قال إيه عايزني أتحجب

هاي أنا عندي 20 سنة في كلية من كليات القمة، الحمد لله كل سنة بانجح بتقدير مرتفع وبانزل تدريب وباخد كورسات كتير علشان أتخرج وأشتغل وده حلم حياتي واللي شاغل تفكيري، المهم أنا عمري ما ارتبطت لأني مقتنعة إن اللي يستحقني هو اللي يكمل معايا للآخر مش اللي نقضي مع بعض كام شهر والموضوع ينتهي.
تقدم لي شخص محترم جدا وابن ناس وفي منصب مرموق هو أكبر مني ب13 سنة بس أنا مش حاسة بالفرق ده؛ لأن شكله صغير أوي وماحدش بيديلوا السن ده أنا حبيته أوي وهو كمان بيحبني بس لقيته بيخنق عليّ أوي، ومن طبيعة دراستي وشغلي مش محجبة هو عايزني أتحجب ومش عايزني أشتغل، ولما أتكلم معاه في الموضوع ده يقول لي الموضوع منتهي وماتتكلميش فيه، إنتي غير اللي أنا كنت باحلم بيها بس علشان حبيتك باحاول معاكي إنك تكوني اللي باحلم بيها.
هو عايز يتجوز واحدة منتقبة ويعمل فرح إسلامي وماتكونش بتشتغل، أنا مش عارفة أعمل إيه بارفض أنزل التدريب علشانه وأهلي مستغربين أنا ليه رافضة ومايعرفوش إن هو اللي رافض أعمل إيه أكمل معاه وأتنازل عن طموحاتي ولا أسيبه وأحقق الحلم اللي طول عمري باحلم بيه أنا محتارة أوي مع إنه بيتقدم لي كتير أوي، ومش معترضين على شغلي خالص، بس أنا بحبه هو وعايزاه هو أنا محتارة أوي بجد أرجوكم قولوا لي حل.
shahod
فضفضة
ما أنصح به دائما هو الإبتعاد عن محاولة تغيير طبائع الآخرين فهي فكرة فاشلة ولا تاتي سوى بالمتاعب وفي النهاية لم يتغير أحد , من هنا أستطيع القول بأن طباعك وطباع خطيبك متنافرة تماما , لذلك تجدين صعوبة في تقبل ما يطلبه منك لدرجة تدفعك لرفض الدخول في مناقشة من الأساس .. على الرغم من أن نموذج هذا الرجل تعتبره فتاة أخرى صيدا ثمينا .
إسألي نفسك : هل أنا من النوع المرن الذي يتقبل فكرة التغيير الجذري في حياتي وشكلي وسلوكي ؟ وهل استطيع التنازل عن فكرة العمل ؟ هل استطيع قبول سياسة الأمر الواقع بدون نقاش كما هو واضح بلهجة خطيبي؟
صارحي نفسك بالإجابات الحقيقية ستعرفي مصيرك مع خطيبك بينما إذا خدعت نفسك وخالفتي رغبتك وطبيعتك ستظلمي نفسك وخطيبك فالطبائع يصعب تغييرها وإن تم الزواج ستصلي إلى نفس النتيجة وستسألي نفسك من جديد نفس الأسئلة , وللعلم أنا أنصحك بعيدا عن فكرة الأفضل من الناحية الدينية فالأمر ليس حجابا أو جلوس في البيت بقدر ما هو فرض رأي بدون مناقشة الأمر الذي يتسبب في إضطرابات لصاحبات الشخصيات القيادية التي تنتمين أنت إليهم .