شباك علي الثورة

اتفرج ياسلام!

واتفرج ياسلام
علي مصر الثورة صاحية
بتبعتر السلام
وتخضر الجناين
وتطير الحمام
واتفرج ياسلاملم
واتفرج ياسلام
***
أنا ياما قلتلكم انتظروا إبداع المصريين بعد الثورة حصل؟
ضحك أحمد القزعة في سعادة وقال:
حصل ياكبير.
وقال عبده شمة مؤمنا
أي والله يا عم أحمد حلتها وسمعناها
وقال أحمد القزعة:
بس انت كنت عارف ياكبير إن ده حيحصل كده؟
قلت:
كده ولا مش كده المهم ان أنا كنت متأكد من إبداع المصريين وبعد ما عملوها أثناء الثورة وأذهلوا العالم كان لازم يعملوها وهما بيخططوا للجمهورية الثانية دولة مدنية يعيش فيها الجميع سواسية يخضروا الأرض ويعلوا البنا ويملوا الدنيا نغم وفرح وربيع.
قال عبده شمة:
البنوتة اللي عم تسأل عمرو موسي وأبو الفتوح بسم الله ما شاء الله زي فلجة الحمر.
وضحك أحمد القزعة قائلاً:
مش خايف ياغيبوبة أم العيال تسمعك؟
فقال عبده شمة:
بس ياد يا تافه انت
قلت لعبده شمة:
بتفكرك بمين البنوتة دي ياحاج عبده
فقال علي الفور:
بتفكرني بالمرحومة سعاد حسني
قلت:
شفت ازاي مصر ولادة ياحاج عبده
قال أحمد القزعة:
مش هي دي ياكبير مني الشاذلي اللي كنت زعلان منها.
قلت:
كنت قبل ثورة 25 يناير لكن بعد الثورة عفا الله عما سلف.
سماح يا قزعة سماح.
وضحك عبده شمة قائلاً:
الله يبشرك بالخير ياعم أحمد.. يعني ممكن الواحد يصالح أم العيال.
وضحك أحمد القزعة قائلاً:
بيقول لك سعاد حسني ياعم الغيبوبة تقوم انت تقول لنا أم العيال.
قلت:
وماله يا قزعة هو شايفها سعاد حسني.
فقال القزعة:
يبقي عمي في نواضره مش كفاية عمي القلب
وقال عبده شمة:
شايف ياعم أحمد جلة حياه وإجرامه.
قلت:
بيهزر معاك ياحاج عبده بيحبك
قال عبده شمة:
حبه برص وعشرة خرس.
قلت:
مش انت بتحبه.
ضحك وقال:
بعد الثورة أيوه بحبه.