هأو .. هههههه ... وكمان هأو

بقلم جلال الهجرسي النقشبندي
لما الناس تقول على 6 ابريل .. 6 ابليس
لما الناس تسمى كفاية ... كفاية خراب
لما الناس توصف الائتلافات والشباب بالمنحرفين
والبلطجية والاجندات .. وكمان الشيوعيين والكفرة
والليبراليين يسموهم المنحلين العرايا
ولما الاخوان والسلفيين يهاجموا الثورة من يوم 25 يناير
ويوصفوهم بالكفرة ويحرموا الخروج على الحاكم
وفى يوم الغضب يتكسفوا على دمهم علشان شبابهم
مايكفروش بيهم ويسيبوا لهم الجماعة ينضموا للثورة ويموتوا مع الشهداء
يبقى الثورة دى بتاعة مين ...
ابليس .. ؟ .. ولا كفاية خراب ...؟؟
ولا المنحلين ..؟؟؟ ... ولا الكفرة ...؟؟؟ولا الاجندات ...؟؟
وكل مليونية مرة الاخوان يمتنعوا ومرة ينزلوا .. ومرة السلفيين يمتنعوا ومرة ينزلوا
وكل احتكاكاتهم جوا الميدان استفزازات مريرة للثوار
وتكفير للستات قبل الرجالة والشباب
واستهانة بعرض فتاة مصر المنتهكة على ارض الميدان
وتسليط الناس المغرر بيهم ضد جماعة كاذبون وخناقات فى الشوارع
عاوزين يوفروا اجور البلطجية بعد خناقاتهم قدام اكاديمية الشرطة
اختلفوا على الفلوس واجور الهتيفة .... زى الحرامية اللى اتخانقوا والسريقة بانت
يبقى الثورة دى بتاعة مين ....؟؟؟
الثورة دى بتاعة الشعب
بقيادة عقول وفهيمة الشعب
ومبايعة جموع الشعب
وقوة شباب الشعب
ومقاومة اندال واوساخ الشعب
ورقصة انتهازيين الشعب
وخيانة منتفعين الشعب
والمثل بيقول خد من التل يختل
وفلوس البلطجية بدات تشح وتقل .. والحناقات بانت ومظاهرات محاكمة المخلوع واسفين ياريس اتهدت على حيلها .. وبدات فى الغروب ...
وكمان ادلة الادانة ظهرت وتكسير مقاديف الشعب معادش نافع
واللى شهد زور متخافوش منه ... هيتنفخ هيتنفخ ...
باقى الغلابة من الشعب اللى الفقر والجهل النفسى نخر عضمهم
وعقولهم اتشفرت على الخوف من الخراب وضياع الرزق ولقمة العيش
بسبب ايمانهم الضعيف وغربال الثورة لسة بيهز ...
اما اعزائنا فلول واوساخ الشعب مالهومش عندنا غير :
هأأأأأو ...... ههههههههههه ... وكمان هأأأأأو ...