تويتر: العسكري شغلته في البلد بورورم

توالت ردود الأفعال الساخرة بين النشطاء عبر تويتر عقب البيان الأخير للمجلس العسكري، وكتبت منال أحمد :"بالذمة المجلس العسكري مش مكسوف وهو بيتكلم على مؤامرة من سنة ومش عارف يتنيل يقبض على حد من أطرافها؟ جتها نيلة اللي عايزة خلف غبي كده"، فيما كتب محمد فواز: "مهمتك في البلد دي إيه يا مجلس؟..بورورم! ".
وقال الناشط حسام حسن :"بقالهم سنة يقولوا مؤامرات وعملاء .. طب امسكولنا مؤامرة واحده من المؤامرات اللي بتحاك أناء الليل وأطراف النهار دي، فيما أضاف الناشط طارق سليم: "يا باشا ده بيقولك: معاركنا من اجل تحرير الوطن وثورتنا في سبيل حرية الشعب.. على كده الثورة دي قام بيها المجلس العسكري بقى".
السخرية امتدت إلى كاتب البيان والمذيع الذي ألقاه، فكتبت أمنية زكي: "طب أنا موافقة المجلس يمشي في شهر سبعه.. بس والنبي اللي بيكتب البيانات يمشي دلوقت"، فيما كتب الدكتور إيهاب: "المجلس العسكري يحذر المتظاهرين و المعتصمين إذا ما روحتوش بيوتكم حأطلع لكم حد يقرأ لكم نفس البيان تاني".
فيما تداول النشطاء بكثافة تعليقا يقول: "في ناس منعرفهمش ممولين من جهات منعرفهاش ناويين يعملو حاجه مش عارفينها لإدخال البلد في طريق معندناش فكره عنه!!".