نفسي أخويا يتجوز وينسى حبه الأول

أنا عايزة آخد رأيكم في مشكلة أخويا.. أنا عندي أخويا عنده 29 سنة، كان بيحب واحدة لمدة خمس سنين، واتقدم لها، وأهلي ماوافقوش عليها وأهلها ماوافقوش عليه، وهو مش راضي يتجوز، ولا يفكر في حد غيرها، وكل اللي بيقوله إنه مش عايز يتجوز ويظلمها، وإنه لو اتجوز كده هيظلمها، وإنه لو حب واحدة تانية برضه كده هيظلمها معاه، وكل ما ماما تجيب له عروسة يرفض..
وسافر لدولة تانية بسبب الموضوع ده وبيشتغل هناك وتعبان أوي؛ علشان مافيش زوجة تخفف عنه، لكن برضه لسه فاكرها ومش راضي يتجوز.. أنا مش عارفة أعمل إيه حاولت أقنعه رفض إنه يسمعني..
يا ريت تساعدوني؟
monee


لو عايز تفضفض لنا دوس هنا