6 إبريل تكشف حقيقة أحد المتهمين ب "سد البالوعات"

نشرت حركة شباب 6 إبريل حقيقة احد الشباب الذين تم إلقاء القبض عليهم بالأمس من قبل وزارة الداخلية بشأن اشتراكهم في تنظيم جديد متخصص في سد البالوعات زاعمين أنهم ينتمون إلي جماعة الإخوان المسلمين.
حيث قالت الحركة في تدوينة عبر صفحتها الرسمية بموقع التواصل الاجتماعي "فيس بوك "سمعتوا عن تنظيم البلاعات الإرهابي ؟!!دي مش نكتة ، دي حكاية حقيقية من حكايات ومواقف وطرائف وزارة الداخلية المصرية ..".
وتابعت الحركة "امبارح وزارة الداخلية أصدرت بيانا بشأن جهودهم في ضبط تنظيم إخواني متخصص في سد البلاعات، من ضمن أسماء المتهمين في البيان شاب إسمه "عمر خضر"، الشاب ده الداخلية خطفته وأخفوه قسرياً لمدة أكتر من شهر وأهله فوجئوا باسمه امبارح في البيان، والداخلية بتقول إنها لسه قابضة علي الناس دي !!!".
وأضافت "والمضحك أكتر كمان إن أهل "عمر" فوجئوا بنشر صور ليه في البيان بنفس الملابس اللي تم خطفه بيها من شهر، وقال إيه بيمثل استراتيجية سد البلاعة !!واحد عصابة الداخلية خطفوه ومش عارفين يلبسوه تهمة عشان يبرروا بيها جريمة خطفه فقالك أصله بيسد البلاعات!!.
ده غير قائمة موحدة من التهم الأخري اللي تقريباً خلاص حفظناها وعرفنا إن الداخلية بتوزعها علي أي حد بيقبضوا عليه وعايزين يخلصوا منه اللي فات ده قصة "عمر" بس، والله أعلم باقي الشباب اللي أسمائهم في البيان دول كمان جابوهم منين عشان يلبسوهم التهم دي !!! ".