رز بالجزر والبرتقال على "سفرة دايمة"

النهارده هنعمل مع بعض رز بالجزر والبرتقال وممكن تقدمي معاه أي نوع خضار.
رز بالجزر والبرتقال
المقادير:
2 كوب رز بسمتي
2 ثمرة جزر مبشورة
بشر برتقالة
1⁄2 ملعقة صغيرة كاري
1⁄4 ملعقة صغيرة قرفة
مكعب مرقة دجاج
كوب زبيب أحمر
ملح وفلفل أسود
3 فص قرنفل
بصلة مفرومة
3 كوب ميه
الطريقة:
1- شوّحي البصل في الزيت لحد ما يدبل، وبعد كده ضيفي عليه الرز والكاري والملح والفلفل الأسود والقرفة والقرنفل ومكعب المرقة والميه، وقلبيهم كويس مع بعض وسيبي الخليط يغلي.
2- أول ما الخليط يغلي هدّي النار وسيبيهم لمدة 15 دقيقة أو لحد ما الرز يتشرب الميه، وبعدين ضيفي عليهم بشر البرتقال والجزر والزبيب وقلبيهم لمدة 10 دقائق، وقدميه.. وبالهنا والشفا.

خلصت وصفتنا النهارده..
استنونا كل يوم مع وصفات جديدة..
سلام،،،