أصابة "خالد الصاوي" بعمى مؤقت.. ب"التحرير"

كتب الفنان خالد الصاوي على صفحته الشخصية على موقع التواصل الإجتماعي "الفيس بوك" اليوم الإربعاء، حول رفض الشعب المصري خطاب المشير طنطاوي رئيس المجلس الأعلي للقوات المسلحة الذي القاه أمس علي خلفية أحداث التحرير.. قائلاً: "أنا بنزل مظاهرات من وأنا عندي 18 سنة، الغاز اللي انضربنا بيه الليلة دي غير أي غاز عدى عليا من 30 سنة، وشباب متصاب من الداخلية بيطالب بحقه بعد إصابته بعشر شهور يقوموا يضربوه زي ما ضربوا أهالي الشهداء قبل كده، ولما يتعاطف ناس معاهم يتقتلوا ويترموا جنب الزبالة، ولما يتضامن ناس معاهم يضربوهم بغاز..متابع قائلاً: هو ده أساس الموضوع مش عاوزين تفريعات فارغة.. انت لو في بلد غربي مش حتجروء تقول: وهم ايه اللي ينزلهم يتظاهروا؟ علشان حتلاقي عيل صغير يبصلك بازدراء ويقولك: وهو ده مبرر انهم يتعاملوا كده؟!" - علي حد قوله.
ويذكر أن خالد الصاوي أصيب - أمس - بعمى مؤقت من أثر الغاز المسيل للدموع في ميدان التحرير، وذلك لمدة نصف ساعة حاول فيها المستشفى الميداني معالجته.