أنا عندي 19 سنة، لما بدأت أكبر ماما فهّمتني إن ما فيش ولد بيحب بنت، ويكون صادق؛ فقطعت علاقتي بالشباب خالص حتى لو لقيت شاب في شارع ممكن ألِف من شارع تاني. دخلت الجامعة بدأت يبقى فيه تعامل، وحبيت لأول مرة من طرف واحد، وقال لي إحنا إخوات، وبدأت أتغير نهائي من واحدة ما كانتش بتكلم ولد لواحدة عرفت زمايل كتير؛ بس كله في حدود الزمالة. ارتبطت كتير أوي لدرجة إني مش قادرة أحب حد؛ بس أنا كل ده في حدود الكلية وآخري معاهم الكلية مش أكتر، والسلام وهزار بحدود؛ بس وطبعا كل أما ارتبطت بتفشل كلهم بيكدبوا فعلا وصلت لدرجة إني مش عارفة أحب، واتغيرت للأسوأ والتغيير ده مضايقني، وفي نفس الوقت نفسي أرجع زي الأول؛ بس مش عارفة وباتعذب كل يوم، ومش بانام. حاسة إني غلطت غلط فظيع، مع إن غلطي مش كبير؛ بس مخنوقة ومش عارفة أذاكر ولا أعمل أي حاجة في حياتي، وحاسة إن ما حدش هيرتبط بيّ ولا يحبني عشان أنا ليّ زمايل كتير، بجد ساعدوني. S.H.A