أنا عندي 19سنة.. مشكلتي إني وحيدة؛ رغم وجود أخويا وأمي، بس بعد موت بابا حاسة إن أنا ما ليش لازمة في الحياة، ده مش اعتراض، أنا راضية بقضاء الله؛ بس بعد كده اتغيرت حاجات كتيرة أوي ما تخيّلتش يوم إن حياتي تتغير للأسوأ كده. أنا بابا مات وأنا صغيرة وبعد سنوات ماما تزوجت رغم عدم موافقتي، وطبعاً أخويا كان موافق لأن أخويا مش فارقة معاه حاجة خالص. أنا حاسة بجد إن كل واحد لوحده مش بيحس بالشخص التاني برغم إن عددنا ثلاثة فقط، وزوج ماما رجل محترم جداً ودمه خفيف؛ بس أنا حاسة إن المشكلة فيّ أنا وبس، وكل الناس صح وأنا غلط. أنا لما ماما طلبت رأيي في الجواز رفضت عشان كان نفسي ما حدش يدخل بيننا إحنا الثلاثة، وما حدش يكون مكان بابا الله يرحمه؛ برغم إني مش فاكراه لأنه فارقنا وأنا عندي 3سنين، يعني ما كُنتش عارفة حاجة؛ بس لما باشوفه معايا في الصور بافرح أوي ونفسي يرجع تاني. المشكلة في كل ده إن أنا بحب ماما أوي، طبعاً كل واحد بيحب مامته؛ بس أنا حاسة إني متعلقة بيها أوي في كل مكان تروحه بابقى معاها؛ حتى لو ما ليش لازمة ومرة تعبت جامد، وكانت هتروح المستشفى؛ بس ربنا الحمد الله شفاها؛ بس بجد كان موقف صعب لدرجة إني كنت منهارة وباعيّط جامد وأخويا كان عادي وكل قرايبنا، وكل ده وهي مش مهتمة بيّ ومهتمة بأخويا أكتر. بجد كل خوفي إني أخسرها زي بابا، هي دي مشكلتي أو مشاكلي.. يا ريت الحل. soso