أنا من جوة وحشة

السلام عليكم، أنا فتاة عندي 21 سنة وكل الناس بتقول عني جميلة، وأحيانا الشيء ده بيرفع معنوياتي وأحس أني مميزة،
أنا فعلا كل ما أروح مكان بكون ملفتة للأنظار الجامعة أو حتى رحلة أو لما أسافر .. على الرغم من ده أوقات كتير بيكون مزاجي وحش، وأحس إني وحشة ومش جميلة خالص، ليه ماعرفش مع أن بيتقدم لي عرسان كتير أوي بس مش باوافق .. أوقات كتير أسأل نفسي هو في إيه وحش في وشي؟ يوم أقول مناخيري لا بشرتي لا جبهتي، وأنا كل ملامحي جميلة ومتناسقة، ورحت لاتنين دكاترة تجميل والاتنين قالوا إني وشي جميل أوي ومش محتاج حاجة، ماما قالت لي يمكن حاسة كده لأنك خمرية وأختك شقراء مثلا .. أنا عارفة إني جميلة لكن نفسي ناقصها شيء، حتى الإنسان اللي أنا مرتبطة بيه معجب بشكلي ودايما بيفرح بيّ ودايما بيقول لي إنتي جميلة، بس حتى مشاعري من ناحيته اتغيرت الفترة دي.
أنا أخدت شهادة جامعية عالية، ولسه هاكمل وقبل الامتحان توقّفت بسبب الإحساس ده.. في إيه فيّ؟ أنا ما لي؟ باسأل نفسي كتير الفترة دي الحياة تقليدية وأنا عاوزة أكتر، حاسة إن جوايا شيء عاوز يخرج.. مش عارفة أكمل كده عاوزة أغير حياتي بجد .. فيه ناس بتقول لي إنتي جميلة جدا علشان كده بتفشلي مع اللي بترتبطي بيهم، وناس تانية بتقول ده دلع.
أنا من جوايا مش حلوة.. فاضية حيرانة وقلقانة، ومش عاوزة أتجوز دلوقتي، وخايفة أكبر.. وكمان أنا وخطيبي متصارحين مع بعض، لكن باغير لما ألاقيه عمال على فيس بوك بيكلم بنات كلام عادي جدا؛ لأنه محترم نسبيا .. أنا عرفت واحد عليه واتعلقت بيه وبقيت أبكي طول الوقت، كان عامل زي أب حنون جدا رقيق وشدني ليه، وبعدت فجأة عنه ومشاعري واقفة لا قادرة أحب خطيبي زي الأول ولا أكمل مع التاني اللي باحس معاه إني طفلة شقية مدللة وبتشاقى وألعب، وصدره واسع بيستوعب وأكبر مني بعشرين سنة .. حيرانة ومحبطة أنا باختصار عروسة خشب، يا ترى أسافر وأبدأ دراسة جديدة غير اللي كنت بادرسها؛ لأني كرهتها ولا أتجوز وخلاص زي كل البنات؟
pretty
فضفضة
برغم إبداء الجميع لإعجابهم , إلا أن ثقتك بنفسك مهزوزة , و السبب أنك لم تصادفي من يخاطب عقلك ويناقش أفكارك مما تسبب لك في شعور أنك لاتملكين سوى جمال الشكل , وهو نفس الأمر الذي دفع بك إلى إستحسان وجودك بالقرب من الرجل الثاني في حياتك , والذي عوض نسبيا ماتفتقدينه مع الآخرين حتى خطيبك , ربما السبب يرجع إلى خبرته الحياتية حيث ذكرتي أن فارق العمر بينكما بعيد أو لفهمه لطبيعتك وكيفية التعامل معها بدون مجهود منك في شرح هذا .. وشعورك معه بأنك أكثر مرحا لا أكثر من شعورك بالتعويض لفجوة حدثت بينك وبين نفسك والتي شاركتي فيها بنسبة كبيرة , حل مشكلتك سيبدأ بقرار منك , إخلقي لنفسك مجتمع صغير يناسب ويوائم طبيعتك مع أصدقاء تختاريهم ويختاروكي بعيدا عن المظاهر .. مجتمع تجدي داخله إمكاناتك الحقيقية سواء إمكانات خاصة بموهبة ما لديك أو إمكانات خاصة بتوظيف قدراتك , يمكنك فعل هذا بسهولة بدلا من التفكير في الهروب مثل السفر , جربي التقدم لعمل أو جربي إنشاء مشروع خاص بك وإن كان بسيط , إدخلي برأس خطيبك وإبحثي داخلها وفتشي عن الأشياء المشتركة بعيدا عن جمالك , واصنعوا سويا مملكة لها طابع خاص بطبيعتكم , التجربة بشكل عام لا تتسبب في خسارة بل إستمرارك بما انت فيه الخسارة بعينها .
نيفين حجازي