«النفس أماره بالسوء».. تعليق من مصطفى عبده بشأن رباعي الأهلي

علق مصطفى عبده، نجم الأهلي السابق، على أزمات الفريق الأول لكرة القدم بالنادي الأهلي، هذا الموسم.
وقال مصطفى عبده، خلال برنامج «الكورة مع فايق»، المذاع عبر فضائية «إم بي سي مصر2»: «أنا قبل كدة اتكلمت وقولت غرفة ملابس الأهلي هيبقى فيها مشاكل بعد التعاقد مع زيزو، احنا بشر وبنتأثر بأي حاجة وكل واحد مش حامد ربنا على النعمة اللي هو فيها، كل واحد بيبص على التاني».
وأضاف: «أنا قولت غرفة الملابس هيبقى فيها مشكلة أوي، والناس كانت بتقولي إنت مش متفائل ليه، وفعلًا حصل الكلام ده، ودي عملت دوشة في أوضة اللبس بالنسبة للاعبين».
وتابع: «الكابتن الخطيب، لما عرف المشاكل في أوضة اللبس، قرر استقدام وليد صلاح الدين، وكان أولى خطوات الإصلاح».
وواصل: «اللعيبة عندنا ثقافة الاحتراف عندهم ضعيفة جدًا، معندناش ثقافة الاحتراف، وكلاء اللاعبين هما اللي بيحددوا أسعار اللاعبين وليس الأندية، بعد تعاقد الأهلي مع إمام عاشور وزيزو وتريزيجيه وبن شرقي، قولنا هيكسروا الدنيا، لكن طلع النفس أمارة بالسوء، واليل يقول غير كده يبقى مبيفهمش حاجة».
وعن بيع اللاعبين الكبار في الأهلي قال: «النادي الأهلي مبيفرقش معاه كبير ولا صغير، أي واحد من الفرقة عايز يمشي الأهلي عمره يتأثر».