي إتحبسوا في عهد مبارك
أ/ احمد طلعت : دا كله حديث عن الماضي أحنا لو نتكلم
أ / منتصر الزيات : لا لأ مش ماضي ما هو دا
أ/ احمد طلعت :حضرتك لازم نمارس الديمقراطيه في أماكنها الصحيحة بمعني إيه ما هو حضرتك ما ينفعش إن إحنا نعمل إنتخابات مجلس شعب وشوري ومعروف مين التيارات اللي حتكسب في مجلس الشعب والشوري بعد كده هذه
أ / منتصر الزيات : حتكسب إنهارده وحتكسب بكره وحتكسب إمبارح ما هو ده مش مجال
أ/ احمد طلعت : لا لأ ده مجاله أنا لازم أتكلم في النقطه ديه
أ / منتصر الزيات : العمل الديمقراطي دا مش صحيح
أ/ احمد طلعت : لأ دا مش عمل ديمقراطي لما آجي
رشا مجدي: طيب ناخد الدكتورجابرعصفور معلهش وحأرجع ليك دكتورجابر عصفور الكاتب والمفكر المصري أهلا بك يا دكتور
د/ جابر عصفور: أولا تحياتي للي عندك كلهم أنا مش عارف هم مين
رشا مجدي: معايا الأستاذ منتصر الزيات والأستاذ احمد طلعت من سباب الثورة يا فندم
د/ جابر عصفور: أهلا بكم
رشا مجدي: دكتورجابر يعني بالأمس من المفترض أننا نحتفل بعيد ثورة يوليو المجيده ولكن كان المشهد الطاغي علي هذه الإحتفالات مشهد آخر تقييمك لذا المشهد مع هذه المناسبه والمقارنه بين أيام مجيده أعتقد بالأمس كان يوم صعب علي المصريين جميعا
د/ جابر عصفور: طبعا
رشا مجدي: تقييمك يا فندم للمشهد
د/ جابر عصفور: والله المشهد مرتبك ومتصل وإذا جيتي للحق فكل الأطراف مسؤوله يعني أنا لا أخلي طرف واحد من المسؤوليه الشباب المنتمين للتحرير وغيرهم معاهم حق عندهم مطالب وليس إجابات واضحه ومحدده عليهم (2) القوات المسلحة حتي الآن ليس لها برنامج واضح محدد يقضي علي الضباب اللي موجود في البلد
رشا مجدي: إنت إتفقت مع الإستاذ منتصر في نفس النقطه علي كده
د/ جابر عصفور: أنا ما أعرفش هو قال إيه إنت بتكلميني وأنا في العربية وقفت العربية نمر (3) في الحقيقة لابد يكون هناك قناه للحوار واضحه وصريحه ويتوسط فيها من يصل بين شباب التحرير وبين المجلس الأعلي للقوات المسلحة من ناحيه ومجلس الوزراء من ناحيه
رشا مجدي: أنا مش عايزة أسيب القناه ديه لإن إحنا من ساعة ما قامت الثورة وأعتقد الأستاذ منتصر إشترك كان فيه وفاق وطني وكان فيه حوار وطني ولجان يعني كان فيه حاجت كتير
د/ جابر عصفور: لأ أنا عايز بقي حوار مباشر بإختصار شديد جداً لإن الشباب الذي لا يزال موجود في التحرير وهو شباب واصل لا نزاع ولا نقاش في هذا وبين الحكومه بشكل مباشر من ناحيه والمجلس الأعلي للقوات المسلحة من ناحيه بشرط أن لا يقوم طرف بتخوين الطرف الآخر لإن لا أخفي عليك إن أنا شخصياً تأذيت عندما سمعت الي إتهام 6 إبريل بأنهم يتلقوا كذا وكذا وكذا دون أن يكون هناك جريم عندما يكون هناك جريم لابد يلجأ الي القضاء إما أن نلقي بإتهامات جزافيه بدون دليل فهذا لا يصح عندنا دليل علي شيئ غير وطني نتلمس الطريق الي القضاء مباشرةً
رشا مجدي: معلهش أنا عايزة أستأذنك مشهد الأمس يعني أنا مش عايز أقول التصادم الذي حدث ما هو برضه مين تصادم مع مين
د/ جابر عصفور: التصادم ده بين الجماعة التي ذهبت الي المجلس الأعلي والي مسجد النور وبين سكان حي الوايلي وغيره في العباسيه ومن الطبيعي بالمناسبه أن يحدث مثل هذا التصادم في أي يوم قادم لن تنتهي هذه التصادمات إلا عندما تكون الأمور واضحة تماماً للجميع بحيث أن لا تكون هناك مطالب معلقة ولا يصح إتهام من طرف الشباب الثائر ولا إتهام من المجلس الأعلي للقوات المسلحة ولا من الحكومة الإتهام لابد من يكون بدليل وعندما يوجد الدليل يكون هناك القضاء لإن هو فوق الجميع
رشا مجدي: دكتورجابرعصفورأنا بأشكرك شكراً جزيلاً علي هذه المداخلة أنا كآخد من كلام دكتورجابر ومن اللي شوفناه يمكن حتة التخوين بدأت يا أستاذ منتصروخليك معانا يا أحمد برضه تصريحات السفينه الأمريكيه ولما قالت إن إحنا فيه منح بعشرات الملايين وأربعين مليون دولار وفيه اللي طلع قال لك الإتحاد السوفييتي دفع مش عارفه كام مليون يورو ولا أحد يعلم راحت فين الفلوس ديه مين اللي أخذها وإتصرفت في إيه ومن هنا بدأ التخوين إنت بتأخذ إن تبع مش عارفه مين وإنت تبع مين وإنت ميدان كذا من هنا بدأ هل التصريحات اللي طلعت فجأه ديه مقصود بيها تفرقة المصريين والا التصريحات ديه وراها إيه والا هناك فعلاً فلوس ناس بتاخدها أنا مش عارفه
أ/ احمد طلعت :هو حضرتك ما حدش يقدر يجزم إن فيه فلوس حد بياخدها بس أنا سمعت ناس قبل كده من 6 إبريل قالوا إن هم بيأخذوا فلوس وديه مافيهاش مشكله وهم هدوا بيها النظام الفاسد وديه حاجة مميزة لكن السؤال اللي إحنا لازم نسأله لنفسنا هي فعلا أمريكا أو أي دولة خارجية عايزة ترسي دعائم ديمقراطيه في مصر – يعني هل الغرض من التمويل أو الفلوس ديه فعلا إن هم يخلوا فيه ديمقراطيه في البلد والا فيه سبب ثاني غير معلوم دا السؤال اللي لازم نطرحه علي نفسنا إيه السبب في التمويلات ديه
أ / منتصر الزيات : والتوقيت
رشا مجدي: طيب أستاذ منتصر رأيك إيه من ساعة ما التصريحات ديه طلعت والتخوين إبتدي بشكل زياده
أ / منتصر الزيات : تصريح مغرض الآن ألقت به السفينة الأمريكية في وقت قاتل قفذت به الجماعة الوطنية في مصر أكيد لإن الفلوس ديه ما جتش بخت في ميدان التحرير والأخ أحمد أشار حضرتك عارفه إن فيه هيئة المعونه الأمريكية موجودة في مصر مبناها في جاردن سيتي وبتشتغل وبتدي منح ومعونات
رشا مجدي: والجمعيات اللي تبع وزارة الثقافة
أ / منتصر الزيات : بعلم الحكومة المصرية وفي إطار مراقبة وزارة التضامن
رشا مجدي: آه طبعا ما إحنا عارفين
أ / منتصر الزيات : فالمسألة ديه تتقال النهارده مع إنها بقالها 10 سنين وعليها مؤاخذات يعني فيه إنتقادات بتوجه إليها ماشي صح غلط لكن دا كان في عهد مبارك وفي ظل حكومات مبارك وكانت ماشيه ليه النهارده السفيرة الأمريكية بتلقي هذا الطوق أو هذا الإتهام دلوقت قصده فوركيشه طبعا قصده تعمل خلخله في الجماعة الوطنيه أنا لما أشوف إمبارح – أنا أحياناً مش دائما أحب التفسير التآملي آه في غرض من إلقاء هذا الإتهام النهارده ويلقفه اللواء حسن الرويني ويلقيه أيضاً خذافاً إمبارح الجماعة اللي طالعين العباسية دول طالعين متظاهرين سلميين ما عندهمش لا سنج ولا معاهم سيوف الضرب عليهم منين مش من الجيش برضه عشان برضه نبقي صرحاء مش من الجيش
أ/ احمد طلعت : دول مواطنين عاديين
أ / منتصر الزيات : عاديين ولا مش عاديين
أ/ احمد طلعت : لأ عاديين
أ / منتصر الزيات :عاديين معاهم سنج وسيوف وزجاجات معده ومعبئه عشان يرموا بها
أ/ احمد طلعت : حكاية الزجاجات الملوتوف ديه
رشا مجدي: لأ نظرية المؤامرة باللى حدث
أ/ احمد طلعت : هي مش مؤامرة
رشا مجدي: لأ مش مؤامرة
أ/ احمد طلعت : هم ناس بسطاء قضوا علي أشغالهم زي الناس اللي فاتحة محلات في ميدان التحرير ومصالحهم تقف فهم خافوا فحدفوا طوب خناقة عادية فمتحملوش أكتر مما يحتمل
أ/ رشا مجدي: بالظبط
أ / منتصر الزيات : فيه ناس قاعده واقفه بتتربص آه فلول ما ننكرش إن فيه فلول
أ/ احمد طلعت :هو غلط الراجل بتاع
أ / منتصر الزيات : مش غلط يا أخي إنت عندك إنت غلط طالما إنه يطالب في إطار سلمي راح يعرض طلباته بطريقة سلمية أنا ما كنتش معاهم لكن أدافع عن حقهم في التظاهر السلما طالما أنه كان يتظاهر سلميا وأنه خرج بلائحة طلبات
رشا مجدي: أنا عايزة أقف معاك يا أستاذ منتصر في حتة – حتة الفلول ديه معلهش مين هم الفلول حضرتك تقول ديه ناس طالعه بمظاهرة سلمية كانت تريد أن تتوجة بالمطالب إلي وزارة الدفاع او المجلي الأعلي للقوات المسلحة وقابلوهم ناس وشوفنا مولوتوف وشوفنا عربيات إتحرقت وممتلكات عدد كبير من الممتلكات حصل لها دمار مين دول نفسي حد يطلع لي ويقول لي مين دول
أ/ احمد طلعت : ما إحنا لازم نتكلم بس بصراح دول بعض الناس اللي في التحرير ودول الناس اللي في العباسية دول المصريين اللي هم القله المندسة زي ما بيقولوا
رشا مجدي: مين القله المندسه
أ/ احمد طلعت : القله اللي هم بيتبعوا نفسهم اللي هم ناس عايزة تبوظ مصر أو مش عايزين يبوظوا مصلحة البلد هم عن سؤ فهم عنده دوافع مش عايزين نحمل الموضوع أكثر مما يحتمل
أ / منتصر الزيات : بل أحملهم ما يحتمل لإن لما يوم تكري أسر الشهداء وتيجي سياره نقل تحمل بالعين المجرده بلطجيه معهم أسلحه وسيوف تم تجميعهم مش ممكن تقول لي دول من ناس مصر الطيبين لأ دا فيه حد بيجهزهم وبيجبهم عشان يضربوا
أ/ احمد طلعت : أنا ما قلتش إن ناس مصر وحشين
أ / منتصر الزيات : كذلك تفسيري أنا تأملي أنا بأقول لك لأ فيه فلول
رشا مجدي: لازم تتقبل الرأي الآخر
أ/ احمد طلعت : أنا متقبلة
أ / منتصر الزيات : حضرتك يا أخ أحمد بتقول إن دول إشتباك عادي وارد في بعض الأحيان لكن أنا بأقول في محطات فارقه دتئكت بيقبذ بطريه البطاريه كان بيستعمله الحزب الوطني
أ/ احمد طلعت : أنا وقفت ناس قلت لهم إيه اللي حصل قالوا لي ديه عيال جاية تقفل لنا مصالحنا والسوق بتاعنا وحالنا حيقف – بس مش فلول دا واحد ساكن في العماره ديه
رشا مجدي: معانا الأستاذ عارف الدسوقي نائب رئيس حزب الغد مساء الخير يا أستاذ عارف
د/عارف الدسوقي : السلام عليكم يا أستاذة رشا
رشا مجدي: عليكم السلام يا فندم الحمد لله يا فندم
د/عارف الدسوقي : وإزيك ضيوفك الأستاذ منتصر
رشا مجدي: والله نحمل الهم هم الشأن المصري بنتناقش فيه
د/عارف الدسوقي : كان الله في عونك
رشا مجدي: حضرتك متابع الحوار
د/عارف الدسوقي :أنا مابع الحوار بس حأبدأ بالتحقيق بسرعة علي نقطه معينة جداً قالها الأستاذ عصام الإسلامبولي وهو بيقول إن ما حدث في العباسية كان أمراً مدبراً من الجيش
رشا مجدي: قال أمراًمدبراً من الجيش والا قال كان مدبراً لأ قال الواضح إنه كان مدبراً بس ما قلش من الجيش
د/عارف الدسوقي : هو كان يقصد إنه إتنصب كمين للجماعة دول لو هو قال إن ما كنش دا كمين لإن كتير أنا سمعت النهارده علي القناة الأولي أكثر من مرة إنه ده كان كمين مُدبَّرللمجموعة اللي راحه تجاه وزارة الدفاع
رشا مجدي: ما وصلناش الي هذه النقطه التآمرية
د/عارف الدسوقي : ماشي أياً كانت حتي لو كان أمراً مدبراً ونقف عند الكلمة فتحتمل معاني كثيرة لأن ليس أمر مدبر من جانب الجيش علي الإطلاق الذي خرج من ميدان التحريرمتجه الي وزارة الدفاع والي مقر المجلس العسكري بالعباسية هم المتطاهرون الذين يلبسون قميص الثورة وليسوا الثوَّار لإن الثوار الحقيقيين لا يمكن إنهم يعملوا مثل هذا العمل ويتجهوا ناحية العباسية ويتصادموا قد يتجهوا في مظاهرة سلمية هذا مقبول لكن يتصادموا ويحدث ما حدث من عمليات تدمير في شوارع جانبيه بهذا الشكل أمر يؤسف له ويُحسب علي الثُوَّار ويُحسب علي المتواجدين في ميدان التحرير وأتمني أن يتبرؤا منه
رشا مجدي: طيب أستاذ عارف أستاذ منتصر عايز يرد عليك في النقطة ديه
د/عارف الدسوقي : يا أهلا بيه
أ / منتصر الزيات : يا أستاذ عارف أنا عايز بس أوضح أنا ما كنتش موجود لكن قرائتي للموضوع إن مسيرة سلمية معلن عنها مسبقاً من قروض ولائحة طلبات تسلم الي المسؤولين في المجلس الأعلي للقوات المسلحة
د/عارف الدسوقي : لم يكن كافيا نحترم إبلاغ هذه المطالب من ميدان التحرير ما هو حدث سابقاً
أ / منتصر الزيات : ما علهش صح أو غلط أنا وإنت نقول الكلام ده هم قرروا ده أنا مش بأقول في إطارالتقييم لكن هم خرجوا ففوجؤو بالعباسيه بحشود عسكريه تمنعهم من مواصلة السيروهنا حدثت الإحتكاكات وحدث القاء الطوب والزجاج من أسقف العمارات وكان فيه تصوير وضح هذا
د/عارف الدسوقي : التصويروضح ما إحنا شوفناه وشوفنا مصادمات فعلاً في الشارع وفي شوارع جانبيه مصورة علي الفضائيات وعلي القنوات
أ / منتصر الزيات : طيب السؤال فيما لم تركت المظاهرة السلمية تسير لتسلم لائحة طلبات هم رايحين يعتصموا هناك ولا رايحين يسلموا الطلبات ويمشوا
د/عارف الدسوقي : هم في تصوري أنا إن كافي جداً إنهم معتصمين في ميدان التحرير وقافلين الحركة في ميدان التحرير وليس هناك أدني مبرر لقفل الحركة ميادين أخري وشل القاهرة شلل تام هذا أمر يرضي الله الله سبحانة وتعالي يعني جعل الإيمان بضع وسبعون شعبه أعلاها قول لا إلاه إلا الله وأدناه إماطة الأذي عن الطريق وليس تعطيل الطريق إماطة الأذي عن الطريق من الإيمان وليس تعطيل الطريق إيمان فإذن أنا لما بأعطل طريق لما بأعطل الناس عن مصالحهم أنا في هذه الحالة بأضر بمصالح البلاد العليا – الجيش مسؤول مسؤوليه تامة عن إستقرار الأمن وإستقرار الوضع السلمي في البلد وتسهيل الحركه وعدم تعطيل المرور وعدم تعطيل الإنتاج وفي الحاله ديه الجيش منوط به وله مطلق الحق في إن يكتسب من الإجراءات ما يمنع تعطيل الحركه وما يمنع تعطيل عجلة الإقتصاد يعطلهم ويقول لهم إرجعوا دا حقه والناس يطلعوا عليهم دا حق الناس طلعوا عليهم ناس من العباسيه سكان وجم في أكثر من تعقيب وفي أكثر من تقرير مصور وأنا يمكن في هذه الحاله حأذكَّر الأستاذه رشا بشيئ لما كنا معاها مرة في إتجاهات وقلنا لها دا فيه شيئ من المؤامرة وخيوط من المؤامرة المحاكة والمدبره لمصر يوميها قالت أنا مش مسؤلة عن الكلام ده يا دكتور عارف إنت المسؤول قلت لها آه أنا المسؤول الحمد لله بدأت خيوط المؤامرة تتضح من كل الإتجاهات بدأت تظهر معالم هذه المؤامرة الصوراللي إنتوا عرضتوها من صربيا والكلام ده كله التحول الديمقراطي لا يتم بالتدريب علي الكلانشينكوف في صربيا - التحول الديمقراطي لا يتم بالتدريب علي الكلانشينكوف وعلي أختيار أماكن حساسة جداً لتعطيل كافة أدوات المرور وكافة الحركه المرورية في القاهرة سواء في ميدان التحريرالنجاد الثاني جغرافياً في القاهرة الذي يمكن أن يشل الحركة بشكل فاعل هو ميدان العباسية فإذا أنا أتجه الي وزارة الدفاع وأشل الحركة في ميدان العباسية وأشل الحركة في ميدان روكسي بعد ذلك وأتصادم مع القادمين من ميدان روكسي في هذه الحالة الجيش موكل إليه بكل الصلاحيات أن يتخذ من الإجراءات ما يمكن أن يتاخر الحركة للمواطنين وما يمنع تعطيل الحركة وما يمنع تعطيل حركة الإنتاج وديه مسؤولية القوات المسلحة وأتمني من الله له التوفيق في هذه الحلقة
رشا مجدي: بنشكرك شكراً جزيلاً دكتورعارف الدسوقي علي هذه المداخلة
د/عارف الدسوقي : العفو يا أستاذة رشا
رشا مجدي: طيب خليني ماشية لسة بنظرية المؤامرة أنا بأحط أفتراضات وبنتناقش فيها يعني هل هناك من يريد الوقيع ما بين مش حأقول بقي الشعب خليني آخد فئة الثوَّار والمجلس العسكري
أ / منتصرالزيات : أكيد ما فيش
رشا مجدي: يعني أنا دلوقت أنا بأحط إيدي لإن فيه حاجات كتيرة – بس اللي بيحصل فيه وقيعة بتحصل فيه ناس بتلعب
أ/ احمد طلعت : فيه ناس يهمها الفوضي كتير وفيه تيارات كتير يهمها الفوضي تيارات كتير يهمها الضغط علي المجلس العسكري أنا شايف من بره إيه مطالب الثورة وإيه اللي إحنا كنا عايزينه إتحقق كتير جداً من مطالب الثورة حل المجالس الرئيس والكلام ده كله فيه طلب مهم جدا ولازم كلنا نأكد عليه هو الدستور لازم الدستور ييجي الأول عشان نعرف نحط قواعد الأهداف السياسيه لازم كل واحد يعرف إيه حدود إختصاصاته ويمارس الديمقراطية فين لما نيجي نتكلم نقول الدستور أولاً لسبب واحد دا أنا لازم أشرحها في عجاله هي دلوقت لما ييجي الأول إنتخابات الشعب والشوري
رشا مجدي: الكام جمعة اللي فاتت ديه ما كنتش منظمة للدستور
أ/ احمد طلعت : لا لأ فيه تيارات يهمها إن الدستور ييجي في الآخر عشان خاطر معروف مين التيارات اللي حييجي في إنتخابات مجلس الشعب والشوري
رشا مجدي: لأ أنا عايزة أقول لك الدنيا اللي قائمة دلوقت موجودة في المطالب اللي موجودة محاكمات رؤس الفساد إن الرئيس يتحرك من شرم الشيخ الي سجن طره
أ/ احمد طلعت : ميدان التحريرإحنا بنسمع كلمة مليونيه آجي أنزل هناك ألاقي 600 بني آدم هو ده التزييف الإعلامي ما فيش حاجة إسمها مليونيه أنا أعرف إن هذه الكاميرا شوية ناس تقول مليونية ديه لأ دا كذب وتزييف إعلامي نقف قدان نفسنا
رشا مجدي: هل تعلم كلمة مليونية أساساً جت من إيه – تعرف فكرة المليونية جاءت من إيه جاءت من أيام الثورة ايرانية يعني هي ديه كمان دخيلة علينا حكاية المليونية وهي أساساً ما كنتش
أ/ احمد طلعت : ممكن نقول مطالب فئوية – فئة معينة بتطالب بكذا كذا كذا مش لازم إن إحنا نعلنها مطالب شعب
رشا مجدي: لأ المحاكمات السريعة وعدم التأجيل
أ/ احمد طلعت :لأ كل دا ماضي إحنا عايزين نتكلم في المستقبل عايزين إن إحنا نعمل دستور مجلس شعب مجلس شوري رئيس جمهورية هو دا المستقبل هنا نعرف نتكلم
أ / منتصر الزيات : فين المستقبل وأجناد النظام البائد موجودين في الوزارات والإدارات والمحافظات ويمسكون مناصب
أ/ احمد طلعت :لما نعمل دستور محترم
أ / منتصر الزيات : تطهيرالمناصب وتطهير الأماكن
أ/ احمد طلعت : ما إنت الأماكن
أ / منتصر الزيات : ما إحنا مش عارفين نشتغل عشان كده لكن من أول أيام الثورة هو كل حاجة كانت بتتعمل مش تتعمل بضغط – بجمعة حيتحال – لماذا لا ينظر في طلبات الجماعة الوطنيين حزمة واحدة فينفذها ليه لغاية دلوقت
رشا مجدي: خليني آخد منك لإن إحنا وقتنا نشرة 9 جه هو إحنا محتاجين حوار – حوار حقيقي مع المجلس العسكري والذي هو الآن بمثابة الرئيس لازم يبقي هناك حوار
أ / منتصر الزيات : أكيد
رشا مجدي: وجدول زمني بالمطالب
أ / منتصر الزيات : دا كلام لا شك فيه بس شرط يبقي حوار موضوعي مع ممثلي كل التيارات وكل القوي دون أقصاء يعني فيه نقد إنما دعي الشباب إنهم ييجوا يتحاوروا معاه كده بدون إجندة كده وناس ما راحتش وناس زايدت وفيه ناس غيبت عن هذا الحوار
رشا مجدي: الحوار ديه دعوي
أ/ احمد طلعت : أنا بس عايز أقول
رشا مجدي: ديه نشرة تسعة ميعاد مقدس يا أستاذ أحمد أنا بأشكر الأستاذ منتصر الزيات رئيس منتدي الوسطية للفكروالثقافة بأشكرك شكراً جزيلاً أستاذ أحمد من شباب الثورة وبأشكر كل المداخلات السادة الأفاضل الذين كانوا معنا خلال حلقة الليلة ونترككم الآن مع نشرة التاسعة