بقلم : احمد عبد الله اقتلنى ونا مش هقتلك..؟ اضربنى ونا مش هضربك...؟ موتنى مش راح اموتك..؟ صوت الرصاص مبقاش يخوفنى خلاص هو انت بتموتنى ليه..؟ مبقتش اخاف صوت الرصاص!!!؟ مبقتش اخاف من سطوتك هو انت ايه..؟ مين حضرتك انا مصرى راسى كتير لفوق؟؟ نارى هنا؟؟ افضل كتير من جنتك؟؟ وده فرق بين دم الشهيد ونا ربى هيكرمنى فوق...؟ والنار هتاكل جتتك لا نجومك اللى فوق كتافك تنفعك؟ ولا ظلمنا راح يمنعك ولا اى دين هيرجعك ومفيش ف حد هينجدك ====== هو انت فعلا بتحب مصر ياترى لسه بتقول ارفع راسك فوق انت مصرى ياترى هتفضل لامتى قاعد وبتتفرج وتقول انك اغلبيه صامته ياترى امتى هتكمل صراخك وتتكلم ياترى بعد متقرا كلامى لسه هتقول منكم لله خربتو البلد ======== مشاهد من الميدان اليوم التانى لثوره ملحق الثوره كر ... وفر... رصاص... قنابل دخان... ناس بتتسحل.. شيوخ بتكبر... بنات بتصرخ....خبط على الصفيح او على الحوائط ناس بتجرى فى كل مكان....صوت واحد بس هو اللى مسموع ..... صوت مصر ارفع راسك فوق انت مصرى؟؟ ياترى مين اللى مقوينا ورافع راسنا كده ومش مخوفنا من صوت الرصاص لدرجه ان سماعو عندنا اصبح زى اصوات الموسيقى نطرب لسماعه ونغنى .... نشيد بلادى بلادى .... لكى حبى وفؤادى كلما سمعناه....؟ ياترى بعد منشوف منظر بنت بتتشد من شعرها ووتتسحل فى قلب الميدان ؟؟؟ ولا شاب بيضرب بكل انواع الاسلحه من عصى وكهربا وشوم لحد ميبقى جثه هامده واحنا من بعيد ... مش عارفين نعمل اى شئ غير نقول .... يااارب... ياارب جايز الكلمه دى تهزهم او ترعشهم او تخوفهم وهما بيسحبوهم الى مقالب القمامه((الزباله))كأن اصبح المصرى من النفايات او من مخلفات البهوات او البشوات اللى لا زالو يحتلونا فى ظل حكم ما بعد مبارك وبدلو مبارك بمبارك اخر اشد فتكا وقسوه ... كاننا نعيد نفس الاختراع من جديد اختراع ازاى تضحك ع الشعب المصرى اللى كما اعلم هو ازكى شعب فى العالم ففى قمه غضبنا بنصنع الفكاهه وبنرسم الضحكه على الوجوه وبنعمل وبنخترع النكته من اقل حاجه...؟؟ شيخ كبير وابنه المعوق حولنا نخلصه من ايديهم لانو الاقرب لينا وكان على مرمى بصرنا بيساعد ابنو عشان ينسحبو ويبعدو عن مكان السحل والضرب والهجوم على اهل فلسطين من القوات الاسرائليه لدرجه قال ليهم حرام عليكم هو انتم يهود ... وهات ياضرب عليه وبيحاول يجر ابنو هو والموتو سيكل بتاعه وتدخلنا لتشتيت انتباهم وهجمنا اكتر من عشرين شاب لمسعدتهم مش خيفين من التهديد بالسحق وقررنا تخليصهم وللاسف خلصناهم .....بس مش عرفنا للاسف نخلف الموتوسيكل بتاعه ....وبعد مبعدنا احنا والشيخ وابنه اللى عرفنا ان ابنو من مصابى الثوره اللى لاقو اشد الاهانه وان الموتوسيكل ده جيبو بالقسط وحاول ان يتركنا للزهاب اليهم ويبعدهم عن تكسير الموتوسيكل بل ووصلت بيهم البجاحه لازلال الشيخ وابنه واحنا.... انهم بدائو يولعو فى تنك البنزين وبعدو بعيد وانفجر التنك ... وبكى الشيخ وقام بالصراخ حسبنا الله ونعم الوكيل ... منكم لله والتهمت النيران احلام هذا الشاب؟البسيط هو وابوه وربتنا على كتف الاب وقلنا ليه الحمد لله المهم انتم بخير دول كفره ميعرفوش ربنا وقلنا ليه سلم امرك لله وقول يارب فشكرنا وتركناه يعود الى موتسيكل ابنه ليلم من تبقى منه من اواراق او ادوات الخ .........؟ الى هذه الدرجه هانت عليكم الاستخاف بمصر وابناء مصر واهل مصر يعنى لا بترحمو ولا بتخلو رحمه ربنا تنزل....؟؟ واااااارباه ربنا عليك بهم فانهم يعلمون ما يعملون....!!!!؟ ناس بتجرى هنا وهناك لا نعلم احنا ريحين ولا جايين دخلو الميدان تكسير وضرب واهانه ورجوع الى شارعهم البعيد عن الوزراره باكتر من 500متر يعنى مفيش داعى اصلا للاستفزاز فكل شويه يخرجو الى منتصف الشارع ويطلقو طلقات مباشره باتجاه الميدان ليه منعرفش برغم اننا لانملك الا الهتاف فقط وفى بعض الاحيان يرد الثوار عليهم بالطوب لارجاعهم وابعادهم الى حدودهم فلا تصدقو ان فيه حد هاجم الوزاره او حاول يهجمهم بالعكس ديما كلامنا لكل الثوار اللى فى الميدان ارجوكم ملكمش دعوه بيهم ارجوكم محدش يروح ناحيه الوزاره .....؟ وللاسف الاستفزاز دائم ومستمر وديما بيحولو يبعتو زبانيتهم من البلطجيه شرطه سريه مش هنقول بلطيجه شرطه منهم لابسين زى مدنى كنا بنشوفهم بيردو على حدف الطوب بطوب وايضا يوجهون حاملى البنادق نحو اطلاق الاهداف ويشجعون رامين القنابل وبمجرد انهم يمسكو حد هات يا ضرب وسحل نفس احداث زبانيه العادلى؟ بل اكثر واكثر كانما العيسوى هو من ياخد الاوامر بالخطط بتعتهم .. مش هو اللى بيدى الاوامر ... جالنا امدامدات كتير من الثوار ومن طلبه الجامعات والعدد بيكبر كل شويه وشفت كميرا مصورين اتكسرت وصحفيين اتضربو واتسحلو وكانو ديما بيدور على اى كميرات عشان يكسروها ومش كده وبس كانو بيطلقو قنابلهم باتجاه المحلات او المبانى او العمارات والشقق عشان تولع والدنيا تخرب اكتر وحضرت انا وبعض الثوار لبعض الاماكن بعد انسحابهم لاطفاء بعض الاماكن وبعض المحلات المغلقه واتصلنا بالمطافى لانقاذ ما يمكن انقاذه.......؟ ياترى مين البلطيجه ارجوكم لو هتشتمونا وهتقولو لينا حرام عليكم خربتم البلد بالله عليكم فكرو الف مره واعرفو اننا عملنا الثوره الاولانيه ومش موتنا زى اللى ماتو ولوكان لينا مصلحه مكناش خرجنا عشان نموت ونبقى مجرد ارقام ومع كده مش زعلانين لاننا ارقام من وزاره الصحه لعدد القتلى او الشهداء او قولو اى حاجه انشالله بلطجيه ...؟ مش مهم المهم تعرفو اانا مكناش صفر على الشمال او ارقام من ارقام الفلول ومليارتهم الفاسده او ارقام من ارقام فلوسهم المسروقه من مصر ...؟ احنا ارقام ماتت وبتموت ولسه هتموت عشانك يا مصر وبعد معدى حوالى 30 جمعه من 11 فبراير لحد دلوقتى وصوتنا اتنبح ومفيش اى حاجه بنشوفها فات 30 جمعه ومفيش اى تقدم ولا محكمات ولا اى حاجه حصلت لحد اخر جمعه ومن كل الجمع دول كنت كل جمعه بروحها بحس باغتراب كل جمعه اكتر من التانيه كل جمعه كنت بروحها بحس اننا مش هنا كانى غريب ع الميدان اللى سال فيه دمى ودمى الشباب ....؟ المره الوحيده اللى لاقيت فيها الثوار هو من يوم السبت اللى فات لحد النهارده حضنت الميدان وبوست ارضه وسلمت ع الثوار الغير منتمين لاى حزب ومنتمين لمصر بس منتمين لحب مصر ثوار بجد مش بلطجيه زى مقالو علينا مش عوزينكم تعملو زى معملتو فينا قبل يوم الجمل لما فعلا قررنا نمشى لما لاقينا الكل علينا والكل بيشتمنا والكل بيحط علينا ....؟؟ لحد مربنا نصرنا بغباء ابناء مبارك وقتلنا بموقعه الجمل بيتكرر بردو نفس العمل كان شئ لم يكن امشو بقا..؟ خنقتونا كفايه خراب للبلد. سيبو الشرطه ف حالها؟ مهو اللى ايدو ف الميه مش زى اللى ايدو ف النار انزلو الميدان هتعرفو مين البلطجى هتعرفو مين اللى بيخرب مصر هتعرفو مين احنا ارجوكم ارجوكم ارجوكم لو مش عاوزينا نكمل وبتقولو كفايه كفايه انتم من انتم احنا بنموت وانتو قاعدين تتفرجو على التلفزيونات ومش سيبنا ف حالنا بنموت عشان يركب الاحزاب واعضاء مجلس الشعب ويدلدل رجله علينا وعليكم من جديد بنموت عشان لينا هدف بنموت عشان بنحاول نعيش بعد مغرنا مات ومخدش منكم غير كلمه ربنا يرحمك ولا شاب زى الورد ولا ربنا يصبر اهله حد منكم شاف قد ايه ف عز البرد كان كل واحد مننا بيتغطى ببطانيه لمده معينه ويديها لصحبو عشان يتغطى بيها شويه كل واحد مننا بيوفر اكله وبيدو اخوه عشان ياكل ويقله انا كلت برغم انى ميت م الجوع كل واحد منا بيوزع نفسو ع اللى هيعمله كانو نحل اللى بيكنس واللى يمسح واللى بيلم الزباله واكترنا اللى محامى واللى مهندس واللى دكتور الخ ارجوكم كفاكم صمت وبلغو كلامنا لو مش هتعرفو تعملو حاجه انشرو كلامنا وشيروه لغيركم جايز حد يدعى لينا ومش يدعى علينا ارجوكم من ارد امنه من اجل حريته فقد كليهما ارجوكم خلو بالكم مننا جايز يكون اخر كلام ليا بس مش هيكون اخر كلام عليا لان كلامى لو مت هيلف على كل الناس وجايز يجى يوم يقراه ابنى الصغير المولود لسه وعندو سنه وهو اصغر ابنائى اللى بتمنى انو يفتخر انى ابوه وانى لو مت شهيد يعرف انى مكنتش يوم صفر على شمال اى رقم ولكن كنت رقم على يمين مصر كابتن احمد من قلب ميدان التحرير
