حلم 2

الحلم:
حلمين.. الحلم الأول: أنا حلمت بخطيبي حلم وحش، وخايفة عليه جدا لأن أنا أوقات كتير باحلم بحاجات مش كويسة وبتتحقق! حلمت إن هو تعبان جدا، وكان فيه مكان زي مستشفى، وأنا كنت معاه واتكلمنا كتير؛ بس هو كان قاعد وأنا واقفة، وفيه بيننا سرير، وقال لي على كل شيء يخص مرض صدره بالتفصيل، أنا كنت مستغربة جدا في الحلم، وكنت فاكرة كل شيء كويس؛ لكن لما صحيت نسيته هو أصلا في الحقيقة خطيبي تعبان بنفس الموضوع صدره؛ بس هو عمره ما وافق يقول لي عنده إيه ودايما بيقول لي أنا هاموت صغير؛ بس مش من صدري من شيء تاني عشان كده كنت متنرفزة أوي أن أنا حلمت بالشيء اللي نفسي أعرفه وعرفته وفي الآخر نسيت، ولما قلت ليه الحلم قال لي: الحمد لله إن إنتي نسيتي، ده من نعمة ربنا علي. أنا هاتجنن عليه، وباخاف عليه أوي يا ريت تعرفوني معنى إيه الحلم ده؟؟
الحلم التاني حلمت بواحدة أنا مش بحبها هي مش مصريه أجنبية لأنها مغتربة عن مصر؛ لكن عمري ما قابلتها ولا كلمتها ولا بحبها أصلا، بابا وماما وإخواتي قابلوها وكلموها أنا شفتها في صورة؛ بس حلمت إن هي ماتت وبابا كان حزين عليها جدا، وأنا كنت فرحانة فيه (هي أصلا تبقى زوجة بابا التانية) عشان كده أنا مش بحبها وعمري ما حلمت بيها؟!
يشير الحلمين لتأثرك النفسي بكل من حالة خطيبك وبزوجة والدك، لينعكس في الحلم الأول قلقك على خطيبك ورغبتك في كشف ما تخافين عليه منه، وأستغرب كيف يتم مشروع زواج دون معرفة أمر ضروري كهذا لأحد الطرفين عن الآخر، وفي الثاني رغبتك في اختفاء زوجة أبيك.