خالد الصاوي: كفاية ذل بقى!

وجّه الفنان خالد الصاوي رسالة قوية للشعب المصري عَبْر صفحته الشخصية على موقع التواصل الاجتماعي فيس بوك؛ بضرورة النزول للميدان ومساندة الثورة.
وقال الصاوي عبر صفحته اليوم (الأربعاء): "أنا بانزل مظاهرات مِن وأنا عندي 18 سنة، الغاز اللي اضّربنا بيه الليلة دي غير أي غاز عدّى عليّ من 30 سنة، يا إخوانا إحنا بنتعامل أوسخ من الكلاب".
وأضاف: "شباب متصاب من الداخلية بيطالب بحقّه بعد إصابته بعشرة شهور يقوموا يضربوه زي ما ضربوا أهالي الشهداء قبل كده، ولما يتعاطف ناس معاهم يتقتلوا ويترموا جنب الزبالة، ولما يتضامن ناس معاهم يضربوهم بغاز شديد الخطورة.. لو وافقنا على ده كله نبقى ناس بلا كرامة!!".
وأتبع: "هو ده أساس الموضوع مش عاوزين تفريعات فارغة.. أنت لو في بلد غربي مش هتجرؤ تقول: وهم إيه اللي ينزلهم يتظاهروا؟ علشان هتلاقي عيّل صغير يبص لك بازدراء ويقول لك: وهو ده مبرر إنهم يتعاملوا كده؟! كل من يريد أن يؤسس لكرامة الإنسان المصري لازم يصر على محاسبة الطغاة، كفاية ذل بقى!".
وكان أسامة حمزة -الطبيب في المستشفى الميداني- قد قال في تصريحات لوسائل الإعلام إن قوات الأمن المصرية تستخدم قنابل غاز مختلفة عن الغازات التي استخدمت في مواجهات سابقة.
ويشعر الكثير بالإحباط من بطء وتيرة الإصلاحات السياسية؛ بعد الإطاحة بنظام الرئيس المخلوع حسني مبارك في فبراير في انتفاضة شعبية عارمة.