شباك علي الثورة

البحر يحب الزيادة

والله يا عم أحمد انت فيك شيء لله صح.
وضحك أحمد القزعة قائلا:
يافتاح ياعليم يارزاق ياكريم ع الصبح نعم ياعم
الغيبوبة هات آخرك وحلصنا
فقال عبده شمة:
أخلصك كيف هو أنت علي ذمتي ياواكل أبوك.
قلت لعبده شمة:
سيبك منه ياحاج عبده وخليك معايا أنا.. أنت كنت بتقول ايه.
قال:
كنت باجولك صح أنت فيك شىء لله
فقال أحمد القزعة:
ودا بمناسبة ايه ان شاء الله
فقال شمة
فاكر ياواكل ناسك لما جال لنا أن اللوحة اللي انسرجت من المتحف مافاتتيش فاروج حسني وسوزان مبارك؟
وقال أحمد القزعة؟
أيوه صحيح هي ايه آخر أخبار اللوحة دي؟
وضحك عبده شمة قائلاً:
مش عمجولك ياعم أحمد الولد ده مغمي عليه
ثم التفت للقزعة قائلاً:
انت ياولد ما بتجرا جرايد من أساسه؟
فقال أحمد القزعة:
سبنالك انت الجرايد ياغيبوبة
فقال عبده شمة:
يبجي خلاص سكر حنكك
وقلت للقزعة:
الجرايد بتقول النهارده إن لجان الجرد للقصور الرئاسية.
عثرت علي لوحة زهرة الخشخاش في قصر مصر الجديدة.
فقال أحمد القزعة:
يامنجي من المهالك يارب ودي مين اللي وداها هناك قلت له:
سيئة مصر الغولة سوزان ثابت
فقال أحمد القزعة:
وهية بتفهم في الفن للدرحجة دي
فقال له عبده شمة: ياولد الفرطوس
هي ماسرجتهاش عشان الفن
فقال أحمد القزعة:
أمال سارجاها عشان ايه يابو العريف
فقال عبده شمة:
عشان تبيعها ياواكل ناسك
وقال أحمد القزعة
وهي ناقصة فلوس ياعم أحمد هي المليارات اللي سرقوها
مش كفاية
قلت:
البحر يحب الزيادة
فقال:
أمال هي بالذات ليه سايبنها بره
قلت له:
بكره نقعد ع الحيطة ونسمع الزيطة وياخبر النهارده بفلوس بكره يبقي ببلاش.
وقال عبده شمة:
يا مري يا ولاد داحنا أتارينا ماكناش عايشين
ولسه حكاية حرق المجمع العلمي
فقال عبده شمة
- ودا كمان ماله
قلت:
قلت:
هي اللي حرقته عشان تسرق النسخة الأصلية من كتاب وصف مصر وتبيعه والأيام بيننا.