تاريخ الحلقة: 4/3/2010 الضيف: رشا مجدى: مشاهدينا الكرام مساء الخير وأهلا بيكم فى حلقة جديدة من يحدث فى مصر حلقة اليوم هنتكلم عن مشروع هام جدا قامت بإعداده وزارة البيئة فى محاولة منها لوقف إنبعاثات العوادم إنبعاثات العوادم بتزيد من رقعة السحابة السوداء والتى تغطى القاهرة الكبرى خالد عاشور: هذا المشروع مشاهدينا الإعزاء هو يمنح المواطن حقا بسيطا ومهما وهو أن يتنفس هواءا نقيا وسليما هو تحديث أسطول النقل البرى إحلال سيارات وإستبدال سيارات أخرى جديدة رشا مجدى:المشروع لا تتوقف أثاره عند الحد من التلوث كأثر بيىء لكن لكن يحقق أيضا عدد من الأبعاد الإقتصاديه والإجتماعية والسياحية خالد عاشور: معلومات كثيرة سنعرفها عن هذا المشروع وعن الأعمال الأخرى الت قامت بها وزارة البيئة للحد من زحف السحابة السوداء ومن ثما المزيد من تلوث الهواء فى القاهرة مع ضيفنا فى الأستوديو الدكتور أحمد أبو السعود رئيس الإدارة المركزيه لنوعية الهواء بوزارة البيئة أهلا بيك دكتور أحمد رشا مجدى:أهلا بيك يا فندم دكتور أحمد قبل ما نبتدى الحديث معانا تقرير نشوفه وبعدين نبتدى الكلام تقرير لم يعد الحفاظ على البيئة طرفا أو رفاهية بل أصبح مطلبا ضروريا لحماية صحة الشعب المصرى والقاهرة التى تعج بسكانها وسياراتها ومصانعها تعد فى صدارة دول العالم تلويثا للهواء جراء ما تنتجه السيارات من ثانى أكسيد الكربون والمصانع التى تستوطن الكتل السكانية مواطن: أحنا بنعانى كسكان مدينة القاهرة من إزدحام المرور أللى بيسبب نسبة عادم كبيره للسيارات بيأثر طبعا على السكان بيأثر على الناس زائد إن فيه ناس كتيرة بتشتكى من أمراض الصدر زادت كتير فى المنطقة ودا بيسبب برضه مشاكل مع الأطفال الصغيرة أللى لسه مولوده ويبقى دور وزارة البيئة فى التحكم فى مصادر التلوث وخفضها وهو دور هام للحفاظ على الصحة العامة خالد عاشور:بعد هذا التقريربنعود إليكم مشاهدينا الكرام وضيفنا فى الأستوديو دكتور أحمد هذا العدو الغير مرغوب فيه د/ أحمد أبو السعود:بسم الله الرحمن الرحيم طبعا جزء منها المناخ والطبيعة العوامل الجوية فى عمليات الرياح الحرارى بتؤدى إلى بنسميها عوامل مواتية لحدوث مثل هذه الظاهرة لكن فيه عوامل أخرى ليه علاقة مع الأنشطة بتاعة الأنسان نفسه نتيجة عوادم السيارات عوادم المصانع الحرق المكشوف للقمامة الحرق لقش الأرز أو المخلفات الزراعية عموما دا كله لما بيجتمع مع بعض فى وقت واحد بتؤدى إلى حدوث مثل هذه الظاهرة لما بيتزامن مع العوامل الجوية المواتية دى مع هذه المصادر مع بعض مجتمعه بيؤدى إلى حدوث مثل هذه الظاهرة أنت حضرتك فى بعض الأيام فى فصل الخريف بتلاقى الجو فيه كويس جدا وتانى يوم على طول التلوثات عليت دا بسبب المصانع شغاله لكن العامل المضاف أللى بيؤدى إلى هذه المشكلة العوامل الجوية الجوية ودى أحنا منقدرش نعمل فيها حاجة أحنا بنشتغل على العوامل الأخرى أللى هى عوادم السيارات الحرق المكشوف للقمامة خالد عاشور:عملنا أيه بقى فى الأنشطة دى ؟ د/أحمد أبو السعود: نمسك حاجة حاجة منهم مثلا قش الرز بإعتباره إن هو العامل المضاف أللى بيخش فيه هذه المنظومة فى هذا الوقت من العام فقط منظومة قش الرز دى من 10 سنين كان الفلاح بيتخلص من القش عن طريق الحرق المكشوف والناس ماكنتش بتحس بده بالموضوع ده غير فى 99 نتيجة زيادة المساحات المزروعة رز كنا بنزرع 400 ألف فدان وصلنا فى بعض السنوات وبالتالى تقريبا يعنى أنت عندك 4 مليون طن قش سنويا مشكلة القش لازم تخلص من فى وقت صغير جدا فى شهر أو فى شهر ونص وإلا الفلاح هيضطر يتخلص منه بطريقته أللى هو الحرق رشا مجدى:الوزارة عملت أيه لوقف حرق قش الرز؟ د/ أحمد أبو السعود:عملنا أيه أولا هذه المنظومة كان بيبقى عليها الإدراة المحليه مع أجهزة وزارة الزراعة لمواجهة الكم الكبير أللى بينتج كل سنهة من الزيادة فى المساحات فى كل سنه فدخلنا القطاع الخاص فى هذه المنظومة وزارة البيئة تعاقدت مع شركات القطاع الخاص السنة أللى فاتت كانو 3 شركات وشركة وطنية يبقوا 4 الشركات دى عملت أيه ؟ فتحت 85 مركز لتجميع القش وفتحت حوالى 85 مركز لى إعادة تدوير قش الرز لتحويله إلى لصناعات أو علف حيوانى المراكز دى بتعمل أيه ؟ بتروح للفلاح بالمكبس وتكبس القش وتنقل القش إلى مراكز إعادة التدوير ويتم عمل علف حيوانى أو سماد عضوى خالد عاشور:بتروح للفلاح فى مكان أرضه مش هو أللى بيجمع قش الرز د/ أحمد أبو السعود: بالظبط كده السنادى بالذات عملنا آليه جديدة مع الشركات على فكرة وزارة البيئة تدعم هذه المنظومة لكل طرد الشركة بتجمعه وزارة البيئة بتدفع حوالى 83 جنيه دعم للشركات علشان تجميع هذا القش السنادى عملنا حاجة مع الشركات إن الفلاح أللى يقدر ينقل القش بنفسه إلى مركز التوزيع هياخد مبلغ نظير عملية النقل بيتراوح بين 45 لى 50 جنيه رشا مجدى: غير ال 83 جنيه؟ د/ أحمد أبو السعود:ال83 جنيه بتاخدهم الشركة إنما الشركة هتدفع منهم لصاحب النقل رشا مجدى:النص تقريبا د/ أحمد أبو السعود: النص تقريبا وهى النص التانى بتعمل بيه أيه بقى ؟ بتعمل بيه تكلفة التدوير رشا مجدى: طب دكتور أحمد 85 مركز دا كفايه أنت شايف الرقم دا كفاية ؟ د/ أحمد أبو السعود: لأ مش كفاية أحنا محتاجين على الأقل 300 مركز علشان كده أحنا بنقول أيه ؟ أحنا بدأنا السنادى أو السنة أللى فاتت عملنا مشروعات لأستخدام قش الرز يعنى فيه وحدتين دلوقتى فيه بيتم أخد قش الرز وتحويله إلى غاز يغزى البوتجاز بتاع الفرن يعنى غاز حيوى بيطلع من بيتم قمر القش فيه مقمورات خاصة وبعد قمره بيطلع منه غاز عملنا شبكة نقل الغاز ده ووصلنا ل 200 بيت فى القريه على هذه الوحده بحيث أنها بتغزى القريه دى بالغاز الطبيعى رشا مجدى: طب دكتور أحمد أحنا أتكلمنا دلوقتى على قش الرز ودى أحد أسباب ظاهرة السحابه السوداء خلينا نتكلم عن المصانع ودى المشكلة الأكبر المصانع كنا بنشوفها وسط المناطق السكنية حلوان وفى وسط البيوت وكده هل التخطيط بتاع المصانع فى الماضى هو أدى إلى الشكل ده فى كميات كبيرة من التلوث د/أحمد أبو السعود: الحقيقه علشان ما نظلمش المصانع معظم المصانع القائمة حاليا وأللى عندها مشاكل بنيت قبل صدور قانون البيئة قبل ما يكون فيه حاجة أسمها البيئة والناس تتكلم عن البيئة يعنى مصانع الأسمنت على سبيل المثال لما طلع قانون البيئة بدأ يوقف الأنشطة الجديدة يعنى أنت عايز تبنى مصنع جديد؟ تعال دا أنت لازم تعمل دراسة بيئة رشا مجدى:طب بمناسبة المصنع الجديد يعنى وزارة التجارة والصناعة بتخطط لنقل مصانع الأسمنت فى حلوان إلى خارج الكتله السكنية طب أنتوا دوركم أيه بقى؟ د/أحمد أبو السعود: أحنا مشتركين فى اللجنه أللى متشكلة رشا مجدى:أزاى بقى ؟ د/أحمد أبو السعود: بص حضرتك لن يتم نقل أى مصنع إلا بعد عمل دراسة تقييم أثر بيئى للمكان الجديد مش معقولة أنقل مصنع وأحل مشكلة وأنشأ مشكلة تانية فى منطقة تانية وعمل أنظمة حديثة بتكلفة عاليه جدا يعنى بس على فكرة أنا بقول إن الصناعة دى أحنا حطيناها تحت الميكروسكوب يعنى أحنا بنرصد هذه المصانع وكل مدخنة من مصانع الأسمنت مربوطة على شبكة رصد على مدار 24 ساعه ليه ؟ لأن مشكلة تلوث الهواء فى القاهرة الكبرى الأساسيه هى الأتربه العالقه أحنا معندناش مشكله فى أكاسيد الكبريت زى الدول الأخرى أحنا مشكلتنا تلاقى الأتربة أللى جايه رشا مجدى:هناك أراء إن فيه دول صناعية كبرى عارفه إن فيه تلوث وا وا بيطلع من المصانع فا بتجيب مصانعها وبتجيب إستثماراتها وبتعمل مصانع فى مصر ويحصلها أللى يحصلها يعنى د/ أحمد أبو السعود:صناعة الأسمنت بالذات رشا مجدى: لأ أنا ما بتكلمش عن الأسمنت د/أحمد أبو السعود:لأ هو بالذات الأسمنت لأن هو أللى فيه توسع فى الفترة أللى فاتت ليه ؟ لأن أنتى عندك المادة الخام فى أوروبا معندهاش المادة الخام رشا مجدى: ممكن يكون هو باصص بنظرة أخرى إن هو خايف على صحة مواطنيه د/أحمد أبو السعود: أنا هقول لحضرتك أولا تكلفة الأنتاج عنده عاليه جدا المادة الخام مش متوفرة زائد إن هو معظم أللى فيه أوروبا معظمها مناطق مزروعة أحنا عندنا لو عملت المصنع فى منطقه صحراوية بعيده عن السكان وخدتى الضمانات الكافيه هذا يؤثر على الصحة خالص أحنا منعنا خلاص أى صناعة أسمنت جديدة تتعمل فى القاهرة الكبرى خلاص يعنى جت طلبات لأنشاء مصانع أسمنت جديدة فى القاهرة الكبرى رفضت كل المصانع الجديدة هتقام يا أما فى مناطق صحراويه يا أما فى قناأسوان فيه الوادى الجديد خالد عاشور:طب دكتور أحمد خلينا نروح من أقصى الجنوب إلى أقصى الشمال من مصانع حلوان فى جنوبالقاهرة إلى مسابك الرصاص فى شبرا الخيمة فيه جمعية مهتمة بأنشطة البيئة حطط جهاز لرصد التلوث البيئى فى المسابك دى الجهاز أنفجر د/ أحمد أبو السعود: الكلام دا برضه من 5 ، 6 سنين لكن دلوقتى أنا بعتبر قصة الرصاص دى إن وزارة البيئة لما بتاخد حاجة وتشتغل عليها فى برنامج لمده زمنية الرصاص ده بنشتغل عليه من 10 سنين يعنى بدأنا أول خطوات البرنامج فى 98 نهاناه فى 2007 فى 96 أتعملت دراسة من أحد الجهات المانحة قالت إن تلوث الرصاص فى هواء القاهرة يوصل لحوالى 10 أضعاف إلى 15 ضعف الغير مسموح بيه دا معناه الرصاص خطورته إن هو بيؤثر على ذكاء الأطفال فدا تلوث خطير جدا الحقيقه كان فيه دور لوزارة البترول تم على طول أخذ قرار بوقف إستخدام الرصاص وتم تعميم مدينة خاليه من الرصاص الموضع ده قل نسبة الرصاص فى الهوا بنسبة حوالى 75% لكن أستمر فى 25% وهقول لحضرتك الدليل على هذا التغيير أحنا مش نقلنا بس المسابك لأ دا أحنا حتى بعد ما نقلنا المسابك لقينا إن فيه حوالى 10 % الأتربة المحمله بالرصاص كل الأتلابة أللى كانت مشبعه بالرصاص لما الهوا بيهب الرصاص دا بيطير فى الهوا فعملنا أيه عملنا برنامج لتطهير هذه المواقع أتطهرت تماما وأتقفلت وأتحولت إلى معارض لى عرض المنتجات بتاعة رشا مجدى:دكتور أحمد أسمحلنا نطلع بفاصل ونعود إلى مشروع هام جدا وهو مشروع إحلال نشوف الفاصل ونرجع ما بعض فاصل خالد عاشور:عدنا إليكم مره أخرى مشاهدينا الإعزاء وهواء القاهرة الخالى من التلوث هذا هو حلم هذه الحلقه وحلم كل المصريين وهو حق من حقوق المصرى أن يتنفس هواءا نظيفا ونقيا مع مشروع مهم جدا نحو هذا الهدف وهذا الحق وهذا الطموح هو مشروع إحلال د/أحمد أبو السعود: دا مشروع مثال حى أنك بتعملى الحاجة وبتاخدى فيها كل الأبعاد يبقى فيه الفايدة المتبادله بين كل الأطراف الحقيقه المهندس ماجد جورج وزير الدولة لشئون البيئة زى ما قلت لحضراتكم أحد المصادر لتلوث البيئة هى عوادم السيارات لقينا إن عوادم السيارات بتمثل 26% من إجمالى حجم التلوث لما جينا نبص عوادم السيارات دى حاية منين ؟ لقينا إن 28 % من أسطول النقل فى مصر عمره أكتر من 30 سنه دا معناه أنها عربيات متهالكه أعطالها الموتورات بتاعتها فيها مشاكل بتؤدى إلى زيادة أحجام التلوث كتيرةفقلنا عايزين نجيب عربيات ونحولها تاكسيات وندى للسواق عربيه شكلها شيك وجديدة وموديل 2007 الحقيقه جبنا أول 100 تاكسى بشق الأنفس على فكرة علشان نقنع السواق إن هو يدخل هذا المشروع والدولة دعمته كل صاحب تاكسى بحوالى 15 ألأف جنيه أللى هى دعم الفايدة على العربيه وعملنا المشروع وبدأ السواقين يكلموا بعض بعد ما كنا بنلقط ال 100 دول بالعافيه من الشارع لقينا عندنا تحت وزارة البيئة 2000 واحد واقفين من السواقين أللى عندهم تاكسيات قديمة عايزين بشتركوا فى البرنامج رشا مجدى: وصلتم لكام لغاية دلوقتى ؟ د/أحمد أبو السعود:وصلنا النهاردة ل 20 ألف تاكسى تم أستبدالهم وأتخرجت العربيات أللى حضرتك بتشوفيها عايزة أقول لحضرتك إن فيه عندنا 42 ألف فى قايمة الأنتظار خالد عاشور:قايمة الأنتظار يعنى ضعف العدد د/ أحمد أبو السعود:يعنى ضعف العدد وبرضه الحق يقال لابد إن أحنا هنا الحقيقة سياد وزير الماليه دكتور بطرس غالى إن هو برضه وفر الدعم المطلوب لهذا المشروع الدولة حطط 320 مليون جنيه رشا مجدى:أنت بتتكلم عن 28 % من أسطول النقل طيب الباقى طالما إن فيه تجربة أتعملت فى حته صغيرة ونجحت طيب أخبار أتوبيسات النقل العام وأنت شايف حالتها عامله أزاى ؟ سيارات أللى بتحمل حكومة وأنت شايف حالاتها عامله أزاى ؟ يعنى التاكسى ده كان مقدور عليه طب ما أنت عندك حاجات تتبع الحكومة سواء نقل عام أو سيارات الحكومة وحالتها زى ما أنت شايف د/أحمد أبو السعود:وهل أحنا وقفنا عند الحكاية دى بس ؟ أحنا قبل ما نبدأ مشروع التاكسى كنا بدأين مشروع مع السيارات الحكوميه لتحويلها للعمل بالغاز الطبيعى اللمشروع ده كان بيستهدف 5000تلاف سيارة حكوميه لتحويلها بالغاز الطبيعى نفذنا كام منهم لحد دلوقتى 2700 سيارة وفيه حوالى1900 سيارة تم أختبارهم وجارى دلوقتى عملية التحويل التكلفة بتاعة هذا المشروع 27 ونص مليون جنيه تحملته الدولة سيارات حكوميه كانت بتعمل بالنزين وكان فيه مشاكل تم تحويلها إلى العمل بالغاز الطبيعى رشا مجدى:بس النقل العام لسه د/ أحمد أبو السعود: لأ هقول لحضرتك النقل العام عملنا فيه أيه ؟ النقل العام أحنا فحصنا أتوبيسات النقل العام لقينا فى مشاكل فعلا زى ما حضرتك بتقولى تم التنسيق مع السيد المحافظ ورئيس مجلس إدارة هيئة النقل العام وتم وضع خطه لإحلال 200 أتوبيس من أتوبيسات الهيئة على مدار 4 سنين رشا مجدى: هما كام ؟ د/أحمد أبو السعود:4 تلاف خلى بال حضرتك أنت علشان تحولى كل سنه 200 أو 300أتوبيس جديد خلى بالك أتوبيس جديد يعمل بالغاز الطبيعى دا تكلفة إستثماريه بتصل إلى حوالى 400 مليون جنيه لى 400 مليون جنيه خالد عاشور:تتحملها الحكومة ؟ د/ أحمد أبو السعود:طبعا طبعا علشان كده بقول لحضرتك البيئة أصبحت ليست ترفا البيئة دلوقتى أنت لازم تدفع علشان تنعم ببيئة نظيفة والدولة بتعمل كده رشا مجدى:دكتور أحمد البنوك أخبارها أيه ؟ د/ أحمد أبو السعود: البنوك أنا عايز أشكر البنوك أنا مقدرش أقول أسمها لأنها دا يعتبر إعلان لكن البنوك المصريه أللى مشاركة فى هذا المشروع ليها كل الأحترام لأن البنوك أحنا لما بدأنا هذا المشروع عانينا جدا لأن كان فيه سمعة سيئة لسواقين التاكسيات القروض أللى بتمنح للتاكسيات فى بعض البنوك كانت قافله هذا النظام لأن كان فيه تهرب مش عارفين يلموا فلوسهم السواق بياخد العربيه وبعدين ما بيعرفش يسدد فكان فيه بعض البنوك كانت بترفض منح قروض لى تاكسيات رشا مجدى:بس فيه بقى بعض السواقين قالوا فى إتهام أنوا الوزارة سلمتهم للبنوك وأنوا البنوك بتماطل فى تسليمهم السيارات الجديدة د/ أحمد أبو السعود:لأ هى مش مماطله ما هو زى ما قلتى لحضرتك أحنا مشكلتنا مش فى المماطله هو رشا مجدى: أنا بتكلم عن البنوك مش على الوزارة د/ أحمد أبو السعود:حتى البنوك البنك معذور ليه ؟ لأن البنك عايز يخلص بس هى المشكلة فيه نقطة أحنا واقفين عندها هى نقطة الحاكمة فى هذا المشروع يعنى الفلوس موجوده فلوس الدعم أللى حاطتها الدولة موجوده 620 مليون جنيه هما بيبقوا يتراوحوا حسب نوع السيارة إن أحنا الحوافز بتبقى الإعفا من ضريبة المبيعات والجمارك على المكونات بتتراوح ما بين 110 لى 12 ألف جنيه حسب نوع العربية وحسب سعرها لكن ودول موجوديتن وزارة الماليه حطاهم خالد عاشور:طب أيه المشكلة ؟ د/أحمد أبو السعود: المشكلة سيارات أنتاج السيارات فى مصر إن أحنا حاطين من شروط هذا المشروع علشان ننشط صناعة السيارات فى مصر إن إن السيارات الجحديدة أللى بتشترى تكون تجميع مصرى أحنا عندنا 5 شركات مشاركة فى هذا المشروع رشا مجدى:مش ملاحقة بقى ولا أيه ؟ د/ أحمد أبو السعود:أه مش ملاحقه بتشتغل بكامل طاقتها 3 ورديات خالد عاشور:معقوله د/ أحمد أبو السعود:أه طبعا شوف العالم كله عنده كساد فى صناعة السيارات أحنا عندنا صناعة السيارات فى مصر فيها إنتعاشه رهيبه جدا ومش ملاحقين وعندنا قايمة أنتظار فهى المشكلة مش فى البنوك وبعدين أحنا علشان مصداقية هذا المشروع مش عايزين ناخد من صاحب التاكسى القديم بتاعه ونستنى 6 ، 7 تشهر على بال ما ما تيجى العربيه الجديدة بسيبه يشتغل بعربيته وأديله رقم وزارة المالية بتديله رقم أستنى لما يجى دورك هو مش متخيل فبيقول إن البنوك بتماطلنى خالد عاشور:علشان كده فى قايمة أنتظار فيها 22 ألف واحد طب حاطين تقريبا تاريخ نهائى أعتقد 2012 أو 2011 إن كل التاكسيات د/أحمد أبو السعود:أللى عمرها أكتر من 20 سنه هو مش أحنا هو قانون المرور الجديد أدى فترة سماح 3 سنين من 2008 للسيارات التاكسى أللى عمرها أكتر من 20 سنه لن يسمح بترخيصها وأنت فى فترة سماح 3 سنين علشان الناس دى توفق أوضاعها رشا مجدى: أنت بتتكلم على القاهرة الكبرى بس أو هتعمم فى بقيت المحافظات ؟ د/أحمد أبو السعود:لأ أحنا بدأين فى القاهرة الكبرى لأن المشكلة زى ما حضرتك قواتى فى القاهرة لكن جتلنا طلبات رشا مجدى:أسكندرية مثلا يعنى المناطق المزدحمة د/أحمد أبو السعود:هنبدأ بعد كده يعنى المشروع هيمتد للمحافظات مصر ولكن الأولويه فى القاهرة رشا مجدى:طيب برضه أنا عرفت من بعض السائقين إن أنتم وعدتوهم بأن هتديوهم أكتر من 5000 جنيه مخدهوش الناس مخدتش د/أحمد أبو السعود:لأ هقول لحضرتك هو السيارة القديمة بتاعته لما بيسلمها كخرده بياخد قصادها 5000 جنيه طويس والدعم بقى بيجيلوا فين ؟ فى العربيه الجديدة هو العربية الجديدة هو يباخها أرخص من سعرها ب 10000 جنيه لأن العربية لو هى تمنها 60 ألف فى السوق هو بياخدها بحوالى 52 ، 51 ألف لأنوا بياخد دعم على ضريبة المبيعات والجمارك وهى الحقيقه مش إعفاء هى وزارة الماليه بتدفعها عنه لأنى مينفعش أنى أطلع إعفاء إلا بقانون فالحقيقة السيد وزير الماليه قال أحنا هندفع كحكومة هندفع عنهم هذه الضريبه فالفلوس دى موجوده هو بس هبشوفها أمتى ؟ لما يجى يستلم العربية الجديدة لأن العربية الجديدة سعرها أرخص من سعر السوق بحوالى 10000 أو 8000 جنيه زائد فيه حاجة تانية مهمة جدا إن وزارة المالية تعاقدت مع شركة إعلانات بتدفعله نص القسط نص تمنها يعنى هو شارى العربيه بنص تمنها رشا مجدى:طب دلوقتى يا دكتور أحمد أللى عايز يدخل فى المشروع وعايز يشوف قائمة أنتظاركم أيه د/أحمد أبو السعود:هو أللى عايز بيروح يقدم للبنوك المشاركه فى هذا المشروع والبنوك عامله تسهيلات كتيرة جدا علشان تسهل على المواطنين بيقدم أوراقه بيطلب منه بعض الأوراق علشان يتعمله ملف ونبدأ نحطه فيه قايمة الأنتظار بحيث أنوا بيجى عليه الدور وخلى بالك بيفضل شغال بعربيته القديمة لحد ما يجى عليه الدور يقولوا تعال قبل ما ناخد عربيته بنديله رقم ماتور شاسيه العربيه الجديد علشان يبقى ضامن إن هو هيخرج العربيه القديمة ياخد العربيه الجديدة مقدرش أخد منه وبعدين أقوله أستنى شهر ولا شهرين خالد عاشور:أه مينفعش يتعطل حتى ولو يوم يعنى طب العربيات القديمة د/ أحمد أبو السعود:دى بقى الحقيقه أحنا علشان برضه متبقاش العمليه عشوائية أحنا بنتكلم فة 20000 و 30000 و 40000 سيارة مش معقولة هتبيعهم عربيه عربيه فى زى وكالة البلح المتقطع مش هينفع فكرنا فى شركة متخصصه لتخريد السيارات دى أول شركة فى مصر تعمل فى هذا المجال تم عمل إعلان وزارة الماليه عن مزايدة بين الشركات المتقدمة ودا بيضع مواصفات بيئيه وفنية وإتعملت كراسة شروط وجلسة المزاد هتبقى إن شاء الله فى فبراير بحيث إن أخنا وعلى فكرة أنا برضه عايز أحيى هنا وزارة الداخليه لأن وزارة الداخلية كان ليها دور كبير جدا فى تنفيذ هذا المشروع رشا مجدى: كل الوزارات بتعمل من أجل المشروع د/أحمد أبو السعود:وأنوا يرى النور لأن خلى بال حضرتك إن وزارة الداخلية حطت آليه لتخريد السيارات ماكنتش موجوده ساعدونا عملوا وحدة مرور مخصوصة لهذا المشروع علشان أنوا ميرحش يتنطور بين كذا حته المرور فين ؟ فى المكان أللى بيخرج فيه العربيه يعنى وحدة المرور مخصصه للمشروع ده فقط الناس بتشتعل صبح وبعد الضهر خالد عاشور:لأ أنا كنت عايز أعرف قبل مات نختم ال 22 ألف دول قبل ما نختم على أمتى إن شاء الله هياخدوا التكسى د/أحمد أبو السعود:7 شهور إن شاء الله رشا مجدى:دكتور أحمد أبو السعدو رئيس الإدارة المركزية لنوعية الهواء فى وزارة البيئة نشكرك شكرا جزيلا وأهلا بيك معانا فيه يحدث فى مصر د/أحمد أبو السعود:أهلا بيك خالد عاشور:شكرا بيك يا دكتور أحمد وشكرا ليكم مشاهدينا الإعزاء أنتهى وقت الحلقة وةإلى اللقاء فى حلقات جديدة من يحدث فى مصر رشا مجدى:إلى اللقاء